met Jesus - Straatwerk

Lente 2010
Volume 42 No. 4
IN HIERDIE
UITGAWE
Projek Herstel ................2
Waarlik Waardevol vir
Jesus .................................3
Dankie vir ekstra Vitamiene
C ...........................3
Kry ‘n education! ...........4
Bid saam met
ons regdeur die
nuusbrief!
Die lewe saam
met Jesus
“Here, wag so ‘n bietjie. Wanneer het
ons U kos gegee toe U honger was of
‘n glas water toe U dors was? Ons kan
nie onthou dat ons ooit vir U klere of
blyplek gegee het nie.” (Matteus 25:37-
40 uit Die Boodskap)
Egte Christenskap weet ons is baie meer
as ‘n belydenis op papier, of die weeklikse
godsdienstige handelinge by die kerk. Die
regte navolging van Jesus gebeur vandag op
straat, by die werk, tuis en op die sportveld.
Vandag se Christenskap is opreg, deursigtig,
soekend en nederig. Dit deins nie terug van
eerlike gesprekke nie en dit probeer nie om
almal gelukkig te hou nie.
Ware navolging van Jesus gaan altyd verder
as praatjies en debat op die kerkplein en die
markplein. Dit is sigbaar, proebaar, voelbaar;
dit word gedoen, gesien en beleef.
Die Christendom se kernbesigheid is die uitdeel
van lewende brood en gewone brood,
lewende water en gewone water. Ware reformasie
is een wat ons altyd terugneem na die
genadige God sodat ons saam met Hom na
die lewe kan stap.
Jesus het ‘n heeltemal nuwe lewensritme
aarde toe gebring met nuwe prioriteite, nuwe
waardes, nuwe sienings van wat belangrik is
en wat nie. Nee, Jesus was nie die plaaslike
pretbederwer wat almal kom verdoem het
nie. Hy het gereeld op die markpleine be-
weeg om mense te red. Jesus se vriende was
inderdaad gewone mense, uitgeworpenes,
onreines. By Hom was die laastes eerste en
die kinders die grootste.
Om in vandag se wêreld ‘n Jesus-volgeling
te wees vra spesiale toewyding, maar ook ‘n
ekstra stukkie wysheid. As Christen bevind jy
jou waarskynlik daagliks in ‘n multikulturele
samelewing met baie verskillende gelowe.
Hierbinne moet jy juis Jesus se verteenwoordiger
wees. Dit alles begin deur mense
met respek te behandel, maak nie saak wie
hulle is nie. Stel opreg belang in hulle doen
en late en reik uit deur gebare van deernis.
Wees sensitief om klein dingetjies in mense
se lewens op te tel, ‘n terloopse verwysing
na seerkry, pyn, vreugde, ‘n nuwe uitdaging…
Bid dat die Here op die regte tyd die regte
deure sal oopmaak om iets oor Hom te sê.
Ons het dikwels gefaal in ons pogings om
advertensieborde te wees vir die Here se
goedheid. Ons moet daarom daadwerklik
begin om al die beskuldigings wat deesdae
na die kerk geslinger word met liefde stil te
leef. Die wagwoord is egtheid. Nou tel eerlikheid,
opregtheid en goeie verhoudinge meer
as ooit.
Groete van Fourie en almal by STRAATWERK.

PROJEK HERSTEL
Straatwerk se bediening aan vroue vasgevang in
prostitusie het die afgelope jaar deur ‘n groot transformasieproses
gegaan. Dit het gelei tot die ontstaan
van PROJEK HERSTEL: Die toerus van plaaslike gemeentes
in hulle uitreik na en herstel van vroue vasgevang in prostitusie.
Vir baie jare het ons direk met die vroue op die straat gewerk,
deur gereelde uitreike, opvolgbesoeke en dissipelskap
van nuwe gelowiges. Terwyl ons die voorreg gehad het om
verskeie vrouens op die pad van herstel te ondersteun, het
ons begeerte gegroei om te sien dat die plaaslike kerk na
die gebroke vrouens uitreik en die plek word waar hulle
heling ontvang.
Gedurende die afgelope 14 maande het ons ervaar hoe die
Here ons rol verander van direkte werk met die vrouens
en getroue ondersteuning van die kerk, na ‘n rol waar ons
die kerke toerus, ondersteun en mobiliseer om direk na die
vrouens in prostitusie in hul gemeenskappe uit te reik.
Hierdie afgelope jaar het ons die geleentheid gehad om
opleiding in agt verskillende gemeenskappe in en rondom
Kaapstad aan te bied. Hierdeur het ons agt nuwe uitreik-spanne
(wat bestaan uit gelowiges uit verskillende
kerke vanuit die gemeenskap) sien vorm kry, help toerus en
gemobiliseer. Daar is nou plaaslike uitreik-spanne in Brooklyn,
Kenilworth, Bergvliet, Goodwood, Parow, Bellville, Paarl
en Wellington.
Saam met die mense wat uitreik op straat, is daar ook ander
in die plaaslike kerk wat ontdek hoe hulle betrokke kan
raak deur hulle gawes, talente en tyd beskikbaar te stel. Een
voorbeeld hiervan is ‘n paar dames wat ‘n handwerk projek
begin het vir vrouens wat van die straat af wil kom. Die Here
se hart vir gebroke vrouens kry uitdrukking in die uitreike
van die plaaslike Kerke en die hele liggaam van Christus is
nodig in die proses!
Die opleidingskursus van Projek Herstel behels ‘n drievlak-kursus
wat oor 3 werkswinkels aangebied word, asook
opleiding op die straat, waar ons spanne ondersteun om in
hul eie areas uit te reik. Om die plaaslike kerk te sien uitreik
(amper elke aand van die week) in hul eie areas van Kaapstad,
is ‘n droom wat besig is om waar te word! Soos ons
aanhou om ondersteuning te gee aan verskeie spanne, op
die straat en op ander maniere, sien ons al hoe meer hoe die
Here gebroke vrouens aanraak en herstel.
Ons kry baie versoeke vir hulpbronne en materiaal vanaf
individue en groepe oor die land, wat antwoord op God se
roeping om uit te reik na vrouens in prostitusie. Vir dié wat
buite Kaapstad bly en nie die Opleidingskursus kan bywoon
nie, het ons ‘n Projek Herstel opleidingspakket (net in Engels
beskikbaar) saamgestel, wat beskikbaar is teen R50.
w w w. s t r a a t w e r k . o r g . z a
Dit sluit ‘n handleiding, opleiding CD’s en uitdeelstukke in,
wat vir individuele- of groepsopleiding gebruik kan word.
PRYS DIE HERE saam met ons vir Sy werk wat Hy in ons harte
en in Sy kerk doen, hier in Kaapstad en ook regoor die land.
Bid asseblief vir krag en wysheid vir elke uitreikspan. Bid
ook asseblief saam met ons dat die proses sal voortgaan,
sodat nog baie vrouens in prostitusie bereik en herstel kan
word tot die Here se eer! Die werk behoort aan ons Heer!

Waarklik Waardevol vir Jesus
Drie jaar gelede was ons gebed: “Here, gee asseblief
dat ons met ‘n 1000 poppies, ‘n 1000 kinders kan
gaan waarsku teen die euwels van seksuele misbruik,
prostitusie en pornografie”… vandag 47 000 poppies,
10 koördineringspunte in die Kaapse Vlakte en 68
verdere koördineringspunte regoor die land later is
ons dankbaar vir elkeen wat op een of ander manier
betrokke is by die veldtog.
Ons visie vir die Waardevol vir Jesus veldtog is gebore uit die
toenemende heilige ontevredenheid teen die euwels wat
soveel Christene al vir jare in hulle harte dra:
Ons glo dat Jesus Christus, deur Sy kerk en in Sy naam
‘n einde wil bring aan seksuele misbruik, prostitusie en
pornografie, deur gefokusde gebed en gedringde aksie.
Hierdie visie staan in die geloof en roep ons op, as Christus
se Liggaam hier op aarde, om ‘n groeiende sirkel te wees
waarbinne kinders veilig kan wees en die oorvloedslewe
kan ervaar. ‘n Sirkel wat heling dra vir elkeen wat in hom
staan (binne en rondom).
Die visie klink vir baie na ‘n onmoontlikheid, maar ons glo in
die God wat steeds wonderwerke in 2010 kan doen. Ons glo
dat, deur hierdie veldtog, vandag anders is as gister en dat
more nog minder van vandag se euwels sal dra.
Wanneer kinderstemmetjies regoor die land opklink met:
“Ek is spesiaal. God is lief vir my. Ek kan droom. Roep om
hulp. God kan help. Ek kan kies.” En van die kinders op die
Kaapse Vlakte die byvoeging gemaak het van: “Dis my lyfie,
en ek sê: NEE, NEE, NEE”, dan weet ons dat God hulle (en
ons) noodkrete hoor.
Hou aan met praat en luister. Hou aan met brei en bid.
Here, leer my om U wat liefde is beter te leer ken; en met
U oë te kyk.
Wys my vandag hoe U ‘n einde wil bring aan elke vorm
van seksuele misbruik, prostitusie en pornografie.
Mag ek, as deel van U hele Kerk, voortdurend hiervoor
bid en volg soos U my hierin lei.
Dit is die gebed van my hart.
Amen.
Laat weet ons asseblief as jy die Waardevol vir Jesus veldtog
in jou area wil loods: valuabletojesus@straatwerk.org.za of
skakel vir Madri Bruwer by 021 930 8055.
Dankie vir ekstra Vitamiene C
“Het jy al ooit ‘n 100 sakke lemoene agter in‘n bakkie gesien?”
Dit was een van die vrae wat gevra was toe ‘n baie
lojale ondersteuner ‘n bakkie vol lemoene hier by STRAAT-
WERK se hoofkantoor laat aflaai het. Dit laat ‘n mens trane
in die oë kry hoe mense nog omgee en ‘n gedeelte van hulle
plaas se vrugte met ander mense deel.
Ons het van die soet sappige lemoene by OPHELP Projekte
gaan aflaai. Ons het skaars daar gestop of daar was ‘n paar
gewillige hande om te help aflaai. Om nie te praat van al die
opgewonde gesigte van mense wat baie lank laas ‘n lemoen
geëet het nie.
“As jul klaar van shift afgekom het kan julle van die lekka
lemoene kry…” was die opdrag van die stoorvoorvrou, Charlotte,
aan al die werkers. ‘n Mens kon sien hoe hierdie sappige
storie ‘n ligpunt in die werkers se dag was!

Kry ‘n education!
In hierdie uitgawe kyk ons bietjie verder na die
mense agter die skerms by OPHELP Projekte – hulle
wat elke dag op die strate is om die werk gedoen te
kry, of dit nou sonskyn of stortreën is!
Vandag het Karlien du Preez ‘n onderhoud gevoer met een
van die manne wat al lank by OPHELP Projekte werk, Japie
Moos. Hy is 56 jaar oud en werk al ses jaar lank by die projek.
Wat is jou werkstitel? Vandag is ek ‘n voorman. Ek sou by
Admakers gewerk het maar daar het nie genoeg voormanne
op skof gekom nie, en daar is net ‘n paar van ons
wat dit mag doen, toe moet ek kom inspring.
Wat doen julle vandag? Ons haal graffiti van die mure af.
Wat is jou gunsteling werk by OPHELP Projekte? Ek gee
nie om vir werk nie. Ek hou van enigiets. Ek hou van
graffiti afhaal en houtwerk. Sien jy daai bankies by die
OPHELP Projekte depot? Ek het hulle gemaak.
Het jy ‘n vrou en kinders? Ek is nie getroud nie. Ek het
een kind wat 23 jaar oud is. Hy is in die gevangenis by
Brandvlei.
Hoe het jy by OPHELP Projekte uitgekom? Ek het op straat
beland weens mense wat my gekroek het toe hulle my
huis by my wou koop. Dit het my gelos met niks geld nie. ‘n
Vriend van my, China, het my verwys na OPHELP Projekte.
Waar bly jy? Ek bly op die oomblik in Kraaifontein, maar trek
een van die dae Phillipi toe.
Waar het jy grootgeword? Ek het in P.E. grootgeword en
daar skoolgegaan tot standerd agt.
Wanneer het jy tot bekering gekom? In 1973, ek was so 30
jaar oud gewees. Een van my vriende het op die Parade in
Kaapstad gepreek en daardie dag het ek my lewe vir die
Here gegee.
STRAATWERK
Die Liggaam van Christus
in Aksie
Posbus 910
Parow
7499
Tel: +27 21 9308055
Faks: +27 21 9307690
E-pos: admin@straatwerk.org.za
Registrasienr. NPO 003276
ABSA takkode: 502110
ABSA rekeningnr: 450800457
Na watter kerk
toe gaan jy nou?
P e n t e c o s t a l
Church in Kraaifontein.
Vertel my nog
bietjie van jou
lewe? Ek was
1986-1990 in die
gevangenis gewees
vir aanranding.
Ek was op
Ro b b e n e i l a n d
Die liefde van Christus dring ons!
w w w. s t r a a t w e r k . o r g . z a
daardie tyd. In 1978 het iemand my oog uitgesteek met ‘n
mes.
Ek het geleer om nie met boewe bevriend te wees nie. Meng
jou met die semels dan vreet die varke jou op.
Geniet jy jou werk? Ek is mal oor my werk by OPHELP Projekte.
Hannes van der Merwe is my rolmodel.
Wat was die lekkerste jaar van jou lewe? 1983, ek het as
toesighouer by Pollsmoor Gevangenis gewerk.
Wat doen jy in jou vrye tyd? Ek kuier by vriende. Gister was
so lekker, ek het by ‘n vriend in Simonstad gekuier.
As jy vir die jongmense van vandag enigiets kan vertel wat
jy in jou lewe geleer het, wat sou dit wees? Leer hoe om
hard te werk. Jy moet hard werk om iets te word in die lewe.
Jy moet skool toe gaan en ‘n education kry.