Mei 2013

REG: 2002/0249 66/07
KONTAK MY DIENS
0800 911 911 0800 911 911 0800 911 911
NUUSBRIEF
MEI 2013
JAAR 11 / UITGAWE 5
℡Bemarkingskantoor: 0861 57 47 47 Administrasie (011) 478 4466
Noodnommer: 0800 911 911 Faks (012) 335 1881
Baie lede met slimfone het reeds geregistreer vir die diens nadat ʼn sms einde Maart aan lede
gestuur is. Lede word versoek om vanaf hul slimfone te registreer en nie direk van ʼn rekenaar nie.
Die allokasie van die plek waar die persoon hom in nood bevind, sal dan nie aangedui kan word nie.
Lede wat nog nie ʼn sms met die skakel ontvang het nie, word versoek om ʼn e-pos met die
lidnommer en selfoonnommer aan clients@crisisoncall.co.za te stuur. Indien ʼn lid sukkel om die
applikasie op die hoofskerm van die selfoon te plaas, beveel ons aan dat u met ʼn selfoonhandelaar
kontak maak. Daar is baie verskillende selfone op die mark en dit is vir CrisisOnCall onmoontlik om
almal se werkswyses te ken. Personeel by die selfoonhandelaars is baie vertroud met selfone en sal
weet hoe om die aksie suksesvol uit te voer.
Indien ʼn lid se korrekte Id-nommer en selfoonnommer nie op die stelsel is nie, sal die stelsel nie die
registrasie van die applikasie kan doen nie. Indien daar na die druk van die "stuur" opsie ʼn
foutboodskap op die skerm verskyn, kontak dan asb. die bemarkingskantoor by
clients@crisisoncall.co.za of 0861 57 47 47 sodat bystand gelewer kan word met die nagaan van die
betrokke nommers.
KONTAK MY DIENS SONDER SLIMFOON
Indien u nie oor ‘n slimfoon beskik nie, kan u met ‘n “please call me” vanaf ʼn gewone selfoon
kontak maak met die oproepsentrum. Hierdie opsie is slegs ʼn alternatief vir die slimfoon opsie.
Die noodnommer kan steeds geskakel word.
Tik een van die volgende twee kodes as 'n telefoonnommer in en druk die “bel” knoppie:
Alpha Pakket: *120*873# Auto Pakket: *120*839#
Die nommer kan ook onder kontakte op die selfoon gestoor word.
Daarna moet ʼn paar opsies uitgeoefen word, naamlik: Taal opsie (1 vir Engels en 2 vir
Afrikaans) Kies dan een van die opsies: 1 vir Krisislyn, 2 vir Mediese Bystand, 3 vir Padbystand
en 4 vir Reismonitering. Die oproepsentrum sal daarna terugskakel. (Neem in ag dat hierdie
sisteem afhanklik is van selfoon seine. Waar daar geen ontvangs is of swak netwerk sein
voorkom kan die boodskap nie vinnig by die oproepsentrum ontvang word nie.)
EERSTE SELFOON
Die eerste selfoon is 40 jaar gelede vir die eerste keer gebruik.
Op 3 April 1973 het Motorola se tegniese persoon, Marty Cooper, die
eerste oproep met 'n selfoon gemaak. Dit was in die middestad van
Manhattan. Cooper het vir Joel Engel wat die hoof was van Bell se
laboratorium, geskakel en gesê: "Joel, this is Marty. I'm calling you
from a cell phone, a real handheld portable cell phone." Die foon was
'n Motorola DynaTAC 8000x en het 'n stewige 2.5 pond (ongeveer 1
kilogram) geweeg.
Danie Martins het na die Nokia 1280 foon gekyk. Die foon weeg 'n skamele 80 gram. Volgens hom
kan jy nie veel met die foon doen nie (beslis nie 'What's app' nie!). Jy kan darem radio daarop
luister, SMS'e stuur en dan natuurlik oproepe maak. Hy is egter oortuig dat dit beslis meer kan doen
as Marty Cooper se Motorola DynaTAC 8000x." – Danie Martins uit die nuusbrief EgAfrikaans.

VEILIGHEID BY SWEMBADDENS
Alhoewel dit nou winter raak en die weer
allermins swem weer is, is veiligheid om
swembaddens regdeur die jaar belangrik.
Kinders kan in ʼn oogwink in ʼn swembad val.
Statistieke ten opsigte van die verdrinking in
swembaddens neem steeds jaarliks toe.
Hier volg ʼn paar waardevolle wenke wat
altyd by swembaddens toegepas moet word:
• Swembaddens moet omhein word met
ʼn veilige heining waaroor kinders nie
kan klim nie.
• Die hekkie wat gebruik word, moet self
toegaan en nie maklik deur ʼn kind
oopgemaak kan word nie. (Hou die
hekkie gesluit wanneer die swembad
nie gebruik word nie.)
• Indien daar nie ʼn swembadheining
opgesit kan word nie of die swembad is
toeganklik van ʼn deur uit die huis,
behoort 'n veiligheidsnet opgesit te
word.
• Alle deure wat toegang tot die
swembadarea verleen, moet altyd
gesluit wees.
• Kinders moet nooit sonder volwasse
toesig by ʼn swembad toegelaat word
nie.
• Moet nooit speelgoed of items met
helder kleure op die swembad laat dryf
nie.
• Leer kinders van jongs af om te kan
swem.
• Noodhulpopleiding word aanbeveel vir
elke lid van die familie sowel as die
huiswerkers.
Indien ʼn kind in ʼn swembad aangetref word,
haal die kind onmiddellik uit, kontak
CrisisOnCall en begin met noodbehandeling.
KERKSTRAATBOM 20 MEI 1983
BANDJIE PRAAT IN APTEEK
Daar word baie klem gelê op die bandjie en
botsings. Hier is ʼn voorbeeld waar die bandjie in ʼn
apteek gebruik is:
Ek het Maandag 8 April 2013 medisyne by Kem de
Beer Apteek, Pretoria-Noord gaan koop. Ek het
skielik verskriklike hartkloppings gekry. Een van die
dames het vir my water gebring en gesê ek moet 'n
rukkie daar sit. Toe ek my kom kry, het ek blykbaar
flou geword en hulle het my laat lê, maar nie
geweet wat om verder te doen nie want toe het ek
begin opgooi. Hulle het my bandjie gesien en
CrisisOnCall geskakel wat toe 'n ambulans van Life
Med Ambulansdiens laat kom het. Hulle het 'n EKG
geneem en my bloeddruk geneem wat baie laag
was. Hulle het toe besluit om my hospitaal toe te
neem. Ek wil net baie dankie sê vir die vinnige en
professionele manier van optrede.
Ek waardeer dit regtig baie. – Mev. M.M. STRYDOM
(Life Med Ambulansdiens het ook haar man gaan
oplaai om die voertuig terug huis toe te neem
aangesien dit steeds by die apteek gestaan het.)
APPLIKASIE OP SLIMFONE
Die skakels om die applikasie af te laai, is reeds per
sms aan lede gestuur. Indien jy nie een ontvang het
nie, hier is die skakel:
Alpha Plan:
https://api.europassistance.co.za/afr/crisis/alpha
Auto Plan:
https://api.europassistance.co.za/afr/crisis/auto
Indien die stelsel ‘n foutboodskap gee, stuur asb. ‘n
e-pos na clients@crisisoncall.co.za sodat die
probleem aangespreek kan word.
Verskeie lede het reeds die nuwe applikasie met
groot sukses gebruik. Terugvoer van lede sal ook
waardeer word.
Met die Boston-Marathon bom op 15 April 2013 het dit baie Suid-Afrikaners laat terugdink aan
20 Mei 1983 toe ʼn motorbom reg voor die Nedparkgebou in Kerkstraat-Wes, Pretoria (waarin die
Lugmag hoofkwartier gevestig was), om 16:28 ontplof het. Tydens die ontploffing is 19 mense gedood
(17 mans en 2 vroue). Die skade aan eiendom het R4-miljoen, in 1983 terme, beloop.
Volgens die verklaring van ʼn getuie wat op 20 Mei 1983 voor die Nedparkgebou in haar motor gesit
het, het ʼn roomkleurige Colt Galant voor haar stilgehou. Pas nadat die voertuig tot stilstand gekom
het, het die ontploffing gevolg.
Die Colt is gedurende Junie 1982 by ʼn perseel in Edenvale gesteel.
Die twee persone wat verantwoordelik was vir die plasing van die bom is ook in die ontploffing dood.
Die polisie het later ʼn papiersak met ʼn draagbare radio en afstandbeheerde toestel in ʼn kombi
gevind. Die kombi was naby die toneel geparkeer en is deur die polisie met die bomplanters verbind.
Hierdie was een van die ergste bomontploffings wat Suid-Afrika ooit geruk het.
(Inligting met erkenning aan Afriforum web)

PADSTERFTES OOR PAASNAWEEK
Syfers wat gedurende April bekend gemaak is, wys
dat 241 mense die afgelope Paasnaweek op ons
paaie gesterf het. Verlede jaar se syfer was 217
(Hierdie jaar dus 24 meer).
Bykans 60% van die padsterftes was voetgangers.
Hierdie verhouding is astronomies hoog in
vergelyking met die meeste ander lande. Dit is dus
duidelik dat voetgangers ʼn al hoe groter probleem
in ons land raak. (In verlede maand se nuusbrief
het ons spesifiek verwys na die syfer wat reeds 15%
hoër was as in die ooreenstemmende tydperk
verlede jaar.)
Volgens die statistieke speel die misbruik van
alkohol deur voetgangers ook ʼn baie groot rol in
padsterftes.
Die opvoeding van voetgangers is ʼn baie groot
uitdaging aangesien die meeste voetgangers wat in
en om ons paaie beweeg, nie die nodige opleiding
kry oor die gevare van loop langs en op paaie nie.
Dit sal reeds baie help indien elke lid van
CrisisOnCall sy werknemers inlig oor die gevare van
langs paaie loop en die misbruik van alkohol.
PARAMEDICI WORD BEROOF
Die Beeld van 13 April 2013 het berig oor
paramedici van Netcare911 wat in Drie Riviere
(Vereeniging) oorval en beroof is terwyl hulle besig
was om ʼn bejaarde vrou in haar huis te behandel.
Dit is jammer dat roof en diefstal nou sulke
afmetings aanneem dat selfs dié wat daar is om
mense in nood te help, ook nie oorgesien word deur
rowers nie.
CrisisOnCall versoek dat waar moontlik, deure
gesluit gehou word wanneer paramedici by ʼn huis
besig is om ʼn pasiënt te behandel. Indien daar ook ʼn
inwoner of buurman is wat kan "wag hou" tydens
die behandeling, kan dit ook baie bydra tot die
veiligheid van paramedici en inwoners.
Paraatheid is vandag ononderhandelbaar en elke
huisgesin word versoek om ten alle tye op die uitkyk
te wees vir moontlike rowers in hul omgewing.
BETROUBARE IDENTIFIKASIE
Enige goeie produk sal seker sy namakers kry.
Wanneer ʼn besluit geneem moet word oor
watter identifikasie die beste is om te gebruik
behoort ondervinding ʼn deurslaggewende rol te
speel.
Die CrisisOnCall-identifikasie konsep is ontwerp
deur die gebruiker en aangepas oor tien jaar se
praktiese gebruik. Dra dus jou CrisisOnCall
bandjie.
PAD NA VERGIFNIS – WEN BOEK
“Ek gaan jou terugkry! Ek sal nie toelaat dat
jy so iets aan my doen nie!”
Ons eerste reaksie is gewoonlik dat ons
ander mense wat ons kwaad aangedoen het,
wil terugkry. Ons dink ook dalk dat dit ons
reg is. In hierdie proses het ons dikwels ook
baie seergekry en wantrou dalk die
mensdom. Verder kry ons hoofpyne, kan nie
konsentreer nie en raak al hoe besiger met
allerlei dinge om te probeer ontsnap van al
die negatiewe gevoelens wat hierdie kwessie
by ons wek.
As ons egter ons denkpatroon kan verander
en daardie persoon wat ons benadeel het,
ook kan begin sien as God se skepping vir
wie God net so lief is soos vir ons, sal nie
slegs ONS lewens nie, maar ook dié van die
ander persoon kan verander. Beide kan uit ‘n
emosionele tronk ontsnap. Niemand hoef so
swaar aan sy bagasie te dra nie. Dis ‘n keuse
wat elke mens kan maak – ‘n keuse om los te
kom uit die kettings. Skuldige gevoelens,
verlies, seerkry, teleurstellings, verraad
dreineer ons van lewensnoodsaaklike
energie wat ons op ‘n positiewer wyse kan
aanwend.
In Ware verhale van vergifnis het Helana
Olivier 23 mense gevra om hulle pad van
vergifnis met ons te deel. Hierdie mense het
almal een of ander tyd ‘n krisis in hul lewe
beleef en vertel in hul eie woorde op welke
wyse hulle hierdie kwessie hanteer het. Die
deurlopende goue draad by almal is die
begeerte om met andere wat hulself in
soortgelyke situasies mag bevind, te deel
hoe bevrydend dit is wanneer jy ander
mense kan vryspreek of wanneer jyself
vrygespreek word.
Cornelia Raath-Lotter, die
mentor van CrisisOnCall
wat op 1 Mei 1996 deur ʼn
persoon raakgery is en
deur twee privaat
hospitale weggewys is
omdat haar mediese
fondsinligting op daardie
stadium onbekend was,
se verhaal is een van die
23 in die boek.
Om in aanmerking te kom om hierdie boek
te wen, stuur asb. ʼn e-pos na
marketing@crisisoncall.co.za met die naam
van die mentor van CrisisOnCall. Een
gelukkige wenner se naam sal op 20 Mei
2013 getrek word. Die wenner sal in die
Junie nuusbrief aangekondig word. (Prys met
komplimente van Lux Verbi.)

PADBYSTAND
Indien die padbystandopsie geneem word, is daar ʼn paar
aspekte wat lede van kennis moet neem:
• Die voertuig word slegs gedek vir padbystand indien dit
daarvoor op die CrisisOnCall databasis geregistreer is.
• Voertuie wat breek (elektroniese- of meganiese skade)
word onder padbystand hanteer. Enige skade as gevolg
van ʼn botsing of eksterne omstandighede soos slaggate,
word nie onder padbystand gedek nie, maar wel deur
korttermyn-versekering.
• Die voertuig sal altyd na die naaste herstelpunt gesleep
word. (Indien die lid versoek dat die voertuig verder
gesleep word, sal dit vir sy eie rekening wees.)
• Indien ʼn voertuig na ure breek, sal dit na ʼn bewaarpunt
gesleep word en die eerste werksdag daarna, na die
herstelpunt gesleep word. (Hierdie is deel van die dekking
by CrisisOnCall.)
• Lede moet asb. kennis neem op watter voertuig hulle
padbystand uitgeneem het. (Padbystand is slegs op
genomineerde voertuie beskikbaar.) By die standaard
Alpha plan is slegs die reël van padbystand beskikbaar.
LEWENSVERRYKING NUUS
WAAR IS DIENSTE
BESKIKBAAR?
Al die dienste wat CrisisOnCall
bied, is deur middel van
diensverskaffers op ‘n landswye
basis beskikbaar.
Die opsionele diens “Neem my
huis toe”, is egter net aan
sekere gebiede gekoppel en
sal met die loop van tyd
uitgebrei word.
By die ambulansdienste word
van die twee nasionale
diensverskaffers (ER24 en
Netcare911) gebruik gemaak
plus byna 100 ander kleiner
diensverskaffers. (Die naaste
geakkrediteerde diensverskaffer
sal in ʼn noodgeval
uitgestuur word.
“Ure, dae, maande, jare vlieg soos skadudrome heen…” Stokou woorde van ‘n stokou lied, maar
die woorde bly so verskriklik waar. Die lewe jaag teen ‘n hoë spoed en tyd is só kosbaar, want dit
gaan so ongemerk, blitsvinnig, verby.
Personeel by Lewensverryking word dikwels gekonfronteer met die roekelose manier waarop
mense met tyd omgaan. So asof hulle vir altyd sal lewe. In hul soeke na sin en plesier, gryp hulle na
“beproef alle dinge”, en hulle vergeet van “en behou die goeie…” Hulle bly soek, soms al meer
onverantwoordelik, want die wêreld se plesier verslaaf al te maklik, en dan sit mens later met
soveel berou, en die wanhoop van “Wat nou?”
By Lewensverryking se seminare is daar antwoorde op hierdie “Wat nou?” Terugvoer op hul
seminare is veelseggend:
Nico – Ek was voorheen getroud en is na ‘n huwelik van 10 jaar geskei. Ek dink as ons die kursus
gedoen het, sou ons dinge dalk kon gered het. Met Paula, met wie ek nou gaan trou, is ek bly ons
doen die kursus, want ons leer om mekaar te verstaan en hoe om mekaar te respekteer en ons het
geleer om na mekaar te luister.
Whitey – Jare terug het my nefie my pa, wat blind was, gespot toe hy met my suster se troue haar
in die kerk inbring. Hy’t gesê “kyk daai blinde ... “ Toe dam ek hom by en ek slaan hom dat die
bloed in die kerk lê. Vir jare het ek met die ding in my binneste geloop. Ek kon hom nooit vergewe
nie. Ek het hom tydens die seminaar vergewe. Ek het hom geseën. Ek voel asof alles van my af is.
Ek is skoon. Ek bid vir hom en ek sal met hom gaan praat.
Delene – Ek het seminaar toe gekom as ’n seer en stukkende mens met geen idee van wat my doel
op aarde is nie. Tydens die seminaar kon ek vrede maak met die verlede, en mense vergewe wat
my oneindig seer gemaak het. God het my kom wys wat Sy droom vir my is. Ek gaan huis toe met ‘n
lied in my hart – vry!
Jacques – Ek het alles, alles vir Jesus gegee. Ek gaan Hom ’n kans gee. Ek kon opstaan en dit wat ek
vir soveel jaar wegsteek, openbaar. Dit wat diep binne-in my was, en nou is ek vry!
Gaan kuier gerus op hulle webwerf by www.lewensverryking.co.za om besonderhede van die
volgende seminare te kry; stuur ‘n e-pos na info@lewensverryking.co.za of bel die kantoor by 012
546 8098. Al die onderstaande seminare word by die Midway Inn op Middelburg, Mpumalanga
aangebied.
Egpaarseminaar: 1 – 5 Mei Egpaarseminaar: 21 – 25 Junie
Huweliksvoorbereiding: 17 – 19 Mei Enkelseminaar: 26 – 30 Junie