Om Andries Breytenbach se lewensloop en persoonlike ... - VVK

VORM 3(3)
STANDAARD VRAELYS:
LEWENSLOOP VAN VOLKSRAAD-KANDIDATE
LEWENSLOOP EN PERSOONLIKE GEGEWENS
van
Andries Engelbertus (“Andries”) Breytenbach
(volle voorname en familienaam van kandidaat)
1

1. GEBOORTEDATUM: 10 Julie 1947
2. GEBOORTEPLEK: Kaapstad
3. FAMILIE-AGTERGROND (noem enige feite na goeddunke):
Die Breytenbachs se geskiedenis in Suid-Afrika begin in 1738
met die aankoms van die stamvader uit Duitsland, ‘n soldaat in
diens van die H.O.I.K.. Hier het hy getrou en ‘n nageslag verwek.
Van sy kleinseuns het grensboere aan die Oosgrens geword.
Hulle trek die binneland in saam met die Groot Trek, neem deel
aan die Slag van Bloedrivier; verlaat Natal ná die Britse
anneksasie en vestig uiteindelik in Transvaal. Hulle het dus die
wordingsgeskiedenis van ons volk en die Boererepublieke ten
nouste deurleef.
My oupa aan moederskant was ‘n Kaapse rebel wat die Tweede
Vryheidsoorlog deurgeveg en daarna in Oos-Transvaal gevestig
het.
Vader: Dr. J.H. Breytenbach, in lewe Staatshistorikus. Skrywer
van talle gesaghebbende boeke oor die S.A. geskiedenis.
Moeder: Theonita Breytenbach, vroeër onderwyseres,
Gesin van 3 kinders, te wete ‘n ouer broer, ekself en ‘n jonger
suster.
4. LAERSKOOL-OPLEIDING - waar, wanneer, enige toekennings,
leierskapfunksies en enige ander feite na goeddunke:
Villieria Laerskool, Pretoria, 1953 – 1959.
5. HOЁRSKOOL-OPLEIDING - waar, wanneer, enige toekennings,
leierskapfunksies en enige ander feite na goeddunke:
Hoërskool Oos-Moot, Villieria, Pretoria, 1960 – 1964.
Lid van die Leerlingraad.
6. LOOPBAAN IN DIE WEERMAG, POLISIEMAG, INTELLIGENSIE- OF
ANDER VEILIGHEIDSDIENSTE (indien u nooit enige sulke dienste
verrig het nie, meld “GEEN”) – tye, plekke en hoedanighede waarin u
gedien het en/of steeds dien. Meld moontlike toekennings,
leierskapfunksies en enige ander feite na goeddunke. In geval van
dissiplinêre optrede teen u, meld die agtergrond en uitkoms daarvan:
2

Januarie 1965: Tree toe tot die Staande Mag (S.A. Leër:
Infanteriekorps).
1966-1968: Studeer aan die Militêre Akademie, Saldanha, behaal
die B.Mil-graad en ontvang kommissie as offisier in die S.A.
Weermag.
Januarie 1969 – April 1974: Dien as Infanterie-offisier in
verskillende hoedanighede en by verskillende standplase. Verrig
twee keer grensdiens gedurende dié tyd.
Mei 1974: Bedank uit die Staande Mag en tree in diens by die
Krygstuigraad (wat later Krygkor word) se Afdeling Sekerheid en
Veiligheid as sekerheidsbeampte, gemoeid met sekerheid van
krygstuigprojekte.
Kwalifiseer in Inligtingstegnologie en vorder mettertyd tot
bestuurder in Inligtingstegnologie en Inligtingsbestuur.
Einde Maart 2008: Tree af met pensioen.
7. NASKOOLSE OPLEIDING (indien u geen opleiding na skool deurloop
het nie, meld “GEEN”) – waar, wanneer, enige toekennings,
leierskapfunksies en enige ander feite na goeddunke. In geval van
dissiplinêre optrede teen u, meld die agtergrond en uitkoms daarvan:
Verwerf M.A.-graad aan Unisa. Verhandeling handel oor die slag
van Donkerhoek, 11 – 12 Junie 1900.
Verwerf ook Diplomas in Datametrie (Unisa), Bestuur en
Projekbestuur (Universiteit van Pretoria) en Werkstudie
(Technikon, Pretoria).
Deurloop verskeie kursusse en seminare in algemene bestuur,
Inligtingstegnologie, Inligtingsbestuur en diverse onderwerpe
gedurende my loopbaan by Krygkor.
8. BEROEPSGESKIEDENIS (noem tye, plekke, en hoedanighede waar
u werksaam was sedert die begin van u beroepslewe. Meld moontlike
toekennings, leierskapfunksies en enige ander feite na goeddunke. In
geval van dissiplinêre optrede teen u, meld die agtergrond en uitkoms
daarvan):
Sien paragrawe 6 en 7 hierbo.
9. HUWELIKSTATUS: Getroud met Marietjie sedert 11 Oktober 1969.
Drie dogters en ‘n seun is uit die huwelik gebore.
10. KERKVERBAND EN -GEMEENTE (indien u tans nie lid van enige
kerk is nie, meld “GEEN” en ‘n kort uiteensetting van omstandighede
in hierdie opsig) – noem ook enige hoedanigheid waarin u moontlik
gedien het en die gemeente(s) waar dit die geval was of is:
3

Gebore en grootgeword in die NG-Kerk.
Verlaat die NG-Kerk in 1977 vanweë sy politieke wending na links
en tree toe tot die Nederduitsch Hervormde Kerk, gemeente
Pretoria-Oos.
Tans lid van die protesterende deel van dié kerk, wat die
onlangse Algemene Kerkvergadering se veroordeling van
Apartheid verwerp.
11. ENIGE GELOOFSAKTIWITEITE OF -BETROKKENHEID BUITE
FORMELE KERKVERBAND (indien u geen Geloofsaktiwiteite buite
Kerkverband bedryf nie, meld “GEEN”):
Geen.
12. OORSIG VAN U BETROKKENHEID BY ENIGE SAKE IN
VOLKSBELANG, OP WELKE TERREIN OOKAL, SEDERT DIE
BEGIN VAN U VOLWASSE LEWE (noem tye, plekke, en
hoedanighede van u aktiwiteite in hierdie opsig so volledig as
moontlik; meld of u leiding gegee het en/of steeds gee in enige
verband; en enige ander feite na goeddunke – byvoorbeeld of enige
optrede in belang van die volk u tot persoonlike nadeel gestrek het):
Lid, en later Bestuurslid van die eerste Genootskap vir die
Handhawing van Afrikaans (GHA) van dr. Hennie Terblanche
(gestig 26 Nov. 1965).
Lid van die Christelike Kultuuraksie (CKA) wat as
kultuurorganisasie gestig is om die toenmalige
kultuurorganisasies, wat onder invloed van die Broederbond
gestaan het, se linkswending agter mnr. Vorster aan, teen te
gaan. Dié organisasie was in der waarheid die voorloper van die
HNP.
Lid van die Hendrik Verwoerd Junior Rapportryerskorps wat
geweier het om teen die skrywers van die sogenaamde
“smeerbrief” teen mnr. Vorster (1968) op te tree, en toe uit die
Rapportryersbeweging geskors is. Die aktiwiteite van die korps
lei tot ‘n persoonlike botsing tussen my en mnr. P.W. Botha, toe
Minister van Verdediging.
Stigters- en bestuurslid van die Kloof Geloftefeeskomitee, wat in
1969 tot stand gebring is as teenvoeter vir die politisering van die
Geloftefeeste in en om Pretoria om die linkse politiek van die NP
te promoveer.
Stigterslid van die HNP, 25 Oktober 1969. Dien deurlopend op
tak- en afdelingsbesture asook die Hoofbestuur van dié Party.
Word in Maart 2010 verkies tot Leier van die HNP, ná mnr. Japie
Theart se uittrede as Leier.
Tree sedert 1985 gereeld op as Geloftefeesspreker.
Lid van ‘n amateur toneelgroep wat in 1988 tydens die Groot Trek
150-herdenking Die Dieper Reg van N.P. van Wyk Louw op
verskillende dorpe en in Pretoria opvoer.
4

Lid van die Radio Pretoria Art. 21 maatskappy, en word tot lid van
die Direksie verkies. Bedank in November 2009 uit die Direksie
weens my politieke ampsbekleding in die HNP (statute bepaal dat
politieke ampbekleders nie lede van die Direksies van
gemeenskapsrade mag wees nie).
Sekretaris van die Volkskomitee vir die Herdenking van die
Tweede Vryheidsoorlog (1999 – 2002) wat as loodskomitee reeds
in 1996 tot stand gekom het.
Trustee van die Majuba Boerevolktrust.
Lid van die huidige Genootskap vir die Handhawing van
Afrikaans (GHA) en die Afrikaner Kultuurbond (AKB).
Direksielid van die Volkseie Museumraad, wat hom vir die
bewaring van ons volk se historiese- en kultuurerfenis beywer.
Word in Januarie 2009 verkies tot Voorsitter van Die
Afrikanerfront (AF), ‘n front van vryheidsgesinde organisasies,
bewegings en groepe. Ten tyde van die skrywe hiervan het die
Front uit 28 lede-organisasies bestaan.
13. VRYETYDBESTEDING, STOKPERDJIES EN BELANGSTELLINGS
(meld ook moontlike toekennings of leierskapfunksies in hierdie opsig,
hetsy in die verlede of huidig):
Lees, skryf.
Reis graag en besoek historiese plekke, plaaslik en in die
buiteland.
Bring tyd deur met my familie.
14. GUNSTELING KUNS EN MUSIEK:
Het ‘n wye musieksmaak, insluitend opera, ligte klassieke musiek
en volksmusiek van verskillende volkere. Het ‘n afkeer in jazz,
ruk- en rol en dergelike “musiek”.
15. VERSKAF KORTLIKS DIE REDE(S) WAAROM U BEREID IS OM AS
VOLKSRAADSLID TE DIEN:
Plig- en roepingsbesef. Ek strewe na soewereine vryheid vir ons
volk in ‘n eie vaderland, waar ons volgens Christelike norme sal
leef, vry van vreemde oorheersing. Omdat ek dit verlang, moet ek
ook my deel doen om dit te verkry.
16. KORT UITEENSETTING VAN U GESONDHEIDSTOESTAND:
Uitstekend
17. ENIGE HELDE EN ROLMODELLE (insluitende u redes daarvoor):
5

Pres. Paul Kruger; dr. Hendrik Verwoerd; dr. Albert Hertzog; mnr
Jaap Marais; my vader, dr. J.H. Breytenbach:
Hulle was almal kinderlik-gelowige, nederige, beredeneerde en
nugter mense met selfbeheersing en dissipline. Hulle het die
volksaak selfloos en met oorgawe gedien en nie hulle eie
belange nie. Hulle was idealisties, maar het terselfdertyd hulle
sin en besef van die werklikhede waarmee hulle te doen gehad
het, behou. Hulle het nie onaanvaarbare ekstremistiese
opvattinge gehuldig of goedgepraat nie. Hulle was beginselvas
en tog buigsaam en innoverend genoeg om oplossings vir die
probleme waarmee hulle te doen gekry het, te vind. Hulle kon vir
hulleself dink en het hulle nie deur elke nuwe wind laat rondwaai
of agter elke nuwe gier aangehardloop nie.
18. ENIGE ANDER PERSOONLIKE FEITE- OF INLIGTING WAT U
MOONTLIK WIL VERSTREK EN VOLGENS U RELEVANT MAG
WEES IN TERME VAN U VOLKSRAAD-KANDIDATUUR:
Geen.
6