8. Afdeling Diefstal.qxd

SAIA/423/042002 (MULTIMARK)
MMIII 2003
Kommersiële Versekering
Afdeling diefstal
Omskrewe gebeurtenisse
Verlies van of skade aan alle inhoud (die eiendom van die versekerde of waarvoor by verantwoordelik is) van
enige versekerde gebou op die versekerde perseel wat in die bylae beskryf word weens diefstal (of enige poging
daartoe) wat gepaard gaan met kragdadige en gewelddadige betreding of verlating van sodanige gebou of
weens diefstal (of enige poging daartoe) wat volg op geweld of dreigement van geweld.
Uitbreidings
1. Die versekering ingevolge hierdie afdeling word uitgebrei om verlies van of skade aan die versekerde
eiendom te dek:
(a) Wat veroorsaak word deur of gepaard gaan met
(i) ‘n dief of diewe wat voor sluitingstyd op die versekerde perseel skuilhou.
(ii) betreding en/of verlating van die perseel deur gebruik te maak van ‘n loper of ander soortgelyke
toestel (met uitsluiting van ‘n duplikaatsleutel) met dien verstande dat die versekerde tot die
bevrediging van die versekeraar kan bewys dat ‘n loper of soortgelyke toestel gebruik is.
(b) Terwyl in ‘n gebou op enige bykomende perseel wat deur die versekerde gebruik word, met dien
verstande dat
(i) die versekeraar binne 30 dae vanaf datum waarop die risiko vir die versekeraar bestaan van
sodanige bykomende perseel in kennis gestel word.
(ii) ‘n bykomende premie, indien enige, betaal word.
(iii) die versekeraar se aanspreeklikheid ten opsigte van hierdie uitbreiding hoogstens 50 persent
beloop van die hoogste bedrag wat in die bylae vermeld word ten opsigte van enige enkele
perseel.
2. Benewens die skadeloosstellingsperk in die bylae vermeld
(a) sluit die versekering ingevolge hierdie afdeling die volgende in:
(i) Skade aan geboue (insluitende die verhuurder se los en vaste toebehore) op die versekerde
perseel in die loop van diefstal of enige poging daartoe.
(ii) Verlies van geboue en verhuurder se los en vaste toebehore, by die versekerde persele weens
diefstal wat met kragdadige en gewelddadige betreding of verlating van sodanige gebou
gepaard gaan of enige poging daartoe of weens diefstal, of enige poging daartoe, wat volg op
geweld of dreigement daartoe.
(b) vergoed die versekeraar die versekerde vir alle redelike koste en uitgawes wat aangegaan word om
sodanige tydelike herstelwerk uit te voer en sodanige tydelike maatreëls te tref as wat redelikerwys
nodig mag wees na verlies of skade wat aanleiding gee tot ‘n eis in ingevolge hierdie afdeling;
met dien verstande dat die versekeraar se aanspreeklikheid hoogstens R5 000 of die bedrag vermeld
in die bylae, wat ook al die grootse is, ten opsigte van enige enkele gebeurtenis beloop.
3. Benewens die skadeloosstellingsperk in die bylae vermeld, stel die versekeraar die versekerde skadeloos
ten opsigte van die vervangingskoste van slotte en sleutels vir die versekerde perseel wat volg op die
verdwyning van enige sleutel vir sodanige perseel of nadat die versekerde rede het om te glo dat enige
ongemagtigde persoon in besit van ‘n duplikaat van sodanige sleutel mag wees.
Met dien verstande dat
(a) die versekeraar se aanspreeklikheid hoogstens R2 000 ten opsigte van enige enkele gebeurtenis beloop.
(b) die versekeraar nie vir die eerste R200 ten opsigte van elke gebeurtenis aanspreeklik is nie.
4. Die uitdrukking “alle inhoud” sluit die volgende in: persoonlike besittings, gereedskap en trapfietse wat
die eiendom is van die versekerde, enige prinsipaal, vennoot, direkteur of werknemer van die versekerde
tot die mate waartoe sodanige eiendom nie anders verseker is nie, tot hoogstens ‘n bedrag van R2 500
ten opsigte van enige enkele persoon.
Beperkings
Die versekeraar se aanspreeklikheid ten opsigte van dokumente, manuskripte, besigheidsboeke,
rekenaarstelselrekords en-media, planne, ontwerpe, patrone, modelle en gietvorms word beperk tot die waarde
van die materiaal en die bedrag aan arbeid bestee.

Spesifieke uitsonderings
Die versekeraar is nie aanspreeklik nie vir
1. verlies of skade wat ingevolge ‘n brandpolis verseker kan word, behalwe in die geval van ontploffing wat
veroorsaak word in ‘n poging om toegang te verkry.
2. verlies of skade wat ingevolge ‘n glasversekeringspolis versekerbaar is.
3. eiendom wat meer spesifiek verseker is of, tensy dit in die bylae gespesifiseer is, kontant, bank- en
valutanote, tjeks, posorders, poswissels, geldige verhandelbare seëls en dokumente of sertifkate van ‘n
verhandelbare aard.
4. verlies of skade waarby enige prinsipaal, vennoot, direkteur of werknemer van die versekerde of enige lid
van die versekerde se huishouding as dader of medepligtige betrokke is.
Spesifieke voorwaardes
1. Hierdie afdeling word nietig verklaar indien die aard van die risiko wesenlik verander sonder dat die
skriftelike toestemming van die versekeraar vooraf verkry is.
2. Ten opsigte van enige perseel wat in die bylae as onderworpe aan hierdie voorwaarde vermeld word waar
‘n diefalarm geïnstalleer is, is die volgende voorvereistes vir die aanspreeklikheid van die versekeraar en
word daar gewaarborg dat
(a) die diefalarm wat op die perseel geïnstalleer is ten volle in werking gestel word wanneer die perseel
nie vir besigheidsdoeleindes oop is nie, tensy ‘n prinsipaal, vennoot, direkteur of werknemer van die
versekerde op die perseel is.
(b) sodanige diefalarm in ‘n behoorlike werkende toestand in stand gehou word, maar dit word as
gedoen geag indien die versekerde sy verpligtinge ingevolge ‘n kontrak met die verskaffers of
versieningsingenieurs van die alarmstelsel nagekom het.
Hierdie versekering dek geen verlies van of skade aan die eiendom as gevolg van die gebruik van die sleutels
van die diefalarm of enige duplikaat daarvan wat aan die versekerde behoort nie, tensy sodanige sleutels met
geweld of weens ‘n dreigement van geweld aan enige persoon verkry is.
Afdeling diefstal
2/2
SAIA/423/042002 (MULTIMARK)
MMIII 2003