Maart Nuusbrief 2012 - Nutrochem

Maart Nuusbrief 2012
In die volgende 2-3 maande is die volgende siektetoestande en aksies van kardinale belang:
ROOIWATER!!!, VIRUSSIEKTES!! Dekseisoen eindig.
Kalwers:
ZERAMEC
EERSTE SPONSSIEKTE
ONTWURM BEESTE
Knoppiesvel
Stywesiekte
Slenkdalkoors
SKAPE:
Bloutong
Bloednier
Haarwurm
Dip-Brandsiekte & Rooiluis
Perdesiekte
Met die goeie reëns wat ons die afgelope tyd gehad het kan ons verwag dat dit ook gepaard sal gaan met ‘n
toename in die insekoorgedraagde virussiektes, asook groot toename in bosluis getalle.
Voorsorg moet dus getref word teen:
• Knoppiesvelsiekte
• Driedae Stywesiekte
• Slenkdalkoors
• Perdesiekte
Let asseblief op die volgende vir die komende tydperk.
Wat bestuur aanbetref moet ons konsentreer op:
1)Dekseisoen eindig
Dit is belangrik dat die bulle einde Januarie/Februarie uitkom en voorberei word vir die winterdekseisoen.
Doen skedewasse na elke dekseisoen om te verseker dat die bulle nie geslagsiektes opgetel het wat dan in die
winter dekseisoen na die koeie oorgedra kan word nie.

2) Kalwers van hierdie seisoen:
Vanaf nagenoeg 3-5maande oud kry die kalwers;
Eerste Sponssiekte-Moet bree spectrum sponssiekte wees. Ons kry al meer ander tipes
sponsiekte(Clostridia) en die gewone enkel stam sponssiekte entstof is net nie meer voldoende nie.
Groot kalwer verliese kom die laaste tyd voor as gevolg van “Rooiderm”(Clostridium perfringes tipeA).
Herhaal weer op speen met Covexin 10 of Coglavax (breë spectrum). Ontwurm-Lint-en rondewurm middel-Gardal
10%, Prodose Blou ens. Zeramec-Groeistimulant bevat ook rondewurm middel. Proewe tussen
plaaslike boere in ons area het getoon dat waarde van R300-350/kop toegevoeg kan word met een inspuiting
3 maande voor speen (Ideale massa is 100 tot 120 Kg terwyl die kalf by die ma loop) Dit het geen nadelige
effek op teeldiere nie.
3) Rooiwater:
Opgiet- asook dompel- en spreidippe kan in Januarie baie handig gebruik word om die Bosluise in die midsomer
te beheer.
Met die spuit van Virbamec L in die lente was die bosluise baie effektief beheer tot nou. Uitbrake van Rooiwater
het reeds op verskeie plase in die omgewing voorgekom en dit wil voorkom asof die aanslag straf gaan
wees. Die aanbeveling is dat ons nou minstens 2 keer met tussenposes van 18 dae moet dip (opgiet, sprei
of dompel) en dan in Feruarie langerwerkende middels soos ACATAK gebruik om die 2e generasie mee te
beheer.
Langwerkende produkte soos Acatak of DeadlineXtreme wat ‘n nawerking van 3 maande het kan in Februarie,
vir die 2e generasie bosluis, met groot sukses gebruik word. Virbamec LA of Ivomec Gold val in die
Ivermectien groep met nawerking van 42 en 54 dae respektiwelik en moet nie meer as 1 x per jaar gebruik
word nie as gevolg van die gevaar van weerstand en die nadelige effek wat dit op miskruiers en voëls kan hê
met oormatige gebruik.
Ons verskaf nou PYLGEWERE vir behandeling van diere op die veld. Dit beteken dat die dier nie gestres
hoef te word met die inspuitings proses nie-baie beter kans tot oorlewing.
4)Knoppiesvel siekte:
Bevestigde uitbrake van Knoppiesvelsiekte het in die Vrystaat begin voorkom en met die baie nat toestande
kan dit ‘n epidemie deur die hele land word. Sorg dat alle beeste ge-ent is.
5)DrieDae Stywesiekte:
Min gevalle is tot dusver opgemerk. Aangesien dit ook ‘n insekoorgedraagde virus is, is die huidige toestande
ook hiervoor gunstig. Die aanbeveling is dat melkbeeste verseker ge-ent moet word. Manlike diere word baie
erger aangetas as die vroulike. Ent alle Bulle en Osse in die vleisbeeskudde.
6)Slenkdalkoors:
Ons het groot reaksie gekry op die aanbeveling vir enting en ek dink ons is goed voorberei daarvoor.

SKAPE:
Dragtige ooie wat Febr/Mrt gaan lam moet nou Multimin & VitA, MultivaxP of Coglavax+Pasteurella en langwerkende
dosering teen Haarwurm kry. Maak seker alle skape is teen Bloutong ge-ent.
Haarwurm by skape: Gemeet aan die aantal postmortums wat ons reeds gedoen het kan ons ‘n geweldige
aanslag verwag. Verlede jaar was daar groot verliese as gevolg van Haarwurm wat ons nie weer wil he nie. Gebruik
nou ‘n middel met nawerking om verliese te beperk. Maak eers die skape skoon met ‘n middel wat ook
weerstandbiedende stamme van Haarwurm beheer (bv Zolvix) en gee dan 2 weke later ‘n middel met nawerking.
(Clomectin,Cydectin,Klosantal)
Zolvix is ‘n nuwe middel van Novartis wat ook ‘n kontak middel is wat ons graag in die Haarwurm seisoen wil
gebruik omdat daar nog geen weerstand teen die middel bestaan nie. Ons moet deur middel van mismonsters
vasstel of daar weerstand op ‘n betrokke plaas is. Merk 10 skape waarvan 1 of 2 misbolletjies van elk van die
skape geneem word uit die rectum, voor dosering en dieselfde 10 skape se mis word weer geneem 10 dae na
dosering om te kan vasstel of daar ‘n verlaging in eier telleing was of nie. Sodoende wil ons graag vasstel watter
middels nog op die plaas gebruik kan word. ZOLVIX is die middel wat ons graag 1x/jaar vir elke skaap wil
doseer om die weerstand wat ooral reeds voorkom te breek.
Koksidiose is ‘n toestand wat veral by lammers meer en meer gesien word. Simptome is vermaering, swak
prestasie en kroniese nat boude. Behandel met Vacoxin sodra die eerste lammers begin met diaree.
Perdesiekte word ook deur muggies gedra en kan ook vanjaar ‘n epidemie word. Alle perde moet nou ge-ent
word.
(JJ Kroon)
Kontak gerus u Verteenwoordiger vir enige navrae:
Johan Herholdt (Verkoopsbestuurder – Mpumalanga, Vrystaat en Noord Natal) 082 378 3334
Hercules Barnardt (Verkoopsbestuurder – Limpopo, Gauteng en Noord Wes) 073 286 3267
Albertyn Greyling (Verteenwoordiger – Oos Vrystaat en Mpumalanga) 072 291 5574
Louis von Bratt (Verteenwoordiger - Mpumalanga) 071 874 4430
Fanie Lombaard (Verteenwoordiger – Noord en Wes Vrystaat) 079 498 4474
Fanie Ungerer (Verteenwoorder - Noordwes & Gauteng) 083 404 9464
Hein Sutherland (Verteenwoordiger - Noordwes) 083 388 1003
Rudi Yzelle (Verteenwoordiger - Limpopo) 082 824 3868
Kantoor: Chris Hani str. 60 • Bethal • 2310
Email: admin@nutrochem.co.za
Tel: 017 647 2779
Faks: 086 530 0828
Directors: PI du Plessis (Managing) CJ Herholdt and HP Barnardt | Reg. No: CK2005/068227/23 | BTW No: 4480225160