DROOGTEVOEDING VAN SKAPE - Landbou.com
DROOGTEVOEDING VAN SKAPE - Landbou.com
DROOGTEVOEDING VAN SKAPE - Landbou.com
You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
Opskrif: Droogtevoeding van skape<br />
Vraag: Wat kan ek voer om my skape te laat oorleef tydens ‘n droogte?<br />
Hellao ! Naruseb hnaruseb@swkmun.<strong>com</strong>.na<br />
Antwoord:<br />
<strong>DROOGTEVOEDING</strong> <strong>VAN</strong> <strong>SKAPE</strong><br />
Droogtevoeding neem normaalweg ‘n aanvang wanneer die weiding nie meer instaat is<br />
om minstens 30 % van die dier se voedingsbehoefte te voorsien nie. Die kernboodskap vir<br />
droogtevoeding is eerstens om so gou moontlik van enige oortollige diere, oorslaanooie,<br />
uitskotdiere en bemarkbare diere ontslae te raak deur hulle te verkoop of af te rond en te<br />
bemark. Tweedens moet daar so ver moontlik gepoog word om in die minimum behoeftes<br />
van reproduserende diere (ooie voor en tydens paring, laatdragtige en lakterende diere)<br />
asook speenooilammers te voorsien om steeds ‘n aanvaarbare reproduksietempo te<br />
handhaaf.<br />
Droogte vorm ‘n integrale deel van die veebedryf van Suid-Afrika en aangesien daar tans<br />
verskeie produsente in die greep van ‘n baie erge droogte vasgevang is, is dit van pas om ‘n<br />
paar bestuurs- en voedingspraktyke tydens ‘n droogte te bespreek. Die doel van hierdie<br />
artikel is om enkele van die belangrikste wenke in dié verband puntsgewys te lys.<br />
Droogtevoedingopsies<br />
• Die produsent se opsies hang af van sy eie finansiële situasie; of hy ‘n stoet- of<br />
kuddeboer is; watter grondstowwe hy beskikbaar het of kan bekom asook die lengte en<br />
die ernstigheid van die droogte.<br />
• Kuddeboere, veral dié wat nie ‘n goeie gehalte kudde het nie, kan oorweeg om al sy<br />
diere te verkoop, die geld te belê en na die droogte weer diere aan te koop. Daar moet<br />
onthou word dat aanteeldiere na ‘n droogte dikwels skaars en duur is.<br />
• Oorweging kan geskenk word om diere net vir oorlewing te voer, maar dit moet<br />
opgeweeg word teen baie lae lam- en speenpersentasies, lae speenmassas met ‘n hoë<br />
persentasie boepenslammers asook lae wolproduksie met ‘n hoë persentasie tengervagte.<br />
• Vir produsente met goeie gehalte kuddes en stoetboere is die beter opsie om so gou<br />
moontlik alle oortollige diere te bemark en die res teen so ‘n vlak te voer dat hulle steeds<br />
teen ‘n aanvaarbare vlak produseer.<br />
• Voorafgaande besluite moet teen die agtergrond geneem word dat op geen droogtehulp<br />
of finansiële ondersteuning van die Regering staatgemaak kan word nie.<br />
Wenke tydens droogtevoeding<br />
• Klasseer skape en verkoop alle surplus diere (bv. dié met tand-, been-, klou-, uier- en<br />
ander gebreke asook oorslaanooie) so gou moontlik.<br />
• Goeie kwaliteit teelooie en –ramme is die mees waardevolle diere aan die einde van die<br />
droogte. Hierdie diere moet spesiale versorging en voeding gedurende die droogte kry<br />
indien teelprogramme volgehou wil word.
• Met rampdroogtes verskuif die klem na oorlewing en massaverlies van 15 tot 20 % kan<br />
onder sekere omstandighede toegelaat word. Byvoeding moet egter ‘n aanvang neem<br />
wanneer die skape minstens 3 tot 4 kg bo hulle minimum toelaatbare massa is, want<br />
hulle gaan tydens aanpassing massa verloor. ‘n Massaverlies van tot 20 % is toelaatbaar<br />
by droë diere terwyl produksie en veral reproduksie ingeboet sal word as reproduserende<br />
diere (d.i. teeldiere voor en tydens paring, dragtige en lakterende diere) te veel massa<br />
verloor. Indien hierdie strategie met teelooie gevolg word, sal dit aanleiding gee tot baie<br />
lae lampersentasies (26 tot 47 %); hoë lamvrektes; swak lamgroei; toename in boepenslammers;<br />
probleme om lammers markklaar te kry; drastiese afname in wolproduksie en<br />
‘n toename in die getal tenger vagte. Hoe vroeër byvoeding ‘n aanvang neem, hoe<br />
minder byvoeding word benodig om die dier te onderhou. Beter resultate word behaal<br />
as byvoeding vroeër op ‘n laer peil as later op ‘n hoër peil begin word.<br />
• Kripspasie hang af van die grootte, getal skape en die hoeveelheid voer wat gevoer<br />
word. Indien ‘n klein hoeveelheid voer daagliks gevoer word, moet vir ‘n kripspasie van<br />
minstens 15 cm (ideaal is dat alle diere gelyktydig kan vreet, d.i. 30 – 45 cm/dier) per<br />
skaap voorsiening gemaak word.<br />
• Indien hooirakke nie beskikbaar is nie, moet die bale oopgebreek word en oor ‘n wye<br />
oppervlakte uitgesit word om diere vrye toegang te gee. In die geval van ronde bale<br />
moet dit oopgerol word.<br />
• ‘n Gedeelte, soms tot 10 %, van die skape sukkel om by droogtevoeding aan te pas (sg.<br />
skaamvreters). Hierdie diere moet van die res verwyder word en apart gevoer word.<br />
Begin met goeie kwaliteit hooi en gooi mettertyd die graan- of konsentraataanvullings<br />
bo op die hooi om hulle te leer vreet.<br />
• Weens die hoë konsentrasie diere in klein kampies tydens droogtevoeding is daar ‘n<br />
geweldige opbou van interne parasiete. Om dit te beperk, moet die diere gedoseer word<br />
voordat hulle in die klein kampies geplaas word. Mismonsters van merkergroep diere<br />
moet gereeld geneem word om parasietbesmetting te monitor en om te besluit wanneer<br />
dosering moet geskied.<br />
• Bloednier kan ‘n probleem wees tydens droogtevoeding weens die verandering van<br />
voeding (bv. van weiding na kragvoer of van laasgenoemde na groenweiding nadat die<br />
droogte gebreek is) en diere behoort dus voorkomend geïmmuniseer te word.<br />
• Vitamien A-tekorte kan voorkom wanneer diere vir langer as drie maande nie toegang<br />
tot groenweiding gehad het nie en behoort dus aangevul te word.<br />
Byvoeding wanneer voldoende droë weiding of ruvoer nog beskikbaar is<br />
• Dit is belangrik om daarop te let dat skape, al word hulle vir onderhoud gevoer, steeds ‘n<br />
gebalanseerde voorsiening van energie, proteïen, minerale en vitamienes moet ontvang.<br />
Veral onder spanningstoestande soos tydens droogtevoeding is gebalanseerde voeding<br />
noodsaaklik vir die gesondheid van diere en diere wat nog steeds moet reproduseer.<br />
• Energieryke grane (bv. mielies en kleingrane) moet nooit alleen as enigste byvoeding op<br />
droë weiding of saam met droë ruvoer gevoer word nie, want dit versuur die grootpens<br />
van die skaap. Sodra die grootpens se pH onder 6.2 val, begin die mikrobes, wat vesel<br />
verteer, afsterf. Dit verlaag veselvertering en gevolglik die inname van droë weiding en<br />
ruvoer. In sulke omstandighede sal diere min wei en meer geneig wees om by die<br />
voerbakke lê. Die voer van grane alleen sal ook geneig wees om tot meer gevalle van<br />
geboorteprobleme aanleiding te gee asook swak uierontwikkeling; abnormale dik en taai<br />
bies; lae bies en melkproduksie; hoë persentasie lamvrektes en ooie wat lammers<br />
weggooi; swak lammers met geboorte en swak lam groei. Vir die beste resultate moet<br />
2
grane altyd saam met proteïenbronne as deel van ‘n goed gebalanseerde lek of rantsoen<br />
gevoer word.<br />
• Sjokoladegraan [200 kg heel grane + 25 kg Voermol Korn Kandy (V1551) + 4 kg<br />
voerkalk] kan met welslae as energie-aanvulling vir droë diere en middragtige ooie<br />
(maand twee en drie van dragtigheid) tydens droë toestande gebruik word. Dit kan<br />
gedoen word op voorwaarde dat daar nog voldoende droë weiding is of droë ruvoer<br />
moet addisioneel voorsien word. Sjokoladegraan kan teen 200 tot 300 g/skaap/dag op<br />
harde oppervlaktes of in bakke op so ‘n wyse gevoer word dat alle diere gelyktyktydig<br />
kan vreet.<br />
• Wanneer voldoende droë weiding en/of ruvoer (bv. hooi, strooi, mielieblare, ens.)<br />
beskikbaar is, moet voldoende proteïen aangevul word om die verteerbaarheid daarvan<br />
te verhoog asook die inname daarvan te stimuleer. Die rumenaktiwiteit van die<br />
mikrobes kan gestimuleer word deur minstens 15 tot 20 ml/skaap van die volgende<br />
mengsel elke twee tot drie weke te doseer: Meng 750 ml asyn met 2 kg bruinsuiker en<br />
4 pakkies suurdeeggis en maak na 5 liter op met water.<br />
• Droë skape en middragtige ooie (maand twee en drie van dragtigheid) kan tydens<br />
droogtetoestande slegs vir onderhoud gevoer word. Een van die volgende aanvullings<br />
kan twee tot drie keer per week aan hierdie klas diere gevoer word solank daar nog<br />
volop droë weiding beskikbaar is of ruvoer (500 – 1 000 g/dier/dag) kan addisioneel<br />
bygevoer word indien weiding skaars of nie beskikbaar is nie:<br />
(1) Voermol Ekonolek (V11147: is klaargemeng) teen 100 tot 180 g/dier/dag,<br />
(2) Voermol Winslekkonsentraat (V17865), meng 250 kg Winslekkonsentraat met<br />
100 kg sout en voer teen 100 tot 180 g/dier/dag<br />
(3) Voermol Super 18 (V355) teen 200 tot 250 g/dier/dag. Indien die inname te hoog is,<br />
kan 4 tot 5 kg sout by elke sakkie Super 18 gevoeg word,<br />
(4) Voermol Proteïenblok (V10448) teen 100 tot 150 g/dier/dag,<br />
(5) Sjokoladegraan (sien voedingsinstruksies hierbo) of<br />
(6) Voermol Maxiwolsoutmengsel [400 kg Maxiwol (V4985) + 100 kg sout] teen 125<br />
tot 200 g/dier/dag veral vir wolskape om breekwol te beperk.<br />
• Vir laatdragtige en lakterende ooie asook jongooie en vir prikkelvoeding van teelooie<br />
moet, wanneer daar nog voldoende droë weiding is, deurvloeiproteïen en energie<br />
aangevul word. Deurvloeiproteïen sal uierontwikkeling bevorder, bies- en melkproduksie<br />
verhoog terwyl dit weidingsinname sal stimuleer. Laatdragtige en lakterende<br />
ooie moet daagliks gevoer word. Een van die volgende aanvullings (250 tot<br />
500 g/ooi/dag) kan aan hierdie klas diere gevoer word solank daar nog volop droë<br />
weiding beskikbaar is of ruvoer (1 – 1.5 kg/dier/dag) kan addisioneel bygevoer word<br />
indien weiding skaars of nie beskikbaar is nie:<br />
(1) Voermol Maxiwollekmengsel (250 kg Maxiwol + 200 kg gemaalde grane + 50 kg<br />
sout),<br />
(2) Voermol Super 18-lekmengel [160 kg Super 18 + 100 kg Voermol Procon 33<br />
(V8097) + 200 kg gemaalde grane + 5 kg voerkalk + 50 kg sout],<br />
(3) Voermol Maxiwol Produksiekorrels (V15415: is ‘n klaargemengde lek),<br />
(4) Voermol Maxiblok (V17424). Ooie wat besig is om te lam en na voerbakke<br />
hardloop wanneer voer uitgegooi word, kan so permanent van hulle lammers geskei<br />
word wat tot hoë lamvrektes aanleiding gee. Om dit te voorkom, kan Maxiblokke in<br />
lamkampe uitgepak word. Nuwe blokke moet uitgesit word voordat die oues<br />
heeltemal opgevreet is, die proses van uitsit van blokke moet rustig en kalm geskied<br />
terwyl die blokke verspreid in die lamkamp uitgesit moet word. Gedurende lamtyd<br />
moet hoogstens 15 ooie per lekblok toegeken word.<br />
3
(5) Sjokoladegrane moenie vir laatdragtige en lakterende ooie gevoer word nie omdat<br />
dit dieselfde probleme as die voer van grane alleen kan veroorsaak (sien hierbo).<br />
Sjokoladegrane kan wel as prikkelvoeding en vir jongooie gebruik word. Vir<br />
prikkelvoeding moet byvoeding minstens vanaf vier weke voor paring ‘n aanvang<br />
neem vir ‘n periode van minstens agt weke. Die doel is om hulle kondisie te<br />
verbeter en hulle in ‘n toestand van massatoename te kry wanneer die ramme<br />
bygesit word. Met jongooie moet gepoog word om hulle paringsmassa minstens op<br />
80 % van volwasse massa te kry met paring op 18 maande of so nie kan paring ‘n<br />
paar maande uitgestel word indien dit prakties moontlik is.<br />
Byvoeding wanneer droë weiding skaars is en geen ruvoer beskikbaar is nie<br />
• Wanneer geen of baie min droë weiding beskikbaar is asook geen hooi of ander ruvoer<br />
nie, is die enigste uitweg om na voerkorrels oor te skakel.<br />
(1) Droë diere moet minstens 500 tot 750 g Voermol Droogtekorrels (V5554)/dier/dag<br />
gevoer word. Dit hoef nie daagliks, maar kan twee tot drie keer per week gevoer<br />
word.<br />
(2) Middragtige ooie moet minstens 750 tot 1 000 g Voermol Droogtekorrels/dier/dag<br />
gevoer word. Dit hoef nie daagliks, maar kan twee tot drie keer per week gevoer<br />
word.<br />
(3) Laatdragtige en lakterende ooie; jongooie en vir prikkelvoeding van teelooie moet<br />
in hierdie omstandighede minstens 1 tot 1.5 kg Voermol Droogtekorrels/ooi/dag<br />
gevoer word plus die onderskeie deurvloeiproteïenbevattende lekke wat in die<br />
vorige Afdeling vir hierdie klas diere voorgeskryf is. Laatdragtige en lakterende<br />
ooie moet daagliks gevoer word.<br />
Gevolge van ondervoeding<br />
• Voor en tydens paring: Besetting en ovulasietempo neem af indien ooie kort voor die<br />
prikkelperiode en tydens paring massa en kondisie verloor wat tot swak besetting en ‘n<br />
lae lampersentasie lei.<br />
• Vroeë dragtigheid (eerste maand van dragtigheid): Afsterwing van bevrugte embrio’s<br />
(resorbsie) met ‘n gevolglike lae lampersentasie.<br />
• Middragtigheid (maand twee en drie van dragtigheid): Afsterwing van fetusse met ‘n<br />
gevolglike lae lampersentasie en klein lammers met geboorte.<br />
• Laatdragtigheid (maand vier en vyf van dragtigheid): Domsiekte; as ondervoeding baie<br />
erg is, kan aborsies voorkom; swak uierontwikkeling; lae biesproduksie en breekwol.<br />
• Lamtyd: Swak lammers met geboorte; geboorteprobleme (lammers met ‘n geel<br />
geboortekleed); meer doodgebore lammers; min, geen of taai bies; hoë persentasie ooie<br />
wat lammers weggooi en hoë lamvrektes.<br />
• Laktasie (veral eerste twee tot drie maande): Lae melkproduksie; swak lamgroei; lae<br />
speenmassa; ‘n hoë persentasie boepenslammers; ‘n lae lampersentasie met die daaropvolgende<br />
lamseisoen en breekwol.<br />
Vroegspeen<br />
• Gedurende droogtetoestande moet ernstig oorweeg word om lammers vroeër as<br />
normaalweg te speen. Groeitempo’s van sogende lammers van minder as 100 en 150<br />
4
g/dag onderskeidelik van klein- en grootraam (bouvorm) ooie verhoog die risiko van<br />
lamvrektes.<br />
• Lammers moet verkieslik nie ligter as 20 kg gespeen word nie. Waar lammers ligter as<br />
15 kg gespeen is, het heelwat vrektes voorgekom. Lammers wat vroeggespeen word,<br />
moet kruipvoer voor speen gevoer word en hulle moet dit na speen ontvang totdat hulle<br />
ten minste 30 kg weeg. Lammers behoort nie gespeen te word voordat hulle ten minste<br />
250 g kruipvoer/lam/dag vreet nie. Die volgende kruipvoermengsel moet ad lib. gevoer<br />
word: 150 kg Voermol SS 200 (V8592) + 100 kg Voermol Procon 33 + 80 kg Voermol<br />
Melassemeel (V1995) + 675 kg gemaalde grane.<br />
Voerkraalafronding<br />
• Diere wat nie markklaar is nie, moet so gou moontlik afgerond word. Dit is meer<br />
ekonomies om diere af te rond en markklaar te kry en te verkoop as om dieselfde kostes<br />
oor ‘n langer tydperk te spandeer deur diere vir onderhoud te voer.<br />
• Een van die mees kritieke faktore wanneer skape afgerond word, is dat die diere<br />
geleidelik en stadig op die voerkraalrantsoen aangepas moet word. Tydens die<br />
aanpassingsperiode moet daar voldoende vreetspasie wees sodat alle diere gelyktydig<br />
kan vreet terwyl ruvoer ad lib. tydens die aanpassingsperiode voorsien moet word.<br />
• Die volgende volledige afrondingsrantsoen kan met groot welslae gebruik word: 200 kg<br />
Voermol SS 200 + 25 kg Voermol Procon 33 + 80 kg Voermol Melassemeel + 550 kg<br />
gemaalde mielies of heel gars + 150 kg gemaalde strooi (15 mm partikellengte).<br />
• Wanneer sjokoladegrane vir afronding gebruik word, moet ruvoer vir die volle<br />
afrondingsperiode ad lib. voorsien word. Lammers, veral onder 25 kg, presteer swak op<br />
sjokolademielies omdat hulle inname laag is weens die harde pitte. Daarteen gee<br />
sjokoladekleingraan, veral gars, uitstekende resulate.<br />
• Boepenslammers vaar baie swak in voerkrale en neem baie lank om af te rond.<br />
Algemene opmerkings<br />
• Droogte dien net een goeie doel en dit is dat dit diere wat swak aangepas is, uitwys.<br />
Hulle kan gemerk word en later wanneer hulle kondisie verbeter het, bemark word.<br />
• Lekke dien slegs as ‘n aanvulling van ‘n beperkende voedingstof of –stowwe tot weiding<br />
en is nie ‘n voer nie en word daarom slegs aanbeveel wanneer daar voldoende weiding is<br />
of as voldoende ruvoer addisioneel verskaf word.<br />
• Uitermate hoë lekinnames kan gedurende ‘n droogte voorkom wanneer voldoende<br />
weiding of ruvoer nie beskikbaar is nie. Dit is bekend dat diere wat erg verhonger is,<br />
veral as hulle vir ‘n tydperk ‘n proteïengebrekkige dieet ontvang het, in ‘n groot mate<br />
hulle vermoë verloor om ammoniak na ureum in die lewer om te sit. Selfs baie lae<br />
ureuminname kan in hierdie omstandighede toksies wees. Hoë ureumbevattende<br />
produkte moet met omsigtigheid in hierdie omstandighede aanbeveel word omdat dit tot<br />
ureumvergiftiging kan lei. Maer diere op proteïengebrekkige en skaars weiding moet<br />
nie ureumryke produkte gevoer word nie, mits hulle met grane of melassemeel verdun<br />
is.<br />
• Wanneer die droogte gebreek is, moet diere van die weidings gehou word totdat daar<br />
voldoende groenweiding beskikbaar is om te voorkom dat die diere agter die groen<br />
opslag (green pick) aan hardloop wat tot groot vrektes in die geval van swak diere<br />
aanleiding kan gee. Sodra voldoende weiding (minstens 3 cm hoog) beskikbaar is, moet<br />
die diere geleidelik oor ongeveer sewe dae daarop aangepas word deur hulle aanvanklik<br />
5
net vir een tot twee uur per dag te laat wei en elke dag die tyd te verleng. Indien diere<br />
nie aangepas word nie kan dit tot spysverteringsteurnisse en vrektes lei. Skape moet nie<br />
honger wees wanneer hulle finaal op die groenweiding uitgeplaas word nie. Gee dus<br />
hulle daaglikse rantsoen voordat hulle laatnamiddag op die weidings geplaas word. Dit<br />
is hoogs aanbeveel dat die diere gedoseer word voordat hulle op die skoon weidings<br />
geplaas word. Indien maagwerk op die groen sappige weidings voorkom, kan ruvoer<br />
indien beskikbaar, addisioneel bygevoer word. Laatdragtige ooie sal waarskynlik<br />
aanvanklik byvoeding moet ontvang om domsiekte te voorkom.<br />
Indien alternatiewe lekresepte of meer tegniese inligting oor droogtevoeding verlang word,<br />
raadpleeg u naaste Voermol Agent of Voermol se Hoofkantoor (032 - 4395599) of stuur ‘n<br />
e-pos aan info@voermol.co.za.<br />
Indien u enige raad of advies t.o.v. dierevoeding benodig, skryf aan:<br />
Dr. Jasper Coetzee, Voermol Voere, Posbus 13, Maidstone 4380<br />
of skakel 032 - 4395599 of stuur ‘n e-pos aan: info@voermol.co.za<br />
6