Van links na regs: Morné Nell, Clinton Prins - Momentum

FoKus oP Metropolitan eMployee Benefits
Van links na regs: Morné Nell, Clinton Prins, Kenny Meiring, Tajudin Parkar, John Melville, Fransesco Joshua, Thinus Alsworth-Elvey.
Ingestel op groei
MetEB se resep werk.
Metropolitan Employee Benefits
(MetEB) vier vanjaar sy 15de bestaansjaar.
Die maat skappy wil nou voortbou
op sy geskiedenis van bestendige groei in
’n bedryf wat gekenmerk word deur lae marges,
stygende koste en swak winsgewendheid.
MetEB is die enigste maatskappy in die SA
bedryf wat sy risikomarkaandeel sedert 2001
elke jaar vergroot. “In ’n geslote mark moet
al die sake wat ons kry, uiteraard van mededingers
af kom,” sê Kenny Meiring, hoof van
56 FINWEEK 27 MEI 2010
makelaarsverkope en -bemarking van MetEB.
“Ons moet iets reg doen.”
Die samesmelting van Metropolitan en Momentum
wat vroeër vanjaar aangekondig is, hou
voordeel in vir groei. Die samesmelting sal albei
maatskappye se produkaanbieding vergroot en
hulle sal baat vind by beter groeigeleenthede,
inkomstesinergie en skaalbesparing vanweë
aanvullende teikenmarkte, ’n sterk mensekapitaalbasis
en groter finansiële hulpbronne.
Die afdeling vir werknemervoordele maak
Kliënttevredenheid dui die koers aan
naVorSerS in Amerika het bewys dat
’n regstreekse verband tussen kliënttevredenheid
en die toekomstige sukses van ’n
onderneming bestaan. Hulle het bevind dat
maatskappye met ’n stygende tevredenheidstelling
in 2009 tydens die afswaai aansienlik
beter as dié met ’n dalende telling gevaar het.
Maatskappye met ’n stygende tevredenheidstelling
het net 30% van hul markwaarde
verloor, terwyl maatskappye waarvan die
kliënteteVredenheidSindekS 2006-2010
Hoë kliëntebehoud
90
70 73
50
30
Lae kliëntebehoud
59 56 62 59
Totaal 2010 2009 2008 2007 2006
Basis 125 65 98 90 108
Basisgeweeg 2920 1201 2130 2129 2105
Bedryfsnorm
65
66
Versekeringsbedryfsnorm
(Internas.)*
Onderneming-totondernemingsnorm
(Internas.)**
kliënttevredenheid afneem, gemiddeld 57%
van hul waarde verloor het.
Navorsing is belangrik om ondernemings
daarvan bewus te maak dat hulle daarop moet
fokus om kliënte gelukkig te maak deur die klienttevredenheidsvlak
voortdurend te monitor.
Metropolitan Employee Benefits (MetEB)
het Project Score in Februarie 2005 aangestel
om die diensvlak te monitor en het intussen
elke jaar die navorsing herhaal – wat bewys
het dat dit die geval is.
Die kliënttevredenheidsindeks, wat op
die algehele prestasie, die waarskynlikheid
van ’n aanbeveling, die waarskynlikheid
van heraankope en mededingingsvoordeel
behaal gegrond is, dui op vlakke hoër as die
internasionale norm en die hoogste vlak wat
tot dusver behaal is (sien die grafiek).
Kenny Meiring, hoof vir makelaarsverkope
en -bemarking van MetEB, sê die navorsing het
van onskatbare waarde geblyk te wees: “Dit het
ons denke verskerp. Met Project Score kon ons
probleme met ons produkte identifiseer en ons
gebruik dié inligting om belangrike veranderinge
aan ons onderneming aan te bring. n
’n beduidende deel van Metropolitan se sake
uit: sowat 800 000 lede met begrafnispolisse,
600 000 lede met groeplewensversekering en
sowat 250 000 lede by verskillende pensioenfondse.
Meiring sê MetEB vaar goed omdat hy ’n
volhoubaarheidsbenadering volg. MetEB het
die versoeking weerstaan om by ’n prysoorlog
betrokke te raak en het eerder daarop gefokus
om hom te onderskei deur billike pryse vir
voordele, vir sy nakoming van diensbeloftes, ’n
billike evaluering van ongeskiktheidseise en
deur sy kliënte te help om sterfte en ongeskiktheid
weens MIV/vigs en ander te beperk.
MetEB het in 2009 SA se eerste goue
Imbasa Yegolide-toekenning vir risikobestuurder
van die jaar verower wat deur die Principal
Officer Association (POA) in samewerking met
die Britse Global Pensions toegeken is. Die
maatskappy is weer vanjaar benoem. Hy is ook
verlede jaar deur die Professional Management
Review (PMR) aangewys as die topmaatskappy
in die bedryf vir groeprisiko, groeppensioene
en voorsorg- en beleggingsprodukte.
MetEB se visie vir die toekoms is duidelik:
Hy wil sy sterk punte uitbou, sy sakeboek
uitbrei, sorg dat sy produkaanbiedings innoverend
en aanpasbaar bly en die huidige vlak
van betrokkenheid met kliënte handhaaf, ook
ná die samesmelting. n
* n=92 000 ** n=220 000 Bron: tns research surveys kenny
Meiring

Handelsmerkposisionering
handelSMerkidentiteit is een van
die belangrikste aspekte van enige onderneming
– groot of klein. ’n Handelsmerk is nie
net ’n embleem nie, maar verteenwoordig
mens se sake-etiek, -persoonlikheid, -waardes
en -aanslag.
Metropolitan se handelsmerk verteenwoordig
die hart en siel. Hy besef dat hy met
regte mense se geld werk wat dikwels die
enigste bron van spaargeld vir hul aftrede is.
Metropolitan Employee Benefits (MetEB)
is die voorkeurkeuse vir aftreefondse wat
optimale batebeskerming wil hê en dit is een
van die snels groeiende maatskappye op ’n
volhoubare grondslag in die bedryf.
Metropolitan het nie net in Augustus 2009
die tweede plek in Sunday Times se peiling
oor voorste handelsmerke in die kategorie
“langtermyn-versekering – onderneming tot
verbruiker” beklee nie, maar sy beeld van kapitaalbewaring
het weens die finansiële krisis en
verskeie bedryfskandale meer relevant as ooit
tevore geword.
“Mense moet gemaklik voel daarmee en
gerus wees dat ons kundiges na hul geld
omsien,” sê Clinton Prins, handelsmerkbestuurder
van MetEB. “Ons bemarkingslagspreuk
– beskerm jou bates – en ons veiligheidshelm
as ikon beeld juis dit uit.”
die reSeSSie het die manier verander
waarop sake gedoen word en beleggers
het waardevolle lesse geleer. Een daarvan is
die belangrikheid van kapitaalbeskerming.
Pensioenfondslede wat aftrede nader, kan dit
gewoonlik nie bekostig om risiko te neem of
aggressiewe beleggingstrategieë te volg nie.
Dit is waarom lede van fondse met
individuele ledekeuse en veral diegene met
’n klein risiko-aptyt gladgestrykte bonusfondse
behoort te oorweeg. Lede moet egter
waaksaam bly en die prestasie van hul fonds
deurlopend monitor aangesien internasionale
omstandighede nog onseker is en dit nog
geruime tyd so kan bly.
’n Onlangse ontleding deur Metropolitan
Employee Benefits (MetEB) het aan die
lig gebring dat gladgestrykte bonusfondse
goeie kapitaalbeskerming bied én gesonde
opbrengste lewer (sien grafiek).
Metropolitan se multibestuurder- gladgestrykte
groeifonds, ’n leier in die sektor, het vir
Handelsmerkherkenning – wanneer mense
’n embleem sien of ’n naam hoor en onmiddellik
’n prentjie van die onderneming vorm
– is om baie redes waardevol. Dit dra nie net
tot jou openbare beeld by nie, maar maak
werknemers trots op hul werk.
“Dit is noodsaaklik om ons handelsmerkboodskap
aan ons huidige en toekomstige
werknemers oor te dra,” sê Prins. “Gemengde
boodskappe kan verwarring en rigtingloosheid
veroorsaak.”
“Die mense wat vir MetEB werk, is ambassadeurs
van die handelsmerk, en ons sorg dat
hulle almal ons handelsmerkwaardes en sleutelboodskappe
verstaan. Ons verspreidingspanne
is noodsaaklike bevorderaars van
ons handelsmerk, want hulle werk daagliks
met ons kliënte. Ons sorg dat hulle gemaklik
voel daarmee om ons produkte te bemark,
want hulle glo in die handelsmerk en ons
produkte.
“Interne handelsmerkposisionering is ’n
belangrike deel van wat ek doen,” sê Prins. “Dis
noodsaaklik, want personeellede moet in ons
handelsmerk glo voordat hulle dit kan uitdra.
Ons het ’n gestruktureerde waardeproses wat
uitstekende kliëntediens beloon en wat ’n
suksesvolle resep geblyk te wees het. Dit skep
entoesiasme en tevrede mededinging, en per-
Metropolitan se gladgestrykte fonds
die driejaartermyn tot einde Maart heelwat
beter as gebalanseerde fondse gepresteer,
met ’n geannualiseerde opbrengs van 8,65%
teenoor 5,65%. Oor die vyf jaar tot einde Maart
het die fonds effens swakker as gebalanseerde
fondse gevaar. Ondanks die insinking in die
aandelemark van Mei 2008 tot Februarie 2009
het die fonds kapitaal bewaar (sien grafiek).
Gladgestrykte bonusfondse bied beleggers
blootstelling aan die mark sonder om aan
markwisselvalligheid uitgelewer te wees. Die
eerste prioriteit is korttermyn-bestendigheid
deur kapitaal te bewaar en tweedens om mededingende
reële opbrengste op lang termyn
te genereer – VPI + 4% in die geval van die
Metropolitan-fonds.
“Op ’n geannualiseerde grondslag oor vyf
jaar het die fonds reeds die teiken oortref en
bly dit baie mededingend teenoor gebalanseerde
fondse,” sê Tajudin Parkar, senior bestuurder
vir beleggingsbemarking van MetEB.
“Afgesien van kapitaalbewaring is dit die
MetroPolitan eMPloyee BeneFits
Clinton prins
Trotse, gelukkige mense.
soneellede is gelukkig om by MetEB te wees.”
Prins sê MetEB se personeelomsetkoers is
baie laag en party wat weggegaan het, het teruggekeer.
“Ons het deur die jare ’n sterk span
opgebou en ons werk goed saam,” sê hy.
“As jy jou personeel gelukkig hou, het hulle
’n positiewe uitwerking op die handelsmerk –
van die persoon wat die telefoon antwoord tot
die een wat ’n produk verkoop of ’n oplossing
aanpas,” sê Prins. n
Metropolitan Multi-Manager SMooth
growth fund global (MMSgf global)
1 150
1 050
950
850
Waarde van R1 000 op 1 Jan 2008 belê vs. die
gebalanseerdebestuurder - mediaan
MMSGF Global
750
Gebalanseerde fonds - mediaan
Jan 08 Feb 09
Mrt 10
Bron: Metropolitan
rede waarom die fonds ons gewildste produk
in die kapitaalbewaringsprodukreeks is: dit is
wyd bekend in die mark,” sê hy.
Gladgestrykte bonusfondse se onderliggende
(wisselvallige) bateopbrengste word
nie aan lede verklaar nie en die fondswaarde
27 MEI 2010 FINWEEK 57

MetroPolitan eMPloyee BeneFits
is ook nie kwesbaar vir markskommelings
soos wat markgekoppelde fondse is nie. Dit
stryk opbrengste oor tyd uit en verklaar dan ’n
maandelikse bonus. Dit sorg dat die opbrengs
nooit negatief is nie (minstens 0% ná koste) en
kapitaal word so bewaar.
Sedert Augustus 2008 is lede byvoorbeeld
teen die ernstige aandelemarkregstelling en
teen negatiewe markopbrengste beskerm.
“Ons het in November van daardie jaar lae
bonusse vir twaalf maande begin verklaar,” sê
Parkar. Omdat die Metropolitan-fonds ’n deels
gevestigde produk is, bestaan dit uit sowel
gevestigde as niegevestigde bonusse. In taai
marktoestande kan niegevestigde bonusse
uitgeskakel word.
“Verskaffers van sulke bonusfondse sal
hierdie aspek nie goedsmoeds benut nie,” sê
Parkar. Hulle sal net ’n niegevestigde bonus
weglaat as dit regtig nie anders kan nie.
“Ons is baie trots daarop dat ons fonds sorgvuldig
bestuur is deur die moeilike tye in 2009
sodat niegevestigde bonusse nie afgeskaf is nie
en lede se kapitaal beskerm is,” voeg Parkar by
(Sien tabel 1).
Nog ’n groot voordeel van ’n belegging in
’n gladgestrykte bonusfonds is die benydenswaardige
prestasiegeskiedenis. Hulle is al 20 jaar
in die mark en is deur ekstreme marksiklusse
getoets. Daarby het die beleggingsinstrument
oor die jare ontwikkel en deesdae is goeie
korporatiewe bestuur ’n kerndeel van die fondse.
Die koste is ook mededingender en deursigtiger.
’n Pensioenfondslid wat risiko wil vermy
en ’n belegging vereis wat inflasie klop, sal
hierdie produk aantreklik vind. In gevalle van
dood, ongeskiktheid, aftrede, afdanking of bedanking
is die lid geregtig op die boekwaarde
van die bates, wat neerkom op die bydraes
wat oor die termyn tot die fonds gemaak is,
minus koste en plus bonusse tot en met die
datum van beëindiging.
“Die Metropolitan-fonds het twee soorte
eenvoudige, verstaanbare tariewe: die standaard-bestuursgeld
en ’n kapitaalheffing (die
koste van die kapitaalwaarborg),” sê Parkar.
“Daar is geen versweë of versteekte koste
nie.” Bestuursgeld bedra 0,6% per jaar op die
eerste R50 miljoen en 0,5% op enige verdere
Tabel 2
58 FINWEEK 27 MEI 2010
tajudin parkar
Geen versweë of versteekte koste.
Tabel 1
huidige batebeStuurderkeuSe
MaandelikSe bonuSSe
Maand Oorgedra (%) Nie-oorgedra (%) Totaal (%)
Mei 10 0,25 0,15 0,4
Apr 10 0,25 0,15 0,4
Mrt 10 0,15 0,15 0,3
Feb 10 0,1 0,1 0,2
Jan 10 0,1 0,1 0,2
Des 09 0,1 0,1 0,2
Nov 09 0,1 0,1 0,2
Okt 09 0,08 0 0,08
Sep 09 0,08 0 0,08
Aug 09 0,08 0 0,08
Jul 09 0,08 0 0,08
Jun 09 0,08 0 0,08
Bron: Metropolitan
Bateklas Bestuurder
RSA-aandele Allan Gray (12,38%) Foord (12,38%) Coronation (12,38%) Abax (12,38%)
RSA-effekte Investec (5%) Prescient (5%) Prudential (5%)
RSA-kontant (5%)
Eiendom (7,5%) MetAM (15%)
MVI (2,5%)
Fonds van verskansingsfondse Brait (3%)
Wêreldwye effekte MetAM (3%)
Wêreldwye aandele Brandes (4,83%) Marathon (4,83%) Orbis (4,83%)
Bron: Metropolitan
bedrag. Die kapitaalheffing op die portefeulje
is 1% per jaar. Daar is ’n bykomende heffing vir
individuele beleggingskeuses.
Parkar sê: “Ons volg ’n multibestuurderbenadering
en ons fokus op ons twee kernsake:
ons lewensversekering en ons sterk balansstaat,
wat voordeelwaarborge kan onderskryf.”
“Kyk na die finansiële resultate vir 31 Desember
2009,” sê hy. “Die groep se statutêre
kapitaaltoereikendheidsverhouding (CAR)
is 3,7 keer en die graderingsagentskap Fitch
beoordeel sy finansiële stand as versekeraar as
AA-, selfs ná die finansiële krisis. Albei aspekte
beklemtoon ons sterk punte.”
Die fonds was die eerste in die kapitaalbewaringsveld
wat ’n multibestuurderbenadering
volg. “Batebestuurders word volgens uitnemendheid
op ’n spesialisgebied uitgesoek,”
sê Parkar. “Ons kies die beste bestuurders in
verskeie bateklasse in die bedryf, van aandele
tot effekte, om ’n veelsydige portefeulje te
skep.” (Sien tabel 2).
“Ons het ook ’n baie robuuste moniteringsproses
vir bestuurders en as ons ontevrede is
met die prestasie van ’n bepaalde bestuurder,
sal ons hom deur ’n ander vervang,” sê hy.
Nog ’n aspek waarmee MetEB ’n voorloper in
die bedryf is, is die instelling van ’n onafhanklike
bestuurskomitee wat toesig hou oor die reeks
gladgestrykte-bonusprodukte ooreenkomstig
’n handves waarop die komitee en MetEB ooreengekom
het. Dit is reeds in 2003 deurgevoer.
In Januarie 2008 het die Raad op Finansiële
Dienste (RFD) die regsomgewing geformaliseer
betreffende die bestuur van diskresionêre
deelnemingsprodukte (gladgestrykte-bonusprodukte)
van langtermyn-versekeraars.
Die direksie van Metropolitan Holdings
het toe ’n subkomitee, die aktuariële komitee,
aangewys om namens hom as diskresionêre
deelnemingskomitee op te tree. Op 1 Januarie
2008 het die vorige vrywillige bestuurskomitee,
wat geen verwantskap met die direksie gehad
het nie, hul pligte aan die deelnemingskomitee
oorgedra ten einde te voldoen aan die vereistes
van riglyn 147 wat die RFD oor die wet op
langtermyn-versekering uitgereik het.
In Mei 2009 het die deelnemingskomitee
van Metropolitan bevestig en aan sy kliënte
berig dat die fonds in 2008 ooreenkomstig die
beginsels en praktyk van finansiële bestuur
bedryf is.
“Dit beteken ons het die produk bestuur
op die wyse wat ons gesê het ons dit doen
en al het ons verander van ’n vrywillige na ’n
verpligte bestuurstruktuur, het ons dieselfde
vlak van goeie bestuur as voorheen gehandhaaf,”
sê Parkar.
Wat gladgestrykte bonusfondse betref,
moet trustees in die bestuur van die fonds
noukeurig aandag aan korporatiewe bestuurstrukture
gee. n

die debat oor die hervorming van maatskaplike
voorsorg die afgelope paar jaar het
dit onder mense se aandag gebring hoe
ingewikkeld die uitdagings is waarmee die
samestellers van ’n nasionale maatskaplike
spaarskema te kampe het.
Om toereikende dekking te verseker, is een
van die grootste probleme wat die pensioenfondsbedryf
in die gesig staar. Terwyl baie
Suid-Afrikaners tans die een of ander vorm
van aftreeversekering deur ’n private en/of
die staat se ouderdomspensioenskema het,
bly die toereikendheid van die dekking ’n
probleem vir sowel die regering as die private
sektor.
Daar word gereeld berig dat net 10% van
Suid-Afrikaners in gemak aftree. Dit plaas ’n
groot las op die staat se welsynstelsel en dit
beteken ’n laer lewenspeil ná aftrede.
Terwyl die regering die leemte probeer
hanteer deur die moontlike instelling van ’n nasionale
maatskaplike spaarskema, kan dit jare
duur voordat dit ’n werklikheid word weens al
die probleme wat daarmee gepaardgaan.
Intussen het die regering die afgelope
paar jaar verskeie ander struikelblokke in die
pensioenfondsbedryf aangepak wat die instelling
van ’n nasionale skema makliker kan maak.
Bedryfsrolspelers meen verdere regulering
kan help om die regering se doelstellings vir
maatskaplike hervorming te bereik.
John Melville, uitvoerende hoof van Metropolitan
Employee Benefits (MetEB), reken daar
moet ’n sterker fokus op bedryfsvlak wees. “’n
Paar wysigings aan reëls en regulasies kan gou
voordele vir alle betrokkenes meebring,” sê hy.
Melville se eerste voorstel is om ’n Mzanzitipe
goedkoop aftreeproduk te skep wat op
die informele sektor gerig is. “Die bedryf kan
die regering help om iets saam te stel wat
lewensvatbaar is ten einde kritieke dekking
te verseker, byvoorbeeld vir werkers in die
landbousektor,” sê hy.
Die tweede saak wat aandag verg, is
kapitaalbewaring. SA is een van die min lande
wat lede toelaat om hul volle pensioenfonds
te onttrek wanneer hulle die diens van ’n onderneming
verlaat. “Die wetgewers moet reëls
instel om dié praktyk te bekamp,” sê Melville.
“Daar moet ’n mate van verpligting wees
om mense sover te kry om op lang termyn
verantwoordelik op te tree,” sê hy. Soos sake
nou staan, is die statistieke skokkend. Tans is
90% van alle afgetredenes hulpbehoewend of
word deur hul kinders versorg.
Melville meen dat die wetgewing aanpasbaar
moet wees. “Daar moet egter voorsiening
gemaak word vir gevalle van afdankings of
ongeskiktheid of ander ekstreme situasies
waar maksimum ’n derde van die geld onttrek
mag word,” sê hy.
’n Derde maatreël sou wees om die middeletoets
te skrap waarvolgens ’n persoon se
staatspensioen verminder word
ooreenkomstig die bedrag
wat uit ander inkomstebronne
ontvang word. “Dis ’n effektiewe
belasting op armes en as dit
geskrap word, sal dit help om ’n
spaarkultuur by lae-inkomste-
Suid-Afrikaners te bevorder,”
sê Melville. “Waarom moet
lae-inkomsteverdieners vir die
toekoms spaar as dit beteken
hulle word ’n deel van of die
volle staatspensioen ontneem?
“Ek dink alle SA burgers behoort die standaard-staatspensioen
te ontvang en dit moet
deels gefinansier word deur belastingkortings
vir persone ouer as 65 te staak,” sê hy.
Vierde op die lys van oplossings is ’n enkele
standaard vir alle aftreefondsinstrumente.
Pensioenfondswetgewing bepaal tans dat
lede by aftrede ’n derde van hul geld as ’n
enkelbedrag kan trek, terwyl die res gebruik
moet word om ’n toekomstige maandelikse
MetroPolitan eMPloyee BeneFits
Dit is nie nodig om voor te begin nie
John Melville
Sterker fokus op bedryfsvlak.
Daar word
gereeld berig
dat net 10% van
Suid-Afrikaners
in gemak aftree.
inkomste te lewer. Hierdie reël geld egter net
pensioenfondse en aftreeannuïteite, terwyl
voorsorgfondse beleggers toelaat om die volle
bedrag by aftrede te onttrek.
Melville sê: “Alle produkte moet binne
dieselfde wetgewingbestel wees,” sê hy.
Die vyfde punt is die deurlopende verbetering
van bestuursreëls. In 2009 het die pensioenfondsberegter
’n vergelykende telkaart
uitgereik wat gegrond is op die hoeveelheid
en aard van klagtes wat hy van pensioenfondslede
ontvang.
Partye fondse het swak gevaar, maar
bedryfsrolspelers meen dit is nie ’n billike vergelyking
nie aangesien party pensioenfondse
hulle gewoonlik meer klagtes as ander op
die lyf loop vanweë die aard van die sektore
waarin hulle bedrywig is.
Melville voel die vergelyking is nie noodwendig
geldig nie, maar die beginsel daarvan is
gesond en hy waardeer die feit dat die beregter
die debat oopgestel het.
Melville stel voor dat ’n telkaart begin word
wat op PF130 of King III gegrond is en dat die
regering daarvolgens die beste praktyk in
die bestuur van ’n pensioenfonds voorskryf.
“Pensioenfondstrustees kan die telkaart met
bepaalde tussenpose voorlê en, indien nodig,
redes gee waarom voldoening nie moontlik is
nie. Dit sal die regering en reguleringsliggame
help om probleme in die bedryf vroeg te
identifiseer, lede en ander belanghebbendes
ingelig hou oor die stand van hul aftreefonds.”
Die laaste item is konsolidering. Een
van die grootste probleme
waarmee die private sektor te
kampe het, is dat sowat 80%
van SA se 13 000 pensioenfondse
minder as 100 lede het. Die
bedryf moet verder konsolideer
en die regering moet voortgaan
om dit aan te moedig. “Ek
dink die aantal klein fondse sal
beduidend afneem in ’n omgewing
wat meer veeleisende
bestuur vereis,” sê hy.
Melville voorspel dat talle lede hulle na
saambreelfondse gaan wend.
“As al ses die wenke gevolg word, hoef
mens nie soveel geld aan ’n nasionale maatskaplike
versekeringstelsel te bestee nie. Dit
gaan ’n baie duur projek wees en ons moet
waar moontlik bespaar,” sê Melville.
Dit lyk makliker en goedkoper om die kleinere
punte reg te stel wat binne ’n gevestigde
bedryf bestaan as om alles van voor af te
probeer oordoen. n
27 MEI 2010 FINWEEK 59

MetroPolitan eMPloyee BeneFits
Ons vertrou
hulle
Sa Se pensioen- en voorsorgfondsbedryf
van R1,3 triljoen is in die verlede deur talle
wanbestuurskandale geskud wat meegebring
het dat die regering streng maatreëls ingestel
het om wanbestuur en bedrog te bekamp.
Baie trustees bestuur ontsaglike pensioen-
en aftreefondse in hul vrye tyd – dan moet
hulle probeer voldoen aan die magdom reëls
en regulasies van pensioenfondshervorming
én die ingewikkelde finansiële markte probeer
verstaan. Dit is juis die rede hoekom die
meeste van SA se meer as 13 000 pensioenfondse
steeds in ’n risikosituasie verkeer.
“Om ’n pensioen- of voorsorgfonds te
bestuur, vereis ’n sekere vlak van vaardigheid
en toewyding, maar in werklikheid bestuur
trustees dié fondse benewens hul eie werk
en laat hulle meer verantwoordelikhede
aan administrateurs en konsultante oor as
wat goed is,” sê Robert Likhanya, hoof van
Metropolitan Employee Benefits (MetEB) se
afdeling vir direkte verkope en bemarking:
arbeid en regstreekse markte, verantwoordelik
vir vakbondgeaffilieerde fondse.
In effek plaas dit die jaarlikse bydraes van
na raming R75 miljard deur 9,2 miljoen lede
in die hande van mense wat nie genoeg van
pensioenfondse weet nie en wat te besig is of
te min hulpbronne het om nouer betrokke te
raak.
“Tensy die bedryf meer doen om te verseker
dat fondse behoorlik bestuur word, is dit
net ’n kwessie van tyd voordat nog skandale
onthul word,” sê hy.
Likhanya dink daar is genoeg wetgewing,
maar trustees sukkel om die wetgewing te
verstaan en te aanvaar. “Die feit dat die trus-
tees nou kragtens wetgewing aanspreeklik
gehou kan word, tel nie veel nie, want selfs al
word hulle skuldig bevind aan wandade, los
dit nie die probleem op van pensioenarisse
wat sonder geld is nie.”
Likhanya voel ook die swak bestuur van
fondse is deels die gevolg daarvan dat trustees
nie hul rol met genoeg erns bejeën nie
omdat hulle dikwels nie daarvoor betaal word
nie. “En baie trustees verkeer onder druk om
hul daaglikse werk te doen, wat beteken dat
hul trusteepligte min prioriteit kry,” sê hy. “Ek
dink ook dit is onbillik om trustees persoonlik
aanspreeklik te hou as hul fonds hulle nie die
geleentheid en hulpbronne gee om hul pligte
Beleggingsopleiding vir vakbond
die JohanneSburg School of
Finance en Metropolitan bied slypskole aan
om senior lidverteenwoordigers van vakbonde,
trustees en amptenare die kennis en
vaardighede te gee om finansiële en beleggingsgeleenthede
met vertroue te evalueer
en om goeie beleggingsbesluite namens
hul belangegroepe te neem.
Elke kandidaat word opgelei in hoe om
besluite te neem oor vakbondbeleggings,
die bestuur van persoonlike finansies en
60 FINWEEK 27 MEI 2010
robert likhanya
Trustees worstel met wetgewing.
pensioen- en voorsorgfondse.
Kandidate wat minstens agt van die
tien dae van werksessies bywoon en wat
minstens 60% in die finale toets behaal, sal
’n sertifikaat van voltooiing ontvang en sal
ook in die volgende jaar vir die Unisa-sertifikaatprogram
in beleggingsontleding en
portefeuljebestuur (’n kursus op NKR-vlak 6)
kan inskryf. Dit het vier verpligte modules:
beleggingsagtergrond, beleggingsontleding,
portefeuljebestuur en etiek. n
behoorlik uit te voer nie.”
Met die geld en toekoms van so baie
mense op die spel beveel Likhanya aan dat
pensioen- en voorsorgfondse voltydse hoofde
aanstel om hul fondse te bestuur. “My ondervinding
met vakbondgeaffilieerde fondse
is egter dat die res van die direksie deur die
lede gekies word en dat die proses dikwels
’n gewildheidskompetisie word, pleks van ’n
kwessie van kundigheid,” sê hy. “Opleiding is ’n
opsie, maar die probleem is dat die probleem
van voor af begin wanneer hul ampstermyn
verstryk.”
Metropolitan het die probleem besef en
het saam met Cosatu ’n vennootskap begin
om trustees op te lei en deurlopend bystand
te verleen in aangeleenthede wat aandag
verg. “Dit sal dus makliker wees om met
lede te kommunikeer as trustees weet wat
aangaan,” sê Likhanya.
Die drieledige bondgenootskap van die
Johannesburg School of Finance, Cosatu en
Metropolitan is in 2003 gestig toe die eerste
groep GDF-trustees hulle aangesluit het. Later
is slypskole en ’n Unisa-opleidingsprogram
ontwikkel, en subafdelings van Cosatu het
individue vir die program aanbeveel, soos wat
steeds die geval is. (Lees die kassie.) Die proses
herhaal homself elke vier jaar wanneer nuwe
trustees gekies word.
Ofskoon baie van Metropolitan se mededingers
ook opleiding vir trustees aanbied,
voel baie vakbonde hulle doen dit net om hul
eie produkte te bevorder en nie tot voordeel
van die lede self nie. “Dit is hoekom ons ’n
onafhanklike liggaam aangestel het om die
opleiding te koördineer, want dit is waar die
fokus behoort te wees,” sê Likhanya.
“Met die regte kundigheid kan trustees ’n
beleggingstrategie help saamstel, die kostelae
bevraagteken en – baie belangrik – behoorlik
met die lede van die pensioen- en voorsorgfonds
kommunikeer oor kwessies.
“Dikwels kry ons te doen met lede wat
kwartaalstate ontvang en die bedrae voldoen
dan nie aan hul verwagtinge nie, wat tot
verskeie ander probleme lei,” sê hy. “Dit is
hoekom dit so belangrik is dat trustees die
fonds se beleggingstrategie en die gevolge
daarvan aan die lede verduidelik. Dit is ook
noodsaaklik dat die trustees portefeuljekeuse
vir lede instel en verduidelik sodat hulle hul
beleggings na minder riskante portefeuljes
kan verskuif wanneer hulle aftreeouderdom
bereik.”
Metropolitan help ook met toereikende
ledekommunikasie deur kontak te handhaaf
met die hoof, gereeld inligtingsreise vir lede te
onderneem en forums met direksielede te hou
oor hoe om doeltreffend met sy lede te kommunikeer.
“Die steunfunksie is noodsaaklik om
’n sukses daarvan te maak,” sê Likhanya. n

Riskante
sake
Slegte dinge gebeur, dikwels met
geweldige fisieke en finansiële gevolge op
lang termyn. Dit is hoekom werkgewers en
pensioenfondstrustees die verantwoordelikheid
moet aanvaar om risikovoordele aan
werknemers en hul gesin te bied.
Soos met die verskaffing van enige soort
versekering, is die besonderhede egter baie
belangrik.
Die meeste groepskemas bied basiese risikodekking,
maar dit is nie altyd voldoende nie.
In baie gevalle is dit noodsaaklik om ’n profiel
van ’n lid se behoeftes op te stel en, indien
nodig, bykomende dekking te reël.
“Wat Metropolitan Employee Benefits
(MetEB) van sy mededingers onderskei, is ’n
goeie begrip van wie die bevoordeeldes is
en die gebruik om regstreeks met kliënte te
kommunikeer om oplossings te ontwikkel,” sê
Francesco Joshua, hoof vir groeprisiko-oplossings
van MetEB.
“Ons het mense aangestel wat die agtergrond
en kennis het om kliënte se behoeftes
te verstaan en daaraan aandag te gee,” sê hy.
“Ons ervaring maak dit vir ons moontlik om
daarvolgens advies te gee, en ons grootte
maak dit vir ons moontlik om aanpasbaar te
wees deur ons voordeelsa-
mestelling en ander aanbiedings
te wysig,” sê hy.
MetEB het byvoorbeeld
onlangs met die BRT-busdiens
gepraat om risiko-oplossings
te bied wat vir die bedryf
gepas is. “Dit was weens
taxiwraak ’n riskante inisiatief,
maar ons reken dat risikodekking
’n basiese reg is en ons
het met die kliënt saamgewerk
om ’n produk te ontwikkel wat in sy bepaalde
behoeftes voorsien,” sê Joshua.
“MetEB benut ook sy sterk aktuariële en risikomodelkundigheid,
wat tot ’n beter begrip
van die risiko’s en die aanslag daarvan lei.”
Daarby het MetEB in ’n span goed opgeleide
administratiewe personeellede geïnvesteer
wat in ’n gestruktureerde omgewing van
prosesse werk en werkvloeitegnologie gebruik
om die standaard van dienslewering daagliks
dop te hou en te bestuur. “Ons monitor elke
werkende deel van die onderneming deurlopend
om dienslewering en doeltreffendheid
te verbeter,” sê hy.
Die evaluering van ongeskiktheidseise
MetEB het in
die vroeë 1990’s
die voortou
met MIV/
vigs-modelle
geneem.
is nie altyd eenvoudig nie, maar MetEB het
deur die jare ’n stewige infrastruktuur van
gesondheidsorgberoepslui opgebou wat die
beoordeling van ongeskiktheidseise bestuur.
Onafhanklike eisassessors word ook gebruik
om billikheid en objektiwiteit te verseker.
“Ons was in 2002 die eerste maatskappy
wat onafhanklike, onbevooroordeelde assessors
aangestel het om ongeskiktheidseise te
verwerk,” sê Joshua. “Dit maak die proses billiker
as iemand met geen gevestigde belang
nie die egtheid en grootte van ’n eis beoordeel,”
sê hy.
Wel, die bewys lê in die resultate, en MetEB
se strategieë kry baie aandag.
MetEB het in 2009 SA se eerste
Imbasa Yegolide-toekenning
as risikobestuurder van die jaar
verower.
MetEB is ook die enigste
risiko-onderskrywer wat sy
markaandeel sedert 2001 elke
jaar vergroot het en kry tans
14% van die jaarlikse premieinkomste
in die mark. “MetEB
het die afgelope sewe jaar met
20% per jaar gegroei,” sê Joshua. “Ons het selfs
in 2009 se resessietoestande met 9% gegroei,
wat ons as ’n taamlike prestasie beskou.
“Risiko-onderskrywing is die mededingendste
afdeling van die werknemervoordelebedryf,
met baie klein winsgrense. MetEB het
die versoeking weerstaan om by prysoorloë
betrokke te raak en onstabiliteit vir ons kliënte
te skep, maar konsentreer eerder daarop om
ons te onderskei met billike pryse vir voordele,
die nakoming van diensvlakbeloftes, die
billike beoordeling van ongeskiktheidseise en
om kliënte te help om die sterfte- en ongeskiktheidskoerse
weens MIV/vigs en ander te
beperk.”
MetroPolitan eMPloyee BeneFits
francesco Joshua
Ons grootte maak aanpasbaarheid
moontlik.
Die vordering wat die groep die laaste paar
jaar in sy groepsrisikosake gemaak het en die
toekennings wat hy daarvoor gekry het, dui
op sy leiersrol op die terrein van risikomodelle
en doeltreffende sakebestuur in ’n vinnige
groeisiklus. “Ons volhoubare groei spruit ook
uit ons bevoegde, gemotiveerde en bemagtigde
personeel, wat ons kliënte se behoeftes
verstaan en beloftes gestand doen.” Die groei
in sy markaandeel geskied egter ten koste van
mededingers en die bedryf van R9 miljard is
beperk.
Joshua sê toekomstige groei sal op die
behoud van huidige sake gegrond wees deur
op die faktore te konsentreer wat MetEB
onderskei, soos ervaring, aanpasbaarheid,
deurlopende betrokkenheid en unieke aanbiedings,
soos sy MIV/vigs-model.
MetEB het in die vroeë 1990’s deur die
Doyle-model die voortou met MIV/vigsmodelle
geneem wat nie net ’n norm vir die
kontrolering van die pandemie geword het
nie, maar ook ’n instrument om die uitwerking
van ingrypingscenario’s te begryp. “Met dié
dat ’n beduidende persentasie van sterfgevalle
by baie werkplekke MIV-verwante oorsake
het, is dit ’n terrein wat vir ons en ons kliënte
van wesensbelang is,” sê Joshua.
Die model gee ’n wetenskaplike grondslag
vir die verwagte vigssterftekoers en
lewensversekeraars en aktuarisse gebruik dit
vir waardasies, prysbepaling en produkontwikkeling.
Die vigsnavorsingseenheid doen
steeds impakstudies vir werkgewersgroepe
en -fondse om hulle die uitwerking van die
pandemie te help begryp.
.Joshua sê toekomstige groei sal ook op
innovasie gegrond wees deur voordele by
bestaande produkte te voeg of nuwe inkomstestrome
in die groepmarkomgewing te
identifiseer. n
27 MEI 2010 FINWEEK 61

MetroPolitan eMPloyee BeneFits
Die lewe gaan oor keuses
die een belangrike saak wat uit die
onlangse markineenstorting – en daaropvolgende
wisselvalligheid – gespruit het, is
dat dit noodsaaklik is dat lede en trustees
van aftreefondse hul beleggingstrategie op
hul onderskeie vlak gereeld hersien. As mens
ook in ag neem dat daar teen 2050 meer as
850 000 mense ouer as 100 jaar sal wees en
dat net sowat 25% van die bydraende lede
met voldoende voordele aftree, sit ons met ’n
probleem. Dit lei tot die vraag of
ons verwag dat ons kinders of
die staat na ons moet omsien.
Die aftreefondsbedryf het
tot begin 2008 ’n rooskleurige
prentjie geskilder, maar dit was
hoofsaaklik die gevolg van die
stygmark wat in 2005 begin
het. Sedertdien het aftreefondstrustees
nie voldoende advies
aan lede oor beleggingsopsies
gegee nie, wat tot gevolg het dat baie lede se
kapitaalreserwes krimp en hul voorsiening vir
aftrede onvoldoende is.
Selfs al was dit nie die geval nie, is baie
lede van SA aftreefondse uiters ongeërg oor
die neem van beleggingsbesluite. Metropolitan
Employee Benefits (MetEB) raam dat
sowat 85% van plaaslike lede wat uit verskeie
beleggingsopsies in hul fonds kan kies, verkies
om dit nie te doen nie en by die verstekbeleggingsopsie
bly wat hul trustees bepaal het.
Daar is nie amptelike statistieke nie, maar
dit lyk of dit op swak aftreebeplanning en
finansiële ongeletterdheid neerkom. “Wat die
rede ook al is, is die gevolg dat lede met individuele
lidkeuses eers beleggingsbesluite begin
neem wanneer hulle aftrede nader,” sê Morné
Nell, hoof van MetEB se aftreefondsdienste.
“Dit is wanneer lede besef dat hulle nie
voldoende geld vir aftrede het nie,” sê hy. “Gevolglik
is hulle dan geneig om buitensporige
risiko te loop deur na aggressiewer portefeuljes
oor te skakel, terwyl hulle aan kapitaalbewaring
behoort te dink.”
Met dié dat lede nie daarin belang stel
om beleggingsbesluite te neem nie, rus die
beleggingsrisiko om genoeg geld by aftrede
te hê, weer op die trustees se skouers. Dit
is die situasie waarin die aftreefondsbedryf
hom tans bevind, maar gelukkig weer met ’n
plan van aksie – ’n plan om lede se bates teen
krimpende beleggingsopbrengste te beskerm.
Aftreefondstrustees het nou lewensfaseportefeuljes
in hul fonds ingestel. Lewensfasefondse
is ontwerp om lede se geld na
onderliggende beleggings te verskuif wat
62 FINWEEK 27 MEI 2010
85% van
plaaslike lede
bly by die
verstekbeleggingsopsie.
al hoe konserwatiewer raak namate die lid
aftreeouderdom nader.
In die jaar waarin ’n lid aftree, sal sy/haar
geld normaalweg in ’n laerisiko-portefeulje
belê wees wat kapitaal bewaar. Dié opsie kan
óf gekies óf outomaties gedoen word.
Omdat markte tot vroeg 2008 besonder
goed gevaar het, is lewensfasebeleggings
gekritiseer omdat dit lede nie die volle
voordele van die stygmark gee nie. Noudat
die markvooruitsigte onseker is,
sou lewensfaseportefeuljes baie
lede bevoordeel het wat aftrede
nader. Lewensfaseportefeuljes
word dikwels in fondse met
gladgestrykte groei belê wat ’n
gewaarborgte uitbetaling en
bestendige beleggingsgroei ná
aftrede verseker.
“Die uitdaging lê in die
waarde wat die lid waarneem,”
sê Nell. “Op lang termyn sal fonde met
gladgestrykte bonusse byna 1 persentasiepunt
swakker as gebalanseerde fondse vaar,
gewoonlik weens die kapitaalheffing, en dit is
’n uitdaging om trustees daarvan te oortuig
dat kapitaalbewaring ’n geskikte waardeopsie
is vir mense wat aftrede nader, dié in ’n
mobiele werkmag en dié wat onseker is oor
hul werksekuriteit.”
Nell sê trustees moet ook in gedagte hou
dat fondse met keuses vir individuele lede
hoër administrasie- en beleggingsbestuurkoste
moet betaal. “As min lede van die verstekopsie
afwyk, verloor die fonds eenvoudig
geld, want die koste om die ‘keuse’ te kan bied,
moet steeds betaal word.”
Fondse wat keuses aan individuele lede
bied, is gewoonlik duurder omdat meer administrasie
nodig is, asook vanweë oorskakelingsgelde
en die administrasie wat verband
hou met die groter aantal beleggingsportefeuljes
wat gebied word.
Dit is hoekom MetEB ’n nuwe administrasieplatform
bekend gestel
Morné nell
Die uitdaging lê in
die waarde wat die
lid waarneem.
het wat vir private fondse en kleiner werknemers
voorsiening maak wat oorkoepelende
fondsreëlings verkies. Neon, wat vroeg in 2009
bekend gestel is, verminder die administrasiekoste
deur ’n gedeelde tariefstruktuur te bied.
Neon hef net ’n vasgestelde administrasietarief
op lede, terwyl net dié wat die produk met
keuses vir individuele lede verkies, daarvoor
betaal. “Dié oplossing verlaag die fondskoste,
maar bevoordeel ook lede wat hul portefeulje
aktief wil bestuur,” sê Nell. “Dié wat besluit om
tussen fondse binne Neon oor te skakel, kry
een oorskakelingstarief per jaar en dit word
net daarna gehef,” sê hy.
“Daarby,” sê Nell, “het trustees en lede op
ons Neon-administrasieplatform enige tyd en
op enige plek deur ’n webgegronde portaal
toegang tot fondsinligting. Beleggers kan hul
beleggings intyds dophou en hoef nie net op
kwaartaalverslae of telefoonoproepe staat te
maak nie.”
Neon vaar uiters goed en sy ledetal styg
met 30% per jaar, nie net omdat hy aanpasbaar
is wat keuse en koste betref nie, maar
omdat die deurlopende vloei van inligting
van die makelaarsweb af lede beheer oor hul
aftreevoordele laat neem. n

Goed gekapitaliseer
in die aangeSig van wisselvallige en
onsekere markte het die verstandige, miskien
selfs konserwatiewe, strategie wat Metropolitan
as ’n groep met die bestuur van sy kapitaal
gevolg het, einde 2009 goeie dividende
opgelewer.
“Met dinamiese batetoewysing- en kapitaalbeskermingstrategieë,
soos verskansing
en ander bedrywighede om risiko te beperk,
het ons toereikende kapitaalvlakke gehandhaaf
en ons balansstaat boonop verstewig,
ondanks die ongeëwenaarde ongestadigheid
van die aandelemark,” sê Thinus Alsworth-Elvey,
uitvoerende hoof van beleggingsdienste
van Metropolitan Employee Benefits (MetEB).
Met sy statutêre vereiste vir kapitaaltoereikendheid
wat in 2009 op groepvlak 3,7 keer
gedek was vergeleke met 3,1 keer in 2008,
het Metropolitan die jaar in ’n kapitaalposisie
afgesluit wat selfs beter was as toe die jaar
begin het – ’n bemoedigende prestasie teen
die agtergrond van die onstuimigheid in die
mark.
Daarby het die totale bates onder bestuur
met 5% tot R103 miljard toegeneem en is ’n
dividend van 100c per aandeel verklaar, wat
ook 5% meer is as die jaar tevore.
In sy oorsig oor Metropolitan in Desember
2009 het Fitch Ratings sy gradering van
AA- (finansiële sterkte van die nasionale
versekeraar) en A+ (nasionale lang termyn) vir
Metropolitan behou, wat ’n weerspieëling is
van sowel die groep se kapitaalgesondheid as
sy sakeposisie en vooruitsigte.
“As gevolg van die swak beleggingsmarkte
het party van ons gladgestrykte
bonusfondse die jaar met negatiewe
finansieringsvlakke begin,” sê Alsworth-Elvey.
“Met ’n reeks bestuursaksies en die positiewe
impak van die verbetering in die markte is
die situasie egter aansienlik verbeter en daar
is geen fonds van dié aard met finansieringsvlakke
onder die voorgeskrewe verslagdoeningsperk
van 92,5% nie. Pleks daarvan het
die meeste fondse positiewe reserwes vir die
gladstryk van bonusse.”
Volgens Alsworth-Elvey is ’n gesonde kapitaaltoereikendheidsverhouding,
toenemende
bates onder bestuur en gereelde dividende ’n
belangrike aanduiding van finansiële bestendigheid,
wat vir beleggings en annuïteitsprodukte
van kritieke belang is. “Al hierdie faktore
dui aan dat ons onderneming stabiel is en
groei.”
Die minimum hoeveelheid bates wat ’n
versekeraar meer as sy verpligtinge moet
hê, soos deur die Raad op Finansiële Dienste
(RFD) voorgeskryf, staan as die kapitaaltoereikendheidsvereiste
(KTV) bekend, sê hy. “Die
statutêre minimum is 1 keer die KTV, hoewel
die RFD in die praktyk vrae sal begin vra as dit
tot onder 2 keer die KTV daal.”
Dit is ná die aankondiging van die samesmelting
van Metropolitan en Momentum
opmerklik dat Metropolitan hoë kapitaalvlakke
het, met sy KTV op 3,7 keer teenoor
Momentum se 2 keer. Ontleders verduidelik
MetroPolitan eMPloyee BeneFits
Metropolitan-groep - kapitaaltoereikendheidSVereiSteS (en -koerSe)
09 08 07 06 05
Rm Rm Rm Rm Rm
Lewensmaatskappye se oorskotbates (Statutêr) 5 839 4 724 5 513 5 836 6 144
Kapitaaltoereikendheidsvereiste (KTV) 2 090 2 336 1 609 1 592 1 418
Lewensmaatskappye se KTV-dekking (keer) 2,8 2,0 3,4 3,6 4,3
Metropolitan Life se KTV-dekking (keer) 2,8 2,1 3,8 3,9 4,4
Metropolitan-groep se KTV-dekking (keer) 3,7 3,1 4,2 4,2 4,4
thinus alsworth-elvey
Optimale toewysing en benutting van
kapitaal is topprioriteite.
kopie: Ruan Jooste adVertenSieS: Stephané du Toit
Bron: Metropolitan
dat Momentum minder oortollige kapitaal
nodig het, want sy blootstelling aan aandele
en ander instrumente, en die beleggingswaarborge
wat voorsien word, stel hom minder
aan markrisiko bloot. In ’n bankversekeringsmodel
is dit ook nie ongewoon om oortollige
kapitaal op FirstRand se vlak te sien en nie op
Momentum se vlak nie.
Op grond van die statutêre kapitaaltoereikendheidstoets
was Metropolitan se KTV
in geldterme uitgedruk einde Desember
R2,1 miljard, met oortollige kapitaal van
R7,8 miljard, wat op ’n KTV-dekking van 3,7
keer neerkom (R7,8 miljard/R2,1 miljard).
(Sien tabel.)
“Al gee die KTV ’n goeie aanduiding van
hoe sterk jou balansstaat is, is die metode
om te bereken presies hoeveel kapitaal ’n
versekeraar benodig om uiters nadelige en
wisselende ervarings en skokke te weerstaan,
taamlik gesofistikeerd en word dit vereenvoudig,”
sê Alsworth-Elvey.
“Om ’n akkurate prentjie te vorm van al die
moontlike risiko’s en hoeveel kapitaal benodig
word, gebruik Metropolitan ook sy eie kapitaalmodel
(goedgekeur deur die RFD) om te
bepaal wat die gepaste vlak van kapitaal is wat
gehou moet word, bekend as sy ekonomiese
of langtermyn-kapitaalvereiste.”
Metropolitan se interne kapitaalmodel
vereis dat kapitaal van R4,3 miljard gehou
moet word, dubbel dié van sy KTV. “Op grond
van die resultate van ons interne kapitaalmodel
is ons meer as toereikend gekapitaliseer,”
sê Alsworth-Elvey.
Groot onsekerheid bestaan nog oor die
rigting waarin markte volgende sal beweeg,
met baie van die bepalende faktore in die
hande van plaaslike en oorsese beleidmakers.
“Dit is waarom die optimale toewysing en
benutting van kapitaal om vir alle belanghebbendes
– vir aandeelhouers en polishouers
ewe veel – waarde te skep, een van die groep
se topprioriteite bly,” sê Alsworth-Elvey. n
27 MEI 2010 FINWEEK 63