Heldinne van Geloof Die Woord, ons kosbaarste - CJBF

Die Gereformeerde
Vroueblad
Heldinne
van
Geloof
Die Woord,
ons kosbaarste
OKT 2011
~ ’n Tweede kans
~ Boemelaar, bedelaar
of plakker?
www.gksa.org.za/vroueblad.htm
DIE EV EVANGELIE ANGELIE
VAN AN DIE
HEERLIKHEID
VAN AN GOD

inhoud
Lojale lesers, help ons om nuwe intekenare te werf.
Die Vroueblad is ‘n heerlike geskenk vir jou vriendin, ma of
ouma. Intekenvorm verskyn op p.23. Die Redaksie.
Lojale lesers, help ons om nuwe intekenare te werf.
Die
‘N
Vroueblad
PUBLIKASIE
is ‘n heerlike
VAN DIE
geskenk
GEREFORMEERDE
vir jou vriendin,
KERKE
ma of
ouma. Intekenvorm verskyn op p.20. Die Redaksie
VAN SUID-AFRIKA
2
2 VROUEBLAD
Die Gereformeerde
Vroueblad
Heldinne
van
Geloof
Die Woord,
ons kosbaarste
7
Oktober 2011
OKT 2011
~ ’n Tweede kans
~ Boemelaar, bedelaar
of plakker?
www.gksa.org.za/vroueblad.htm
DIE EV EVANGELIE ANGELIE
VAN AN DIE
HEERLIKHEID
VAN AN GOD
Oktober
INHOUD
GEREELD
3 Redakteursbrief
4 Briewe
5 Ds. Sê my
IN-DIEPTE
6 Die Woord, ons
kosbaarste skat!
8 Die Evangelie van die
heerlikheid van God
10 Vertrou mekaar toe
aan God en die
Evangelie van genade
Redaksionele inligting
Redaksiekommissie:
Cobie Steyn (redaktrise)
Corli le Roux (sekretaresse)
Karien Brink (bladuitleg)
Prof. Jacques van der Elst
Ds. Nico Botha
Griet Swanepoel
Annatjie du Plessis
Posadres:
Die Redakteur: Die Vroueblad
Posbus 178, Lydenburg 1120
Faks: Die Vroueblad (086) 273 3361
E-pos adres: Cobie Steyn, cobiesteyn@live.com
Internetadres: http://www.gksa.org.za/vroueblad.htm.
Navrae:
Rekenings, adresveranderings, intekening, bladbouers:
Me. Angie Mokobi: Tel (018) 293 3986, tydskrifte@gksa.co.za
Advertensies: Dr Wymie du Plessis, Tel (018) 297 3987
Eienaars en uitgewers:
Deputate Kerklike Tydskrifte GKSA
Intekengeld:
Self afhaal by Administratiewe Buro: R102.00 per jaar
Elektroniese intekening: R102.00 per jaar
Groepintekeninge: R154.00 per jaar
Individuele intekeninge: R168.00 per jaar
(Intekening word as voortgesit beskou solank dit nie gekanselleer
word nie.)
Drukkers:
V&R Drukkers, Tel (012) 328 7180, ISSN 0378 407 X
Menings uitgespreek in artikels verteenwoordig nie
noodwendig dié van die Redaksie nie. Die Redaksie behou
hom die reg van plasing asook die redigering, verkorting,
parafrasering of uitbreiding van bydraes voor.
JAARGANG 66 NOMMER 5
LEEFDINGE
12 ’n Tweede kans
14 Boemelaar, bedelaar
of plakker?
16 Boekeblad
17 Heldinne van geloof
18 Gemeente-Mosaïek:
Tannie Marie Meintjes
19 Gemeente-Mosaïek:
Dagboek van ’n
sendeling (2)
20 Gemeente-Mosaïek:
Sustersaamtrek
Bybelstudie
21 Gemeente-Mosaïek:
Sustersaamtrek –
streke
22 Hartskatte
23 Lees in Novembermaand
2011
24 Kaleidoskoop

“Die ware skat van die
kerk is die allerheiligste
evangelie van die eer
en genade van God”
(Luther se 62ste stelling
– een van sy 95
stellings wat hy in
1517 teen die kerkdeur
van Wittenberg
vasgespyker het).
ARTIKELS OF BRIEWE
kan gestuur word aan die
Gereformeerde Vroueblad:
E-pos: cobiesteyn@live.com;
Faksnommer: 086 273 3361;
SMS: 082 555 9586;
Slakkepos: Posbus 178,
Lydenburg 1120.
REDAKTEURSBRIEF
DIE WOORD –
WARE SKAT
VAN DIE KERK
Liewe Suster in die Here,
Ons is so bevoorreg om die Woord, die blye boodskap, vandag in ons hande
te kan hou. En soos Jo van Rooyen so mooi in Hartskatte beskryf: die Woord is
deesdae op ons rekenaars, op ons selfone, gereed om enige tyd gebruik te word.
Dink net wat sou Luther en Calvyn (wat sekerlik baie bly was toe die boekdrukkuns
uitgevind is!) kon vermag met die Woord, die blye Evangelie, so geredelik
beskikbaar.
Evangelie beteken blye boodskap van verlossing. In die vroeëre Griekse wêreld
het die woord gedui op politieke uitkoms: die evangelie het verwys na die
aankondiging van die goeie boodskap van ’n koning wat gebore is, van sy optredes
en sy uiteindelike vervolmaking van beloftes wat vrede en voorspoed sou bring.
In die Bybel het hierdie woordjie “evangelie” dieper betekenis gekry. Alhoewel
die woord “evangelie” nooit net so in die Ou Testament teruggevind kan word
nie, weerklink die eggo’s van die belofte van die Messias dwarsdeur die Ou
Testament: “Hoe wonderlik klink op die berge die voetstappe van hom wat die
goeie boodskap bring, wat vrede aankondig, wat die goeie tyding bring, wat
redding aankondig, wat vir Sion sê: “Jou God is Koning!” (Jes. 52: 7).
In die Nuwe Testament word die woord “evangelie” oor die 100 keer gebruik en
waar dit verkondig word, is dit gelaai met krag: die evangelie wek geloof (Rom.
1:16); dit bring verlossing en gee lewe (1 Kor. 15:2); dit gee vervulling en hoop
(Kol. 1: 5 en 23); die evangelie gryp in in die lewens van mense en help om
gemeentes tot stand te bring.
Die evangelie is nie net 'n boek, dooie letters op papier nie, maar in Jesus Christus
het die evangelie hande en voete gekry; Jesus Christus is die vergestalting van
die evangelie; Jesus Christus ís die evangelie en deur Hom kry ons ewige vrede
en ewige voorspoed, deel aan die ewige lewe!
In hierdie maand wat ons weer terugdink aan die Hervorming en hoedat Luther
met die vasspyker van sy 95 stellings die Woord vir die gewone mense help
ontsluit het, laat ons mekaar opskerp om hierdie blye evangelie aan ander uit te
dra. Ons verval al te gou in die “gewoonte” van Bybel lees, sonder om ware
hartsvreugde te beleef oor die Blye Boodskap: “Dink daaraan hoe julle die evangelie
ontvang het en daarna geluister het. Hou daarmee vol en bekeer julle” (Op. 3: 3a).
Lekker lees aan ons diep-dink artikels oor die evangelie! Tot volgende keer!
Groete in Christus
Cobie Steyn
NS: Stuur 'n SMS na 082 555 9586 (begin SMS met VB:... of epos ’n brief aan
cobiesteyn@live.com of stuur ’n brief per slakkepos na Posbus 178 Lydenburg
1120 en lug jou mening oor die blad of oor enigiets wat op hierdie oomblik in
jou hart leef. Ons publiseer graag SMS’e en briewe in ons gereelde brieweblad.
VROUEBLAD September 2011
3

iewe
4
Toeval? Of Toe Val God se lig op gebeure?
In hierdie tyd waarin ons leef; kan 'n Christen enigsins praat van “toeval”? Ek
meen; as sommige predikante in die media al begin sê dat gebede nie help nie
en dat ons nie moet bid om hulp te vra nie, maar eerder om vir die Here te sê
wat ons gaan doen... is “toeval” dan nie ook maar 'n deel van elke ou se lewe
nie?
Die gebeurtenis waartydens Sanet Louw oor haar seuntjie, Jan-Adriaan, gery
het en die beriggewing daaroor in Juniemaand 2011 se Gereformeerde Vroueblad
het my weer laat dink oor toeval of beskikking.
Jan-Adriaan se oupa en ouma, Pieter en Daleen van der
Walt, vriende van baie meer jare as wat ek wil onthou, het
net ná die ongeluk vir my en my vrou 'n SMS gestuur waarin
Boekprys
briewe
Die wenboek, geborg deur Cum-boeke, is ’n Lewe
sonder beperkings, deur Nick Vujicic.
VROUEBLAD Oktober 2011
hulle vertel het wat gebeur het en ons oproep: “Bid vir Sanet
en Jan-Adriaan.”
Na herbesinning oor die voorval, kan ek nie anders as
om te sê dat in plaas van toeval, God se lig telkens op
gebeure geval het nie: daar is ’n motor oor ’n kind se kop,
maar hy leef; daar is gou ’n ambulans op die toneel; daar is ’n
“swart engel” (Sanet se woorde oor die ambulansman) wat die ma moed inpraat
terwyl hulle hospitaal toe jaag; ten tyde van die slegte tyding wat Pieter en Daleen
kry, beskik die Here dat ds. Dirk Laufs teenwoordig is (hy sou maar net gaan braai
by hulle!) om hulle te vertroos! En na 36 uur kom die spesialis met die nuus – die
mannetjie sal heeltemal herstel en sal geen breinskade oorhou nie. Na so vier
dae gaan hy huis toe!
Maar hierdie mense se pyn, hulle hartseer, en ook hulle vasgryp aan die Here,
het 'n verdere nadraai in ons eie lewens gehad. Ek het die SMS dat daar gebid
moet word vir Jan-Adriaan ook na ons kinders en kennisse toe gestuur. Een van
my dogters se naam is Hannelie. Hier bo teen die Kransberg bly 'n dierbare mens
– Hannelie Scheepers (Sy self is baie siek). Haar naam is net voor my dogter
Hannelie se naam op my selfoon. Ek stuur die SMS toe vir die “verkeerde” Hannelie.
Hannelie Scheepers kry dus 'n SMS wat gaan oor mense wie sy glad nie ken nie.
Ek en Ulene kuier een Saterdag, nie lank na die gebeure nie, by Louis en
Hannelie Scheepers. Ons praat oor die kind. Ek gee hulle die goeie nuus. Sonder
om 'n oog te knip, se Hannelie:
“Ja, ek het geweet van die kind. Ek het baie hard vir hom gebid.”
Hoekom sou my vinger geglip het en ek die boodskap ook na Hannelie toe
aanstuur? Toeval? Of is dit God se lig wat op gebeure in ons lewens val?
Wat maak ons nou met al die goed? Beskik God oor ons lewens? Help gebede
enigsins?
Sê maar self.
Kan ons almal dan nou anders as om vir Hannelie Scheepers te bid? Sy het
kanker.
Gert Coetzer
Brief verkort - Red
UIT DIE HART
VAN ‘N 49
JARIGE KIND
AAN ‘N 73
JARIGE
MOEDER...
(... ’n brief van my seun
wat hy per epos aan sy
vriende gestuur het en
toe ook aan my, sy ma.
Ek wou dit graag met
die lesers van Die
Gereformeerde
Vroueblad deel. Groete,
Jo van Heerden)
Hallo almal,
Wat 'n dag ...
Oor die middag-uur het
ons 'n predikantvriend
ondersteun tydens sy
vrou se begrafnis. Sy
was maar 54 jaar oud
en is Maandagnag na 'n
kort, maar hewige stryd
teen kanker, oorlede.
Die diens was
aandoenlik, hartseer,
maar ook gelowig, mooi
en bemoedigend!
Almal teenwoordig kon
bewys lewer dat hulle
hartlik lief is vir die
familie in rou, en dat hul
traanfunksies werk.
Myne ook.
En vanaand ....
.... skakel my Ma my
met die nuus dat haar
kanker na nege jaar in
remissie is en dat die
jaarlikse opvolgondersoeke
nou na 'n tweejaarlikse
frekwensie
uitgeskuif kan word. Die
onkoloog het haar met
nadruk versoek om
enige tyd in te kom as
iets pla, maar dit is
wonderlike nuus vir ons
almal.
Dit was my dag ...
Cor Scheepers

Ds. Nico Botha
Is genade dan
ds.sêmy
nog genade?
“MOET ONS REGTIG ONS EIE HEIL
OUITWERK ?”
Ons weet uit God se Woord dat ons uit genade
gered word, alleen maar op grond van Christus se
offer aan die kruis. Dit staan reg in die kern van
ons belydenis as kerke van die Hervorming. Daarom
wonder ons leser dan ook oor hoe hierdie troosryke
belydenis gerym kan word met die uitspraak in
Fil. 2:12: “… werk julle eie heil uit met vrees en
bewing…” (1953-vertaling).
As ons ons eie verlossing moet uitwerk, is genade
mos nie meer genade nie!
Dan word ons mos nie meer om Jesus ontwil verlos
nie, maar omdat ons self dit bewerk het! En as dit
waar is, was die stryd en marteling van die Kerkhervormers
van die 16de en 17de eeu wat soveel nadruk
gelê het op “alleen uit genade”, mos totaal onnodig?
FILIPPENSE 2:12,13
Dis nie altyd so maklik om te weet presies wat beteken
'n Bybelteks nie, maar dit is die moeite werd om elke
keer eerlik na die Skrif self te luister en ook om ons
vertaling mooi te oordink voordat ons oor die
betekenis daarvan besluit.
‘n Paar woorde in verse 12 en 13 van Fil. 2 soos in
die 1953-vertaling help al baie om misverstand te
voorkom:
• “Daarom” verwys terug na wat in die vorige verse
gesê is oor die “voorbeeld” wat Christus vir ons
gestel het met sy gesindheid om Homself te
lesers vra
verneder tot die dood toe, die dood aan die
kruis waar Hy vir ons sonde ten volle betaal het;
• “werk julle eie heil uit” is iets heeltemal anders
as om jou heil of saligheid “te bewerk”. Dit
beteken dat 'n mens aanhou om jou verlossing
al hoe meer sigbaar te laat word en gestalte te
laat kry in jou daaglikse lewe.
• “want dit is God wat in julle werk om te wil sowel
as om te werk…” wys juis dat die gelowiges dit
nie uit eie krag moet probeer doen nie, maar
dat dit deel is van God se genadewerk in ons
lewe.
GENADE ALLEEN!
Daar is daarom nie regtig 'n botsing tussen “uit
genade is julle gered”(Ef.2:5) en “werk julle eie heil
uit” nie, maar saam laat dit ons iets sien van die
heerlike rykdom van die Evangelie van Jesus Christus.
God se genade wat Hy in sy Seun aan ons bewys
het, maak ons nie onaktiewe of dadelose
begunstigdes wat maar net uitsien na nóg meer
genade nie. Sy genade maak ons nuwe mense, want
sy genade in Christus sluit ook sy genade in en deur
die werk van die Heilige Gees in. Enige gedagte
dat ons dalk net verlos word, maar tog eintlik
dieselfde bly as wat
“Hy red ons nie
net deur ons te
vergewe nie,
maar vernuut
ons tot sy beeld
sodat in elke
deeltjie van ons
lewe gesien sal
word dat ons
aan Hom
behoort.”
ons van nature was,
doen tekort aan die
mag en heerlikheid
van God se
verlossingswerk in
ons. Hy red ons nie
net deur ons te
vergewe nie, maar
vernuut ons tot sy
beeld sodat in elke
deeltjie van ons lewe
gesien sal word dat
ons aan Hom
behoort.
Daarom lees ons in
die 1983-vertaling
dat ons ons “met
eerbied en ontsag
daarop (moet) toelê om as verloste mense te lewe”.
Want dit gaan in hierdie gedeelte daaroor dat ons
die effek van ons verlossing op elke deeltjie van
ons menswees moet beleef. Dit is waarop ons ons
moet toelê as mense wat uit genade deur Jesus
gered is! Dit is waarvoor ons ons aanhoudend moet
beywer, deur die krag wat God ons gee!
Moeilik ? Ja, dit vra van ons inspanning en bekering
en toewyding!
Onmoontlik? Nee, sy genade is vir ons genoeg
sodat ons gewillig en bekwaam sal wees om dit te
kan doen !
Stuur u vrae aan: nico@gkrandburg.org.za ,
Posbus 436, Randparkrif 2156 of sms aan 083
629 8740.
VROUEBLAD Oktober 2011
5

in diepte
Die Woord:
Ons kosbaarste
Wat beteken Luther se 62 ste stelling vir die kerk vandag?
Stelling 62: Verus thesaurus ecclesiae est sacrosanctum evangelium
gloriae et gratiae dei: Die ware skat van die kerk is die allerheiligste
evangelie van die eer en genade van God.
6 VROUEBLAD Oktober 2011
deur PROF. RIKUS FICK (TEOLOGIESE SKOOL POTCHEFSTROOM)

in diepte
Martin Luther se ontdekking van die Woord van God was 'n keerpunt in sy
lewe en in die geskiedenis van die Kerk. Die Bybel het hom as mens verander
en het stukrag gegee aan die koers en rigting van die Reformasie. Dit is deur
die Woord dat hy die reddende genade van God leer ken en ervaar het. Dit
is deur die Woord dat hy ontdek het dat regverdigmaking deur die geloof die
maatstaf is waaraan alle leerstellings gemeet moet word.
D
IE PLEK VAN DIE
WOORD IN DIE KERK
Om Luther se groot klem
op die plek van die Woord
van God in die lewe van die kerk te
verstaan, moet 'n mens eers vra: wat was
tot op daardie stadium die belangrikste
aspek in die lewe van die kerk? Om die
vraag te beantwoord, is natuurlik maklik.
Al wat jy hoef te doen om te sien wat in
die lewe van 'n kerk gebeur, is om te kyk
na die kerk se liturgie. In Luther se tyd
was die belangrikste deel van die liturgie
in die Rooms-Katolieke Kerk die viering
van die mis as 'n offer. Dit is die rede
waarom die altaar so 'n prominente plek
in kerkgebou ingeneem het.
Luther het die Latynse liturgie hersien
en in Duits vertaal en nie meer die mis
nie, maar die lees en prediking van God
se Woord het nou sentraal gestaan. Hy
het daarop aangedring dat elke persoon
die reg en die plig het om die Bybel in sy
eie taal te lees en te bestudeer. Dit was
een van die groot ontdekkings van die
Reformasie: die Woord van God kom na
ons in die vorm van 'n Boek. Die waarheid
van God, van ons verlossing in Christus
en ons heiligheid word van geslag tot
geslag oorgedra deur die Bybel, die boek
van God se selfopenbaring – nie deur die
biskop van Rome of deur die geestelike
ervarings van die Wederdopers nie.
DIE WAARHEID VAN DIE
WOORD
Luther het nie geskroom om die pous en
die kerkamptenary oor die onbybelse
gebruike in die kerk aan te val met die
waarheid van God se Woord nie. Toe dit
groot oproer veroorsaak en negatiewe
reaksie uitlok, was hy nie verbaas nie. Hy
skryf hieroor: “Om die beroering en
onenigheid wat as gevolg van die Woord
van God ontstaan, te sien, is vir my die
vreugdevolste aspek van al hierdie sake.
Immers, dit is die weg, die geleentheid en
die gevolg van die Woord van God, net
soos Christus gesê het: ‘Ek het nie gekom
om vrede te bring nie, maar die swaard’”.
Dit is hoekom hy, toe die kerkowerhede
van hom geëis het om alles terug te trek
wat hy gesê en geskryf het, eenvoudig
kon antwoord dat hy dit slegs sal doen
as hulle uit die Woord kan bewys dat hy
verkeerd was.
WAT BETEKEN SY 62STE
STELLING VIR DIE KERK
VANDAG?
Die Woord verryk ons
Eerstens mag die kerk nooit vergeet dat
God se woord inderdaad 'n “skat” is nie.
God se Woord verryk ons geestelik. Dit
was juis die geestelike armoede van die
Middeleeuse Kerk wat die Reformasie so
noodsaaklik gemaak het. Die kerk (lees:
priesters en ander leiers) kon nie aan die
lidmate die waarheid en sekerheid van 'n
sondaar se verlossing in Christus verkondig
nie, want die Woord was nie in hulle
monde nie. Die lidmate is 'n ander
(menslike) weg gewys waarlangs verlossing
en sekerheid gevind moes word. Omdat
die Woord stilgemaak is, het Christus uit
die prentjie verdwyn.
Mag ons tog hieruit leer! Waar die
Woord van God gekoester en gehanteer
word as 'n skat, sal dit die lidmate se
lewens verryk. Immers, dit is hoe die Here
deur sy Gees met ons werk. 'n Kerk wat
bestaan uit lidmate wat gevul is met die
rykdom van die Woord, is mense wat
vasstaan omdat hulle seker is van hulle
verlossing en wat weer ander verryk. Dit
is hulle wie se lig in die donker skyn en
wat sout is waar hulle woon. As daar in
'n gemeente geestelike armoede is, is daar
maar een rede daarvoor: die Woord word
verwaarloos of verdraai.
Die Woord lei ons op die pad
van heiligmaking
In die tweede plek beteken Luther se
stelling vir die kerk vandag dat ons moet
onthou en bely dat die Woord van God
die “allerheiligste” evangelie is. Dit is
heilig omdat dit van God kom. Hy is die
Outeur en die Gewer. Die oomblik wanneer
die Woord afgemaak word as 'n menslike
geskrif, word dit op dieselfde lyn geplaas
as dit wat mense sê en kan 'n mens maar
self besluit of jy daarna gaan luister of
nie. Wanneer jy jou egter buig voor die
heilige evangelie, die blye boodskap, en
dit met blydskap omhels en in jou hart
bêre, word jou lewe verander en vorder
jy op die pad van heiligmaking.
Die Woord vertel van God se eer
en genade
Derdens beteken sy stelling vir die kerk
dat ons die Woord van God moet koester
omdat dit ons van die roem en eer van
God asook van sy oneindige genade in
Christus vertel. Wanneer hierdie twee sake
nie sentraal staan in boodskap wat van
die kerk af uitgaan nie, het die kerk nie
eintlik iets te sê nie. Die kerk moet immers
in die wêreld die groot dade van God
verkondig en veral dat God in Christus
sy genade gee aan mense wat in sonde
geval het. Hoe kragteloos is 'n kerk wat
nie hierdie boodskap verkondig nie en
hoe kragteloos is 'n kerk sonder lidmate
wat tot die eer van God en uit sy genade
leef!
Stry met die swaard van die
Gees
Laastens kan ons uit Luther se stelling
leer dat ons nie bang moet wees om die
swaard van die Gees, die Woord, in die
hand moet neem en veg vir die waarheid
nie. Dit is immers wat Luther met sy
stellings gedoen het. Hy het onverskrokke
die korrupte kerk van sy dag gekonfronteer
met die Woord van God. Daar is geen
groter wapen nie. Ons moet 'n strydende
kerk wees omdat ons die teiken is van die
Satan wat so graag 'n kerk sonder die
Woord sou wou sien, want dit is die wapen
waarvoor hy die bangste is.
VROUEBLAD Oktober 2011
7

in diepte
Die evangelie van
die heerlikheid
van God
8
VROUEBLAD Oktober 2011
deur DEUR DS. BOUIE DE KLERK (EMERITUS)
Die evangelie sê vir ons dat God iets te doen het met ons lewe… baie
te doen het met ons lewe… álles te doen het met ons lewe! Maar dit
sê ook dat ons deel het aan God se plan vir die wêreld. Immers dit is
waar God met ons begin het. Hy het ons geskep na sy beeld en sy
gelykenis: “Here, ons Here, hoe wonderbaar is u Naam oor die hele
aarde, hoe glansryk alles wat U in die hemelruim geplaas het”
(Ps. 8:2).
GOD SE HEERLIKHEID IN DIE
SKEPPING
God het alles gemaak tot sy eie eer en
heerlikheid. Watter magtige werk is dit
nie! Dawid het reeds die wonder daarvan
betuig. So groot en tog so eenvoudig.
Kinders en suigelinge sing van die majesteit
en heerlikheid van God almagtig (Ps. 8:3).
Die psalm laat dit klink asof die Here met
sy vingers gespeel het en die heelal met
sy ontelbare sterre en sterrestelsels was
daar! (Ps. 8:4).
Die ruimte dra ’n eie boodskap van God
se grootheid. Alles vertel die eer van God
en getuig van sy mag: Die uitspansel maak
sy Naam bekend. Die dae kondig die
boodskap van God se eer onafgebroke aan
(vgl. Ps 19). Elke dag is deur Hom getel
en volgemaak met sy teenwoordigheid.
Kyk ons 'n bietjie verder as ons eie wêreld
deur die oog van die wetenskap besef ons
dat ons nog maar 'n ietsie weet van die
grootheid van alles wat God geskape het.
Hoe ver is die naaste ster? Hoe lyk 'n
ligjaar? Wie kan die sterre tel? Wie bepaal
hul roete deur die ligruim? Waar eindig
alles wat bestaan? Watter kragte werk in
die heelal? Hoe bly alles bymekaar?
Hoe meer ons leer hoe meer besef ons
hoe groot die Here is. Dit is die evangelie
van die heerlikheid van die God.
GOD SE HEERLIKHEID IN DIE
MENS
God het ook sy heerlikheid aan die
mens vasgelê. Wat is die mens dat U aan
hom gedink het (vgl. Ps. 8: 5)? In die mens
het God iets van Homself weerspieël. Skaars
minder as ‘n goddelike wese. Hy is God
se onderkoning (vgl. Ps. 8: 6-7). Hy moet
die heerlikheid van die Here laat skitter ál
saam met die ontdekking van die wonders
wat die Skepper weggelê het in die moederskoot
van die groot heelal. God het
alles wat Hy gemaak het aan ons sorg
toevertrou om dit op te pas en te bewerk.
En te ondersoek en te ontdek. Ps.8 en
Ps.19 is albei vol daarvan.
JESUS CHRISTUS – DIE
EVANGELIE VAN HEERLIKHEID
Hoe het die mens nie sy roeping versaak
nie! Hy het sy opdrag omgekeer in selfverheerliking.
As God nie gekeer het nie
sou die wêreld in ondenkbare verlorenheid,
in onnoembare duisternis, vergaan het.
God se gedagtes is egter nie ons gedagtes
nie en sy weë is nie ons weë nie (vgl. Jes.
55:8-9). Hy maak alles nuut in en met
Jesus Christus, wat mens geword en onder
ons kom woon het. Daarom word sy
geboorte met ’n loflied deur engele
aangekondig:
“Eer aan God in die hoogste hemel en
vrede op aarde vir die mense in wie Hy 'n
welbehae het!” (Luk. 2: 14).
Hy is die beeld van die lewende God.
Hy herstel die eer van God op die wêreld
waar chaos heers. In Hom het God na ons
toe neergebuig.
Deur Jesus Christus is ons oë oop vir
die heerlikheid > van die Here. Niemand kan
God sien nie. Die Seun het Hom geopen-

aar. Hy sê vir sy dissipels: “Wie My sien,
sien die Vader”(Joh. 14: 9b). Die evangelie
van die heerlikheid van God, sy eniggebore
Seun, laat ons in in die binnekamer van
die Vader en vertel ons wat in die hart
van die Vader aangaan. Dit is nie sy wil
dat die sondaar deur sy sonde sterf nie,
Hy wil hê die sondaar moet hom bekeer
en lewe. Dit is dan wanneer ons by die
chaos verby kyk en die heerlikheid van
God sien.
OË GERIG OP DIE EWIGE
HEERLIKHEID
Dit is 'n voorreg wat Christus vir ons
vernuut het. Nou is daar lig, die lig van
die evangelie van Gods genade wat ons
oë oopmaak vir die heerlikheid van God.
Dit maak dat ons nie nét oor ons eie
saligheid begaan is nie maar die einddoel
van die bestaan van die ganse skepping
beleef: die heerlikheid van God wat deur
alles, maar dan ook álles, besing sal word.
So word die gesigte van Johannes op
Patmos vir ons 'n lewende werklikheid.
Ons sien 'n groot menigte in wit klere,
wat hulle klere wit gemaak het in die bloed
van die Lam (vgl. Op. 7:14), almal vir wie
die Here lief is. Ons sien die bruid van
Lam. Ons sien die nuwe Jerusalem met
die strate van goud en die poorte van
pêrels (vgl. Op. 21:21). Ons sien die
woonplek van God – by die mense. En
ons hoor 'n nuwe lied van onvermengde
vreugde en toewyding.
En met hierdie vooruitsig op die ewigheid
of, beter gesê met hierdie voorsmaak
van die ewige lewe kan ons vrolik in die
lig van God leef en sy Naam verheerlik
met ons gedagtes en met ons woorde en
met ons werke: In ons digkuns en skilderkuns
en tegnologie.
En so kan ons gestalte gee aan die
liefde van God wat sy Seun gegee het om
ons met Hom te versoen. Ons kan Hom
liefhê bo alles en ons naaste soos onsself.
in diepte
Dan is ons eredienste ’n ware ontmoeting
van God en sy volk en ons huwelike ’n
gestalte van Christus se liefde vir sy kerk.
En as die tyd daarvoor ryp is gaan ons in
in die bruilof van die Lam! Dan deel ons
voluit in die heerlikheid van God.
So sê die evangelie van die heerlikheid
van God:
“ ‘O diepte van die rykdom en wysheid
en die kennis van God!
Hoe ondeurgrondelik is sy oordele, hoe
onnaspeurlik sy weë!
Wie ken die bedoeling van die Here?
Wie gee Hom raad?
Wie bewys Hom ’n guns sodat Hy
verplig is om iets terug te doen?’
Uit Hom en deur Hom en tot Hom is
alle dinge
Aan Hom behoort die heerlikheid tot
in ewigheid!
Amen.” (Rom. 11: 33-36).
VROUEBLAD Oktober 2011
9

in diepte
VERTROU MEKAAR
TOE AAN GOD EN
DIE EVANGELIE VAN
GENADE!
DIE EVANGELIE VAN GOD SE
GENADE
Dalk vertel hierdie twee voorbeelde (van
die jong ma en die jong sterwende pa) iets
van Paulus se afskeid van die ouderlinge
van Efese daar op die strand (Hand. 20:
17-38). Hy gaan hulle waarskynlik nooit
weer sien nie en hulle het in die meer as
twee jaar wat hy onder hulle gewerk het,
aan hom vasgegroei. Hy praat met hulle
soos 'n pa met sy kinders om 'n sterfbed.
Hy wil graag sy lewenstaak elders gaan
klaarmaak. Sy lewenstaak beskryf hy:
“...om die evangelie van God se genade te
gaan verkondig” (Hand. 20:24). Hier hoor
ons die uitdrukking: Evangelie van genade.
Op die strand, waar hulle gekniel en gebid,
gehuil en mekaar omhels het, sê Paulus
vir hulle: “Maar nou vertrou ek julle aan
God toe en aan die woord van sy genade.
Die Woord is magtig om julle op te bou
en julle in die seëninge te laat deel wat
Hy as erfdeel aan al die gelowiges belowe
het” (Hand. 20:32).
Wat 'n afskeidswoord! Ons kan dit
herhaal by die huwelik van ons dogter of
seun. Ons kan dit herhaal by ons sterfbed
aan geliefdes. Ons kan die woorde herhaal
selfs al groet ons net kuiermense wat ons
'n ruk lank nie gaan sien nie.
TOEVERTROU AAN GOD
Soos die jong ma haar kindjie in die arms
van die ouma plaas, so is ons deur die
werk van Christus en sy Gees in God se
Vaderarms geplaas. Ons kan hierdie werk
van die Here eggo deur mekaar te bemoedig,
deur mekaar aan God toe te vertrou.
God is almagtig in sy vashou, alwys as
10
VROUEBLAD Oktober 2011
Hy ons soms blootstelling aan pyn gee en
vol liefde as Hy ons in alles koester en
dra na ons bestemming. Hoe word ons so
aan God toevertrou? Hoe word ons in sy
arms geplaas? Ons word aan God toevertrou,
en aan sy Woord van genade. Die
Woord van genade herinner en bewerk
die versekering in ons harte dat ons in
God se arms geplaas en aan Hom
toevertrou is.
DIE WOORD (EVANGELIE) VAN
GENADE WERK MET KRAG
Hierdie evangelie wat ons sommer kan
optel en in ons hande hou, het geweldige
krag, meer krag as 'n bom of lewendige
elektrisiteit. So kragtig is die evangelie
van genade dat dit magtig is om ons op
te bou. Hoekom is die evangelie so kragtig?
Omdat dit woorde is wat uit die mond
van die magtige God se Gees kom. Die
woorde kan nuwe lewe skep en die woorde
kan valse en skynheilige harte doodmaak.
Ons is toevertrou aan die evangelie, die
blye boodskap, die goeie nuus. Hierdie
goeie nuus van genade kan ons opbou,
geestelik sterker maak, ons verder bring
in ons geloof. Die evangelie van genade
kan ons só voortdurend en al meer
verander dat ander al meer Christus se
gesindheid in ons sien, dat hulle deur ons
woord sy woorde kan hoor en in ons
manier van doen, iets van sy groot
versoeningswerk kan sien. Die evangelie
van genade werk kragtig!
Die woord van genade gee ook iets.
Daar stroom uit die evangelie van genade
voortdurend seëninge. Hierdie seëning is
die erfdeel wat ons sal bly ontvang tot al
deur PROF. BEN DE KLERK
God se beloftes aan ons eendag vervul is.
Nou kan ons aan die beloftes vasgryp:
ons is uitverkies, ons is verlos en vergewe,
ons is skoon gewas, ons het die Heilige
Gees ontvang, ons kan groei, ons kan
kragtig getuig, ons kan instrument wees
in die hand van die Gees om mense uit
ongehoorsaamheid en ongeloof weg te
roep en te lei. Want dit is die evangelie
van genade! Genade is om onverdiend en
verrassend dit te ontvang wat ons nooit
self kan bewerk of verdien nie. Genade is
onbeskryflik groot, omvattend in betekenis.
“MY GENADE IS VIR JULLE
GENOEG”
Dieselfde Paulus wat sy bediening as die
verkondiging van die evangelie van genade
beskrywe, moet ook leer wat hierdie
genade beteken as dit moeilik en pynlik
met hom gaan. Daar is 'n doring in sy
vlees (2 Kor. 12: 1-10). Wat dit is weet
ons nie en dit maak ook nie saak dat ons
nie weet nie (ons sou dalk by die doring
vasgehaak het). Dit was pynlik en knaend.
Uit hierdie pyn en dalk vernedering leer
hy God se genade is genoeg. Die doring
bly waarskynlik in sy vlees vassit, maar
dit maak die soet smaak van genade soveel
skerper. Dalk het ons net 'n doringskrapie
vir 'n kort tydjie. Hoor sy stem: “My
genade is vir jou genoeg!” (2 Kor. 12: 9b).
Dalk bring die doring bloedvergifting en
lei dit tot die dood van 'n geliefde. Hoor
dan nog die vertroostende stem in jou
binnekant: “My genade is vir jou genoeg!”
Ons vertrou mekaar as lesers opnuut
toe aan God en aan die woord van sy
genade!

in diepte
Afskeid is nie maklik nie. Dink maar aan die jong ma wat vir die eerste dag
na die geboorte van haar baba weer moet gaan werk. Sy oorhandig die
baba aan, sê maar, sy ouma. Sy vertrou die liewe dingetjie aan Ouma en
haar versorging toe – ook met woorde. Nog pynliker is as 'n jong sterwende
pa, wie se vrou ses maande terug verongeluk het, moet afskeid neem van
sy twee kleuters. Hy moet hulle toevertrou aan iemand sonder dat hy op
daardie oomblik weet hoe na hulle omgesien gaan word deur hulle kinderjare.
VROUEBLAD Oktober 2011
11

leefdinge
leefdinge
12
VROUEBLAD Oktober 2011
'n Tweede
kans
deur GRIET SWANEPOEL
>

leefdinge
Toe ek die aand aan diens kom, hoor ek in die wandelgange: “sister, you are going to look
after a very important person!”…
Ek loop vinnig by die geskarrel verby waar my pasiënt in 'n privaatkamer opgeneem
word. Die man se voorletters op die gedrukte plakker is T.J.O.P., “Tjop” is mos 'n naam wat
eerder by 'n voorspeler van 'n dorpspan op die platteland tuis hoort, dink ek. Hy is goed
met Suid-Afrika bekend. Hy weet van pap en skaaptjops. “So noem my maar “Prof Tjop”,
skop ons op 'n grappige noot af met die eerste kennismaking
D
ie man is egter geweldig
angstig en vreesbevange. Hy
is toegewikkel in komberse, hy
het ook 'n serp en 'n warm
mus op sy kop. Van die belangrike pasiënt
sien ek letterlik net die oë raak. Oë wat
vertel van angs en onsekerheid.
Ek hoor dat my pasiënt 'n wêreldbekende
akademikus is, net die week voor sy opname
in die hospitaal was hy in sewe lande besig
met navorsing… Hy is vanaf die Kongo
ingevlieg waar hy besig was met 'n projek
toe hy skielik siek geword het. Deel van sy
ontbering was 'n vinnige besoek aan 'n
hospitaal in die Kongo: “’n Plek waar jy
eerder sal doodgaan as om gesond te word”,
vertel hy.
Hy het die gevreesde siekte, Guillan
Barré, opgedoen. Hy vertel hoe hy letterlik
by die uur sy agteruitgang kon voel. Vanaand
soos hy daar in sy bed lê kan hy nie sy arms
of bene beweeg nie… Hy is egter baie
dankbaar om in Pretoria in 'n privaat
hospitaal te wees met soveel professionele
mense beskikbaar. Die gedagte aan die
primitiewe vuil hospitaal in die Kongo is
nog vars in sy geheue…
Hy weet alles oor sy siektetoestand want
hy het dit ge-Google op die web… Hy weet
van al die komplikasies en die gevare wat
voorlê en hy is bang vir die moontlikheid
dat sy asemhaling ook aangetas kan word.
Hy vrees die gedagte van 'n asemhalingsmasjien.
Hy benader sy toestand klinies,
intellektueel en rasioneel.
Ons het 12 nagtelike ure voor ons. Ons
begin dadelik werk om die skade aan sy
spiere te voorkom en ek sien hy word kalmer
en rustiger. Te midde van die slaappil wat
hy gedrink het, is daar geen slaap nie. Hy
het soveel goed om te reël, hy praat hardop
oor al sy internasionale kongresse en
voorleggings wat dringend afgehandel moet
word. Ons oefen sy spiere, groot motories
en fyn motories en dit is al wat hom kalm
maak want hy moet weer kan loop… hy
moet weer op sy rekenaar kan tik… So gou
as moontlik!
“Suster, gaan ek gesond word?”, vra hy
met 'n groot dringendheid.
“Ja,” verseker ek hom, “ek glo dit
verseker, want ek werk nie net nie, ek bid
ook vir my pasiënte,” sê ek en wag vir sy
reaksie.
Hy is doodstil vir 'n baie lang tyd.
“Ek was nog nooit 'n kerkmens nie…”
sê hy later.
My man kom soek na iemand in die
hospitaal wat hy moet besoek en ek help
hom gou daarmee. Toe ek terug is by sy bed
vra hy vir my: “Wat doen jou man?”
“Hy is 'n dominee,” antwoord ek en dink
aan daardie Israelitiese meisie wat vir die
groot generaal Naäman van Sirië vertel het
van die profeet van Israel wat wonders kan
doen. Sal ek dié belangrike man kan neem
na die Profeet en sal hy bereid wees om
homself daar in die Jordaan te was – sewe
keer – of sal dit te vernederend wees vir so
'n vername man?
Ons professor “Tjop” bly twee weke in
ons saal, ek kyk drie nagte na hom. Hy
herstel wonderbaarlik vinnig. Hy kan byna
al sy vingers gebruik en kan al stadig – met
hulp – loop toe ek hom die laaste nag in
ons eenheid verpleeg. Hy is borrelend
dankbaar vir die tweede kans in sy lewe.
“Dit is vanaand die veertiende keer dat
ek in die bed gewas gaan word”, sê hy, “dié
twee weke het my lewe verander… Ek is tot
stilstand geruk en ek het besef daar is so
baie dinge wat ek moet regmaak. Ek het
weer die Bybel ontdek… Watter groot
geskenk is dit tog nie!”
Ek kan sien hy jubel en juig in sy
binneste. Die vrees vir die “Google-simptome”
is weg.
Prof “Tjop” het by die Profeet uitgekom,
al was dit veertien keer se hospitaalwater
om te besef – Google-kennis bring nie
genesing nie… Jy moet by die Profeet
uitkom!
VROUEBLAD Oktober2011 13

leefdinge
14
BOEMELAAR,
BEDELAAR
OF PLAKKER?
VROUEBLAD Oktober 2011
deur ANNATJIE DU PLESSIS

VROUEBLAD Oktober 2011
leefdinge
Ek moet bely dat ek – seker soos baie van my susters in die geloof – my verstom aan
’n boemelaar wat hom sommer op ’n parkbankie tuismaak; aan mense wat sommer
net by familie of vriende aankom en ongevraagd oorslaap, of iemand wildvreemd
wat jou selfoon leen om “sommer net gou” ’n oproep te maak. Totdat my omstandighede
my op ‘n dag van die waarnemershoek tot die deelnamekryt gedwing het...
My man spot nie verniet dat ek alles
altyd oordryf nie. Ja, dit is seker so. Maar
watter impak gaan dit hê as ek met groot
aanstellerigheid vertel hoe die ongeskikte
buffel 'n skrale meter van my af tot
stilstand gekom het? “Een millimeter” sê
dit tog baie beter – sommer ook presies
hoe ek daaroor voel.
Verder weet ek self dat ek iemand is
wat in die oortreffende trap leef, iemand
wat nie vir ewig op hierdie aarde gaan leef
nie en dit wat ek gedoen wil hê in die
beperkte tyd tot my beskikking, so gou en
deeglik as moontlik moet afhandel.
Miskien moet ek op hierdie punt ook
maar bely dat ek, soos baie van my susters
in die geloof – (of ek nou wil of nie), my
soms maar net kon verstom aan boemelaars
wat hulle op 'n parkbankie tuismaak en
daar neerslaan asof enige openbare sitplek
tot die beskikking is van enige iemand wat
sy kop wil neerlê. So het ek al kopskuddend
gewonder: wat dink die mense wat sommer
by familie of vriende aankom en begin
oorslaap – soos plakkers – maar nie weer
praat oor 'n vertrekdatum nie? En mense
wat sommer hier 'n selfoon en daar 'n
geleentheid iewers heen bedel, soos professionele
bedelaars? Maar dit was in die
verlede. Vandag weet ek, dis in enigiemand
se vermoë om baie vinnig van rolle te
verander. Aan my eie lyf gevoel – ja.
Wonende in Namibië en nie meer altyd
ewe tuis en ewe gemaklik in jou eie land
nie, is ek op pad terug uit Suid-Afrika na
Namibië; ek is nie baie gesond nie, met
die onderliggende simptome van
longontsteking of brongitis of so iets slegs
wat begin kop uitsteek. Met 'n betroubare,
klein rooi Avis-karretjie wat 08h00
ingehandig moet word en 'n veranderde
vliegkaartjie waarop staan Tyd van vertrek:
13:35 het jy dus ten minste vyf ure om
jou dronkhoofdige, omvallende lyf regop
te hou tussen restaurante en kafees op OR
Tambo Lughawe. 'n Bietjie ervaring van
die lughaweopset en meer as genoeg
selfvertroue en baie minder omgee oor wat
vreemdes van jou dink, help my dus vinnig
besluit en ek mik uit die staanspoor vir
die Lughawe-Spur. Sommer op pad daarheen
gee ek vir my dogter, wat die oggend
vir haar ma kom korter maak op die lughawe,
die presiese koördinate van die
langste sagste bankie in die OR Tambo
Spur.
Vol selfvertroue, met die vriendelikste
glimlag wat ek onder die kouekoors deur
kan aanplak, begroet ek die pragtige
gasvrye kelner met die woorde: “I’m not
feeling well. I want to sleep here,” en hy
skuif 'n reling uit die pad en bou vir my
die lekkerste bed denkbaar met sy lang
Spur-bankie, asof hy dit elke dag doen, en
ek het heeltemal vrede met mense wat my
aangluur met die kyk van: Nóg ’n
boemelaar wat dink dat enige openbare
sitplek tot haar beskikking is! En ek kyk
terug met die uitdrukking in my oë van:
“Ek lê net op die bankie man! Ek plak nie
by mense of leen hulle telefone nie…” Op
dié manier versag ek my eie boemelaargedrag.
Ek slaap rustig verder en iewers
in my slaap gesels ek darem met my dogter
en gee ek die SA-simkaart vir haar en plaas
weer die MTC-simkaart terug in my selfoon.
En ook nog so in my slaap gooi ek sommer
(terwyl ek alles wat ek doen, nou so danig
deeglik doen) my selfoon weg, maar kom
dit eers agter toe ek moeg en verwaaid
buite Windhoek se lughawe op 'n muurtjie
gaan sit om my man te laat weet ek vertrek
nou ,15h30, van die lughawe af en sal eers
vér na donker doer bo by Grootfontein
aankom. Ons ooreenkoms is natuurlik om
nooit na donker in hierdie land met sy
koedoes en vlakvarke te ry nie.
Nou ja, soos dit enige boemelaar betaam
is ek nou ook gestroop van my kommunikasie,
maar ek het gelukkig nog my kar,
en so stuur ek op pure plakkerstyl af op
my goeie vriendin Petro Kimberg in
Windhoek. Sy sê natuurlik:” Nee jy kan
nie dié tyd van die dag nog die pad vat
Noorde toe nie, jy slaap oor…” En eers
later besef: Sy gaan so 'n siek vriendin
ook nie die volgende dag die baie lang
pad laat vat nie.
“Kan ek asseblief jou telefoon gebruik
om my man te bel?” vra ek volgende. En
daar voltooi ek toe die sirkel behoorlik:
Van Boemelaar tot bedelaar tot plakker.
En liewe suster: Kom ons vra volgende
keer vir die boemelaar waarom hy 'n
boemelaar is, vir die bedelaar waarom hy
bedel en vir die plakker waarom hy plak,
voordat ons sommer sélf besluit en oordeel.
Laat ek nou maar die res van my energie
gaan gebruik om te sien hoe ver ek sonder
my selfoon en my selfbeeld gaan kom...
WANT ALTWEE IS NOU EWE WEG… en
ja, ek het toe nie die volgende dag die lang
pad gevat nie, my liewe ander helfte het
my vyf dae later uit die hospitaal op Windhoek
kom haal, nadat ek my boemelaarslongontsteking
daar afgeskud het.
Van nou af vra ek: “Wie is jy Oom
boemelaar? En waarmee kan ek help?”
15

leefdinge
BoekeRESENSENT: COBIE STEYN
Ken jy die Psalms?
deur Henriette Schutte
Ken jy die Psalms? Het onlangs verskyn en handel oor Psalms 1-75. In die voorwoord sê
Prof. VE d’Assonville in die boek Psalms word “die volle lewe van die mens, hier op aarde
en in die ewige saligheid” (p. i) beskryf. Hy sê ook: “Die skryfster het nie menslike idees
en fantasieë aan ons voorgehou nie” maar sy vra altyd: “Wat sê die Bybel juis hier, of
nog duideliker gestel, wat sê die Here hier?” (p. i).
16
Bestel Ken jy die
Psalms?(dl 1) by:
Henriette Schutte
Tel. Nr: 012 548 2295
Selfoonnommer:
082 325 0751
Faks: 012 548 0913
Daar is ook nog ‘n beperkte
aantal boeke uit Henriette
Schutte se reeks, Ken jy hulle?
(dele 2 en 3; deel 1 is
uitverkoop!) beskikbaar by
Die Administratiewe Buro:
(018) 297 3986.
VROUEBLAD Oktober 2011
In hierdie Bybelstudiehandleiding word elke Psalm kortliks
bespreek. Waar moontlik word die historiese agtergrond
gegee en die ontstaanstyd van die Psalm aangedui. By elke
Bybelstudiestuk is 'n addisionele Skrifgedeelte wat gelees
moet word, so byvoorbeeld word daar by Psalm 23 verwys
na Jes. 53: 6-10. Na elke Bybelstudiestuk volg 3 vrae wat jou
geleentheid gee om die stuk te oordink ook nadat jy die
boek neergesit het. Die Bybelstudiestukke is kort en bondig,
maar gelaai met verrykende inhoud wat die leser groter insig
in elke Psalm sal gee.
Hierdie Bybelstudieboek is nie bedoel om eksegeties met
die Psalms te handel nie, maar eerder om die Psalms nader
aan die leefwêreld van die leser te bring sodat die leser
daarmee kan identifiseer. Die Psalms verwoord immers die
digters se emosies soos vreugde, vertroue, hartseer en angs.
Die Psalms gaan oor die digters se belewenis en hulle
verhouding met die Here. Die digters se verwondering oor
God se almag en grootheid bring ons ook tot aanbidding.
Die voorkoms van hierdie boek sluit aan by die skrywer se
vorige Ken jy hulle?-reeks wat oor Bybelmense handel en
nog beskikbaar is. Die Ken jy hulle?-reeks bestaan uit 3 dele
en handel oor 130 Bybelfigure. Die boeke is geskik vir oud
en jonk, vir groepsbybelstudie of eie stiltetyd en kan ook
handig te pas kom as ’n geskenk.
Ken jy die Psalms? kan direk by die skrywer bestel word teen
R 70-00 per eksemplaar plus R10 posgeld. Dit kan ook bestel
word by die Administratiewe Buro (018 297 3986) of Folmer
Boekhandel (012 543 3597), maar onthou: genoemde
handelaars het hulle eie prys vir die publikasie vasgestel.

heldinne
van geloof
HOU VAS AAN DIE BELOFTES IN GOD SE WOORD
teken van vrees, woede of bitterheid in haar lewe nie.
Wanneer sy gevra deur word GRIET hoe sy SWANEPOEL
dit regkry, antwoord
sy vol oortuiging: “In God se Woord staan daar geskrywe
dat daar vir 'n lang tydperk vervolging sal wees, maar
dat Hy ook 'n uitweg sal bied. In Jesaja 41:10 belowe
Hy: ‘Wees nie bevrees nie, want Ek is met jou; kyk nie
angstig rond nie, want Ek is jou God. Ek versterk jou,
ook help Ek jou, ook ondersteun Ek jou met my reddende
regterhand.’”
Lena lewe voluit vir die Here in Oesbekistan met
die seker wete in haar hart dat God heeltyd oor haar
die wag hou.
Ander gelowiges in Oesbekistan kry ook net so
swaar. Sy het al gesien hoe baie gelowiges die land
verlaat, omdat die vervolging te erg geword het. Sy
het self eenkeer die land verlaat, maar besef dat God
vir haar 'n plan in Oesbekistan het.
Sy besef dat sy alles in haar vermoë moet doen om
Christene te lei om volwasse gelowiges te word. Te
midde van vervolging, leef Lena Mattheus 28 se opdrag
daagliks uit: “Gaan dan na al die nasies toe en maak
die mense my dissipels: doop hulle in die Naam van
die Vader en die Seun en die Heilige Gees, en leer hulle
om alles te onderhou wat Ek julle beveel het” (Matt.
28: 19-20a). Sy stel dit onomwonde dat die kerk nie
kan groei sonder dissipels nie. Haar uitdaging aan
elkeen van ons is: “Word 'n dissipel, 'n dader van die
Woord!”
*Lena = skuilnaam
VROUEBLAD Oktober 2011
leefdinge
deur GRACE COETZEE
Die Woord van die Here – die ware skat van die Kerk – leer ons om dissipels te maak.
Sonder dissipels kan die kerk nie groei nie. Maar hoe word jy gevoed deur die Woord
as jy een van ons susters in die geloof in Oesbekistan is?
Om op 'n Sondag 'n erediens by
te woon, kan jou in die tronk laat
beland. Jy kan 'n boete opgelê
word omdat jy meer as een Bybel
besit. Laat ek julle voorstel aan
Lena* wat getrou bly aan God ten
spyte van vervolging.
In die hoofstad Tashkent, het
'n kerk wel sy deure oopgemaak.
Mense beweeg heeltyd daardeur.
Daar is wel geen aanduiding dat
Christenskap verbied word nie,
maar dit is misleidend. Die
Russiese Ortodokse Kerk is een
van die min geloofsgemeenskappe
wat deur die regering toegelaat
word. Oesbekiese Christene wat
'n kerk wil plant, word byna nooit
toegelaat om dit te doen nie,
omdat die regering godsdienstige
ekstremisme vrees. Dit beteken
dat die kerk wat die 63-jarige
Lena bywoon, onwettig is.
Alhoewel Lena al 'n ouma is,
verhoed dit haar nie om haar
missie na te streef om kerke te
vestig nie. Sy het die afgelope
jare al verskeie geheime kerke
gevestig. Tans staan sy aan die
hoof van sewe huiskerke wat in
klein groepies byeenkom. Sy is
ook al verskeie kere gearresteer.
Sy sien elke arrestasie as 'n
geleentheid om te getuig: “God
het my vrees met vrede vervang.”
Sy het eenkeer die geleentheid
gehad om die Evangelie met die
hoof van die polisiemag te deel.
Na 'n rukkie het die man net gevra
dat sy en haar groep die gebou
moet verlaat en huis toe gaan.
Lena hou vas aan God se
beloftes in sy Woord. Ten spyte
van die ongeregtigheid wat sy
baie keer ervaar, is daar geen
Vir verdere inligting
rakende Geopende
Deure se Vrouebediening
besoek hul
webwerf by of stuur
'n epos aan women@
opendoors.org.za
17

leefdinge
gemeentemosaïekNUUS
UIT ONS
GEMEENTES
In diens van haar Koning
Tannie Marie Meintjes het die eerste lewenslig aanskou op 28 Maart 1926. Sy is die
oudste van drie dogters uit die huwelik tussen Gert en Martha Broekman. Sy was as
klein dogtertjie ’n gelukkige kleuter wat gehuppel en gespeel het op haar ouers se
plaas. Sy word groot in die distrik Lydenburg, in die ou Oos-Transvaal en daar, in ’n
plaasskooltjie, begin haar skoolopleiding.
Deur Dalene Scheepers
Sonder hartseer was haar kinderjare nie:
Op die ouderdom van 12 jaar het sy haar
moeder aan die dood afgestaan. In die
jare 40 voltooi sy haar skoolopleiding te
Lydenburg. Sy lê ook belydenis van haar
geloof af in die Gereformeerde Kerk
Lydenburg waarna sy na Pretoria verhuis.
Hier begin sy haar jongmenslewe en werk
vir die Departement van Onderwys.
Ook nie lank nie of ’n jongman, Flip
Meintjes, steel die hart van die aantreklike
Marie Broekman. Daar word vir eers ’n
stok in die wiel van die verhouding gesteek,
want Flip werk vir die weermag en word
vir twee jaar na Italië toe gestuur.
Hoe word ’n mens se lewe nie bestuur
nie! Flip het ook op ’n plaas in die Lydenburgdistrik
grootgeword – skaars twaalf
myl van tannie Marie se geboortegrond
af. Tydens Geloftefeeste het hulle saam
rondbaljaar, min wetende dat hulle jare
later trou aan mekaar sou belowe.
Met Flip se terugkeer uit Italië sluit hy
by die Suid-Afrikaanse Polisie aan en die
twee jongmense besluit om te trou. Voordat
hulle egter voor die kansel kon staan moes
’n Vrederegter eers permissie gee. Daar
moes vasgestel word of die dametjie goed
genoeg is om met ’n lid van die SAP te
trou! Sy slaag hierdie toets met groot lof
18
VROUEBLAD September 2011
en kort voor lank het sy bekend gestaan
as Mevrou Meintjes.
Na die huwelik verhuis die egpaar na
Usakos in die ou Suid-Wes Afrika. Hulle
is geseën met twee dogters en twee seuns,
wat almal nog lewe. Na ’n verplasing
beland die gesin weer in Lydenburg
(sekerlik tot groot vreugde vir beide se
families).
Vanaf Lydenburg loop hulle paadjie tot
in Rhodesië. Dit gaan goed daar en later
besit hulle hul eie tabakplaas. Dit is hier
waar hulle paaie kruis met dié van dr. Izak
Becker, wat toe konsulent van Die Gereformeerde
Kerk daar was. Hy bevestig een
van tannie Marie se dogters in die huwelik.
Wie sou kon droom dat tannie Marie,
nou, ná soveel jare, weer Sondae na dr.
Izak se Woordbediening sou luister?
Hulle keer terug uit die buurland en
gaan woon in Vanderbijlpark. Tannie Marie
en oom Flip was 46 jaar getroud. Wat ’n
voorreg! Hierdie hoofstuk van ’n geseënde
huwelik word afgesluit met die dood van
oom Flip in Vereeniging. Tannie Marie
woon nog vir ’n tydperk daar, maar in
1995 verhuis sy na Saldanha.
Wat ’n aanwins vir ons gemeente! Nou
is dit ons beurt om die dierbare, opregte
vrou, Marie Meintjes, te leer ken en lief
te kry. Sy is vir baie nie maar net “tannie
Marie” nie, maar eintlik ’n tweede ma. Sy
vul al vir baie jare die blokkiesraaisels in
die Kerk Almanak getrou in en dit dra
by tot haar uitgebreide kennis van die
Bybel. Sy is ’n besondere mens en ’n
steunpilaar. Die staaltjies wat sy met ons
deel is vir ons baie kosbaar.
In 2009 word sy deur ds. Chris Coetsee
as diaken van die Gereformeerde Kerk
Vredenburg/Saldanha bevestig. Hier stel
sy as diaken vir een en almal ’n voorbeeld
van opregtheid en getrouheid in die amp.
Is daar iemand in die GKSA wat dié
mylpaal kan oortref? Op 85 is sy die
oudste vrouediaken in die GKSA... Dalk
nog die oudste diaken in die GKSA?
Tannie Marie, mag
jy elke dag die seën
van die Here ervaar
en mag Hy jou, soos
in die verlede, ook in
die toekoms met sy
liefde en genade
omvou.

leefdinge
gemeente-mosaïek
Groot liefde vir sy vrou
Die dagboek is vol inskrywings oor ons ma.
Hy het die grootste waardering vir haar
gehad omdat sy die gerief van 'n plaaslewe
vaarwel toegeroep het om saam met hom
in die boendoe te gaan bly.
21 Januarie 1943: "Maar van Trienie
het ek 'n brief gehad – dit was mooi, vol
warme liefde en lewe, stralend van
liefdesvrolikheid - so 'n deeltjie van haarself.
Sy is mens, ware mens en geen teleurgestelde
gees of ding nie. Sy gee
lewensvreugde."
22 April 1943: "Ek was voor die kansel
en aan my sy my lief bruidjie Trienie Ras.
God het ons saam gevoeg. Hoe heerlik om
in liefde te kan saamleef, saam werk, saam
alles te kan deurmaak, saam te kan kniel
voor God. Ons dank Hom gedurig oor die
liefde en geluk wat Hy ons skenk."
4 Augustus 1943: "Vandag van Louis
Trichardt af weg na die rondawels waar
ons vir 'n tyd sal woon tot ons ons eie plek
het. Ag, wat sien dit tog nie treurig hier
uit nie. Die een rondawel moet nog gedek
word en die enetjie waar ons in moet bly
vir die eerste paar dae is te klein en mens
kan hier en daar die lug deur die dak sien,
die gras is plekke al weggevrot. Arme
vroutjie, sy wat so 'n welopgevoede lewe
geniet het, sy wat die geriewe van die
beskaafde lewe gewoond is, hier moet sy
nou in so 'n plekkie bly. Dog bly sy moedig
en opgewek en dra dit alles asof sy in 'n
gerieflike huis verkeer. Wat myself betref,
maak dit niks. Ek is die lewe hier al
gewoond. Soms moes ek al in die ope lug
slaap, dikwels vir 'n paar dae in die DKW
of in 'n tentjie. Ek bewonder haar. Huisraad
Dit was
wonderlik (2)
Uit die dagboek van 'n sendeling egpaar –
1942 tot 1946 (’n reeks in 3 aflewerings)
Deur Rina Erasmus
“Erasmus Jopie Fourie, BA, Sendeling Siloam 1942-1946-06-27” (Almanak
2011; p. 265). Hierdie sendeling, wat so ‘n kort dienstyd gegun is, was baie
lief vir sy vrou Trienie. By tye lees sy dagboekinskrywings oor haar soos
‘n liefdesverhaal...
kon ons nie meebring nie. Die reën sal dit
verniel want as dit reën, stroom dit deur
die dak. Hoe ook al ons sal moed hou en
volhard deur die genade van God. Ek is nou
ten minste naby my poste."
6 Augustus 1943: Vandag vir vroutjie
'n "stoof" gemaak. 'n Sinkplaat oor 'n paar
groot klippe. Wat is sy tog nie 'n moedige
vrou nie! Wie 'n goeie vrou gekry het, het
waarlik 'n gawe van God verkry. Vandag
ook vir haar 'n tafel begin maak."
30 Augustus 1943: "Saggies sif dit al
heeldag met 'n fyn motreëntjie. Dis koud
en baie nat. Die rondawels lek en orals op
die vloer hoor mens 'tip-tip' soos dit drup.
Vuur kan mens ook nie maak hier binne
nie. Sulke dae is maar baie onaangenaam
in so 'n rondawel. Ons ly wel aan verkoue
en seer-bors maar origens is ons doodgelukkig
en dank God vir goeie gesondheid.
Ons trek DV eerskomende Woensdag, 1
September na de Hoop."
Soektog na 'n permanente blyplek
Die dagboek is vol inskrywings van sy
soektog na 'n blyplek. Na 'n soektog van
byna een jaar het hy uiteindelik 'n geskikte
woonplek gekry:
8 Oktober 1942: "Ds. du Plessis en ek
is vroeg vanoggend dorp toe en vandaar oor
na die geweste van Siloam om 'n aanstaande
woonplek te soek. By alle moontlike grensplase
het ons aangegaan en verneem met
die oog op koop of huur. Daar is twee
moontlikhede maar die grond is te duur."
"Na 'n lang en vermoeiende reis van
meer as 120 myl (sowat 200 km) van soek
oor slegte paaie, was ons bly om weer
vanaand tuis te wees."
27 Oktober 1942: "Gister is Jojakim en
ek weg om die wêreld te gaan verken. Die
hoofsaak was om 'n toekomstige tuiste te
soek. Ons is na 'n kaptein sogenaamd Piet
Booi. Hy het baie goeie dienste gelewer aan
genl. Joubert en het toe as beloning vir sy
dienste 'n stuk grond ontvang waar hy as
kaptein aangestel is. By Piet Booi sal ons
seker as God wil 'n goeie deur tot ingang
vind onder die Laeveld Bawendas. 'n Vaste
woonplek is buite die kwessie vir die eerste
jaar of twee."
25 Januarie 1943 ('n paar maande later)
skryf hy weer: "My huidige probleem is 'n
geskikte plek om 'n tydelike woning op te
rig. Hier op Siloam moet ek bly totdat ek
Tsivenda ken. Die troue kom ook stadig
nader en mens kan tog nie met 'n vrou
onder 'n bossie of in 'n miershoop gaan
woon nie."
Verblyf en kinderlike geluk
Op 1 September 1943 jubel hy oor die
verblyf wat die Here vir hulle voorsien het:
"De Hoop. Eindelik! Ons dank God! Ons
het ingetrek. Die huis is maar baie verwaarloos.
Die miere vreet die kosyne, deure en
vensters op. Ons is so dankbaar egter dat
ons nou tog rus kan hê van rondswerwery
dat hierdie dinge maar min skeel. Ons dank
God vir al die genade aan ons.”
12 September 1943: “Ons is gesond, ons
is kinderlik gelukkig in ons liefde, ons
ontvang sulke opbeurende briewe van ons
gemeentes dat ons nie anders kan as om
net dankbaar te wees nie."
Lees volgende keer hoe Trienie die
tyd saam met haar man op die
sendingveld beleef het.
VROUEBLAD Oktober 2011
19

leefdinge
gemeente-mosaïek
SAAMTREK 2012
Datum: Saterdag 10 Maart 2012
Tema: Gelowig vrou in die hande van dié
Pottebakker
Die redaksie het besluit om maandeliks 'n bladsy af te staan aan 'n Bybelstudie wat aansluit by die tema in
aanloop tot die volgende Saamtrek. Sodoende kan die organiseerders, individuele susters en sustersgroepe ook
deur middel van Bybelstudie hulleself geestelik voorberei op die komende Saamtrek.
Hierdie werkswyse is nie bedoel om rigied en voorskriftelik te wees nie, maar eerder om die gedagtes van die
organiseerders, die saamtrekgangers en die sprekers te prikkel met die oog op die hantering en implementering
van die tema.
Die tema sluit sterk aan by drie Skrifgedeeltes: naamlik: Jesaja 29: 9-16 (kernvers:16); Jeremia 18: 1-17. Kernvers:
6) en Romeine 9: 19-29 (met kerngedeelte verse 20b-21; vergelyk ook Jes. 45:9).
In hierdie uitgawe en die uitgawe van Novembermaand fokus ons op Jeremia 18: 1-17.
Sterkte met al die reëlings. Bid dat die Here julle ook die insig sal gee om tydens julle reëlings “die dinge sal
kan onderskei waarop dit werklik aankom" (Fil. 1:10), sodat die fokus van dié dag ingestel sal wees op die Here,
op geestelike verryking en op dienswerk. Geniet dit!
Lees: Jeremia 18:1-17
(opgestel deur Ds. Pieter Kurpershoek (GK Middelburg, Mpumalanga)
Fokusgedeelte: Jeremia 18:4, 6
1. Wat is die politiese en godsdienstige situasie in Juda wanneer die Here vir
Jeremia na die pottebakker se huis stuur (vergelyk 2 Konings 23:35 – 24:17)?
2. Wat het die pottebakker gedoen toe die eerste pot wat hy probeer maak het,
misluk het?
3. In verse 7-10 vertel die Here met twee parallelle beskrywings dat Hy sy
beplande optrede kan verander. Wat veroorsaak dat die Here sy beplanning
verander ('n ander pot maak)?
4. Van watter kwaliteit is Juda op hierdie stadium? Wat kenmerk hulle as volk?
5. Wat kan die Here op hierdie stadium met Juda doen – soos hulle nou is?
6. Wat is nou nodig sodat die Here sy oordeelsplan oor Juda kan verander?
20
VROUEBLAD September 2011

Streke 2012
VROUEBLAD Oktober 2011
leefdinge
Streek en gemeente Kontakpersoon Adres Tel. Nr. Selfoonnr.
Koördineerder
wymiedup@gksa.co.za
Wymie du Plessis Bus 20004, Noordbrug 2522 018 297 3986 083 575 5786
Boland: Worcester
Joukje.geertsema@
up.ac.za
Joukje Geertsema Bus 55 Worcester 6849 023 347 1696 Geen
Bosveld: Rustenburg-Noordoos
charlotte@cklegal.co.za
Charlotte Buitendach Bus 7542 Rustenburg 0300 014 592 0311 082 683 4092
Hoëveld: Hoëveld
dirkmarja@mweb.co.za
Marja Pansegrouw Bus 541 River Crescent 1042 013 656 5857 084 550 6130
Kameeldoring: Lichtenburg
braamvanderwalt@
vodamail.co.za
Alvira van der Walt Bus 145, Lichtenburg 2740 Geen 083 383 8398
Laeveld: Komatipoort
nvanrooy@vodamail.co.za
Christa van Rooy Bus 132, Komatipoort 1340 013 793 7065 082 333 8961
Limpopo: Warmbad
yvonlong@ymail.com
Yvonne Hattingh Bus 125, Bela Bela 0480 014 736 2590 082 323 8493
Namibië: Tsumeb Annetjie du Plessis Bus 433, Grootfontein, 00264 67 24 2420 00264 81 438 4022
annaedp@gmail.com Namibië
Natal: Pinetown
lydia@0926@mweb.co.za
Lydia J. van Rensburg Bus 10442, Ashwood 3605 Geen 082 873 4265
Noord-Kaap: Daniëlskuil
vorster.lizette@gmail.com
Lizette Vorster Bus 90, Daniëlskuil 9405 Geen 073 611 2211
Noord-Vrystaat: Odendaalsrus
j.erasmus@mweb.co.za
Hannelie Erasmus Bus 383, Odendaalsrus 9480 057 398 2069 Geen
Oos-Kaap: Oos Londen
Elna.DuToit@
lifehealthcare.co.za
Elna du Toit Bus 19028, Tecoma 5214 043 722 0205 082 879 2237
Oosrand: Brakpan-Suid
christeen@capcubed.com
Christeen van Jaarsveld Bus 10255, Dalview 1544 011 915 1801 Geen
Pretoria: Andeon/Bergsig/ Ina Aucamp Bus 31317, Wonderboompoort 012 372 0311 072 511 0807
Pretoria-Meintjeskop
anberg@absamail.co.za
0033
Sentraalwes: Klerksdorp
alta@koshcom.co.za
Alta Venter Bus1561, Klerksdorp 2570 Geen 082 704 7243
Suid Gauteng: Meyerton
fritz.j.potgieter@
gmail.com
Amoré Potgieter Bus 136, Meyerton 1960 016 362 1941 084 558 8446
Suid-Kaap: Oudtshoorn
deonvandw@
vodamail.co.za
Annamart van der Walt Bus 551, Oudtshoorn 6620 Geen 082 668 7343
Suid-Vrystaat: Petrusburg
arinabriel@gmail.com
Arina Briel Bus 11, Petrusburg 9932 053 574 0119 073 279 7608
Suidwes-Gauteng: Wilropark
stefaans@telkomsa.net
Elmarie de Bruyn Bus 2051, Wilropark 1731 011 768 7223 Geen
21

Jo van Rooyen
22
Skatkis vol Genadehartskatte
Lank, lank gelede was daar ‘n
kosbare skat wat stewig en veilig
weggebêre is. Dit was so kosbaar
dat net spesiale mense die
voorreg gehad het om hierdie
skat uit te haal te aanskou en te
bepeins.
Die gewone siele (afhanklik van ander), moes honger
bly – hulle is toegang tot hierdie skat geweier. Hulle
moes wag vir een van die begenadigdes om die
kosbare skat uit te haal en aan hulle te “openbaar”.
Ja, slegs deur 'n begenadigde geleerde kon die
honger siele toegang verkry tot hierdie skat. Deur
die oë van iemand anders kon hulle hierdie skat net
so effe en van vér af in verwondering aanskou.
Daar het verandering gekom. Die skatkis is oopgesluit,
wawyd oopgemaak en die wonderbare skat is
vrygestel, daar vir elke siel om te geniet.
Dit klink soos ‘n verhaal uit Die Arabiese Nagte of
‘n sprokie van weleer maar nee, dit is die verhaal
van die vrywording van die Woord.
God het sy Woord vrygemaak en aan ons almal
gegee as ’n persoonlike skat, ’n skat om elke dag
te benut. Deur die eeue het God se Woord meer
en meer bekombaar geword vir sy kinders: Klein,
groot, geleerd en ongeleerd – in tale sonder tal. Die
VROUEBLAD Oktober 2011
slotwoord
Woord is in ons elkeen se hande geplaas. Dis nie
meer toegesluit in die misterie van donker kloosters
en katedrale, versteek agter die vreemde klanke
van onbekende tale nie. Die Woord het beskikbaar
geraak in eie taal, eie idioom – jy kry dit nou selfs
op jou selfoon. Die skat lê in my hande, waak langs
my bed, vergesel my op my selfoon en rekenaar –
dis net 'n knoppie ver. Daarom kan ek die Woord
as padaanwyser, my persoonlike GPS, gebruik –
daarsonder drentel ek dwalend en doelloos deur
die strate van my daaglikse bestaan.
Die Woord is in my hand om my persoonlike riglyn
te wees. In sy Woord openbaar God wie Hy is, sluit
Hy met die mens ’n persoonlike verhouding en
openbaar Hy sy almag, heerlikheid, liefde en
genade. In sy Woord leer ons wat sy wil vir ons
lewens is. Sy Woord is soos my waterpas: ek moet
voortdurend my lewe daaraan meet en as die
waterblasie nie reg lê nie, moet ek weet daar is
fout.
Elkeen van ons moet sélf die Woord daagliks lees
en bepeins om volle waarde daaruit te put. ’n Skat,
toegesluit, veilig gebêre in jou bedkassie, is geen
skat meer nie. Dit het net so min waarde as die
talent wat onder die grond begrawe is. Deur besig
te wees met hierdie gawe van God, dit te leer ken,
te luister na die boodskap, word my geloof in die
Here versterk en leef ek werklik ’n lewe volgens sy
wil en tot eer van sy Naam.
Die Woord, deur die eeue vertel en vertaal,
openbaar in die mooiste poësie en prosa wie God
is. Die Woord vertel vir ons van God se almag:
“Sou jy die Sewester met ‘n band kon vasknoop of
die band van Orion kon losmaak? (Job 38:31)”; die
Woord vertel vir ons van God se bemoeienis met
die mens: dink maar aan God se verbond met
Abraham, Dawid die man na God se hart wat
sondig, nes ek en jy, maar wat dan ook sy genade
en vergifnis in oorvloed ontvang – nes ek en jy.
Wanneer vreugde en dankbaarheid jou wese vul,
is daar vele Lofpsalms wat saam met jou juig en
God eer, wat vir jou woorde gee as jou woorde te
min is. Wanneer dit lyk of die wêreld sy rug op jou
draai en jy nêrens troos kan vind nie, sal jy egter
ook troos in hierdie Skatkis vind. Hoe meer jy delf
en soek hoe meer vind jy. Hierdie skatte raak meer
en nooit minder nie.
Die heerlikheid van God se genade lê in hierdie
skat opgesluit: ’n belofte van lewe tot in ewigheid.

November 2011 in
Die Gereformeerde
Vroueblad:
Kerk@digitaal.net
Lees in Novembermaand:
• "Alles is geoorloof."
• Sterk in God!
• Digitale dienswerk
• Facebook: vriend
of vyand?
BRIEWE: Skryf ’n brief (200-300
woorde lank) aan Die Gereformeerde
Vroueblad. Briewe
hoef nie by enige tema in te
pas nie – vertel ons wat leef
in jou hart; wat gebeur in jou
gemeente!
Adresse waarheen briewe
gestuur kan word,
verskyn op p. 3.
ANDER PUBLIKASIES
VAN DIE GKSA:
• Die Kerkblad
• Die Slingervel (vir ons
Laerskoolkinders)
• Die Kruispad (vir ons tieners
en jongmense)
Bied ook verrykende
geestelike leesstof en kan
bestel word by die
Administratiewe Buro:
(018) 297 3986.
TEKEN IN OP
DIE VROUEBLAD
DIE INTEKENGELD VIR DIE GEREFORMEERDE VROUEBLAD:
VROUEBLAD (SELF AFHAAL BY ADMIN BURO,
POSGELD UITGESLUIT): R102.00
ELEKTRONIESE INTEKENING: R102.00
VROUEBLAD (IN GROEP NA DIE GEMEENTE,
POSGELD INGESLUIT): R154.00
VROUEBLAD (WORD GESTUUR, POSGELD INGESLUIT): R168.00
HIERDIE TARIEWE GELD VANAF 1 JULIE 2011 TOT 30 JUNIE 2012.
KONTAK ANGIE MOKOBI OF PETRO KROEZE BY DIE
ADMINISTRATIEWE BURO INDIEN U ENIGE NAVRAE HET:
TELEFOON: 018 297 3987, E-POS: TYDSKRIFTE@GKSA.CO.ZA
JOU BESONDERHEDE
Stuur intekenvorm na:
Die Administratiewe Buro
Afdeling Publikasies
Posbus 20008
Noordbrug 2522
Tel (018) 297 3987
Faks 018 293 1042
Stuur asseblief aan:
Naam
Adres
Poskode
Tel.
E-pos
Stuur asseblief rekening aan:
Naam
Adres
Poskode
Tel.
E-pos
I N T E K E N G E L D E
Die redaksie het besluit om vir die tweede jaar die prysstyging
te beperk deur ‘n gedeelte van die prysstyging te subsidieer uit
die bladbouersfonds. Baie dankie aan al die susters wat oor die
jare so getrou bygedra het tot die fonds. Werf asseblief vir ons
nuwe intekenare.
VROUEBLAD Oktober 2011
23

Lewensverandering begin daarby om
na God te luister. Skakel al jou
aardsgerigte sensors af en stel jou
antenna in op God se golflengte.
Alles wat jy kortkom, sal Hy vir jou
gee! Hy het raad en hulp vir elke
probleem – Ds. CN van der Merwe.
Almanak 2001 van die GKSA, p.
212.
Drie dinge is belangrik: om die Skrif
te ken, jou daarop te beroep en om
daaraan gehoorsaam te wees. Hou
vas aan die Woord alleen – Ds.
Pieter van der Walt. Almanak 2006
van die GKSA, p. 75.
Moenie net die beproewinge van die
verlede en die hede raak sien nie.
Sien deur tranedruppels van jou siel
ook die reënboog van God se genade!
– Dr. Pieter Bingle. Almanak 2006
van die GKSA, p. 48.
Geen troos is sterker as die sekerheid
dat jy midde-in jou nood deur die
liefde van God omsluit word nie
– Johannes Calvyn.
Indien God se Woord nie met
toewyding en oorgawe gelees word
nie, het ons die belangrikste bril
verloor en is 'n visieversteuring,
naamlik geloofsonsekerheid, ons
24
VROUEBLAD Oktober 2011
voorland – Dr. FP (Ferdi) Kruger.
Die Kerkblad, Februarie 2011, p. 17.
Jy het ook gawes van God ontvang.
Gebruik dit met erkentlikheid teenoor
die Gewer van die gawes en met
verantwoordelikheid teenoor diegene
rondom jou – Jaco Thom. Fyn luister
na God, p. 15.
God woon hoog bo die sterre in die
donkerte van sy hoë hemel… Maar
ons moenie vergeet dat Hy ook by
ons op die aarde is nie, net daar waar
u nou is… Moet dus nie na Hom
gaan soek nie. Maak net u oë toe
daar waar u nou is en praat opreg
uit die diepte van u hart met Hom.
Hy is by u, vandag en altyd – Prof.
AH van Zyl. Uit die Beek 1991, 30
Januarie.
Jy kan weet dat God alles van jou
weet en orals by jou is. God laat jou
nie aan jouself oor nie. Al voel Hy
dalk ver, Hy is by jou. Al is jy vandag
bang, Hy lei jou met sy eie hand.
Om dit te weet, is geloof – Annes
Nel. Pitkos vir die pad, 15 Januarie.
As 'n mens met die gevolge van jou
verkeerde keuses moet saamleef, leer
jy om meer verantwoordelik te wees
– Die Bybel in Praktyk, p. 11.
Saamgestel deur Ansie du Plessis
Die gelowige kan (nie) in sy eie krag
versoekings weerstaan nie… Die
dieper betekenis van die woord
“staan” is om geheel en al afhanklik
te wees van God. Dit is om jou krag
in Hom te soek en elke tree van die
lewe saam met Hom te gee. Slegs
diegene wat in Hom staan, kan
weerstaan – Ds. Dirk Pansegrouw.
Die Kerkblad, Mei 2010, p. 36.
Liefde en goeie dade is die toets of
ons geloof wortel geskiet het in die
praktyk. Of ons beleef wat ons bely
– Dr. Attie van der Colf. Lig en Lewe,
21 Junie.
As jy wil weet hoe jy lyk, kyk in jou
spieël; as jy wil weet hoe jy is, kyk
in God se spieël: die Bybel – EA
Boshoff. Pitkos op die lewenspad, p.
25.
Dit is nie soseer ons vriende se hulp
wat ons help nie, maar die wete dat
hulle ons sal help as ons hulle nodig
kry – Epicurus.
Ek dank U, Here Jesus, dat U vir my
bid, dat U ook vir my sê wat my
lippe nie kan sê nie… Ek dank U dat
U gedoen het wat ek nie kan regkry
nie… en dank U dat U my lei – Jörg
Zink. Pad na die gebed, p. 110