Hier is net 'n klein en vinnige idee om jou uitnodigings te ... - Inspirasie

Verander jou badkamer
Daar is niks meer terapeuties as ’n selfdoen projek nie. Veral as jy lusteloos voel en dit is
dan ook presies wat ek gedoen het. Dit hoef nie ’n klomp geld uit jou sal uit te jaag nie. As
jy jou verbeelding ’n bietjie inspan kos dit jou amper
niks.
Almal wil mos ’n huisie by die see hê. Nou ja, ek het toe
besluit om maar vir my ook een te kry en nêrens anders
as in my gemakshuisie (hie-hie) wat bestaan uit die
toilet, stort en wasbak nie en dan ’n inham waar ’n paar
rakkies ingesit is. Hoekom die mense wat hierdie
badkamer aangebou het nie die wasbak in die inham gesit het nie gaan my verstand te
bowe. Ek het my man gevra om dit soontoe te skuif, maar dit is ’n projek vir ’n ander keer.
Te koste berekend op die oomblik.
Nou ja in die pakkamer het ek verf gekry wat nog heel goed was om te gebruik en omdat
dit baie na aan seesand gelyk het, het ek die mure my huisie
dan die kleur van seesand gegee. Mens kan nog sien hoe nat
die verf was kol-kol toe ek die foto geneem het.
Die venster was eerste aan die beurt. Ek het skulpe wat met
’n redelike dikkerige vislyn inmekaar geryg is geneem en dit
aan ’n ronde bamboes sparretjie gehang om die agtergrond
te vorm en toe die winkels ingevaar om die regte gordyne te
kry. Gelukkig het ek by ’n bekende beddegoed en gordyn
winkel “Laken Straat” die ideale gordyntjies opgespoor vir hierdie doel. Pragtige skulpe
en dan ook met blou. Blou soos die see. Daar is ook pragtige spreuke op soos. The best
things in live is free en Write your troubles in sand end your blessings in stone” ens.
Perfek. Koste R100.
Volgende maand wys ek wat met ’n spieël gedoen kan word.