Mei 2013

More documents

Recommendations

Info

VEILIGHEID BY SWEMBADDENS Alhoewel dit nou winter raak en die weer allermins swem weer is, is veiligheid om swembaddens regdeur die jaar belangrik. Kinders kan in ŉ oogwink in ŉ swembad val. Statistieke ten opsigte van die verdrinking in swembaddens neem steeds jaarliks toe. Hier volg ŉ paar waardevolle wenke wat altyd by swembaddens toegepas moet word: • Swembaddens moet omhein word met ŉ veilige heining waaroor kinders nie kan klim nie. • Die hekkie wat gebruik word, moet self toegaan en nie maklik deur ŉ kind oopgemaak kan word nie. (Hou die hekkie gesluit wanneer die swembad nie gebruik word nie.) • Indien daar nie ŉ swembadheining opgesit kan word nie of die swembad is toeganklik van ŉ deur uit die huis, behoort 'n veiligheidsnet opgesit te word. • Alle deure wat toegang tot die swembadarea verleen, moet altyd gesluit wees. • Kinders moet nooit sonder volwasse toesig by ŉ swembad toegelaat word nie. • Moet nooit speelgoed of items met helder kleure op die swembad laat dryf nie. • Leer kinders van jongs af om te kan swem. • Noodhulpopleiding word aanbeveel vir elke lid van die familie sowel as die huiswerkers. Indien ŉ kind in ŉ swembad aangetref word, haal die kind onmiddellik uit, kontak CrisisOnCall en begin met noodbehandeling. KERKSTRAATBOM 20 MEI 1983 BANDJIE PRAAT IN APTEEK Daar word baie klem gelê op die bandjie en botsings. Hier is ŉ voorbeeld waar die bandjie in ŉ apteek gebruik is: Ek het Maandag 8 April 2013 medisyne by Kem de Beer Apteek, Pretoria-Noord gaan koop. Ek het skielik verskriklike hartkloppings gekry. Een van die dames het vir my water gebring en gesê ek moet 'n rukkie daar sit. Toe ek my kom kry, het ek blykbaar flou geword en hulle het my laat lê, maar nie geweet wat om verder te doen nie want toe het ek begin opgooi. Hulle het my bandjie gesien en CrisisOnCall geskakel wat toe 'n ambulans van Life Med Ambulansdiens laat kom het. Hulle het 'n EKG geneem en my bloeddruk geneem wat baie laag was. Hulle het toe besluit om my hospitaal toe te neem. Ek wil net baie dankie sê vir die vinnige en professionele manier van optrede. Ek waardeer dit regtig baie. – Mev. M.M. STRYDOM (Life Med Ambulansdiens het ook haar man gaan oplaai om die voertuig terug huis toe te neem aangesien dit steeds by die apteek gestaan het.) APPLIKASIE OP SLIMFONE Die skakels om die applikasie af te laai, is reeds per sms aan lede gestuur. Indien jy nie een ontvang het nie, hier is die skakel: Alpha Plan: https://api.europassistance.co.za/afr/crisis/alpha Auto Plan: https://api.europassistance.co.za/afr/crisis/auto Indien die stelsel ‘n foutboodskap gee, stuur asb. ‘n e-pos na clients@crisisoncall.co.za sodat die probleem aangespreek kan word. Verskeie lede het reeds die nuwe applikasie met groot sukses gebruik. Terugvoer van lede sal ook waardeer word. Met die Boston-Marathon bom op 15 April 2013 het dit baie Suid-Afrikaners laat terugdink aan 20 Mei 1983 toe ŉ motorbom reg voor die Nedparkgebou in Kerkstraat-Wes, Pretoria (waarin die Lugmag hoofkwartier gevestig was), om 16:28 ontplof het. Tydens die ontploffing is 19 mense gedood (17 mans en 2 vroue). Die skade aan eiendom het R4-miljoen, in 1983 terme, beloop. Volgens die verklaring van ŉ getuie wat op 20 Mei 1983 voor die Nedparkgebou in haar motor gesit het, het ŉ roomkleurige Colt Galant voor haar stilgehou. Pas nadat die voertuig tot stilstand gekom het, het die ontploffing gevolg. Die Colt is gedurende Junie 1982 by ŉ perseel in Edenvale gesteel. Die twee persone wat verantwoordelik was vir die plasing van die bom is ook in die ontploffing dood. Die polisie het later ŉ papiersak met ŉ draagbare radio en afstandbeheerde toestel in ŉ kombi gevind. Die kombi was naby die toneel geparkeer en is deur die polisie met die bomplanters verbind. Hierdie was een van die ergste bomontploffings wat Suid-Afrika ooit geruk het. (Inligting met erkenning aan Afriforum web)
PADSTERFTES OOR PAASNAWEEK Syfers wat gedurende April bekend gemaak is, wys dat 241 mense die afgelope Paasnaweek op ons paaie gesterf het. Verlede jaar se syfer was 217 (Hierdie jaar dus 24 meer). Bykans 60% van die padsterftes was voetgangers. Hierdie verhouding is astronomies hoog in vergelyking met die meeste ander lande. Dit is dus duidelik dat voetgangers ŉ al hoe groter probleem in ons land raak. (In verlede maand se nuusbrief het ons spesifiek verwys na die syfer wat reeds 15% hoër was as in die ooreenstemmende tydperk verlede jaar.) Volgens die statistieke speel die misbruik van alkohol deur voetgangers ook ŉ baie groot rol in padsterftes. Die opvoeding van voetgangers is ŉ baie groot uitdaging aangesien die meeste voetgangers wat in en om ons paaie beweeg, nie die nodige opleiding kry oor die gevare van loop langs en op paaie nie. Dit sal reeds baie help indien elke lid van CrisisOnCall sy werknemers inlig oor die gevare van langs paaie loop en die misbruik van alkohol. PARAMEDICI WORD BEROOF Die Beeld van 13 April 2013 het berig oor paramedici van Netcare911 wat in Drie Riviere (Vereeniging) oorval en beroof is terwyl hulle besig was om ŉ bejaarde vrou in haar huis te behandel. Dit is jammer dat roof en diefstal nou sulke afmetings aanneem dat selfs dié wat daar is om mense in nood te help, ook nie oorgesien word deur rowers nie. CrisisOnCall versoek dat waar moontlik, deure gesluit gehou word wanneer paramedici by ŉ huis besig is om ŉ pasiënt te behandel. Indien daar ook ŉ inwoner of buurman is wat kan "wag hou" tydens die behandeling, kan dit ook baie bydra tot die veiligheid van paramedici en inwoners. Paraatheid is vandag ononderhandelbaar en elke huisgesin word versoek om ten alle tye op die uitkyk te wees vir moontlike rowers in hul omgewing. BETROUBARE IDENTIFIKASIE Enige goeie produk sal seker sy namakers kry. Wanneer ŉ besluit geneem moet word oor watter identifikasie die beste is om te gebruik behoort ondervinding ŉ deurslaggewende rol te speel. Die CrisisOnCall-identifikasie konsep is ontwerp deur die gebruiker en aangepas oor tien jaar se praktiese gebruik. Dra dus jou CrisisOnCall bandjie. PAD NA VERGIFNIS – WEN BOEK “Ek gaan jou terugkry! Ek sal nie toelaat dat jy so iets aan my doen nie!” Ons eerste reaksie is gewoonlik dat ons ander mense wat ons kwaad aangedoen het, wil terugkry. Ons dink ook dalk dat dit ons reg is. In hierdie proses het ons dikwels ook baie seergekry en wantrou dalk die mensdom. Verder kry ons hoofpyne, kan nie konsentreer nie en raak al hoe besiger met allerlei dinge om te probeer ontsnap van al die negatiewe gevoelens wat hierdie kwessie by ons wek. As ons egter ons denkpatroon kan verander en daardie persoon wat ons benadeel het, ook kan begin sien as God se skepping vir wie God net so lief is soos vir ons, sal nie slegs ONS lewens nie, maar ook dié van die ander persoon kan verander. Beide kan uit ‘n emosionele tronk ontsnap. Niemand hoef so swaar aan sy bagasie te dra nie. Dis ‘n keuse wat elke mens kan maak – ‘n keuse om los te kom uit die kettings. Skuldige gevoelens, verlies, seerkry, teleurstellings, verraad dreineer ons van lewensnoodsaaklike energie wat ons op ‘n positiewer wyse kan aanwend. In Ware verhale van vergifnis het Helana Olivier 23 mense gevra om hulle pad van vergifnis met ons te deel. Hierdie mense het almal een of ander tyd ‘n krisis in hul lewe beleef en vertel in hul eie woorde op welke wyse hulle hierdie kwessie hanteer het. Die deurlopende goue draad by almal is die begeerte om met andere wat hulself in soortgelyke situasies mag bevind, te deel hoe bevrydend dit is wanneer jy ander mense kan vryspreek of wanneer jyself vrygespreek word. Cornelia Raath-Lotter, die mentor van CrisisOnCall wat op 1 Mei 1996 deur ŉ persoon raakgery is en deur twee privaat hospitale weggewys is omdat haar mediese fondsinligting op daardie stadium onbekend was, se verhaal is een van die 23 in die boek. Om in aanmerking te kom om hierdie boek te wen, stuur asb. ŉ e-pos na marketing@crisisoncall.co.za met die naam van die mentor van CrisisOnCall. Een gelukkige wenner se naam sal op 20 Mei 2013 getrek word. Die wenner sal in die Junie nuusbrief aangekondig word. (Prys met komplimente van Lux Verbi.)
Page 1: REG: 2002/0249 66/07 KONTAK MY DIEN

Mei 2013

Create successful ePaper yourself

Delete template?

Save as template?