Die wind waai waar hy wil - Straatwerk

Winter 2009
Volume 41 Nr. 3
In hIerdIe
uItgawe
‘n Pakkie Halls en ‘n
sakbybeltjie ................. 2
STRAATWERK se adreslys
.................................. 2
Prostitusie ................... 3
In die middernagtelike
ure .................................4
Bid saam met
ons regdeur die
nuusbrief!
Die wind waai
waar hy wil
“Die wind waai waar hy wil. Jy hoor sy
suising, maar jy weet nie waarvandaan
hy kom en waarheen hy oppad is nie.
So is dit met elkeen wat uit die Gees
gebore word.” (Johannes 3:8)
Het ‘n wind al ooit by jou om hulp kom aanklop?
Het jy al ooit gesien dat ‘n wind langs
die pad staan en uitrus? Die wind vra nie ons
hulp nie. Die wind sê nie eers waarheen hy
oppad is nie.
‘n Mens hoef nie te weet waar die wind
vandaan kom of waarheen die wind waai
om te voel dit waai nie. Dat die wind teen
jou waai, is ook nie afhanklik van jou vermoë
om te kan verklaar hoe die wind werk
nie. Nee, die wind waai waar hy wil. Wie kan
hom keer? Wie kan hom inperk? Wie kan ‘n
hand vol lug gryp en sê: Nou het ek dit? Die
Gees waai soos die wind, waar Hy wil. Hy omsluit
ons van alle kante. Op duisendvoudige
maniere, in die groter en kleiner dinge van
ons alledaagse bestaan werk Hy met ons.
Jy hoef nie antwoorde te hê op alles of alles
deeglik te verstaan voordat die Gees met jou
begin werk nie. In God se wêreld word ons
verstande klein en droog ons redenasies op.
In sommige se lewe moet die storm inderdaad
soms losbars – die orkaan van God se
veranderende krag – by ander is daar ‘n sagte
suising, ‘n fluistering van die Gees in die oor.
Sommige moet soos Paulus op pad na Damaskus
dramaties omgekeer word, ander voel
die bries van God se genade op hulle vel.
Die Winter met sy koue winde herinner ons
elke keer daaraan as die uitreikspanne tus-
sen die gangetjies en die stegies van die stad
beweeg – in die dag of in die nag – die Gees
van God is altyd teenwoordig as ‘n bewegende
krag in ons ontmoeting met mense.
Trouens die Gees van God is juis besig om te
werk en te waai waar ons nie kan sien nie.
Ons sien dat die mens ten spyte van eeue se
godsdienstige, kulturele, morele en opvoedkundige
pogings steeds ‘n onvermoë het om
sy eie hart te verander. Die mens het vergeefs
geswoeg om sy morele doelwitte te bereik
en homself te verander deur sy omgewing
te verbeter. Verandering moet op die een of
ander manier van binne kom.
Dit is opvallend dat die verhaal van die ontmoeting
tussen Jesus en Nikodemus oop
is, dat die gesprek in ‘n sekere sin in die lug
bly hang. Eers is daar sprake van “’n man”, ‘n
spesifieke man, naamlik Nikodemus. Later
word dit “iemand” dit wil sê enigiemand (vgl.
v.3,5). Nog later word dit “elkeen”, dit wil sê
almal (vers 15). Die verhaal sê: die Gees is aan
die werk, die Wind is aan die waai. Maar dit
vra ook aan elke man, vrou, aan iemand, aan
enigiemand, aan elkeen, aan almal, aan ons,
aan jou, aan my: Span jy jou seil na God se
wind?
Nikodemus stap weg. Geen kode of ritueel
nie. Kan God so vrygewig wees? Enigeen wat
glo, kan die ewige lewe ontvang. Nie “enigeen
wat presteer” nie. Nie “enigeen wat
saamstem” nie. Maar “enigeen wat glo”. Dit
gee ons die moed om aan te gaan.
Seënwense
Fourie en almal by STRAATWERK
STRAATWERK nuusbrief: Sien belangrike aankondiging op bladsy 2

Sy is nege jaar oud en was nog nooit in die Kaap nie,
alhoewel sy net 180km uit die Kaap bly. Haar oë het
geblink toe sy borrelend begin vertel:
“Die Kaap is baie mooi en groot. Die Waterfront is die grootste
en lekkerste plek waar ek nog ooit was. Die Kaap is wonderlik
en daar is baie mense en karre. Die Tuine is ook lekker
want dis mooi en die eekhorinkies is tog te oulik. Die baie
duiwe is lastig. Die lewe in die Kaap is lekker.”
Hy is nie oud nie, maar ‘n mens kan sien hy het ‘n moeilike
lewe agter die rug. Hy verkoop vrugte en gesels sommer
met enigeen wat wil luister. Spontaan getuig hy:
“Ek was verslaaf aan dwelms en drank. Dit mors ‘n mens se
lewe op, maar gelukkig is ek bevry daarvan en het ek nou
‘n tweede kans in die lewe. Ek het net vreeslik gesukkel om
die sigarette te los, maar weet jy wat het my gehelp? Dis
eenvoudig. ‘n Pakkie Halls suiglekkers en ‘n sakbybeltjie. Die
Here is goed.”
Elke dag van die week, op dieselfde tyd, drink hy drie koppies
koffie by dieselfde koffiewinkel, by dieselfde tafel. Hy
lees die nuutste koerant en kla dat dit in elk geval ou nuus
is – hy het dit al alles op die televisie gesien. En toe, op ‘n
dag, bely hy:
“Ek sukkel om mense te vergewe en ek sukkel om te glo dat
’n Pakkie Halls en
’n sakbybeltjie…
StraatwerK se adreslys
w w w. s t r a a t w e r k . o r g . z a
daar ‘n God is. Ek weet nie hoe om te bid nie want ek het dit
nog nooit gedoen nie. Bid ‘n mens hardop? Is daar ‘n spesifieke
gebed wat ‘n mens moet bid? Ek moet alles verstaan
en kan sien en met logika kan uitredeneer, anders maak dit
nie vir my sin nie. Op die ouderdom van 67 is ek steeds vir
my ma ‘n teleurstelling omdat ek nie in God glo nie. Ek wens
ek was soos julle wat kan glo.”
Die Kaap is mooi en lekker. Die lewe is eenvoudig as ‘n mens
‘n pakkie Halls en ‘n sakbybeltjie het. Dis ‘n voorreg en ‘n
gawe om te kan glo.
Drie mense, drie verskillende ouderdomme, drie lewenslesse.
Wat ‘n wonderlike belewenis om mense te ontmoet wat alreeds vanaf die ontstaan van STRAATWERK vir ons bid en
gereeld die nuusbrief ontvang en op hoogte bly van sake. Ons stuur dit graag en met baie liefde. Ons het wel besef dat
met die wonder van tegnologie en die stygende kostes ons beter planne kan beraam om die nuusbrief by julle te kry.
Ons wil ons hele adreslys hersien, vernuwe en meer vaartbelyn maak. Ons verkies om die nuusbrief voortaan per e-pos
te stuur (vir diegene wat oor so ‘n fasiliteit beskik), maar stuur steeds graag die nuusbrief per pos vir diegene wat dit so
verkies. Vul asseblief die ingeslote vormpie in en stuur dit terug aan ons, of maak gebruik van jou e-pos en stuur vir ons
‘n briefie na admin@straatwerk.org.za of skakel Lisa Truter by 021 930 8055 of sms na 072 390 7437. (Sluit asseblief jou
naam en van, posadres en e-pos adres in wanneer jy met ons skakel.)
Ons aanvaar dat as ons niks van jou hoor nie, jy nie langer belangstel om die nuusbrief te ontvang nie.

Wat staan die kerk te doen?
Prostitusie – die saak waaroor daar vir jare net gefluister en veroordeel is, is nou, uiteindelik, op almal se lippe
en STRAATWERK het die voorreg om op ‘n verskeidenheid maniere, informeel en formeel, deel te neem aan
gesprekke rondom hierdie baie belangrike kwessie. Dit is verblydend om te sien hoe dat die Kerk ook nadink
oor prostitusie. Dit het ‘n geleentheid geword om te getuig oor die krag van Jesus Christus.
Daar is baie vrae rondom die proses oor die wetgewing
rakende prostitusie. Die Suid Afrikaanse Wetshervormingskommissie
is tans besig om die saak te ondersoek en ons
glo dat die Here ons roep om te praat namens hulle wat nie
self hul sê kan sê nie (Spreuke 31:8-9).
“ My name is Tina. They don’t realise the damage that even
one act of prostitution does to a person on the inside. An act
that takes moments to perform, takes years to heal.”
Hierdie diepte van gebrokenheid, eensaamheid, verwarring
en desperaatheid kan nie weggeneem of voorkom word
deur reëls en regulasies nie, nie deur regulering of ons eie
goeie voornemens nie, ook nie deur die afwesigheid of instelling
van wette nie.
Ons land is ‘n vrugbare teelaarde vir prostitusie en daarom
glo ons dat prostitusie nie gewettig moet word nie. Ons
moet alles in ons vermoë doen om mense te keer om deel
te word van hierdie afbrekende leefstyl en daarmee saam
moet ons alles in ons vermoë doen om hulle te help wat
reeds vasgevang is in die leefstyl van prostitusie.
‘n Uittreksel uit ‘n dokument van STRAATWERK aan die SALRC
(die volledige verslag is beskikbaar – rig jou versoek aan
admin@straatwerk.org.za)
Daar is vier alternatiewe modelle wanneer ons kyk na die
wetgewing rakende prostitusie (in kort):
Algehele kriminalisering:
Die prostituut, kliënt en enige ander partye betrokke is
skuldig. Prostitusie is onder hierdie wet ‘n onaanvaarbare
praktyk.
Gedeeltelike kriminalisering
Onder hierdie wet sal die derde partye skuldig wees; koppelaars,
bordeel-eienaars, soms kliënte, ens. Die transaksie
tussen die kliënt en die prostituut is dus nie ‘n kriminele
w w w. s t r a a t w e r k . o r g . z a
oortreding nie en die prostituut word gesien as die slagoffer.
Dekriminalisering
Dit is wanneer prostitusie glad nie as ‘n oortreding geag
word nie. Dit gaan baie keer gepaard met die aanvaarding
dat prostitusie ‘n werk is, en meestal word arbeidswetgewing
gebruik om die vroue en mans betrokke in prostitusie
se werksomstandighede en regte aan te spreek.
Regulering (soms wettiging genoem)
Prostitusie word toegelaat, maar dit word gereguleer deur
byvoorbeeld lisensies uit te reik aan bordele, om rooiliggebiede
te vestig, en verpligte, gereelde mediese toetse vir die
vroue in te stel.
Wat kan ek doen? Wat kan die kerk doen?
By STRAATWERK is ons oortuig daarvan dat die Kerk die
antwoord ten opsigte van prostitusie is. Ons dra die boodskap
van genesing in ons harte en in ons lewens. Die Here
roep ons, as Sy Kerk, om Sy hande en voete – Sy liggaam – in
hierdie tyd te wees.
‘n Paar praktiese dinge wat gedoen kan
word
n Begin om uit te reik na vroue wat vasgevang is in prostitusie
in jou omgewing (STRAATWERK sal graag help met
opleiding en ondersteuning).
n Raak as kerk betrokke by die Waardevol vir Jesus Veldtog*
(meer inligting te kry by STRAATWERK).
*Die visie van die Waardevol vir Jesus Veldtog is om as kerk
– deur gebed en gedringde aksie – seksuele misbruik, prostitusie
en pornografie in die naam van Jesus Christus aan te
spreek, met die seker wete dat ons Heer die oorwinning kan,
en sál, gee.

In die middernagtelike ure…
Getrouer vrywilligers kry mens nie. Die nagte is koud,
die winde waai, die reën kom neer in vlae en die vrywilligers
daag op om in die middernagtelike ure uit
te reik na hulle wat eensaam is, die pad byster geraak
het, te veel gedrink het, partytjie kom hou het, hulle
sorge wou vergeet...
Ons ouderdomme wissel so van oppad na die twintigs tot
oppad na die tagtigs… en die Here gebruik ons om die stad
en haar mense op allerlei maniere te dien. Besoekersgroepe
staan letterlik tou om saam te kom uitreik en aan die einde
van die aand, wanneer ons terugvoer gee, getuig van die
jongmense:
“Ek het vanaand gesien dat drank eintlik die regte duiwel
is!”
“Ek moet volgende jaar universiteit toe gaan. Ek dink nie ek
is nou al reg om uit die huis te gaan nie, maar hopelik is ek
dan gereed. Ek het vanaand gesien hoe ek NIE wil lyk nie.”
“Kan ons iets meer doen om op te staan teen seksuele misbruik
in ons skool,
Kan jy help?
STRAATWERK se huidige behoeftes
sluit onder meer in:
n Rekenaar vir OPHELP-projekte
n Uitreikmateriaal vir die naguitreike
n Tweedehandse klere en ander
goedere
n Gebreide poppies en handgemaakte
hartjies vir die Waardevol vir
Jesus Veldtog (patrone beskikbaar by
STRAATWERK of op die webblad)
n Toiletware
n Nie-bederfbare voedsel
STRAATWERK
‘n Uitreikbediening na mense in
nood in Kaapstad
Posbus 910
Parow
7499
tel: +27 21 9308055
Faks: +27 21 9307690
E-pos: admin@straatwerk.org.za
Registrasienr. NPO 003276
ABSA takkode: 502110
ABSA rekeningnr: 450800457
of is die Waardevol
vir Jesus Veldtog
die enigste
manier?”
‘n Vriendin van die
bediening wat in
Pretoria bly het so
‘n tyd gelede vir
Ons dank die Here elke dag vir julle
Offervaardigheid is deel van ons lewe as rentmeesters. Dit beteken die Bybel se
waarheid dat ons nie eienaars is nie, maar bestuurders van alles wat ons van die
Here ontvang het. Rentmeesterskap is omvattend en behels alles van ons: ons tyd,
ons gawes, ons geld. By STRAATWERK is ons bevoorreg en baie dankbaar vir elke
medewerker wat van hulle tyd gee in die bediening (elkeen wat vir ons bid, saam
met ons die strate loop), vir elkeen wat hulle gawes gee, en vir elkeen wat finansieel
bydra.
Die insluiting van ‘n debietorder is net ‘n praktiese manier om dit makliker te maak
vir diegene wat op ‘n meer gereelde basis finansieel wil bydra tot die werksaamhede
van STRAATWERK.
BILLIKE VERBLYF BESKIKBAAR
STRAATWERK bied weer in 2009 billike akkommodasie spesifiek vir mense
wat Kaapstad toe moet kom vir konferensies en hospitaalbesoeke. Die STRAAT-
WERK gebou is naby aan Panorama-, Tygerberg- en Louis Leipoldt-hospitale.
Skakel ons gerus by 021 930 8055 vir meer inligting.
die liefde van Christus dring ons!
w w w. s t r a a t w e r k . o r g . z a
ons ‘n e-pos gestuur met ‘n artikel met die opskrif “Night
patrol by street pastors” wat vertel van Christene in Engeland
wat opgelei word om by nagklubs uit te reik.
Haar reaksie: “Now this to me is great! A church serving, rather
than protesting that ‘God hates sinners’! (It reminds me of
you guys at Straatwerk.)”
Uittreksels
‘n Paar uittreksels uit die artikel:
“Church volunteers are trained to offer help to people who
are drunk, injured or homeless…
“Police said crime, including robbery and sexual offences, had
fallen in street pastor areas…
“…the volunteers’ main aim was to listen, and if necessary,
act. It’s someone to stand in the gap between the door staff
and emergency services…”
“We can pick them up and do a quick assessment and get
help if it’s needed.”
“Street pastors undergo 12 weeks of training before they go
out on patrol. They also remove broken glass from outside
pubs and clubs, and offer flip flops to women who seem too
drunk to walk properly in their high heels.”
Ons glo ons moet bly uitreik en sigbaar-diensbaar-Christen
wees in die middernagtelike ure by die nagklubs. ‘n Christen-teenwoordigheid
maak ‘n verskil in die donkerte van
die nag.
Ons is daar – kom jy saam?