Jaarverslag 2011/12 - durbanvillekinderhuis.org.za

Jaarverslag
1 April 2011 - 31 Maart 2012

Meer oor ons
Die Durbanville Kinderhuis is al vir meer as ʼn eeu
ʼn veilige hawe waar minderbevoorregte kinders
van die Kaapse Skiereiland versorg word. Jaarliks
word sowat 144 kinders tussen twee en 18 jaar oud
en vanuit verskillende kulturele agtergronde by die
Kinderhuis versorg.
Sorgbehoewende kinders word ingevolge die
Kinderwet deur howe in die sorg van kinderhuise
soos die Durbanville Kinderhuis geplaas.
Die Durbanville Kinderhuis, ’n Suid-Afrikaanse niewinsgewende
organisasie, is ’n program van BADISA
(NGO 011 - 891), ’n kerkgebaseerde, nie-winsgewende
welsynsorganisasie. BADISA voorsien die tehuis
dus van professionele bystand asook ’n beleid en
riglyne, en verseker so dat die tehuis kan voorsien
in die immer-veranderende behoeftes van kinders
wat versorging en veiligheid nodig het. Die tehuis is
ook by die departement maatskaplike ontwikkeling
geregistreer en dus aan regeringsbeleide en
-beginsels onderworpe.
Visie
Die kinderhuis se visie is om deur toegewyde en professionele ondersteuningsdienste
God se liefde aan sorgbehoewende kinders en hul
gesinne te toon met die uiteindelike doel om gesonde gesinsverhoudings
te herstel.
Missie
Die doel word nagestreef deur:
• die skep van ʼn veilige terapeutiese omgewing;
• volgehoue skakeling met ouers en gesinne;
• indiensneming van opgeleide personeel en toegewyde
vrywilligers;
• sluit van vennootskappe met ondernemings, gemeenskapsorganisasies
en staatsdepartemente;
• die inwerkingstelling van gesonde sakebeginsels om die lewering
van hoë gehalte diens te verseker;
• toepassing van die tersaaklike bepalings van die Grondwet van die
Republiek van Suid-Afrika, en
• voorsiening in die emosionele, psigo-opvoedkundige en maatskaplike
behoeftes van ons kinders uit ʼn Christelik gefundeerde etos.
Skakel ons:
Ontwerp geborg deur:
Drukwerk geborg deur:
Santa Serfontein
Kerkstraat, Durbanville, 7550
Tel: 021 975 6822 | Faks: 021 975 1613
E-pos: bestuur@durbanvillekinderhuis.org.za
www.durbanvillekinderhuis.org.za
Cambridge House 8, Oxfordstraat 23,
Durbanville, 7550
Skakel: 021 979 0488
E-pos: studio@roundone.biz
www.roundone.biz
Skakel: 021 946 4074
E-pos: allan@dcprinters.co.za
www.durbstat.co.za
Alle prentjies in hierdie weergawe van die jaarverslag is geteken deur ons kinders.

Voorsittersverslag
Inleiding
Dis weer eens vir my ’n groot voorreg om die jaarverslag van
die Durbanville Kinderhuis aan u voor te lê. Ek kan met trots
rapporteer dat die Kinderhuis, na 129 jaar, steeds ’n instelling van
voortreflikheid en stabiliteit is. Ons kan sonder vrees vir teëspraak
noem dat hierdie kinderhuis hom by uitstek as ’n veilige hawe
sonder weerga in die Wes-Kaap gevestig het.
Bestuur
Durbanville Kinderhuis is geseënd om ’n sterk bestuurspan te hê
wat daarin slaag om alle strukture van ons instelling effektief te laat
funksioneer. Gereelde personeelvergaderings en voortdurende
skakeling met elke sektor, verseker dat dienslewering aan kinders
met die minimum hindernisse kan plaasvind.
Die afgelope jaar is personeellede, met inbegrip van die
kinderversorgers, periodiek aan ontwikkelingsessies blootgestel.
Hierdie gereelde opknapping van vaardighede en die paraatmaking
van personeellede, kon duidelik bespeur word in die
gehalte van sorg wat die afgelope jaar aan ons kinders gebied is.
Ten opsigte van ons finansies, dien gemeld te word dat
Durbanville Kinderhuis kerngesond is. Die Kinderhuis kom op
’n daaglikse basis alle regulasies rakende finansiële bestuur en
kontrole nougeset na. Hiervan is die opeenvolgende positiewe
ouditeursverslae van die afgelope paar jaar, insluitend die vorige
boekjaar, ’n sprekende voorbeeld. Voorts vind hierdie goeie
finansiële bestuur neerslag in die wyse waarop die bestuurspan
met groot erns toesien dat alle fondse tot voordeel van ons 144
kinders aangewend word.
Uitdagings
Ons grootste uitdaging sentreer tans rondom die behoeftes van
ons erg getraumatiseerde kinders. Sorgbehoewende kinders
word as laaste uitweg in die Kinderhuis opgeneem, wanneer
alle ander pogings ten opsigte van beveiliging gefaal het.
Aangesien dit toenemend langer neem om kinders uit hul haglike
omstandighede te verwyder, verdiep die trauma in so ’n mate
dat dit ’n meer komplekse terapeutiese program tot gevolg het.
Uitdagings rondom die terapeutiese ingryping van hierdie kinders
behels heelwat aspekte soos personeelvoorsiening, bykomende
finansies vir hulpbronne, vrywilliger-ondersteuning en logistieke
behoeftes.
Die bestuur van die Durbanville Kinderhuis het reeds begin met
maatreëls om hierdie uitdagings die hoof te bied. So byvoorbeeld
is die voormalige Kannabas Eenheid in ’n volledige terapeutiese
eenheid omskep. Verder word hierdie nood tans verlig deur
gebruik te maak van die vrywillige dienste van sielkunde- sowel
as spelterapie-studente.
Hoogtepunte
Ons grootste prestasie was ongetwyfeld die vermoë om ’n
terapeutiese omgewing te skep waarin ons kinders kan herstel,
weer heel kan raak en kan groei. Dit is vermag deur ongeëwenaarde
spanwerk van almal hier by Durbanville Kinderhuis.
Hoogtepunte op ander terreine was ons uiters suksesvolle
fondsinsamelingspogings onder meer die Damesontbyt, Winterbal
en die Rugbydag by Rhebokskloof. Vir ons kinders is die
Sportdag en Kerspartytjie hoogtepunte waarna hulle elke jaar
uitsien.
Een van ons groot suksesverhale was die bekendstelling van
die Borg-’n-kind-veldtog wat die potensiaal het om een van ons
primêre fondswerwings te raak. Tans koop al hoe meer mense in
om die lewens van kinders langs hierdie edele weg te verbeter.
Toewyding
Benewens die toewyding van die bestuurspan en personeel,
is die Kinderhuis aangewese op die ondersteuning en dienste
van ’n wye verskeidenheid vrywilligers. Alle beheerraadslede en
’n groot persentasie van lede van die onderskeie subkomitees
verrig vrywillige diens. Hierdie kategorie vrywilligers moet geloof
word vir hul toewyding en kwaliteitdiens wat van onskatbare
waarde vir die behoud en voortbestaan van ons instelling is. Van
hul dienste behels kundigheid waarvoor die Kinderhuis andersins
sou moes betaal het.
Ons het verlede jaar, net soos die vorige jare, weer ’n groot
komponent internasionale en plaaslike vrywilligers gehad.
Hierdie kategorie vrywilligers het toewyding op verskeie vlakke
getoon, soos die vervoer van leerders, kinderversorging, sport
en kultuur, fondswerwing en bystand met huiswerk. Nog ’n
kategorie vrywilligers wat spesiale vermelding verdien, is die
diegene wat daarin kon slaag om ons kinders se talente optimaal
te help ontgin. Die afgelope jaar kon die Kinderhuis by verskeie
openbare geleenthede daarin slaag om die kinders se talent,
veral op kulturele gebied, ten toon te stel.
Waardering
As ’n organisasie wat ’n hoë premie plaas op die beste dienste en
fasiliteite vir ons kinders, wil ek alle betrokkenes by die versorging
van ons 144 kinders bedank vir die ekstra treë wat elkeen geloop
het om van Durbanville Kinderhuis ’n veilige hawe te maak. Baie
dankie aan diegene wat onverpoosd gewerk het om ’n breë
databasis van donateurs en borge daar te stel.
Namens die Beheerraad, die bestuurspan en al ons kinders
wil ek my opregte dank en waardering uitspreek teenoor al
ons vennote, borge, donateurs, maatskappye, individue en
gemeenskapsgroepe. Dankie dat u so onbaatsugtig en mildelik
tot die welsyn van die Kinderhuis bygedra het om te help om vir
ons andersins uitsiglose kinders ’n tuiste te skep. Sonder hierdie
ondersteuning sou ons nie daarin kon slaag om volgehoue
kwaliteitversorging aan ons kinders te bied nie.
Slot
My opregte dank aan die bestuurspan en personeel vir die puik
en passievolle wyse waarop hulle hul take verrig het. Sonder hul
toewyding sou ons nie in staat kon wees om sulke hoë standaarde
te verseker nie. Dankie ook aan alle vrywilligers en medewerkers
betrokke by subkomitees.
Ek wil almal voorspoed toewens vir hul volgehoue toewyding om
die nood van ons kinders te help verlig.
Gerald W. Davids
Voorsitter van die Beheerraad.
Alle kinders het vlerke, ons leer hulle om te vlieg! 1

Bestuurder se verslag
Hoogtepunte en uitdagings
Prestasies
Die Durbanville Kinderhuis bestaan al 129 jaar lank en is een van die oudste kinderhuise
in Suid-Afrika. Gedurende hierdie tyd het ons waardevolle ondervinding en ’n uitmuntende
reputasie opgebou vir ons werk met kinders wat misbruik en verlaat is. Dit plaas ons in
’n unieke posisie om voort te gaan om op ’n lang termyn volhoubare hulp aan kinders in
nood te verskaf.
Dit stel ons in staat om ’n beskermende hawe te bied vir 144 kinders, sodat hulle nie op
straat hoef te leef en aan ernstige verwaarlosing, liggaamlike en emosionele misbruik,
asook die gevolge van ’n disfunksionele huislike lewe onderwerp hoef te word nie.
Wat maak ons anders?
Die vraag kom dikwels spontaan by my
op: Wat maak ons anders?
Is dit die pragtige kinders wat aan ons
sorg toevertrou is? Die besondere
groep kinders wat ’n mens dag na dag
verstom met hul vermoë om teen die
terugslae in hul lewens terug te veg,
en tot sterk en gesonde individue met
lewensideale en drome te groei en te
ontwikkel.
Is dit ons grond en geboue, gekoester
tussen die huise en heuwels van
Durbanville, wat dit die ideale plek
maak om vir ons kinders die beste sorg
te gee wat ons kan?
Is dit ons personeel wat daagliks lojaal
en onbaatsugtig ’n diens lewer aan
en ten behoewe van ons kinders? ’n
Unieke groep individue wat die kuns
van saamwerk en saamlag verstaan
en mekaar deur dik en dun bystaan en
ondersteun.
Is dit ons vrywilligers wat op ’n deurlopende
basis waarde toevoeg tot ons
versorgingsprogram en die lewens van
die kinders in ons sorg? Soveel mense
wat elkeen op sy of haar unieke wyse
en volgens die talente wat hom of haar
toegedeel is, tot die Kinderhuis bydra.
Is dit ons donateurs wat deur hul
finansiële ondersteuning verseker
dat ons selfs in moeilike ekonomiese
omstandighede daarin slaag om vir die
kinders in ons sorg te gee wat hulle
nodig het?
Is dit dalk die kombinasie van al hierdie
bogenoemde aspekte?
Is ons regtig anders?
Anders of nie, dis uiters bevredigend
om saam met wonderlike personeel,
vrywilligers en donateurs by die
versorging en vorming van die kinders
in ons sorg betrokke te wees.
Baie dankie!
Rudolf Bezuidenhout
Die kennis en kundigheid wat ons oor vele jare opgedoen het, het ons in staat gestel
om ons klem suksesvol na die verskaffing van beter en doeltreffender psigoterapeutiese
intervensies te verskuif wat meer individu-gerig en doelgeskik is. Dit is vir die Kinderhuis
baie belangrik dat hy in die individuele ontwikkelingsbehoeftes van die kinders wat hy
versorg, kan voorsien. Dit sluit in voorsiening vir ons kinders se individuele skolastiese
ontwikkeling deur hulle by 25 verskillende skole te registreer. Ons het ook ons residensiële
program uitgebrei om gemeenskapsgebaseerde sorg in te sluit deur twee satelliethuise te
open. Ons het drie eenhede vir gespesialiseerde terapie: die ART-eenheid (“Assessments
Reunification Therapeutic” – evaluering, hereniging en terapie), die CHILLI-eenheid
(“Care House for Individual Life Lesson Interventions” – versorgingshuis vir individuele
lewensles-ingrypings) en ’n vroeëkindontwikkelingseenheid (Happy Feet en Stepping
Stones) op die terrein.
Met die verloop van jare het ons ’n sterk netwerk van plaaslike en internasionale vrywilligers
opgebou. Ons slaag daarin om vrywilligers uit lande soos ver as Duitsland, Brasilië,
Kanada, Switserland en Asië te werf. Die Durbanville Kinderhuis was die 2009-wenner
van die Ubuntu Internasionale Toekenning vir Vrywillige Diens, ’n toekenning vir gehalte
in vrywillige jeugdiens. Ons het tans 36 internasionale vrywilligers wat op die terrein woon
en met kantoor- en kindersorgpligte help. Daar is ook 46 plaaslike vrywilligers wat onder
meer met huiswerk en fondsinsameling behulpsaam is.
Ons kan met trots bekend maak dat ons 22 kinders gedurende die boekjaar deur
suksesvolle terapeutiese en herenigingsintervensies met hul oorspronklike gesinne
herenig het.
Daar was verlede jaar sewe skoolverlaters van wie twee tans aan tersiêre inrigtings studeer.
Ons kon geskikte werk vir die res van hulle vind. Ons vrywilliger-bystandsprogram, waar
vrywilligers aan ’n skoolverlater gekoppel word om bystand en aanmoediging te verleen,
blyk ook ’n groot sukses te wees.
Ons kinders was baie suksesvol op die sportveld en in die klaskamer en ons is uiters trots
op hul prestasies.
Uitdagings
Kinders wat by die Kinderhuis geplaas word, kom gewoonlik uit omgewings waar hulle
aan verskeie risiko’s blootgestel is. Die meeste van ons kinders is nie daaraan gewoond
om in ’n roetine-omgewing te leef nie en het dikwels nie gesonde stimulering ontvang wat
nodig is om te floreer nie, wat daartoe lei dat die kinders dikwels ernstige agterstand in
hul ontwikkeling vergeleke met hul portuurgroep op skool toon. Daarbenewens is dit vir
ons kinders ’n uitdaging om by ’n formele skoolprogram aan te pas en sosiale situasies
te hanteer. Baie hoofstroomskole vind dit moeilik om voorsiening te maak vir kinders wie
se ontwikkeling ’n agterstand toon, en die nodige ondersteuning ontbreek dus dikwels.
As gevolg van die hoeveelheid kwesbare kinders in Suid-Afrika en die tekort aan
sorgfasiliteite word kinders vir lang tye aan verskeie vorme van misbruik blootgestel,
insluitend emosioneel, sielkundig en liggaamlik. Kinders wat die stelsel binnekom, is
dikwels wantrouig en vind dit baie moeilik om gesonde bande met die kindersorgwerkers
en vrywilligers wat by die program betrokke is, te vorm. Dit lei dikwels tot uitdagende
gedrag.
Weens sy ligging in ’n gegoede buurt bestaan die persepsie dat die Durbanville Kinderhuis
’n welgestelde organisasie is, wat uiters negatiewe gevolge vir fondsinsameling onder
individue en korporatiewe instansies het.
Ongelukkig kan ’n groot gedeelte van die terrein by die Durbanville Kinderhuis nie gebruik
word nie as gevolg van die veiligheidsrisiko’s wat dit vir ons kinders inhou. Hierdie area
het dreineringsprobleme en dus kan daar nie daarop gebou word nie. Die kinders kan ook
nie daar speel nie.
2 Alle kinders het vlerke, ons leer hulle om te vlieg!

Residensiële sorgprogram
Die Kinderhuis se mandaat is om ’n tussentydse oplossing te
bied vir kinders wat uit hul gesinne verwyder is as gevolg van
ongunstige en gevaarlike omstandighede, en wat uiteindelik tot
die hereniging van die gesin, pleegsorg of aanneming lei. Ons
erken dat die beste opsie vir elke kind altyd is om na sy of haar
gesin en gemeenskap terug te keer.
As kinders nie in inrigtings soos die Kinderhuis geplaas word nie,
is daar ’n groter waarskynlikheid dat hulle op straat sal eindig
waar hulle aan dwelmmisbruik, bendegeweld, armoede, misdaad
en dies meer blootgestel word. Hierdie negatiewe invloede
verhoog ook die risiko van potensiële kriminele gedrag en dat
die kringloop van aangeleerde gedrag in hul volwasse lewens
voortgesit sal word, soos die misbruik en verwaarlosing van hul
eie kinders. Dit het ’n impak op die sosio-ekonomiese groei van
ons land.
Die Durbanville Kinderhuis is geregistreer om 144 kinders tussen
die ouderdomme 0 en 18 te huisves. Tans word 124 kinders by
die Kinderhuis versorg. Tien kinders woon in Shiloh Huis, 8ste
Laan 90, en tien in Huis Andrag in Joubertstraat 14.
Dit is vir die Kinderhuis baie belangrik dat hy in die individuele
ontwikkelingsbehoeftes van die kinders wat hy versorg, kan
voorsien. Tans woon ons kinders 25 verskillende skole by, en ons
het ook ons residensiële program uitgebrei van kinderversorging
op een plek, bestaande uit 12 wooneenhede, na die versorging
van die kinders in hul gemeenskappe deur twee satelliethuise
by te voeg. Ons het drie eenhede vir gespesialiseerde terapie:
die ART-eenheid (“Assessments Reunification Therapeutic” –
evaluering, hereniging en terapie), die CHILLI-eenheid (“Care
House for Individual Life Lesson Interventions” – versorgingshuis
vir individuele lewensles-ingrypings) en ’n vroeëkindontwikkelingseenheid.
Begunstigdes
Die kinders in die Kinderhuis kom uit omgewings wat nie
bevorderlik is vir die koestering en grootword van gegronde, goed
aangepaste jong mense met ’n gesonde gees nie. Inteendeel,
hulle primêre versorgers was dikwels afwesig, en het hulle gelos
om blootgestel te word aan vele vorme van misbruik, insluitend
emosionele, sielkundige en liggaamlike trauma.
Seuns Meisies Swart Wit Totaal
74 70 108 36 144
Totaal
0-5
jaar
6-10
jaar
11-15
jaar
16 jaar
en ouer
Seuns 74 4 16 33 21
Meisies 70 0 11 30 29
Hantering van behoeftes
Die Kinderhuis fokus hoofsaaklik op die versorging, ontwikkeling
en rehabilitasie van emosioneel getraumatiseerde kinders en die
hereniging van hierdie kinders met hul gesinne waar moontlik.
Maatskaplike probleme soos sielkundige probleme, skolastiese
probleme of weiering om skool toe te gaan, gedragsprobleme
en omgewingsinvloede wat die kind verhoed om sy of haar volle
potensiaal te verwesenlik, word hanteer deur die kind te help om
die trauma in sy of haar verlede te verwerk en hom of haar by te
staan om in ’n suksesvolle, volwasse individu te ontwikkel.
Dienste
Die Durbanville Kinderhuis verskaf kritieke dienste in pas met
die bepalings van die Kinderwet.
Die Kinderhuis is ’n sorgsentrum vir kinders en die jeug en bied
’n terapeutiese program wat ontwerp is vir die residensiële
versorging van kinders buite die gesinsomgewing, en sluit
programme in vir:
1. Die ontvangs, versorging en ontwikkeling van kinders buite
hul gesinsomgewing
2. Vroeëkindontwikkeling
3. Die ontvangs en tydelike veilige versorging van kinders met
die oog op
• die waarneming en evaluering van hierdie kinders
• die verskaffing van berading en ander behandeling aan
hierdie kinders
• bystand om hulle weer met hul gesinne en gemeenskap
te integreer
Daarbenewens bied die Durbanville Kinderhuis:
• Terapeutiese en ontwikkelingsprogramme
• ’n Program om inwoners met die oorgang te help wanneer
hulle die Kinderhuis na die ouderdom van 18 verlaat.
Die Durbanville Kinderhuis voldoen aan die norme en
standaarde wat ingevolge artikel 194(2) van die Kinderwet
vereis word deur die volgende te bied:
1. ’n Program vir residensiële sorg;
2. Terapeutiese programme;
3. Ontwikkelingsprogramme;
4. Permanensieplanne vir kinders;
5. Individuele ontwikkelingsplanne;
6. Beskerming teen misbruik en verwaarlosing;
7. Evaluering van kinders;
8. Gesinshereniging en -herintegrasie;
9. Nasorg;
10. Toegang tot en voorsiening van voldoende gesondheidsorg;
11. Toegang tot skole, onderrig en vroeëkindontwikkeling, en
12. Sekuriteitsmaatreëls vir kinderhuise.
Die kernkomponente van programme vir die ontwikkelings-,
terapeutiese en ontspanningsbehoeftes van kinders wat by die
Durbanville Kinderhuis gevolg word, sluit in:
Ontwikkelingsprogramme:
• Lewensvaardighede;
• Onafhanklike lewensbestaan vir kinders wat uit die program
vir residensiële sorg beweeg;
• Slagoffer-bemagtiging;
• Bewaring van die gesin;
• Nasorg;
• Bevordering van kinderregte, en
• Aktiwiteite vir die genereer van inkomste.
Terapeutiese programme:
• Ontwikkelingsevaluering;
• Psigo-maatskaplike ondersteuning;
• Individuele berading;
• Groepberading;
• Traumaberading;
• Smartberading;
• Spelterapie, en
• Gesinsterapie sluit in ouerplanne, stresbestuur,
konflikoplossing, positiewe kommunikasie, positiewe
dissipline en gedragsverandering.
Alle kinders het vlerke, ons leer hulle om te vlieg! 3

Residensiële sorgprogram (vervolg)
Ontspanningsprogramme
• Sport
• Kuns
• Drama
• Dans
• Sang
• Bordspeletjies (speelgoedbiblioteek)
Gekonsolideerde statistiek
Kinders deur die jaar toegelaat 18
Getal terapeutiese sessies gehou 1 106
Getal individuele ontwikkelingsplanne
opgestel
66
Getal individuele beradingsessies 100
Groepberadingsessies 130
Getal gesin-groepkonferensiesessies 126
Maaltye wat gedurende die verslagdoeningstydperk
voorberei is
93 000
and Sport Academy) aansoek gedoen om ’n diploma in
afrigterswetenskap, waar hy met ope arms verwelkom is.
Verskeie beurse is ook aan hom toegeken om hierdie droom
te verwesenlik.
Carlo is nou besig met sy eerste jaar van studeer en leef sy
droom uit. Hy gebruik die vlerke wat hy gegee is en vlieg nou
sy pad oop na ’n suksesvolle loopbaan in sportafrigting. Ons
is so trots op jou, Carlo!
Akeen Wilson is in 2006 tot die Durbanville Kinderhuis
toegelaat. Sy stil en goed gemanierde geaardheid het hom
gewild onder beide personeel en kinders gemaak.
Akeen het ’n ywerige belangstelling en vermoë op beide
akademiese en sportterrein getoon. Daarbenewens het hy
ook ‘n geweldige talent in die kreatiewe en kunsarena getoon.
Sy harde werk, toewyding en vasberadenheid om bo sy
omstandighede uit te styg, het tot verskeie geleenthede
gelei. Een daarvan was toe hy deur die Amandla Ku Lutsha
Jeugleierskapprojek gekies is vir hul toer na Engeland
in 2009. Nog toekennings wat hy ontvang het weens sy
vaardighede en talente sluit in die Amy Biehl-toekenning vir
sy vaardighede as jeugleier en rolmodel.
Met sy toekenning as ”Buitengewone onder 20-jongmens” is
hy ook gekies om Janet Jackson gedurende haar toer van
Suid-Afrika te ontmoet.
Aan die einde van sy skoolloopbaan is Akeen weer eens
deur harde werk en toewyding gekies om sy studie aan die
Universiteit van die Wes-Kaap voort te sit, waar hy tans
besig is met sy eerstejaarstudies vir ’n BA in sportrekreasie
en oefeningswetenskap. Met verskeie beurse wat aan hom
toegeken is, gaan Akeen voort om sy borge, familie en die
Durbanville Kinderhuis trotse beleggers in hom te maak.
Akeen het ontwikkel van ’n skaam en introverte seuntjie tot
’n suksesvolle en volwasse jongman. Hou aan vlieg Akeen –
reik na die sterre!
Suksesverhale
Carlo Wehr is in 1999 op die ouderdom van 7 by die Durbanville
Kinderhuis ingeneem. Hy was altyd ’n jong man met geweldige
potensiaal, leierskap en ’n vasberadenheid om suksesvol te wees.
Ten spyte van sy uitdagende omstandighede het hy met die nodige
ondersteuning en sorg, hindernisse en terugslae te bowe gekom om
’n vlak van volwassenheid en selfvertroue te bereik wat verskeie
geleenthede vir hom oopgemaak het.
Carlo se groot vreugde en trots is sy belangstelling in sport waar sy
dryfkrag van groot waarde is. Hy het begin deur in die Durbanville
Kinderhuis se sokkerspan te speel waar hy gou ’n belangrike speler
geraak het. Sy afrigter het sy strategiese vaardighede raakgesien,
asook die gemaklike wyse waarop hy afrigtersinstruksies en raad aan
die jonger outjies oorgedra het op ’n vlak waar hulle dit maklik kon
snap en toepas. Hy het gevolglik vinnig ’n natuurlike leier en rolmodel
vir die ander kinders geraak. Hy het ook selfs die meisiesokkerspan
na seges gelei!
Sy talent in hierdie veld het die deur vir hom oopgemaak om by die
Amandla-sokkerliga (kinderhuis-sokkerliga in Kaapstad) aan te sluit
waar hy as ’n assistent vir die personeel in geleentheidsbeplanning
aangestel is. Hy het gehelp deur die wedstryde te koördineer asook
die kinders af te rig.
Carlo het begin dink aan en hoop vir geleenthede om sy liefde en
passie vir die spel uit te leef, asook sy wens om ander jongmense
te help om ’n loopbaan te bou. Hy het by die ETA (Exercise, Training
4 Alle kinders het vlerke, ons leer hulle om te vlieg!

Vrywilligers
Die personeel en kinders by die Durbanville Kinderhuis is uiters
dankbaar vir die ongelooflike hoeveelheid hulp wat ons vrywilligers
– Suid-Afrikaners én uit die buiteland – so goedgunstig aanbied,
asook vir die voortgesette ondersteuning van albei groepe.
Sonder hulle hulp sou baie van projekte net nie moontlik gewees
het nie!
Suid-Afrikaanse vrywilligers
Ons beskik tans oor ’n omvattende program vir plaaslike
vrywilligers met 80 vrywilligers wat ons met onder meer
huiswerk, verskeie terapeutiese programme, perdry, musiek,
biblioteekpligte, logistiek, instandhoudings- en administratiewe
take help, asook met verskeie spesiale geleenthede wat regdeur
die jaar by die Kinderhuis gereël word.
Internasionale vrywilligers
Bo en behalwe ons Suid-Afrikaanse vrywilligers het ons ook
ongeveer 35 internasionale vrywilligers wat op die perseel
woon en op ’n daaglikse grondslag met kindersorg help deur
dag- en nagskofte te werk. Hulle help ook met ons sport-,
logistieke, opvoedkundige en maatskaplikewerk-departemente.
Die vrywilligers bring ’n rykdom aan kennis en kundigheid met
hulle saam, asook die heel belangrikste aspek, naamlik dat hulle
ons kinders se horisonne verbreed deur hulle aan die groot wye
wêreld daarbuite bekend stel en hulle ’n blik op die opwinding,
geleenthede en moontlikhede bied wat dalk later in die lewe op
hulle kan wag. Ons vrywilligers is ’n wonderlike hulp vir al ons
personeel en kinders.
Prosedure wat vir die werwing van vrywilligers gevolg word
Ons hou elke laaste Dinsdag van elke maand ’n inligtingsessie
vir vrywilligers by die Kinderhuis. Dit is die eerste stap om by ons
program betrokke te raak. Hierdie sessies begin om 18:30 en
duur vir ’n uur en ’n half. Verskeie personeellede praat oor die
behoeftes van hul onderskeie departemente en gee ook ’n oorsig
oor die werk wat hulle by ons Kinderhuis verrig. Ons bespreek die
areas waar die vrywilligers ons behulpsaam kan wees, en lig die
belangrikste behoeftes uit. Al die betrokke aansoekvorms word
uitgedeel en ons vra dat elke vrywilliger ons van die besonderhede
van drie referente asook ’n gesertifiseerde afskrif van hul ID
en polisieklaring voorsien. Bywoning van ’n inligtingsessie is
verpligtend as iemand by ons vrywilligersprogram wil aansluit
en dit kan tot ’n maand duur na die bywoning om verwysings
na te gaan, polisieklaring te kry en die papierwerk af te handel.
U sal dan geskakel word om ’n meer spesifieke oriënteringsen
opleidingsessie in die departement waarvoor u u dienste
aangebied het, by te woon.
Ons wil graag van hierdie geleentheid gebruik maak om al ons
internasionale en Suid-Afrikaanse vrywilligers te bedank vir hul
passie en goeie gesindheid. Dit is regtig ’n inspirasie vir ons
almal en dit is wonderlik om te weet dat daar so baie mense in
die wêreld is wat gewillig is om ons op soveel maniere te help!
Baie dankie!
Fondsontwikkeling
As gevolg van die toewyding van ons fondsinsamelingspanne
is genoeg fondse gegenereer om in die behoeftes van ons
begunstigdes te voorsien. Gedurende hierdie boekjaar het
die span daarin geslaag om meer as R10 miljoen in te samel,
wat 10% minder as die vorige boekjaar is. Weens sy ligging
in ’n gegoede buurt bestaan die persepsie dat die Durbanville
Kinderhuis ’n welgestelde organisasie is, wat fondsinsameling
baie moeilik maak.
Befondsing
Die Durbanville Kinderhuis plaas ’n hoë premie op sy
fondsontwikkelingsafdeling en -strategie ten einde ’n sterk
klem op onder meer etiese fondsinsameling, oop en gereelde
kommunikasie met skenkers, toegang tot internasionale markte,
beskerming van skenkers se privaatheid en langtermynvennootskappe
met skenkers te verseker.
Die departement maatskaplike ontwikkeling het gedurende die
afgelope boekjaar die grootste finansiële inset (28%) gelewer.
Bron van
befondsing
2011/2012
2010/2011-
boekjaar
2009/2010-
boekjaar
Individue 1 696 508 2 656 805 1 489 700
Korporatiewe
sektor
1 597 354 1 644 145 1 414 574
Gemeentes 198 431 278 414 276 481
Erflatings 1 234 171 898 651 1 186 175
In goedere
betaal
Geleenthede/
bemarking
396 379 792 952 759 947
1 324 909 1 176 247 492 523
Skenkersregte
Ons fondsinsamelingsbeleid verseker dat skenkers die reg het om
naamloos te bly. Alles moontlik word egter gedoen om die bydraes
van alle skenkers te erken. Ons maak egter nie hulle betrokkenheid
by die Kinderhuis bekend sonder om vooraf goedkeuring daarvoor
te kry nie. Ons verleen ook op ons skenkerbord erkenning aan
maatskappye en individue wat meer as R25 000,00 per jaar skenk.
Ons behou ons die reg voor om ’n skenking van die hand te wys
as die bron in konflik met ons visie, missie en beginsels is. Geen
skenkings is gedurende hierdie jaar van die hand gewys nie.
Bemarking
Die doel van die bemarkingstrategie by die Durbanville Kinderhuis
is om potensiële borge en vrywilligers oor die tehuis se behoeftes in
te lig. Ons fokus op die waarde wat die borg tot ’n kind se lewe kan
toevoeg, en ons bou ons bewustheidsveldtogte op die behoeftes
en prestasies van ons kinders, en verleen erkenning daaraan dat
ons borge uiteindelik tot die welsyn van ons begunstigdes bydra.
Kommunikasie met skenkers vorm die grondslag van soliede
langtermyn-vennootskappe en dit word die beste bereik deur
kwartaallikse nuusbriewe, e-posse, terreinbesoeke en toegang tot
die Durbanville Kinderhuis se herontwerpte webwerf. Kwartaallikse
verslae en uitslae van moniterings- en evalueringsprosesse
word op versoek aan skenkers gestuur. Die tehuis moedig ook
terugvoering van ons skenkers aan en reageer vinnig op klagtes.
Die Durbanville Kinderhuis het ’n goed gevestigde reputasie as
’n organisasie wat oor gesonde beginsels beskik. Dit sluit in ons
bestuur en menslike hulpbronne, en die uitsonderlik hoë vlak
waarop die versorging van ons begunstigdes geskied. Dit kom
nuttig te pas in ons publisiteits- en fondsinsamelingsaktiwiteite, en
het ons as ’n legitieme en betroubare liefdadigheidsorganisasie
geposisioneer.
Alle kinders het vlerke, ons leer hulle om te vlieg! 5

Menslike hulpbronne
Bestuur
Die Durbanville Kinderhuis is ’n program van BADISA. BADISA voorsien
die tehuis dus van professionele bystand asook ’n beleid en riglyne, en
verseker dat hy in die immer veranderende behoeftes van kinders wat
sorg en veiligheid nodig het, voorsien. Die Durbanville Kinderhuis is ook
by die departement maatskaplike ontwikkeling geregistreer en is dus aan
die regering se beleide en beginsels onderworpe.
Die Durbanville Kinderhuis is sensitief vir die behoefte van werknemers,
vrywilligers en vennote om oor die tehuis se belangrike besluite ingelig te
word, asook om terugvoering oor menslikehulpbron-kwessies te ontvang.
Ons het ’n toegewyde, lojale personeelkomponent van 53 permanente
werknemers en drie kontrakwerkers.
Female Male Black White
Voltydse personeel 42 11 35 18
Ons het nie ons personeelkomponent oor die verslagdoeningstydperk
uitgebrei nie, en is bly om te kan berig dat slegs een persoon gedurende
hierdie tydperk bedank het. Ons het ’n baie lae afwesigheidskoers van 1,5%,
en het een persoon gedurende die verslagdoeningstydperk afgedank.
As organisasie plaas ons ’n hoë premie op streng bestuurskontroles en
konsekwente toepassing van beleide in alle departemente.
Betrokkenheid deur belanghebbendes
Die Durbanville Kinderhuis is sensitief vir die behoefte van werknemers om
oor belangrike besluite ingelig te word, asook om daaglikse terugvoering
oor dag-tot-dag-aangeleenthede te ontvang. Ons het ’n maandelikse
personeelvergadering waar die Kinderhuis se bestuurder as voorsitter
optree en terugvoering bied oor verskeie kwessies asook verandering
in beleide, en die personeel die geleentheid gee om insette aan die
bestuurspan te lewer. Ons het ook daaglikse vergaderings tussen die
bestuurder, betrokke rolspelers en die kindersorgwerkers waar enige
dringende sake geopper kan word. As gevolg hiervan is die proses vir die
hantering van relevante kwessies doeltreffend en vaartbelyn sodat ’n beter
diens vir ons kinders gelewer kan word.
Alle personeellede het ’n vertroulike kultuur-en-klimaatsopname ingevul.
Die uitslag was grootliks positief, en die areas met die laagste tellings is
tydens werkswinkels bespreek waar personeel die geleentheid gebied is
om voorstelle te doen om die huidige negatiewe persepsies te verbeter.
Personeelopleiding
As gevolg van ’n gebrek aan fondse fokus ons personeelopleiding
op indiensopleiding. Gassprekers of ons maatskaplike werkers bied
maandelikse opleidingsessies vir ons kindersorgwerkers aan. Weens
finansiële beperkings is slegs 50% van ons jaarlikse begrotingstoewysing
vir personeelopleiding bestee.
Beheerraadslede
• Mnr GW Davids
Voorsitter: Beheerraad
Lid van die Ontwikkelingskomitee
• Mnr FJ Agenbach
Ondervoorsitter: Beheerraad
Voorsitter: Finansiële komitee
• Mnr HCA de Villiers
Lid van die Beheerraad
Voorsitter: Komitee oor geboue en eiendomme
• Adv JA (Fef) le Roux SC
Lid van die Beheerraad
Voorsitter: Personeelkomitee
• Dr D Carolus
Lid van die Beheerraad
Lid Professionele dienste komitee
• Mev LT Lennox
Lid van die Beheerraad
Voorsitter: Professionele dienste komitee
• Ds A van Wyk
Lid van die Beheerraad
Lid van die Personeelkomitee
• Mnr B Bastiaan
Lid van die Beheerraad
Lid van die Ontwikkelingskomitee
• Mnr PR Bezuidenhout
Lid van die Beheerraad
Bestuurder: Durbanville Kinderhuis
• Mev M du Buisson
Boekhouer
• Mev S Serfontein
Sekretaresse
6 Alle kinders het vlerke, ons leer hulle om te vlieg!

Donateurs
Namens die 144 kinders in ons sorg bedank ons elke onderneming, individu, maatskappy, instelling en gemeenskapsgroep wat so
mildelik tot die Durbanville Kinderhuis bygedra het, hetsy finansieel, of deur dienste aan te bied of items te skenk. Met u bystand het
ons ’n sterk ondersteuningsbasis opgebou, en ons is so dankbaarvir al hierdie bydraes.
Individue/maatskappye (donateurs bo R15 000)
Ajax Kaapstad
Andrag Trust
Andrew Inggs
Anglo American Voorsitterstrust
ApexHi Liefdadigheidstrust
Appletiser
ASLA Holdings
Barloworld Toyota Tygervallei
BelgieseOntwikkelingsagentskap
Betz Familie
Boedel wyle PC Laubscher
Bokomo
Bornman& Hayward
Cape Foods
CDR Ingenieurs
Chantelle Geldenhuys
Checkers
Chep
Christo Terblanche
CiplaMedpro
Clicks
Consol Glass
Cornelis & Hannel Ham
Deon & Anita Meyer
Durbanville Commercial Printers
Durbanville Hills
EB Grove Helpende Hand Trust
geadministreer deur BoE private kliënte
ENVERV
Enviro Safe
FC Carter Liefdadigheidstrust
FNB-Tygerberg
Francois Smith
Franz & Marinda de Wet
Gemeenskapskas
Hein Doman
Hendrieka Ferreira
Hire 4 U
Hoctor’s Shamrock Slaghuis
Indawo
Jacobus Eduard Delport
Johan Rademan
Karen Janzen van Vuuren
Klerebank
L & S Chiappini Liefdadigheidstrust
geadministreer deur BoE private kliënte
Lewis Stores (Edms) Bpk
Liberty Life
Loewenstein Trust no.1
Lughawensmaatskappy van Suid-Afrika
(ACSA)
Media 24
Medikliniek CSI
Melissa’s
Melon Consulting
Michael Mol
Mr Espinoza
Mr Price
My School-projek
NGK Durbanville
NGK Durbanville-Bergsig
NGK in Suid-Afrika
Nicky Hagan
Niel & Ilze Erasmus
NuLaid Eggs
NWE Consult Engineer
Ou Mutual
Paarl TV & Video
PEP Stores
Pioneer Foods (Edms) Bpk
Quantum Leap Consulting
Rhebokskloof-wynlandgoed
Roundone Grafiese Ontwerp
RSG
Safari Centre
Sanet le Roux
Senekal Allen & Partners
SGM Productions
Soli Philander
Target Cranes
Tax Corp
The Joan Pettigrew-beurstrust
Tithing Trust
Toks van der Linde
To-Netts
TongaatHulettGroep
Tru-Temp Air Conditioning
Tydstroom
Tygerburger
Umhlaba Plant Service
UPS
Uriah Design
Viva Formwork & Scaffolding
Werda Cargo
WiaanSmit
Wiehahn Trust
Woolworths CSI
Yardstick
Zanne Stapelberg
Alle kinders het vlerke, ons leer hulle om te vlieg! 7