SINODALE REGULATIEWE KODE - Sinode Hoëveld

SINODALE REGULATIEWE KODE
ONDERWERP: HOOFSTUK....: SINODALE BELEIDE EN PROSEDURES
EFFEKTIEF: 2009-10-01
Afdeling ...........: KONTANTBESTUURS- EN BELEGGINGSBELEID VAN DIE SINODE
HOËVELD p.1 van 12
1. BELEIDSVERWYSINGSNOMMER:
2. VERVANGDE BELEIDSNOMMER:
3. AFDELING VERWYSINGS: BELEGGINGS
4. SDK VERWYSING(S):
5. SKF VERWYSING(S):
6. BELEGGINGSKOMITEE VERWYSING(S):
7. SINODE VERWYSING:
8. VOLDOENINGSBEAMPTE:
9. VERANTWOORDELIKE BEAMPTE:
10. IMPLEMENTERINGSDATUM:
11. ADMINISTRATIEWE OUDIT:
GOEDKEURING:
GETEKEN DEUR DIE VOORSITTER VAN DIE SDK OP
1

KONTANTBESTUURS- EN BELEGGINGSBELEID VAN DIE
SINODE HOËVELD
1. INLEIDING
As rentmeesters van alle fondse van die Sinode is die Sinodale Dienskommissie (SDK) en
amptenare van die Sinodale Kantoor onder ‘n verpligting om te verseker dat kontant so
effektief, doeltreffend en ekonomies moontlik bestuur word.
Die bestuur van die beleggings en kontant van die Sinode is dus baie belangrik, aangesien
die inkomste uit die opbrengs daarvan voortdurend deel uitmaak van die bedryfsuitgawes
van die Sinode. As gevolg van hierdie verantwoordelikheid is dit dus belangrik om ’n
Beleggingsbeleid daar te stel, wat die riglyne en beginsels waaronder die beleggings deur
die Sinode bestuur moet word, sal bepaal. Alle deelnemende rolspelers moet voldoen aan
die beginsels, soos aanvaar in die Beleggingsbeleid. Die Beleggingsbeleid is ’n lewende
dokument en kan op ’n jaarlikse basis aangepas word om aan die behoeftes van die Sinode
te voldoen..
Die SDK het die verantwoordelikheid om alle sodanige fondse omsigtig te bestuur en te belê
en daaroor aan die Sinode verslag te doen.
2. WOORDOMSKRYWINGS
Beleggings is fondse wat onmiddelik benodig word om uitgawes te bestry (Kort Termyn
fondse) en tweedens fondse wat nie benodig word om uitgawes te bestry nie (Medium tot
Lang Termyn fondse) en belê is by goedgekeurde finansiële instellings;
Belegging: Langtermyn is ‘n vaste belegging wat gemaak is vir ‘n periode van 1 jaar en
langer;
Belegging: Korttermyn is ‘n belegging vir ‘n periode korter as 1 jaar;
Finansiële Instelling beteken enige instansie wat verwys na die definisie van “Finansiële
Instansie” in Afdeling 1 van die Raad van Finansiële Dienste wet, 1990 (Wet No. 97 of
1990.);
Hoof Finansiële Beampte beteken die beampte van die Sinode aangestel om administratief
aan die hoof te staan van die finansiële departement van die Sinode.
3. DOELWITTE
Die doelwitte van die kontantbestuur- en beleggingsbeleid is:
3.1 Om die kontantposisie van die Sinode op so ‘n manier te bestuur dat
genoegsaam kontant beskikbaar is om die kapitaal en lopende uitgawes op
die begroting van die Sinode te finansier.
3.2 Om die beste moontlike rente op beleggings te verdien, sonder om onnodige
ooglopende risiko’s aan te gaan.
2

4. BESTUUR VAN KONTANT
4.1 Alle kontant wat die Sinode toekom, moet gevorder word deur, onder andere,
die streng toepassing van die Sinode se Kredietbeheerbeleid.
4.2 Eksterne lenings moet, met inagneming van rentekoersneigings, betyds
opgeneem word;
4.3 Die kontantvoorraad van die Sinode moet op sodanige vlak gehou word
sodat dit genoeg is om die daaglikse operasionele aktiwiteite van die Sinode
te finansier. Vir hierdie doel moet daar maandelikse en jaarlikse kontantvloei-
vooruitskattings gemaak word. Afhangende van omstandighede kan
beleggings op lang- of korttermyn gemaak word.
4.4 Betaling van Krediteure
4.4.1 Weens hoë bankkoste in verband met tjekbetalings is dit noodsaaklik
dat betaling van krediteure, waar moontlik, beperk word tot een
betaling per krediteur per maand. Betalings moet so ver moontlik
elektronies geskied onderworpe aan streng beheermaatreëls.
4.4.2 Behoorlike oorweging moet gegee word aan voorwaardes vir
krediettermyne en korting vir vroeë betalings.
4.5 Bestuur van Bankoortrokke fasiliteite
4.5.1 ‘n Bankoortrokke fasiliteit mag verkry word slegs met die instemming
en goedkeuring van die SDK;
4.5.2 ‘n Bankoortrokke fasiliteit mag verkry word met die verwagting van ‘n
posititiewe inkomstestroom om kapitaal projekte te finansier of in
afwagting van goedgekeurde kapitaal toekennings of langtermyn
lenings.
4.5.2 Die bankoortrokke fasiliteit moet afgelos word aan die einde van elke
finansiële jaar of by voltooiing van die projek waarvoor bankoortrokke
fasiliteite bekom is.
4.5.3 Indien ’n bankoortrekking benodig word om kort termyn
bedryfsuitgawes te befonds mag dit slegs vir ’n periode van
maksimum 12 maande geldig wees waarna dit afgelos moet word.
5. DOELWIT VAN DIE BELEGGINGSBELEID
Die doelwit van die Beleggingsbeleid is om die Sinode te ondersteun in die
effektiewe monitering en bestuur van die beleggingsfonds deur middel van die
volgende:
5.1 Hierdie dokument onderskryf die verwagtinge, doelwitte en riglyne van
die Sinode.
5.2 Hierdie dokument vertaal die verwagtinge, doelwitte en riglyne van die
Sinode in ’n beleggingsopbrengs, waarin onderskei word tussen kort-,
medium- en lang-termyn opbrengs.
5.3 Die daarstel van ’n beleggingstruktuur wat die bates van die Sinode kan
bestuur op ’n effektiewe manier, sodat diversifikasie en
risikoverspreiding, sowel as ’n effektiewe langtermynopbrengs van die
beleggings bereik en bepaal kan word.
3

5.4 Die daarstel van riglyne om moontlike beleggingskonsultant(e) en
beleggingsbestuurder (s) te kan gebruik.
5.5 Om effektiewe kommunikasie tussen die Sinode, die beleggingskonsultant(e)
en die mark te bewerkstellig.
5.6 Die daarstel van kriteria waarvolgens die Sinode se
beleggingsopbrengste op ’n gereelde basis moniteer en evalueer kan
word.
5.7 Om te verseker dat daar aan alle regsaspekte en fidusiêre
verantwoordelikhede, sowel as effektiewe bestuur uiting gegee word.
5.8 Om kriteria daar te stel waarvolgens die opbrengs in terme van die
volgende gemeet kan word:
Een: Opbrengs wat jaarliks in die lopende begroting gebruik kan word.
Twee: Opbrengs waarmee die reserwes uitgebou kan word.
Drie: Opbrengs waarmee die bydraes van Gemeentes tot die begroting
verminder kan word.
5.9 Die reserwes word opgebou om voorsiening te maak vir die volgende:
Onvoorsiene ontwikkelings en uitgawes.
Reserwes moet ook voorsiening maak vir onverwagte marktoestande
wat beleggingsopbrengste negatief beïnvloed.
’n Daling in bydraes vanaf die Gemeentes.
6. RIGLYNE VAN DIE BELEGGINGSBELEID
6.1 TYDSBEPALING - daar is twee oorwegings:
Een: Kontantvloei. As gevolg van die bedryfsbehoefte, is dit noodsaaklik dat
voldoende fondse in ’n bateklas belê word, wat kontantfondse beskikbaar
stel, sodat die nodige maandelikse aanvullings gedoen kan word, om die
bedryfsbehoefte te ondersteun.
Twee: Opbou van Reserwefondse. ’n Fonds is net so sterk en kan net soveel
diens lewer, soos wat die reserwes dit toelaat en daarom is hierdie aspek
van kritiese belang om ’n effektiewe langer termyn visie te kan befonds.
6.2 RISIKO TOLERANSIE
Die bestuur van risiko is vir die Sinode van uiterste belang en dit moet ’n
baie hoë prioriteit geniet in die samestelling van verskillende tipes
bateklasse.
Aangesien die Sinode ’n organisasie is wat met gemeentegeld
funksioneer om hulle doelstellings te bereik, kan allokasie oor ’n spektrum
4

geskied vanaf verskanste risiko tot ’n hoër mate van risiko, solank die
Sinode op ’n ingeligte en verantwoordbare wyse die bates kan bestuur.
6.3 FONDS VERANTWOORDELIKHEID
Die belangrikste doelwit van die fondse is om die verantwoordelikhede na
te kom ten opsigte van die beginsels, soos vervat in die Kerkorde. Die
beleggingsfunksie word juis só gestruktureer om die doelwitte te bereik.
Aangesien die finansiële verpligtinge ’n voortdurende verpligting is, moet
die beleggingsopbrengs te same met jaarlikse inflasie aanpassing,
voldoende wees om die groeiende uitgawes van die Sinode te befonds.
(Hierdie is die verwagting oor die die kort-, medium- en lang-termyn van
die opbrengs van die fondse.)
6.4 OPBRENGSVERWAGTINGE
6.5
Die langtermyn opbrengsverwagtinge van die fonds word bepaal deur die
onderliggende kontantvloei en die inflasiekoers soos van tyd tot tyd deur
die mark gerapporteer.
KONTANTBELEGGINGS OPBRENGSDOELWIT
As metingsmaatstaf word die Alexander Forbes se Stefi Indeks
voorgestel. Hierdie indeks is ‘n daaglikse terugkyk indeks wat ‘n 3
maande + periode evalueer t.o.v. ‘n vooraf vasgestelde reeks geldmark
instrumente.
6.6 TERMYNBELEGGINGS OPBRENGSDOELWIT
Vir termynbeleggings word die volgende metingsmaatstawwe voorgestel:
Bateklas Indeks / Metingsmaatstaf
Vaste Inkomste Beleggings Alle Effekte Indeks (ALBI)
Plaaslike Groeibeleggings VPI Inflasie + 4%
Internasionale Beleggings MSCI Wêreld Indeks
Eiendom Beleggings VPI Inflasie + 4%
6.7 BATE-ALLOKASIE
Die Sinode het die kort- en langtermyn opbrengspotensiaal van verskeie
bateklasse oorweeg en ’n gebalanseerde risikobenadering word soos
volg voorgestel:
Kontant of naby-kontant
Vaste inkomste sekuriteite, soos aangebied deur die regering en/of
die banksektor
Plaaslike groei- / ekwiteitsbeleggings
Eiendom
Internasionale Beleggings
5

6.8 STRATEGIESE BATE- ALLOKASIE
Laer Limiet Strategiese
Allokasie
Hoër Limiet
1. Kontant en vaste inkomste
beleggings byvoorbeeld Promesse
30% 30 – 50% 100%
2. Groei / Ekwiteite Plaaslik
(Kapitaal Gewaarborg)
5% 20 – 30% 50%
3. Groei en ekwiteit plaaslik
(sonder kapitaal waarborg)
5% 20 – 30% 40%
4. Eiendom 0% 5 -15% 20%
5. Internasionale Beleggings 0% 5 – 10% 10%
6.9 HER-EVALUEERING VAN STRATEGIESE BATE-ALLOKASIE
Die verskeie bate-allokasies in enige bateklas mag verskil met ± 5 – 10%
afhangend van marktoestande en herevaluering kan op ‘n gereelde basis gedoen
word afhangende van mark omstandighede.
7. KONTANT IN LOPENDE REKENING
Die algemene reël is dat kontant in die lopende rekening tot die absolute minimum gehou
moet word, tensy rente hierop verdien word teen ‘n redelike rentekoers en die termyn wat dit
in ‘n vaste belegging belê kan word, nie sodanige belegging regverdig nie.
8. BELEGGINGSINSTRUMENTE
Die Sinode word beperk om gelde te belê slegs in dáárdie beleggingsintrumente wat
goedgekeur is deur die Beleggingskomitee.
9. BELEGGINGS-ETIEK
Die Beleggingskomitee sal verantwoordelik wees vir die belegging van fondse en mag nie
onbehoorlik beïnvloed word in die uitvoering van hierdie taak nie.
10. BELEGGINGSRIGLYNE
Die volgende beleggingsriglyne word neergelê vir die verskillende bate-allokasies
en bateklasse:
10.1 KONTANT OF NABY-KONTANT
Die volgende word voorgestel:
10.1.1 Banke met ’n A1+ of ’n A+ gradering volgens die Fitch IBCA verslag wat
van tyd tot tyd aan die mark voorgelê word.
10.1.2 RSA Regeringsinstrumente.
10.1.3 Internasionale Banke met kantore in SA, wat aan dieselfde
graderingsvereistes (A1+ of A+) soos Suid-Afrikaanse banke voldoen.
6

10.1.4 Korporatiewe papier met soortgelyke gradering as A1 en A1+.
10.2 VASTE INKOMSTE SEKURITEITE
Die volgende word voorgestel:
10.2.1 Banke met ’n A1+ of ’n A+ gradering volgens die Fitch IBCA verslag wat
van tyd tot tyd aan die mark voorgelê word.
10.2.2 RSA Regeringsinstrumente.
10.2.3 Internasionale Banke met kantore in SA, wat aan dieselfde
graderingsvereistes (A1+ of A+) soos Suid-Afrikaanse banke voldoen.
10.2.4 Die Top 6 geregistreerde versekeraars in Suid-Afrika wat produkte
aanbied met kapitaalwaarborge
10.2.5 Nie meer as 30% van die totale Vaste Inkomste Sekuriteite mag in
dieselfde Finansiële Institusie belê word nie.
10.3 PLAASLIKE GROEI EN EKWITEITSBELEGGINGS
10.3.1 Direkte beleggings in Ekwiteite. Ekwiteitsbeleggings in een spesifieke
portefeulje mag nie 20% van die markwaarde van die portefeulje oorskry
nie.
10.3.2 Effekte Trust Fondse met ’n konserwatiewe en gebalanseerde
batesamestelling.
10.3.3 Kapitaal Gewaarborgde Beleggingspolisse uitgereik deur die Top 6
geregistreerde versekeraars in Suid-Afrika wat produkte aanbied.
10.3.4 Kapitaal gewaarborgde beleggingstrukture met ekwiteit as groei
instrument.
10.4 BELEGGINGSBEPERKINGS
10.4.1 Die Beleggingsbeleid word voortdurend gemeet aan die
belastingwetgewing en daarvolgens aangepas.
10.4.2 Die volgende beleggings is nie gemagtig nie:
10.4.2.1 Ongeregistreerde sekuriteite, kommoditeite of
kommoditeitskontrakte, kort verkope en/of marginale
transaksies.
10.4.2.2 Termynkontrakte en Opsies - As deel van ’n
produksamestelling, mag dit ingeprys wees in ‘n produk, maar
nie as ’n aparte bateklas soos deur die Sinode bestuur nie.
10.4.2.3 Direkte beleggings in Internasionale beleggings-instrumente
sonder kapitaalwaarborge.
7

8. BELEGGINGSBEGINSELS
10.4.2.4 Spekulatiewe beleggings mag nie oorweeg word waar
kapitaalverlies ’n risiko is nie.
10.4.2.5 Geen beleggings in maatskappye of produkte wat direk of
indirek met die Sinode of personeel in diens van die Kerk
geassosieer is nie.
8.1 Blootstelling aan ‘n enkele instansie:
Surplus fondse moet sodanig belê word dat risiko’s tot die minimum beperk
word. Rentekoerse moet dus nie as die enigste maatstaf dien nie. Die hoogs
moontlike rentekoers met die laags moontlike risiko, moet as maatstaf dien.
Blootstelling aan ’n enkele instansie mag nie 20% van die Totale
Portefeulje oorskry nie.
8.2 Leen van geld vir herbelegging
Die Sinode mag nie geld leen vir herbelegging nie.
9. BEHEER OOR BELEGGINGS
9.1 ‘n Beleggingsregister moet bygehou word van alle beleggings wat gemaak is.
Die volgende inligting moet aangetoon word:
9.1.1 Naam van Instansie;
9.1.2 Verwysingsnommer van Belegging;
9.1.3 Kapitaal belê;
9.1.4 Datum van belegging;
9.1.5 Rentekoers betaalbaar;
9.1.6 Vervaldatum;
9.1.7 Rente ontvang;
9.1.8 Kapitaal terugbetaal;
Die beleggingsregister moet deurlopend met die grootboekrekening
gerekonsileer word.
9.2 Die beleggingsregister moet deurlopend nagegaan word om beleggings wat
sal verval, te identifiseer.
9.3 Beleggings wat verval, moet op die vervaldatum ontvang en gedokumenteer
word.
9.4 Die Hoof Finansiële Beampte of sy/haar gedelegeerde moet verseker dat die
rente korrek bereken en ontvang is.
9.5 Beleggingsdokumente en sertifikate moet veilig bewaar word in ‘n brandbestande
kluis. Die volgende dokumente moet aldus veilig bewaar word:
9.5.1 Vaste deposito briewe of beleggingsertifikate;
9.5.2 Kwitansie vir kapitaal belê;
9.5.3 Afdruk van elektroniese oordrag of tjek aanvraag;
8

10. BELEGGINGSKONSULTANT
Die Beleggingskomitee stel van tyd tot tyd ‘n Beleggingskonsultant aan en
sodanige aanstelling word op ‘n 3 (drie) jaar basis gedoen.
11. BELEGGINGSADMINISTRASIE
11.1 ’n Kontant beleggingsreserwe word geskep deur 'n administrasieheffing van
0.5% op die totale bruto beleggingsinkomste. Die koste van hantering van die
beleggingsportefeulje word hiervan verhaal. Die balans van die inkomste
word by die beleggingsreserwe gevoeg.
11.2 Die kontant beleggingsreserwe moet te alle tye ’n minimum van 30% van die
markwaarde van effekte, skuldbriewe en aandele beloop.
11.3 Indien die minimum van die kontant beleggingsreserwe van 30 % van die
markwaarde van die totale portefeulje (verwys 11.2 hierbo) oorskry, mag die
surplus met die goedkeuring van die Beleggingskomitee vir ander beleggings
aangewend word.
11.4 Die Bestuurder: Uitvoerende- en Sekretariaatdienste tree op as Sekretaris
van die Beleggingskomitee en is verantwoordelik vir notules van
vergaderings en afhandeling van besluite.
11.5 Die Sinode se tjekdelegasies geld ook vir beleggings.
11.6 Alle beleggingsekuriteite moet in die brandkluis van die Sinodale Kantoor
toegesluit word. Die Hoof Finansiële Beampte en die Bestuurder:
Uitvoerende- en Sekretariaatdienste is elkeen in besit van 'n sleutel.
11.7 'n Kontantvloeibegroting vir 24 maande word jaarliks opgestel en word vir
elke Beleggingskomiteevergadering aangepas deur een maand weg te laat
en 'n nuwe maand by te reken.
11.8 Die plasing van korttermyndeposito’s geskied op voorwaarde dat rente
maandeliks betaalbaar is en op die Sinode se tjekrekening gekrediteer word
of tot die algemene beleggingsportefeulje toegevoeg word.
11.9 Finansiële instelling by wie die Sinode beleggings maak, moet vooraf deur
die Beleggingskomitee goedgekeur word.
11.10 'n Gedeelte van die Sinode se korttermynfondse word by banke geplaas en is
onmiddellik opvraagbaar.
11.11 Die plasing van beleggings geskied suiwer op ekonomiese en risiko
oorwegings, soos byvoorbeeld rentekoers/termyn. Die grootte van skenkings
word nie as kriteria gebruik nie.
11.12 Die kontantvloei van die Sinode en die belegging van surplus bedryfskapitaal
word deur die Hoof Finansiële Beampte, in oorleg met die Voorsitter van die
9

Dagbestuur, bestuur onderhewig aan die Beleggingskomitee se
beleidsriglyne vir beleggings van dié aard.
12. FONDSBESTUURDERS
12.1 Die Sinode maak gebruik van fondsbestuurders vir die bestuur van sy
langtermynbates. Die fondsbestuurders word gekies na aanbeveling van die
konsultant en alle relevante en markverwante detail rakende die
fondsbestuurders moet deur die Beleggingskonsultant aan die
Beleggingskomitee voorgele word vir oorweging.
12.2 Die Beleggingskonsultant doen kwartaalliks en tydens die vergaderings van
die Beleggingskomitee verslag ten opsigte van die prestasie en risiko, asook
die uitvoer van mandate deur die onderskeie batebestuurders.
12.3 Met die verslagsessies moet die Beleggingskonsultant :
12.3.1 die vyf beste en vyf swakste presterende beleggings pertinent
behandel;
12.3.2 strategiese veranderinge wat op die korttermyn beoog word,
verduidelik en aanbevelings moet gemotiveer word vir oorweging en
goedkeuring deur die Beleggingskomitee.
12.3.3 ’n Konserwatiewe tot gebalanseerde bate allokasie struktuur moet ten
alle tye gevolg word met klem op kapitaalwaarborge
13. KONTROLE PROSEDURES
VERANTWOORDELIKHEDE VAN DIE BELEGGINGSKONSULTANT(E)
13.1 Onafhanklikheid: Die Beleggingskonsultant(e) moet altyd ten volle
onafhanklik wees in die markplek.
13.2 Deursigtig: Alle transaksies moet op ’n deursigtige basis hanteer word.
13.3 Vertroulik: Die konsultant(e) moet altyd die Sinode en die beleggings as
uiters konfidensieel hanteer.
13.4 Verslag: Moet op ’n kwartaallikse basis aan die Beleggingskomitee van
die Sinode verslag doen.
13.5 Dokumentasie – transaksies: Gedetailleerde afskrifte van alle
transaksies moet deur die konsultant gehou word.
13.6 Dokumentasie – beleggings: Sekuriteite en die oorspronklike
beleggings dokumentasie moet voortdurend en stiptelik aan die
Beleggingskomitee en die Finansiële Bestuur oorhandig word vir veilige
bewaring.
13.7 Inligting: Die konsultant(e) moet die Sinode inlig ten opsigte van
veranderinge in die mark en in die beleggings omgewing, rakende onder
10

andere beleggings strategie, portefeulje strategie, finansiële markte,
aanbevelings en riglyne.
13.8 Die Beleggingskonsultant(e) werk in noue oorleg met die
Beleggingskomitee van die Raad van Finansies.
14. BATEBESTUURDER SELEKSIE
Die Batebestuurders vir die Sinode se fondse sal volgens gespesifiseerde kriteria
gekies word ten einde die beste bestuurders / beleggingshuise vir die
beleggingstruktuur aan te wys. Die aanstel van batebestuurders word op
aanbeveling van die beleggingskonsultant deur die Beleggingskomitee goedgekeur
en aangestel.
15. AANSTEL VAN BELEGGINGSKONSULTANT EN VERGOEDING
Die Beleggingskomitee kan ’n Beleggingskonsultant(e) aanstel. Die
Beleggingskomitee onderhandel die vergoedingskriteria vir die
Beleggingskonsultant.
16. MANDAAT VIR DIE BELEGGINGSKOMITEE
16.1 DOEL EN SAMESTELLING
Die Beleggingskomitee is ’n subkomitee van die Sinodale Kommissie vir
Fondse (SKF) met die opdrag om aan die SKF en die Sinode advies te gee
oor beleggings. Dit geskied in oorleg met die Sinode se Beleggingsbeleid en
-strategie. Die komitee bestaan uit minstens sewe (7) lede en word
saamgestel deur die SDK in oorleg met die SKF en persone wat oor
beleggingskundigheid beskik.
16.2 PLIGTE
16.2.1 Om ’n beleggingsbeleid en -strategie op te stel en vir
goedkeuring aan die SKF voor te lê en vir goedkeuring deur die
Sinode.
16.2.2 Om die prestasie van die gekose beleggingsbestuurders van die
fondse in ooreenstemming met hulle mandate gereeld te monitor
met verslag aan die SKF.
16.2.5 Om die algehele risiko verbonde aan die portefeuljes te hersien
om seker te maak dat daar nie onaanvaarbare samevoeging van
risiko is nie.
16.2.6 Om 'n kwalitatiewe evaluering van die beleggingsbestuurders
op 'n halfjaarlikse basis te doen.
16.2.7 Om te verseker dat die nodige kontrakte met
beleggingsbestuurders en beleggingskonsultant in plek is.
11

17. OPSOMMEND
16.2.8 Om die beleggingskonsultant, wat aangestel is, se prestasie
gereeld te monitor en die SKF op hoogte te hou van alle sake
wat betrekking het op die fondse van die Sinode.
16.2.9 Om die Beleggingsbeleid en strategie van die Sinode ten minste
jaarliks te hersien met aanbeveling aan die SKF.
Hierdie dokument vorm die strategiese riglyne wat gevolg moet word deur alle partye
betrokke by die bestuur van en besluitneming oor die fondse van die Sinode Hoëveld. Dit is
‘n lewendig dokument wat ter enige tyd aangepas kan word deur die Beleggingskomitee vir
goedkeuring deur die SDK via die SKF.
GOEDGEKEUR DEUR DIE SINODALE DIENSKOMMISSIE OP ..................................
BESLUITNOMMER ...............................
VOORSITTER: .................................................
SKRIBA: ..........................................................
DATUM VAN ONDERTEKENING: ....................................
12