Create successful ePaper yourself
Turn your PDF publications into a flip-book with our unique Google optimized e-Paper software.
Ettens dialect<br />
De duvel<br />
Ik heb ‘m eiges nooit gekend<br />
Maor ik wet dat e bestaon het<br />
Het gevoor mos wodden afgewend<br />
Met goed gedrag en vol gebed<br />
Hi-j dreigen met vedoemnis en hel<br />
Woo’j eeuwig konnen branden<br />
Had ‘n valse grijns en gerimpeld vel<br />
En kromme vingers an zien handen<br />
As kind kwam ik ‘m tegen op straot<br />
Op ’t schooltjen van mien jeugd<br />
Op plaatjes aover goed en kwaod<br />
Dat is wat mien now nog heugt<br />
Hi-j bemoeide zich met iedereen<br />
Hiel van foezel en oldeklore<br />
In slechte dingen een fenomeen<br />
En in de heitte hel geboren<br />
Hi-j had een eigentijds gezich<br />
En iedereen had een beeld door bi-j<br />
Wellich ow oom uut Maastrich<br />
Of den olden man uut de slieteri-j<br />
Gelukkig was ’t achteraf gezien<br />
Allemaol geneuzel en folklore<br />
Toen was ik nog jong, gin tien<br />
En net pas dreug achter mien oren<br />
Geboren in Warm en da’s ‘t punt<br />
Want stel ow veur in de biebelbelt<br />
De plek woo’j geboren bunt<br />
Is wat later in ’t laeven telt<br />
Ik woon hier in ’n dörpken<br />
En kan ’t mien niet baeter wensen<br />
Ik heb de zegen van iedereen<br />
En de gunst van alle mensen<br />
Joop Keurentjes. Ettens dialect.
Change language