FileList Convert a pdf file!

More documents

Recommendations

Info

Geskiedenis/V1 2 DoE/Addisionele Model 2008 NSS – Addendum VRAAG 1: WATTER IMPAK HET DIE BERLYNSE MUUR OP DIE LEWENS VAN GEWONE BERLYNERS GEHAD? BRON 1A Die volgende uittreksel wat na die Berlynse Muur verwys, is aangepas uit When the Wall Came Down deur Serge Schmemann. Daar was geen versperrings wat Oos- en Wes-Berlyn in die 1950's geskei het nie en mense kon dus, so maklik soos om 'n straat te kruis, van die Sowjet-beheerde Ooste na die vrye Weste oorgaan. En hulle het oorgegaan. Teen die 1960's het die Oos-Duitse ekonomie die gevaar geloop om in duie te stort omdat professionele [opgeleide] mense en arbeiders in massas die land verlaat het en dié getalle het bly toeneem. In 1960 het bykans 200 000 ontsnap, wat 688 dokters, 296 tandartse en 2 648 ingenieurs ingesluit het. In 1961 het die aantal verdubbel – teen die middel van die somer was 207 000 reeds weg. Teen die middel van Augustus het 'n volle vyfde van die Oos-Duitse bevolking na die Weste gevlug. Op 17 Augustus 1961 het Berlynse inwoners wakker geword en rolle doringdraad en gewapende wagte in die middel van die stad gevind. Baie vriende en families is van mekaar geskei, sommige vir baie jare, sommige vir ewig. Dit was 'n wonderbaarlike erkenning van mislukking deur die Kommuniste; in effek was die enigste manier waardeur hulle mense in hulle deel van die wêreld kon hou, deur geweld ... Aan die begin was dit die rolle doringdraad wat Oos- en Wes-Berlyn geskei het. Daarna het die Oos-Duitsers 'n sementversperring opgerig. Dit is weer deur meer gesofistikeerde panele van versterkte beton vervang, elk drie meter hoog met gladde, ronde pype bo-op, sodat iemand wat probeer oorklim het, nie 'n stewige greep kon kry nie. Die voltooide muur het 156 km rondom Wes-Berlyn gestrek, met alarms, soekligte, waghonde, swaar gewapende grenswagte, 302 wagtorings en 20 bunkers ... Kopiereg voorbehou Blaai om asseblief
Geskiedenis/V1 3 DoE/Addisionele Model 2008 NSS – Addendum BRON 1B Die volgende is 'n weergawe van die dood van 'n tiener, Peter Fechter, wat probeer het om in Augustus 1962 oor die Berlynse Muur te ontsnap. Dit is geneem uit The Berlin Wall deur Frederick Taylor. Peter Fechter, 'n agtienjarige, het aan 'n Oos-Duitse rebelletienergroep behoort, wat besluit het om 'n massa-uitbreek na die Weste uit te voer. Soos wat die beplande dag nader gekom het, het baie, soos verwag kon word, se moed hulle begewe en het hulle kop uitgetrek, wat net vir Fechter en 'n boesemvriend oorgelos het. Die twee jong mans, wat daarin geslaag het om die wagte wat die verbode gebied agter die sektorgrens beheer het, te ontglip, het in 'n ongebruikte gebou naby die Muur weggekruip. Hulle het moed bymekaar geskraap, uiteindelik hulle skuiling verlaat en teen hoë risiko begin hardloop. Terwyl hulle oor die eerste draadversperring aan die Oostekant geklim het, eers sy vriend, met Fechter agterna, het die grenswagte met outomatiese wapens op 'n afstand van omtrent vyftig meter, op hulle begin vuur. Hulle het verder gehardloop. Sy vriend het die drie meter hoë muur, wat die grens met die Amerikaanse sektor aangedui het, bereik, en daarin geslaag om op te klouter en oor te spring, met koeëls wat in die beton sentimeters van hom vasslaan. Hy het dit veilig na die Weste gemaak met geringe beserings. Peter was nie so gelukkig nie. In sy poging om sy vriend oor die laaste versperring te volg, is Fechter in die been gewond en het hy tot in niemandsland teruggegly. Daar het hy kermend gelê en om hulp geroep, eers hard, en toe al hoe swakker met 'n desperaatheid in sy stem. Die koeël in sy been het 'n slagaar getref. 'n Woedende groep Wes-Berlyners het vinnig begin saamdrom. Niemand van die Ooste of Weste het probeer om die gewonde man te red nie. Na 'n uur en 'n half het die Oos-Duitse polisie die bewustelose Fechter, wat met sy aankoms by die polisiehospitaal dood verklaar is, verwyder. Die dood van Peter Fechter het woede in die Weste ontketen. Kopiereg voorbehou Blaai om asseblief
Page 1 and 2: PUNTE: 150 TYD: 3 uur NASIONALE SEN
Page 3 and 4: Geskiedenis/V1 3 DoE/Addisionele Mo
Page 11: NASIONALE SENIOR SERTIFIKAAT GRAAD
Page 21 and 22: Geskiedenis/V1 11 DoE/Addisionele M

FileList Convert a pdf file!

Create successful ePaper yourself

Delete template?

Save as template?