Junie 2013 - Murraysburg

MURRAYSBURGER
The secret is out!
Go to www.murraysburg.co.za
The Murraysburger is available on the
website. Hard copies available at
April 2011
Kweperlaan Coffee Shop on request.
Price: R1.00
Contact details on page 2
Junie 2013
No 27
Herfs was laat vanjaar. Maar asof Moeder Natuur wou jammer sê vir die laatkommery, is die herskleure
.
vanjaar besonder mooi. Hierdie boom staan op Groot Driehoeksfonteinplaas van Klein Percy Reynolds,
Karin en hulle spruite. Op die pad naby Rooipoort van Jannie Pienaar en in die straat langs oom Oscar
Smuts se huis was Mamma Natuur self nie suinig met die kwas nie en hoef ons Murraysburgers nie 'n duim
terug te staan vir die befaamde Golden Gate in die Oos-Vrystaat of selfs Amerika se New England nie.

BRIEWE/LETTERS
TEL/FAKS: 049 844 0135 SMS: 072 388 9284 / 082 5093 120
EPOS: renetheron@mweb.co.za / jennyballantyne@telkomsa.net
POSADRES: Voortrekkerstraat 30, Murraysburg, 6995
Skuilname mag gebruik word, maar alle briewe moet vergesel wees van ‘n naam, adres en handtekening.
Die redaksie behou die reg voor om briewe te verkort of te verwerp. Die sperdatum vir bydraes is middel van die maand.
Pseudonyms may be used, but all letters must be supported by a name, signature and address.
The editors reserve the right to edit or reject letters. The deadline for contributions is middle of the month.
VAN DIE REDAKSIE .......................
Dit was ‘n besige naweek, dié met Jagkomtetisie en Spitskop 4x4 gehou op Vrydag 24ste en
Saterdag 25ste onderskeidelik. Eintlik het die verrigtinge al Donderdagaand begin met die
aankoms van al die jagters en die voorbereidende werk wat afgehandel moes word soos
vleisbraaie, uitruil van vorige jagverhale en paradering van die jongste skiettegnologie. Die
weer het pragtig saamgespeel en dit was pret vir almal. Die 4x4 was bietjie swakker
ondersteun as vorige jare maar dit kan mens ook verwag na aanleiding van gerugte oor die
verloop van die partytjie by die skougronde na afloop van die prysuitdeling die vorige aand!
‘n Seer kop en ‘n geskud op ‘n bergpad gaan nie juis saam nie. Dankie vir almal se
ondersteuning en bydraes.
Een van die jonger
deelnemers – klein Janco van
den Berg wys ons is nooit te
jonk om te leer nie!
Spitskop 4x4
Sekerlik die oudste, maar beslis ook een van die
mees ervare deelnemers van die 4x4, was oom
Oscar Smuts met sy Cherokee Jeep. Dit rit
saam met hom het sy oomblikke gehad soos
wanneer die roete wegval in 'n diep sloot en al
wat mens sien is die wit enjinkap en blou lug
soos uit 'n klein vliegtuigie en oom Oscar se
gerustellende woorde “ek kan nie die pad sien
nie!” Nogtans, ons salueer oom Oscar vir sy
pragtige voorbeeld hoe om die lewe te geniet
ten spyte van jare wat aanstap.
-2-
En die oudste voertuig op
die bergpaaie was
sekerlik Schalk Conradie
van Cradock se 1946
Willys Jeep. Hierdie
oudstryder het menige
van die moderne voertuie
ore (of wiele) aangesit en
soos 'n jong apie tussen
die bosse en oor klippe
gedans waar die ander
jonges dit nie eens sou
waag nie.

Annie Slabbert vier 95 jaar
Dinsdag, 26 Maart, was ´n feesdag in Murraysburg
aangesien een van die dorp se oudste en mees
geliefde inwoners, Annie Slabbert, of tant Annie
soos sy algemeen bekend is, haar 95ste verjaarsdag
in goeie gesondheid kon vier.
Sy het sommer vroeg die oggend al die
toegeneentheid van Huis Spitskop se personeel
ervaar toe hulle haar meerstemmig toegesing het.
Daarna was dit so tussen al die oproepe deur ´n
geskarrel om die dame van die dag gereed te kry vir
die teeparty, wat ter ere van haar deur Johanna van
der Merwe, vroeër van Stellenboschvlei, aangebied
is.
Nie minder as 25 dames, van heel jonk tot self in die
neëntig, het tant Annie, mooi versorg soos altyd,
ingewag en amper met hulle goeie wense oorweldig.
Dat Annie Slabbert by jonk en oud geliefd is,
spreek boekdele vir haar warm persoonlikheid.
Elkeen geniet dit om by haar te kuier omdat sy ten
spyte van haar hoë ouderdom steeds vir ander
omgee, op hoogte van die sake van die dag is en
nooit oor die skete en kwale, wat ongenooid met die
jare kom, kla of praat nie. Natuurlik help haar
besondere humorsin haar om die minder aangename
te hanteer. Sy is waarlik geseënd om verstandelik
nog so wakker te wees!
Daar is heerlik saamgekuier, stories uit die verre
verlede opgediep en die keurige eetgoed saam met
die tee geniet. Sommige dames ken tant Annie nog
as Annie Henn, wat baie jare gelede met haar man
na Murraysburg gekom het. Hy het ongelukkig op ´n
-3-
jong ouderdom siek geword en het tant Annie hom
liefdevol versorg. Na sy oorlye het sy by die
munisipaliteit gewerk en vertel vandag nog hoe dit
hulle eer was om die gemeenskap flink te dien.
Niemand het gekla indien die diens na ure gelewer
moes word nie!
Toe sy met Chris Slabbert van Voetpad getroud is,
het sy die dorp vir die plaas verruil, maar ´n aktiewe
rol in die gemeenskap gespeel.
Al het sy nie eie kinders nie het sy in haar
broerskind, Johanna van der Merwe, meer as ´n
dogter gevind en het die twee ´n heel besondere
verhouding. Dit is vir beide wonderlik dat Johanna
nou skuins oor die straat van Huis Spitskop woon.
Mariette Slabbert, skoondogter van haar tweede
man, is ook soos ´n eie dogter. Sy het spesiaal van
Graaff-Reinet gekom en nog ´n jarelange buurvrou
en vriendin, Margaret Biggs, saamgebring.
Daar is nie ´n beter rolmodel vir met grasie oud te
word as Annie Slabbert nie! Alle Murraysburgers
wens hierdie baie spesiale dame ´n gesonde en
geseënde nuwe lewensjaar toe en sy op haar beurt
waardeer alle goeie wense opreg.
Tuinbou op Spingfontein
Die Aprilvergadering van die Tuinbouklub het by
Maryna Wallis op Springfontein plaasgevind. Ter
opening lees sy voor uit ´n gratis koerantjie, propvol
tuinwenke en interessanthede. Dit is by CMW
beskikbaar.
Dr. Rachel Hobson, ´n bekende tuinboukundige
woonagtig in Graaff-Reinet se distrik, vertel die lede
meer van baardirisse. Heel gepas, omdat irisse in
alle kleure voorkom, is die naam iris afkomstig van
die Grieks vir godin van die reënboog.
Indien hulle reeds die volgende somer moet blom, is
Oktober en November ´n goeie planttyd, maar hulle
kan ook van Maart tot Mei, wanneer die ergste
somerhitte verby is, geplant word. Alhoewel hulle
erge koue in die winter kan trotseer, benodig hulle
vanaf die laat winter tot die lente minstens 6 ure se
sonlig per dag.

´n Bietjie beenmeel onder in die gat bevorder
wortelgroei. Die knolle moet minstens 2cm diep
geplant word om uitdroging deur die son te voorkom.
Die knolle moet 20cm uitmekaar geplant en elke drie
jaar verdeel word. Indien hulle té lank nie uitgeplant
word nie neem die blomvermoë af. Irisse vertoon ook
mooi in potte.
Gedurende die winter benodig hulle slegs een keer per
week water, twee of meer kere gedurende die lente
wanneer die knoppe gevorm word en twee keer per
week in die somer.
Die blomvermoë sal baie baat vind by voeding vanaf
laat in Augustus of so ses weke voordat die eerste
blomme verwag word. Irisse is pragtige snyblomme,
wat in baie verskillende kleure voorkom. Dit is
belangrik om die verskillende kleure aan te dui,
voordat hulle uitgeblom is, sodat daar nie per ongeluk
tydens verdeling van die kleure uitgegooi word nie.
Hobson het nie net die dames van die waarde van
irisse in die Karootuin oortuig nie, maar ook verskeie
bolle saamgebring wat veral die jong tuiniers graag
gekoop het.
Soos gebruiklik is die vergadering afgesluit met
heerlik kuier om die teekoppies en die gasvrou se
verversings is baie geniet.
VLV win kennis in omtrent
skoolgereedheid
Lina van den Berg, Maryn de Klerk & Hannelize
van Heerden
Tydens die Meivergadering het Maryn de Klerk,
departementshoof vir die grondslagfase by die
Murraysburg Primêre Skool, met die jong ma’s en
oumas na aanleiding van haar wye ondervinding oor
skoolgereedheid gesels.
Om skoolgereed te wees, moet die kind fisiek,
emosioneel, sosiaal en kognitief sekere
-4-
ontwikkelingsvaardighede onder die knie hê. Dit
beteken dat sy taalgebruik vir ander mense as sy ouers
verstaanbaar moet wees. Hy moet nie net groot nie,
maar ook fyn motories gekoördineerd wees en kan
wag en aanvaar wanneer sy ouers of juffrou nee sê.
Hy moet nie net met maats kan speel nie, maar ook
kan deel en kan stilsit om die eerste keer al te luister
en gepas te reageer. Die kind wat skoolgereed is, kan
dink en vasbyt om realistiese take te voltooi, al is dit
nie altyd vir hom / haar lekker nie.
´n Kind, wat nie fisiek genoeg ontwikkel het nie, se
aandagspan is kort en hy /sy het nog oorwegend ´n
behoefte om te speel. So ´n kind vermy
papieraktwiteite en opvoedkundige speletjies.
Dikwels weier hy om opdragte uit te voer en reageer
emosioneel om sy onvermoë om die taak suksesvol af
te handel, te verbloem.
Die kind, wat fisiek gereed is, kan huppel, gallop,
met ´n tou spring en veters vasmaak. Hy kan lank
genoeg stilsit om te leer en ´n potlood en skêr met
gemak hanteer. Hy kan ook na sy eie liggaamlike
behoeftes omsien, soos om homself aan te trek, toilet
toe te gaan, sy eie broodjie te smeer en self te kan eet.
Wanneer die kind fisiek onafhanklik begin
funksioneer, begin hy selfvertroue ontwikkel wat
weer sy leergierigheid positief beïnvloed.
Emosionele en sosiale vaardighede ontwikkel hand
aan hand en is aldus De Klerk die belangrikste vir
skoolgereedheid. Die kind moet in ´n groep kan
optree en aanvaar dat almal dieselfde geleenthede om
bv. iets in die klas te vertel, moet kan hê. Hy moet sy
beurt kan afwag en bereid wees om te deel. Hy moet
oor genoeg selfvertroue beskik om aan die
klasaktiwiteite deel te neem en teleurstellings binne
perke kan hanteer. Emosionele en sosiale gereedheid
is die basis van konsentrasie, geheuevorming en
motivering.
Wanner ´n kind dit wat hy voel en dink duidelik in
woorde kan oordra, is hy kognitief skoolgereed. Hy
ken die verskil tussen links en regs en verstaan
ruimtelike konsepte soos bo / onder en voor / agter.
Hy maak sin uit wat hy sien en hoor, dink daaroor en
redeneer sinvol en toepaslik. Hy kan hoekom vrae
soos Hoekom word wiele nie van glas gemaak nie?
beantwoord en verstaan wiskundige konsepte soos
meer as, minder as, groter as, kleiner as en getalle.
Skoolgereedheid word ontwikkel deur konkrete
ervarings. Heel eerste ontdek hy deur sy sintuie
(sensories) sy lyfie en wat dit alles kan doen. Hy
ontdek sy omgewing en alles wat daarin is deur aan
alles te vat. Die sensories-motoriese ontwikkeling
stimuleer sy brein. Wanneer hy nog baie klein is, gaan
alles mond toe. Konkrete ervarings beteken dat die
kind regte goed of speelgoed, wat soos regte goed lyk,
gebruik om te speel en te leer.
Semi-konkrete ervarings soos blootstelling aan papier,
boeke, die rekenaar, televisie en saam storielees
bevorder skoolgereedheid soos ook abstrakte

ervarings wanneer hy vorige ervarings met verf, kryte,
gom en klei weergee.
De Klerk het die jong ma’s aangeraai om hulle
kinders se skoolgereedheid objektief te beoordeel en
om die kind liewers later skool toe te stuur indien
hulle enigsins twyfel, aangesien dit andersins vir die
kind en sy ervaring van die skool baie nadelig kan
wees. Die graad R-opvoeder sal goeie raad kan gee
soos ook ´n opvoedkundige sielkundige.
Drukkies laat elke kind veilig en geliefd voel en laat
hom ontwikkel terwyl ´n kind, wat deur sy ouers
gedruk word om skool toe te gaan, wanneer hy nog
nie gereed is nie, gekneus word en ´n swak selfbeeld
ontwikkel.
Met hierdie vergadering het die VLV daarin geslaag
om in die behoeftes van die jonger sowel as die ouer
lede te voorsien.
VLV beleef München
By die Meivergadering het Lina van den Berg die lede
laat deel in die daaglikse lewe van die inwoners van
München. Lina en Kotie van den Berg het tydens
hulle onlangse besoek aan hulle seun, Cobus, wat as
chemiese ingenieur vir die internasionale maatskappy
LINDE in München werk, kon deel word van die
plaaslike bevolking en het München heel anders as die
gewone toeris beleef.
Hulle het weer eens onder die indruk van die
uitstekende openbare vervoerstelsel, soos oral in
Europa, gekom. Daar is afgesien van busse en trems
ondergrondse en bo-grondse treine in die
stadsgebiede, streekstreine tussen dorpe en stede en
dan natuurlik die sneltreine, wat so vinnig beweeg dat
die verbyflitsende landskap slegs ´n streep is. Alle
openbare vervoer is skoon en netjies en ALTYD
betyds. Aangesien parkeerruimte in die Europese
stede moeilik bekombaar is, gebruik almal die
openbare vervoer. Gelukkig stel ´n treinkaartjie jou in
-5
staat om ook bus en trein te ry en is afsonderlike
kaartjies nie nodig nie. Goedkoper tariewe buite
spitstye bevorder beter benutting van die treine deur
die dag.
Alhoewel die openbare vervoerstelsel oorwegend
gebruik word, het baie mense hulle eie voertuie en
koop hulle graag Duitse fabrikate soos Porché, BMW,
Mercedes en Volkswagen / Audi. Hierdie voertuie is
in vergelyking met S.A. heel bekostigbaar, in ag
genome die hoër salarisse. Die Duitsers verkies oor
die algemeen "sober" kleure soos silwergrys en swart
vir hulle voertuie, maar die sportmotors is dikwels
rooi of geel! Ou motors word nie baie gesien nie,
veral nie op die Autobahn nie, waar die gemiddelde
spoed net té hoog is.
Die mense van München hou van die buitelewe en
daar is baie parke in die stad. Die "Englischer
Garten" langs die Isarrivier ( ongeveer 300 ha) is die
bekendste en oud en jonk stap, draf, ry fiets, ski, ens.
by elke moontlike geleentheid. Die koue skrik hulle
nie af nie. Daar is binnenshuis ook uitstekende
geriewe om fiks te word en te bly. In die Ostpark
(ongeveer 60 ha groot) aangrensend aan die
woonstelgebou, waar die Van den Bergs se kinders
woon, is daar buite stap- en fietsrypaaie,
oefenapparate, speelparke, ysskaatsbaan vir die
winter, ´n rolskaatsbaan vir die somer, buite- en
binnenshuise tennisbane, buite- en binnenshuise
verwarmde swembaddens, ens. . By die Isarrivier in
die stad is daar ´n kunsmatige brander, waar die
avontuurlustiges winter en somer hulle branderryvaardighede
kan oefen.
Saamkuier in die biertuine is ´n tradisie vir die hele
gesin. Spesifiek in Oktober lok die Oktoberfest
mense van oor die hele wêreld na München. Die
biere is beslis ligter as die S.A. biere met minder gas.
Daarby word die tradisonele Weisswurst met
mosterdsous en "bretzel" geëet. Vir die niebierdrinkers
( waarvan daar min is!) , is die geurige
appelsappe ´n goeie alternatief. Tradisionele
restaurante, waar die kelners en kelnerinne jou
dikwels in tradisionele drag bedien, word ook graag
deur gesinne besoek. Wanneer vriende vir ete genooi
word, is dit meestal in ´n restaurant en word daar nie
dikwels tuis onthaal nie. Koffiekroegies met al die
dekadente soetgebak, "Torten", is baie gewild en daar
is natuurlik ook baie bierbrouerye.
Groot winkelsentrums soos ons dit in ons stede ken,
kry jy slegs aan die buitewyke van die stad, maar in

elke woonbuurt is kleiner winkels, klein supermarkte,
slaghuise, bakkerye en "familie-besighede". Soos ook
elders in Europa koop mense gewoonlik daagliks
hulle benodigdhede vars. Luukse winkels soos Gucci,
Cartier, Prada, Valentino is afsonderlike winkels in
die middestad. As jy genoeg geld het, koop jy in
Ober Polinger area!
Gesinne doen baie dinge saam en ouers word
aangemoedig om meer as een kind te hê aangesien die
bevolkingsgroei baie afgeneem het. Kraamverlof
beloop ongeveer ´n jaar en die werkgewers is verplig
om jou werk vir daardie tyd te hou. Selfs die pa´s kry
vir ´n redelike tyd ouerverlof omdat hulp in die huis
nie geredelik beskikbaar is nie. Staatsondersteunde
kleuterskole is algemeen beskikbaar, maar die
voertaal is uiteraard slegs Duits.
Soos die meeste Duitsers is die mense in München
ook gereelde teatergangers. Ook die kinders woon
gereeld simfoniekonserte, opera-, ballet- en
toneelopvoerings by. Die München operahuis het ´n
wonderlike geskiedenis.
München het ook sy kwota museums, waarvan die
Deutches Museum seker die bekendste en gewildste
is. Dit is een van die wêreldbekende museums vir
wetenskap en tegnologie. Daar is ook aparte
Lugvaart- en Vervoermuseums, museums vie die
kunste, e.a.
Die omgewing van dié mooi stad, so aan die
voetheuwels van die Alpe, is pragtig. Die stad word
deur ´n aantal prentjiemooi mere omring. Aangesien
München so naby aan die Alpe geleë is, kan die weer
baie vinnig verander. Die lente kan feitlik oornag
kom en is dit nou lowergroen met blomme soos
affodille, tulpe, hiasinte en so meer net waar jy kyk.
Die winters is baie koud met sneeu en die somers kan
heel warm word, selfs met baie swaar donderweer!
Die mense beweeg maklik oor landsgrense heen en
gaan sommer vir ´n naweek na Switserland,
Oostenryk of Italië, wat binne enkele ure per trein of
motor bereik kan word.
Opvallend is almal se bewustheid van die bewaring
van hulpbronne. Hulle is voor op die gebied van die
ontwikkeling en benutting van hernubare energie en
herwinning is in hierdie stad ´n leefwyse. In elke huis
is houers vir die herwinning van verskillende soorte
afval. Dit is jou verantwoordelikheid (wat almal
nakom) om alle herwinbare materiaal in die toepaslike
houers naby aan jou woonplek te gaan aflaai. ´n
-6-
Skoon omgewing is die mense se erns en daar lê
werklik geen gemors in die strate rond nie.
Alhoewel Duitsers onregverdiglik as minder
vriendelik bekend is, is hulle in Bayern, waarvan
München die hoofstad is, baie gemoedelik en
vriendelik teenoor toeriste. Die Suid-Duitsers is meer
ekstroverte as die oor die algemeen ernstiger
introverte van Noord-Duitsland. Die
weersomstandighede speel glo in dié verband ´n rol.
In München sing hulle met oorgawe in die biertuine,
is hardwerkend, deeglik en toegewyd.
Alhoewel die gras altyd groener anderkant die draad
lyk, het die VLV-dames tog besef dat ons heelwat van
München en sy mense kan leer.
Tuinmaak vir Kinders
Die jonger lede van die Tuinbouklub is besonder
innoverend en het Linda van den Berg by die
Meivergadering oor die belangrikheid van tuinmaak
vir kinders vertel.
Kinders moet by alle aktiwiteite in die tuin betrek
word. Dit is die ideale plek om hulle bewus te maak
van hul omgewing en hulle aandag nie net op
skoenlappers en bye te vestig nie, maar ook op goggas
en selfs wurms. Hulle behoort 'n eie plekkie in die
tuin te hê waar hulle kan eksperimenteer met plante
wat maklik groei soos boontjies, kappertjies en
pampoen. Hierdie plante het ook groot sade wat
kinderhandjies maklik kan hanteer. Houertuine werk
goed en elke kind kan sy eie pot hê.
Omdat kinders nuuskierig is, kom die belangstelling
vanself. Om hulle ontkieming te laat sien, kan 'n
boontjie tussen twee lae klam watte geplaas word.
Indien dit gereeld nat gemaak word, behoort 'n
worteltjie binne twee dae te verskyn. Omdat
boontjies vinnig ontkiem, is daar elke dag 'n
verrassing vir nuuskierige klein breintjies. Sodra die
blaartjies vorm, kan dit in die kind se tuintjie
uitgeplant word.
Tuinmaak moet pret wees en is ongemerk baie
opvoedkundig. Dit leer die kinders van tyd en die
verandering van seisoene en dat daar elke seisoen
ander take in die tuin is. In die herfs hark ons blare,
in die lente blom alles en in die somer word die vrugte
ryp. In die winter kom alles tot stilstand om nuwe
kragte vir die volgende somer te versamel.
'n Kind moet in die grond kan speel en maar kan vuil
word. Hy moet respek vir grond hê omdat dit lewe
gee en nie leer dat dit iets vuils is nie. Hy moet leer
dat alle plante gereeld voldoende water moet kry om
te kan groei, maar moet ook leer om water
oordeelkundig te gebruik en dit nie te mors nie.

Laat die kind toe om in die komposhoop en tussen
die plante na goggas te soek. So leer hulle waar
hulle bly en wat hulle eet. Bespreek met die kind
dat die goggas beheer moet word sodat hulle nie al
die groente opeet nie.
Tuinwerk moet pret wees en ouers moet toelaat
dat kinders eksperimenteer al weet hulle dat die
kind se poging dalk gaan misluk. Ouers moet nie
net antwoorde verskaf nie, maar die kind toelaat
om self uit te vind oor plante, groente en goggas.
Neem die gogga af en laat die kind op die internet
na die gogga se naam soek, waar hy woon en wat
hy eet.
Kinders hou van detail. Laat hulle self in boeke of
die internet navorsing doen oor die groente of
blomme wat hulle die volgende seisoen wil plant.
So leer hulle ongemerk van die natuur en ons
afhanklikheid daarvan. Hulle besef ook waar kos
vandaan kom en dat dit nie net op die winkelrak
"verskyn" nie.
Gee vir kinders klein takies in die tuin volgens
hulle belangstelling. Sommiges hou van in die
grond grawe terwyl ander net wil natgooi. Om
hulle belangstelling te behou, moet dit takies wees
wat vinnig afgehandel kan word.
Alle kinders hou van oes. Laat hulle vars groente
en vrugte sommer in die tuin eet. Groter kinders
kan ekstra groente vir sakgeld verkoop. So leer
kinders van harde werk en hoe alles in mekaar
skakel.
Tuinwerk leer die kind respek vir die natuur, goeie
eetgewoontes en om eienaarskap te aanvaar.
Boonop is die tyd wat ouers met hulle kinders in
die tuin werk kwaliteittyd.
Linda van denBerg
ABSA-besoek hoogtepunt
vir Huis Spitskop
´n Afvaardiging van senior ABSA-personeel van
Port Elizabeth en ook van die plaaslike tak het
Huis Spitskop op Vrydag, 24 Mei, besoek. Vir die
inwoners is dit aldus die inrigtingshoof, Ettienne
Terblanche, die hoogtepunt van die jaar omdat
hulle werklike omgee van Suzette Celliers en haar
span ervaar.
Suzette Celiers, Provinsiale Hoof van Bemarking,
en Johnny Alcock,Verkopebestuurder ABSA
Besigheidsbank, is al ou bekendes by Spitskop en
die weersiens is elke jaar aandoenlik. Natuurlik is
die ruim geskenke, wat hulle bring, uiters welkom,
maar die inwoners en personeel voel aan dat dit
nie ´n promosiefoefie is nie, maar dat van die
senior personeel van ABSA in Port Elizabeth
soveel vir hulle omgee dat hulle jaar na jaar
tydens ´n baie vol naweek tyd inruim om
persoonlik by Spitskop te kom besoek aflewer,
word raakgesien en waardeer.
Vanjaar is elke inwoner met ´n heerlik sagte
handdoekstel, toiletware en iets vir die soettand
bederf. In ´n inrigting, wat moeite het om kop bo
water te hou, is ´n nuwe dik badhanddoek
absoluut ´n luukse, veral nou in die kouer dae.
ABSA het ook met ´n geskenkie aan elke
personeellid erkenning vir hulle sorg gegee.
Aangesien die personeel dikwels as
vanselfsprekend aanvaar word, word hierdie mooi
gebaar besonder waardeer.
Maretta Theron, voorsitter van die beheerraad, wat
elke jaar saam met haar eggenoot, Jacques, die
Murraysburg Jagkompetisie vir die
Landbougenootskap reël, het namens die
Jagkompetisie aan elke inwoner lekker warm
pantoffels oorhandig. Huis Spitskop is bevoorreg
om jaarliks in die Jagkompetisie se wins te mag
deel en die pantoffels dra aan elke inwoner die
boodskap oor dat daar spesifiek vir hom of haar
omgegee word. Van die Landbougenootskap is ´n
boks energiebesparende gloeilampies ontvang,
wat beslis sal help om die energiekoste te besnoei.
Die elektroniese skaal, wat ook oorhandig is, sal
sake in die kombuis baie vir die voedselbestuurder
vergemaklik. Sonder sulke vrygewige bydraes van
buite-instansies sou Huis Spitskop nie die mas kon
opkom nie.
Ter aanvulling van Ettienne Terblanche se
bedankingswoorde het die personeel en ook die
inwoners vir die ABSA weldoeners gesing. Hulle
sang het heelwat meer as woorde gesê!
-7-

ABSA - Hoofborg van
Avontuurnaweek
Beste skut: Wynand Smit
Die Landbougenootskap, wat Huis Spitskop elke jaar
laat voordeel trek uit sy jagkompetisie, en die
reëlingskomitee van die Huis Spitskop 4x4 te De Vlei,
Jos Cloete, het besluit om vanjaar kragte saam te gooi
deur die twee spoggeleenthede op een naweek aan te
bied. ABSA is die hoofborg van beide geleenthede.
Soos nou al gebruiklik het jagters van so ver as
Pretoria, Kaapstad en omgewing, Middelburg
(Mpumalanga) en natuurlik omliggende dorpe vroeg
Vrydagoggend in die skousaal aangemeld. Nadat ds.
André Louwrens die verrigtinge geopen en om seën
daarop gebid het, het Anthonie Troskie die reëls van
die kompetisie voorgehou.
Die loting van watter span op watter plaas gaan jag,
bly opwindend. Die aard van die terrein, grootte van
die kampe, aard van binneheinings en natuurlik die
boer se wildbestuur speel ´n groot rol in die
moontlikheid vir elke jagter om twee besonder groot
bokke in die beperkte tyd van vier ure te kan skiet.
Daarbenewens is die jagters se bedrewenheid en
skootkeuse natuurlik van die grootste belang. Goeie
samewerking van die vier spanlede is onontbeerlik en
die kameraadskap wat so ontwikkel, maak hierdie
kompetisie iets unieks. Dieselfde spanne neem jaar
na jaar deel en aangesien nie meer as dertig spanne
hanteer kan word nie, kry nuwe spanne slegs in geval
van ´n kansellasie geleentheid om deel te neem. Soos
gewoonlik het die spanne dan ook direk na afloop van
die kompetisie vir 2014 bespreek!
Vrydag, 24 Mei, was ´n mooi herfsdag met blou lug
en slegs ´n matige windjie in die namiddag. Danksy
die goeie reën, wat oor die Paasnaweek geval het, is
die veld so mooi soos selde hierdie tyd van die jaar en
het die jagters hulle in die mooi natuur verlustig.
-8-
Die eerste spanne, wat op nabygeleë plase gejag het,
het vanaf drie-uur begin terugkeer. Onder leiding van
Jacques Theron is die bokke gemerk, geweeg en die
skote geëvalueer. Dirk van den Bosch het die horings
met groot noukeurigheid gemeet. Verskeie jonger lede
van die gemeenskap is vanjaar by die verskillende
take betrek. Die jagters het die hele proses met groot
belangstelling gade geslaan.
Terwyl ´n span gesoute braaiers, wat reg aan ´n
biefstuk kan laat geskied, by die vure geswoeg en die
dames van die skoukomitee en helpers in die kombuis
gespook het, het die prysuitdeling om sewe-uur ´n
aanvang geneem. Aldus Pieter de Jager, Senior
Landbouspesialis van die Suid- en Oos-Kaap wil
ABSA met sy borgskap van die Jagkompetisie,
Murraysburg se grootste enkele projek, nie net die
jagters nie, maar veral die hele gemeenskap laat baat.
Aangesien die Afrika-bevolking vorentoe steeds sal
toeneem, is voedselsekerheid van die grootste belang,
wat ABSA se ondersteuning van die platteland
regverdig. Hy het dan ook die pryse oorhandig.
Weens die entoesiasme van die 120 teenwoordige
jagters was dit nie altyd ´n maklike taak vir die
seremoniemeester, Anthonie Troskie, nie.
Danksy lojale, vrygewige borge, van wie die meeste
al vir jare betrokke is, is baie jagters met groot en
praktiese pryse beloon. Namens alle Murraysburgers
baie dankie aan die volgende borge, wat die
kompetisie moontlik maak: ABSA (´n groot kontant
bedrag waarmee pryse aangekoop is, die
gaskunstenaar en pette), Rudolph Optics (teleskope en
verkykers), Safari & Outdoor ( R10 000 se
geskenkbewyse en pette), Sitskootspan (kontant),
Daan Dercksen (R4 000 kontant), die Breërivierspan
(kas KWV brandewyn) , Terason Johan van Wyk (
geskenkpakke wyne), asook Jacques Theron, Dirk van
Schalkwyk en H.P. van der Merwe ( lammers wat
opgeveil is).
Na die prysuitdeling is daar heerlik gesmul aan die
sappige biefstukke en het die Weskus-klong, Andries
Vermeuelen, die jagters verder vermaak. Vermeulen
het vier lammers en wyn wat deur Terason geskenk is
Wenspan: Safari & Outdoor span - Wynand
Smit, Gustav Rautmann, Dawie Joubert,
Ockie Els

aie vaardig soos ´n professionele afslaer opgeveil. Die ongelooflike bedrag van R25 600 wat die veiling
opgelewer het, kom Huis Spitskop ten goede. Dit is uiters welkom en die beheerraad, personeel en inwoners
is baie dankbaar dat jagters hulle so ondersteun.
Die Landbougenootskap verdien ´n pluimpie vir die aanbied van ´n kompetisie van dié omvang, maar alle
krediet vir die sukses moet aan Maretta en Jacques Theron gaan. Niemand besef werklik hoeveel noukerige
en harde werk daaraan verbonde is nie aangesien hulle dit so maklik laat lyk.
Die belangrikste pryswenners is:
KATEGORIE BORG PRYS
Swaarste ram
1 Kalie van Heerden ABSA Kampeertafel
2 Gustav Rautmann ABSA Opblaasmatras
3 Cornel van Rensburg Rudolph Optics Oormof
Swaarste ooi
1 Okkie Els ABSA Verlengkoord
2 Kalie van Heerden Rudolph Optics Oormof
Ram met langste horing
1 Christoffel Marais ABSA Opblaasmatras
2 Gustav Rautmann Rudolph Optics Oormof
3 Jan Botha Johan van Wyk 3 wyn –pak
Ooi met langste horings
1 Manus Meyer ABSA Bosch Gereedskapstel
2 Okkie Els Rudolph Optics Oormof
3 Edniël Theron Johan van Wyk 3 wyn-pak
Plaas met die langste horings (ram)
1 Middelkop ABSA Bosch Gereedskapstel
2 Glen Cliffe ABSA Ridiater Saadnet
3 Groot Driefontein Johan van Wyk Kissie wyn
Plaas met die langste horings (ooi)
1 Boksfontein ABSA Gasbrander
Beste skoot
1 Gustav Rautman Rudolph Optics Teleskoop 4-16 (R6000.00)
2 Theronnie van der Merwe ABSA & Safari & Outdoors Kampeertafel & R2 000-
geskenkbewys
Plaas met die swaarste bok
1 Waterskloof ABSA Kompressor en trofee
2 Glen Cliffe ABSA Kompressor
Skut met hoogste totale punte
1 Wynand Smit Rudolph Optics Teleskoop
2 Ludwig van Heerden Safari & Outdoors R3 000- geskenkbewys
3 Daan Dercksen Safari & Outdoors R2 000-geskenkbewys
Plaas met die hoogste gemiddelde gewig
1 Waterskloof ABSA Ryobi staanboor
2 Waterskloof ABSA NiKon verkyker
3 Glen Cliffe ABSA Kampeertafel
Span met die beste punte
1 Safari & Outdoor 2 Rudolph Optics 4 teleskope, 4 oormowwe en 4 pette
2 Breërivier Rudolph Optics 4 teleskope
3 Murraysburg ABSA 4 x 2 Handtelefone
4 Tenat Breërivier Safari & Outdoors 4 x R500-geskenkbewyse
5 Safari & Outdoor ABSA 4 Broodpanne
6 The hit squad ABSA 4 gereedskapskassies
7 Karoospan Rudolph Optics 4 Oormowwe
8 Colesberg Johan van Wyk 4 De Doorns Wyne
- 9 -

Face:
Environ Df Ultimate Facial R380 (90min)
Environ Df Enhancing Facial R320 (75min)
Environ Hands-­‐on-­‐Facial R280 (60min)
Peel Treatment R280 (60min)
All Environ facials include hand treatment and
foot massage
Annique Xpress Facial R150 (30min)
Annique Hands-­‐on-­‐ Facial R250 (50min)
Annique Facial with Galvanic R280 (60min)
Brow Tint R30
Lash Tint R50
Hands & Feet:
Manicure R120
French Manicure R150
Paraffin Wax Manicure R150
Paraffin Wax Dip for Hands R40
Mini Manicure ( File & Paint) R60
Pedicure R160
French Pedicure R180
Paraffin Wax Pedicure R180
Paraffin Wax Dip for Feet R40
Wax:
Full leg Wax R120
Full leg Wax incl Bikini R150
Half leg Wax R90
Bikini Wax only R50
Brasilian Wax R120
Under Arms R50
Lip or Brow Wax R30
Face Wax R70
Massage:
Full Body R300 (60min)
Back Neck & Shoulder R180 (40min)
Arm, Hand & Foot R150 (30min)
Head, Face & Foot R150 (30min)
Gym contract per month R250
(including 2x programs per month)
Phone : 078 127 5225
E mail : vonita.lavenderbreeze@gmail.com
Afrifraans!
For the month of June…
-­‐ 10 -­‐
Father’s day Special :
R280 (60min)
heel peel for cracked feet
Kom geniet ‘n aand van goeie kos in die Fraanse styl met ‘n Boere ‘twist’.
Bring gerus U eie wyn of drinkgoed.
• Vrydag 7 Junie 2013
• Vanaf 19:00
• R150 per persoon
Bespreek asseblief teen 31 Mei.
Bon Appetit!
Erika:074 5528994
with
hotstone back massage
Buying or selling
a farm, vacant
land, business or
home in
Murraysburg?
We can help you.
Email: graaff-­‐reinet@pamgolding.co.za
Voice message: 072 280 7792

The Trans Karoo is in its third running this
year and takes place every two years. This
year it will be from Sat 22nd to Thurs 27th June 2013. The tour is held over 5 days and each year the
route changes. It leads mountain bikers through approximately 500 kilometers of this beautiful region,
the Karoo, in the Eastern Cape. The entire route sticks to good gravel roads so the level of technical
riding is kept to the minimum.
Fund Raising
The bike trailer we will be transporting your bikes on this year was a result of the 2009 tour. In 2011 Isithembiso Home for
Abandoned babies – Walmer, benefitted from the tour to the sum of R10 000.
This year we hope to successfully raise funds to touch the Emmanuel Children’s Home and Youth Care Centre in Middleburg
http://emmanuelhome.blogspot.com and create a better life for these disadvantaged children and the influx of new children,
recently placed in the home. The funds raised will be administered by the charity TOUCH AFRICA, a section 21 company Non
Profit organization whose primary focus is children and the Emmanuel Childrens Home is in alignment with the ethos of this
reputable charity . (check out www.touchafrica.info )
Charity
Emmanuel Children’s Home will be the beneficiaries from the fund raising this year. For every R1000 raised over and above your
R3800 entry fee, the rider can choose to redeem R500 from his entry fee up to a limit of R3000 or donate it to the charity itself.
The Ride All riders start together at 09h00 and may ride in pairs or in ability groups. There will be a number of backup vehicles
stationed along the route, with a sweep minibus and trailer for anyone who wishes to ride in a relay with a partner, or for those
who feel that they are done for the day. For the 2013 tour we expect to reach the end of the day’s ride by 15h00
Focus on the Rider The Trans Karoo is organised so that if riders feel they would like to do more kilometers than presented,
riders may double back to join groups behind them. A logistics crew will be on hand to assist you with the transport of bags,
bedding, showers, food etc. A mechanic will be on hand to assist you with any bike problems during the ride and after the ride,
and certain equipment can be purchased from the mechanic if the need arises. One or two masseurs can be booked after each
day’s riding at a small fee. Everyone is asked to supply a sleeping bag, pillow, blanket and sleeping mat or stretcher as some of
the remote farm houses do not have sufficient beds for everyone. If you regard your own privacy as important, please bring your
own small tent. Carbo-loaded breakfasts and dinners and ride nutrition will all be provided. If you have any special dietary
requirements, please bring them with you.
New Route Every Year The route of the Trans Karoo changes every year and riders will see wide open Karoo plains, majestic
mountains, ravines, indigenous forests and the golden valleys. The route is characterised by dusty roads, a few strenuous rocky
uphills and ‘leg breathing’ flowing downhills. One mustn’t forget the beautiful Karoo night skies. At this time of the year, the
weather in this region can vary from snow with westerly winds to 25 degrees with warm northerlies, blowing one all the way to
the coast, so come prepared for both conditions, particularly the cold.
After 10yrs one would have done all ‘5 fingers’ of the Trans Karoo, 5 different routes all covering 500km, and by then
you’ll know the Karoo LIKE THE BACK OF YOUR HAND! Hopefully after completing this finger, you’ll be enthused to do the
final two.
Duration: 5 nights / 5 days – GUIDED plus a day travelling to the start. (included in the entry) Dates 2013: Saturday22nd h
(8.30am) to Thursday 27th June (approx. 4pm)
Start – Finish: Woodridge Schools (Van Stadens Gorge approx. 35km from Port Elizabeth)
Accommodation: 5 nights in farm houses (beds for some, possibly), shearing sheds & tents if you enjoy your own privacy.
Tour: Approximate distances –
· Day 1 to Nieu Bethesda 90km
· Day 2 to Camdeboo Valley (nr Graaff-Rienet) Farm 100km
· Day 3 to Baroe (nr Jansenville) 110km
· Day 4 to Groot Poort (near Steytlerville)100km
· Day 5 to Woodridge 100km.
The routes are mostly gravel roads but occasionally double track dirt roads. Riding surface is not technically demanding but skill
is required, and fitness, to handle the long rides and elevation. Trip includes: Transport and padkos to Middleburg. 5 nights
lodging, all dinners as shown in the itinerary, picnic lunches, breakfasts, road book with maps and route profiles, luggage
transport, support vehicle and bike trailers, energy bars, soft drinks and a post tour DVD.
Entries are open to the 1st 40 entries and will be based on a 1st come 1st serve basis. Your entry
will only be accepted once full payment has been made. FROOF OF PAYMENT TO BE EMAILED
billy.teeton@woodridge.co.za OR SMS 083 659 3903. Please check transkaroo mtbtour FACEBOOK
page for updates on places still available or contact me direct.
Price: R3800 per person –
ACCOUNT DETAILS:(acc.name), Woodridge Trust,
Standard Bank, Account number 080372120
Branch code 050 017, Reference: (surname)trans
Entries close at 40 riders and interest has exceeded expectations.
If you have any questions with this regard, please don’t hesitate to contact me.
Yours sincerely
Billy Teeton
-­‐ 11 -­‐

-12-
Die lekkerste bymekaarkomplek in Murraysburg. By
die nuwe Kweperlaan is daar baie gerieflike sitplek
en kuierplek binne en ook buite onder die koel
druiwe-prieel. Ideaal vir funksies, kinderpartytjies
of selfs meer formele byeenkomste.
Indien julle lus is vir ‘n ontbyt of middagete, reël net
vooraf met Jenny by 082 509 3120.