FileList Convert a pdf file!
FileList Convert a pdf file!
FileList Convert a pdf file!
Create successful ePaper yourself
Turn your PDF publications into a flip-book with our unique Google optimized e-Paper software.
Geskiedenis/V1 2 DoE/Addisionele Model 2008<br />
NSS – Addendum<br />
VRAAG 1: WATTER IMPAK HET DIE BERLYNSE MUUR OP DIE LEWENS VAN<br />
GEWONE BERLYNERS GEHAD?<br />
BRON 1A<br />
Die volgende uittreksel wat na die Berlynse Muur verwys, is aangepas uit When the Wall<br />
Came Down<br />
deur Serge Schmemann.<br />
Daar was geen versperrings wat Oos- en Wes-Berlyn in die 1950's geskei het nie en<br />
mense kon dus, so maklik soos om 'n straat te kruis, van die Sowjet-beheerde Ooste na<br />
die vrye Weste oorgaan. En hulle het oorgegaan. Teen die 1960's het die Oos-Duitse<br />
ekonomie die gevaar geloop om in duie te stort omdat professionele [opgeleide] mense<br />
en arbeiders in massas die land verlaat het en dié getalle het bly toeneem. In 1960 het<br />
bykans 200 000 ontsnap, wat 688 dokters, 296 tandartse en 2 648 ingenieurs ingesluit<br />
het. In 1961 het die aantal verdubbel – teen die middel van die somer was 207 000<br />
reeds weg. Teen die middel van Augustus het 'n volle vyfde van die Oos-Duitse<br />
bevolking na die Weste gevlug.<br />
Op 17 Augustus 1961 het Berlynse inwoners wakker geword en rolle doringdraad en<br />
gewapende wagte in die middel van die stad gevind. Baie vriende en families is van<br />
mekaar geskei, sommige vir baie jare, sommige vir ewig. Dit was 'n wonderbaarlike<br />
erkenning van mislukking deur die Kommuniste; in effek was die enigste manier<br />
waardeur hulle mense in hulle deel van die wêreld kon hou, deur geweld ...<br />
Aan die begin was dit die rolle doringdraad wat Oos- en Wes-Berlyn geskei het. Daarna<br />
het die Oos-Duitsers 'n sementversperring opgerig. Dit is weer deur meer<br />
gesofistikeerde panele van versterkte beton vervang, elk drie meter hoog met gladde,<br />
ronde pype bo-op, sodat iemand wat probeer oorklim het, nie 'n stewige greep kon kry<br />
nie. Die voltooide muur het 156 km rondom Wes-Berlyn gestrek, met alarms, soekligte,<br />
waghonde, swaar gewapende grenswagte, 302 wagtorings en 20 bunkers ...<br />
Kopiereg voorbehou Blaai om asseblief