FileList Convert a pdf file!

Geskiedenis/V1 8 DoE/Addisionele Model 2008
NSS – Addendum
BRON 3B
Agt wit geestelikes van Alabama het King se optrede as onwettig gekritiseer en het na
die optog as 'ontydig en onwys' verwys. Martin Luther King Jr. het 'n brief vanuit die
Birmingham Tronk in antwoord op hulle kritiek geskryf. In die uittreksel hieronder uit
daardie brief regverdig King sy gebruik van massabetogings en protes.
Ons het vir meer as driehonderd-en-veertig jaar gewag vir ons grondwetlike en
Godgegewe regte. Die volke van Asië en Afrika is besig om teen 'n snelle pas in die
rigting van hulle doelwit van politieke onafhanklikheid te beweeg en ons kruip steeds
teen 'n slakkepas om 'n koppie koffie by 'n kostoonbank te kry. Ek dink dit is maklik vir
hulle wat nog nooit die pynlike pyle van segregasie gevoel het nie, om te sê 'Wag'!
Maar as jy die boosaardige gespuis gesien het wat jou moeders en vaders na willekeur
vermoor, en wat jou broers en susters impulsief verdrink; wanneer jy die haatgevulde
polisiemanne sien vloek, skop en brutaliseer en selfs jou swart broers en susters
ongestraf doodmaak; wanneer jy die oorgrote meerderheid van jou twintig miljoen
Negerbroers in 'n lugdigte hok van armoede, te midde van 'n gegoede gemeenskap,
sien versmoor; wanneer jy dag in en dag uit verneder word deur kennisgewings wat
"wit" en "kleurling" uitskreeu, … dan sal jy verstaan waarom ons dit moeilik vind om te
wag.
Kopiereg voorbehou Blaai om asseblief