onderafdeling a verlies of skade omskrewe gebeurtenisse - Santam

op voorwaarde dat
(i) die maatskappy se aanspreeklikheid, in verband met enige enkele gebeurtenis nie R15 000 sal
oorskry nie, of die bedrag wat in die bylae vermeld word
(ii) sodanige bedrag verminder sal word met die eerste bedrag betaalbaar wat in die bylae vermeld
word.
Die bepalings van hierdie afdeling wat met die eerste bedrag betaalbaar en die Geeneis-korting verband
hou, sal nie op hierdie uitbreiding van toepassing wees nie.
11. Brandbluskoste
Enige koste (nie meer as R15 000 nie) wat met die blus of bestryding van ’n brand verband hou, sal as
skade aan die versekerde eiendom beskou word en betaalbaar wees bo en behalwe enige ander betaling
waarvoor die maatskappy ingevolge hierdie afdeling aanspreeklik mag wees, op voorwaarde dat die
versekerde regtens aanspreeklik is vir sodanige koste en die versekerde eiendom in gevaar van die brand
was.
12. Wrakverwydering
Die dekking wat onder onderafdeling A van hierdie afdeling verskaf word, is uitgebrei om die koste
en uitgawes te dek wat die versekerde aangegaan het vir die opruiming en verwydering van afval en
wrakstukke van enige versekerde voertuig ná skade aan sodanige voertuig deur ’n omskrewe gebeurtenis,
op voorwaarde dat, bo en behalwe die skadeloosstellingsperk onder onderafdeling A van hierdie afdeling,
sal die perk van die maatskappy se aanspreeklikheid onder hierdie uitbreiding nie R25 000, in verband met
enige elke gebeurtenis, of die perk wat in die bylae vermeld word, oorskry nie.
13. Krediettekort (as in die bylae as ingesluit vermeld)
As enige totale verliesskikking onder onderafdeling A minder is as die bedrag wat aan die finansierder
geskuld word kragtens ’n bestaande huurkoop- of bruikhuurooreenkoms, sal die maatskappy aan die
versekerde ’n bykomende bedrag betaal gelyk aan die tekort minus:
(a) enige agterstallige paaiemente of huurgeld, ingesluit rente wat op sulke agterstallige bedrae
betaalbaar is
(b) alle terugbetalings van premie vir kansellasie van enige versekeringsdekking wat met die voertuig
verband hou
(c) die verhoogde paaiemente of huurgeld wat betaal sou word as daar geen reskapitaalwaarde teen die
einde van die finansieringstydperk was nie, bereken tot die maand waarin die eis geskik is
(d) die eerste bedrag betaalbaar onder onderafdeling A
altyd op voorwaarde dat
(a) die bedrae betaalbaar nie die maksimum skadeloosstellling minus die eerste bedrag betaalbaar
onder onderafdeling A sal oorskry nie
(b) hierdie endossement sal nie geld vir ’n ooreenkoms waar die bedrag van enige enkele paaiement
buiten die finale resbedrag ná die aanvanklike betaling met meer as 10% van enige ander paaiement
verskil nie
(c) as sodanige tekort die gevolg is van ’n voorskot onder ’n huurkoopooreenkoms of herfinansiering
kragtens ’n huurkontrak, sal die versekering onder hierdie uitbreiding van nul en gener waarde wees
nie.
Santam Transport/A/Motor/Tran003/012013 (8/15)