DIE SUID-AFRIKAANSE MUSIEKWAARDERING EN ...

1 

MEMORANDUM VAN OOREENKOMS 

AANGEGAAN DEUR EN TUSSEN: 

DIE SUID-AFRIKAANSE MUSIEKWAARDERING EN ONTWIKKELINGSKOOL BK 

Reg. No.: CK2000/022831/23 

(hierna “die fransesgewer” genoem) 

en 

Identiteitsnommer: _____________________________ 

(hierna “die fransesnemer” genoem) 

AANHEF: 

AANGESIEN: 

1. Die fransesgewer die reg bekom het om ’n bedryfstelsel as franses te bedryf, tesame met alle immaterieel goedereregte daarin, 

wat daarmee saam gebruik word, welke bedryfstelsel ten doel het om kinders toe te rus in musiekwaardering en basiese 

musikale beginsels; 

2. Die fransesnemer begerig is om ‘n besigheid, waardeur kinders toegerus word in musiekwaardering en basiese musikale 

beginsels, op te rig en te bedryf en om vir hierdie doel die fransesgewer se bedryfstelsel en immaterieel goedereregte te gebruik; 

3. Lisensieer die fransesgewer hiermee sodanige gebruik onderworpe aan die bepalings en op die voorwaardes van hierdie 

ooreenkoms. 

NOU EN DERHALWE KOM DIE PARTYE SOOS VOLG OOREEN:

2 

1. Woordomskrywings: 

Tensy dit uit die samehang andersins blyk, het die volgende woorde die volgende betekenisse: 

1.1 die “bedryfstelsel” beteken ‘n stelsel wat ten doel het om kinders toe te rus in musiekwaardering en basiese 

musikale beginsels, wat deur die fransesgewer bekom is en in die bedryfshandleiding uiteengesit en vervat is, 

en sluit enige verbeterings of wysigings wat aan die bedryfstelsel gemaak is, in; 

1.2 die “aanvangsdatum” beteken die datum van ondertekening van hierdie ooreenkoms; 

1.3 die “fransesbedryf” beteken die bedryf van ‘n besigheid om kinders toe te rus in musiekwaardering en basiese 

musikale beginsels en wat bedryf word ooreenkomstig die bedryfstelsel met gebruikmaking van die 

immaterieel goedere; 

1.4 die “outeursregte” beteken alle outeursregte hetsy dit nou bestaan of in die toekoms ontstaan op en tot: 

1.4.1 die bedryfshandleiding; 

1.4.2 die tewoordstelling van kundigheid, hetsy opgeneem in die bedryfs-handleiding of in enige ander 

dokumente of vorm, hoegenaamd; 

1.5 die “klandisiewaarde” beteken die klandisiewaarde wat uit die gebruik van die bedryfstelsel en die 

immaterieel goedere van die fransesgewer en al sy fransesnemers, met inbegrip van die fransesnemer, spruit; 

1.6 die “immaterieel goedere” omvat, maar is nie beperk nie tot: 

1.6.1 die kundigheid; 

1.6.2 die outeursreg; 

1.6.3 die klandisiewaarde; 

1.6.4 die handelsmerke. 

1.7 die “kundigheid” omvat alle vertroulike tegniese inligting en handelsinligting betreffende die gebruik van die 

bedryfstelsel, wat van tyd tot tyd bestaan, met inbegrip van, sonder beperking tot, inligting in die bedryfshandleiding 

of ander dokumente vervat tesame met onopgetekende inligting bekend aan persone wat 

ampsdraers of werknemers van die fransesgewer is. Tegniese inligting omvat alle spesifikasies en metodes 

wat deur die fransesgewer bekom is; 

1.8 die “bedryfshandleiding” beteken kollektief alle items waarna verwys word in Pakket A, B, C, D, E en F en 

aangevul deur verdere skriftelike aanwysings of voorskrifte of ses maandelikse omsendbriewe, wat 

besonderhede verskaf oor die bedryfstelsel en die immaterieel goedere en wat kundigheid oordra, soos van 

tyd tot tyd gewysig en aangevul; 

1.9 die “gebied” beteken ___________________________________________________________________ 

____________________________________________________________________________________ 

____________________________________________________________________________________ 

____________________________________________________________________________________ 

____________________________________________________________________________________ 

(soos aangetoon in ‘n kaart hierby aangeheg gemerk Aanhangsel “A”) of sodanige ander gebied wat die 

fransesgewer van tyd tot tyd aan die fransesnemer mag toeken ingevolge hierdie ooreenkoms; 

1.10 die “handelsmerke” beteken die geregistreerde of ongeregistreerde handelsmerke wat in Aanhangsel “B” 

uiteengesit word, tesame met sodanige geregistreerde of ongeregistreerde handelsmerke wat die fransesgewer 

van tyd tot tyd mag aanneem en aanwys vir gebruik in verband met die fransesbedryf; 

1.11 die “handelsgeheime” omvat alle vertroulike inligting van welke aard ookal betreffende die besigheid van die 

fransesgewer en sy ander fransesnemers, die bedryfstelsel en die immaterieel goedere;

3 

1.12 “Pakket A” (Module 1 en 2) beteken en bestaan uit die volgende: 

1.12.1 Opleidingshandleiding; 

1.12.2 Administratiewe handleiding en CD; 

1.12.3 Bemarkingslêer en demonstrasie CD; 

1.12.4 Module 1 en 2 kurrikulumhandleidings; 

1.12.5 Module 1 en 2 beluistering- en storielêers; 

1.12.6 Liedjieshandleiding; 

1.12.7 3 x CD’s met beluisteringmateriaal; 

1.12.8 1 x CD met orkeswerke; 

1.12.9 1 x CD met dansies; 

1.12.10 1 x CD met partiture en musiekspele; 

1.12.11 1 x CD met liedjies; 

1.12.12 3 x Kleurpartiture; 

1.12.13 26 x Gelamineerde kaarte met musiekterme, tekens en note; 

1.12.14 10 x Slaginstrumente; 

1.12.15 Die volgende addisionele benodigdhede: 1 lang tou en stok; houertjie met forelvliegies; 10 klein 

stokkies met 10 toutjies; 10 skêre; huiswerk skryfbordjie; 10 bont lappe; 1 hoepel; 1 

plastiekhouer; 1 boekstaander. 

1.12.16 Items wat deur ouers aangekoop moet word vir die kinders: 

1.12.16.1 1x Werkboek. 

1.13 “Pakket B” (Module 3 en 4) beteken en bestaan uit die volgende: 


1.13.2 Module 3 en 4 kurrikulumhandleiding; 

1.13.3 Module 3 beluistering- en storielêer; 

1.13.4 A3 gelamineerde beluistering- en storieprente; 


1.13.6 1 x CD met module 4 beluisteringmateriaal, orkeswerke, musiekpartiture, liedjies en blokfluit 

begeleiding; 

1.13.7 1 x CD met gevorderde blokfluitliedjies begeleiding; 



1.13.10 1 x CD met liedjies en dansies; 

1.13.11 1 x CD met orkeswerke; 



1.13.14 A3 Blokfluit werkboek; 

1.13.15 Aanbieder blokfluitliedjies repertoire boek; 

1.13.16 10 x Afrika instrumente;

4 

1.13.17 11 x Blokfluite; 

1.13.18 Die volgende addisionele items: 11 gelamineerde A3 geel karton bladsye met notebalke op: 

8 groot gekleurde note; 240 klein gelamineerde note; 1 plastiekhouer. 


1.13.19.1 2 x Blokfluit werkboeke; 

1.13.19.2 1 x Blokfluit; 

1.13.19.3 1 x Werkboek. 

1.14 “Pakket C” (Module 1,2, 3 en 4) beteken en bestaan uit die volgende: 




1.14.4 Module 1, 2, 3 en 4 kurrikulumhandleidings; 

1.14.5 Module 1, 2 en 3 beluistering- en storielêers; 

1.14.6 A3 gelamineerde beluistering- en storieprente; 


1.14.8 A3 blokfluit werkboek; 

1.14.9 Aanbieder blokfluitliedjies repertoire boek; 

1.14.10 1 x CD met module 4 beluisteringmateriaal, orkeswerke, partiture, liedjies en blokfluit 

begeleiding; 

1.14.11 1 x CD met gevorderde blokfluitliedjies begeleiding; 


1.14.13 2 x CD’s met orkeswerke; 

1.14.14 1 x CD met dansies; 


1.14.16 1 x CD met liedjies; 




1.14.20 10 x Afrika instrumente; 

1.14.21 11 x Blokfluite; 

1.14.22 Die volgende addisionele benodigdhede: 1 lang tou en stok; houertjie met forelvliegies; 10 klein 

stokkies met 10 toutjies; 10 skêre; huiswerk skryfbordjie; 10 bont lappe; 1 hoepel; 2 

plastiekhouers; 8 groot gekleurde note; 240 klein gelamineerde note; 11 gelamineerde A3 geel 

karton bladsye met notebalke op; 1 boekstaander. 


1.14.23.1 2 x Blokfluit werkboeke; 

1.14.23.2 1 x Blokfluit; 

1.14.23.3 1x Werkboek. 

1.15 “Pakket D” (Module 1 en 2) beteken en bestaan uit die volgende:

5 





1.15.5 Module 1 en 2 grafiese illustrasies; 


1.15.7 1 x Liedjies CD; 

1.15.8 4 x CD’s met beluisteringmateriaal; orkeswerke; dansies; musiekspele; liedjies; 


1.15.10 Die volgende addisionele benodigdhede: huiswerk skryfbordjie; 10 bont lappe; 2 hoepels; 1 

plastiekhouer; 1 bal; 4 handpoppe; 11 skulpe; 11 toue; 11 dun serpies; 1 Rooikappie; 1 

verestoffer; 1 Boontjiesakkie; Hand vol knopies; 1 Vingerpop muis; 1 Wolf hoedjie; 1 

kopdoek; 11 sagte speelgoed; 1 boekstaander; 1 pienk kombersie; 1 blou kombersie en 1 geel 

kombersie. 


1 x Werkboek. 

1.16 “Pakket E” (Module 1 en 2) beteken en bestaan uit die volgende: 





1.16.5 Module 1 en 2 grafiese illustrasies; 



1.16.8 4 x CD’s met beluisteringmateriaal; orkeswerke; dansies; musiekspele; liedjies; 


1.16.10 Die volgende addisionele benodigdhede: 10 klein poppies; 1 lappop; 2 meter geel lap; 1 hoepel; 

30 krale (rooi, geel, blou); 10 skoenveters; 10 sagte speelgoed hondjies; 10 plastiek voëltjies; 

tee-stelletjie; gesigverf; 10 waslappies; filt kersboompie met klokkies; 10 ronde gelamineerde 

gesiggies; 10 kombersies; 10 kussinkies; 10 sagte deursigtige lappe; 3 varkies hoede; 1 

wolfhoed; 3 manteltjies; tafeldoekie; handpoppies: hompie kedompie, gemmerkat, swartkat, 

groenvlerkduifie, mamma aap, baba aap, pinocchio en seuntjie; vingerpoppies: 2 bosbokkies, 2 

steenbokkies, 2 rooi bokkies, 2 kudus, 10 swart katjies, 10 kindertjies (5 lag en 5 huil); 30 

houtblokkies; 1 zebra handpop; 1 los zebra (sonder strepies), los swart strepies. 


1 x Werkboek. 

1.17 ‘Pakket F” (Module 1 en 2) beteken en bestaan uit die volgende: 





1.17.5 Module 1 en 2 grafiese illustrasies in die vorm van foto’s;

6 



1.17.8 4 x CD’s met beluisteringmateriaal, orkeswerke, dansies, musiekspele en liedjies; 


1.17.10 Die volgende addisionele benodigdhede: 10 tekstuurboekies; 10 kombersies, verskeidenheid 

syblomme; 10 groot waslappe; kewertjie handpop; ’n hoepel; 20 deursigtige lappies; 4 wiele en 

6 vensters uit karton; 10 vere; hout boublokkies; 10 houtlepels; 10 lig en loerboekies; 1 

vliegtuig; 1 boot; 1 rooi plastiekneus; 10 rooi gelamineerde driehoeke; 10 groen gelamineerde 

sirkels; 10 onder die water uitrustings; 1 plastiek oor; ‘n lyfie legkaart; pappegaai prent; 10 

gesiggies wat lag; 2 plastiekhandskoene; vilt kwagga met los strepies. 


1 x Werkboek. 

Verdere Pakket F benodigdhede sal volledig gelys word sodra ontwikkeling voltooi is. 

1.18 die "standaard kwartaallikse fooi" beteken die aanbevole kwartaallikse fooi soos van tyd tot tyd deur die 

fransesgewer in terme van die bedryfshandleiding bepaal word, met dien verstande dat waar die fransesgewer 

en fransesnemer 'n kwartaallikse fooi hoër as die aanbevole kwartaallikse fooi in terme van die 

bedryfshandleiding beding het, sodanige hoër kwartaallikse fooi as die standaard kwartaallikse fooi geag sal 

word; 

1.19 die "administrasiefooi" beteken die administrasiefooi wat van tyd tot tyd deur die fransesgewer in terme van 

die bedryfshandleiding bepaal is; 

1.20 woorde in die enkelvoud sluit die meervoud in en omgekeerd; 

1.21 woorde wat enige een geslag impliseer sluit elkeen van die ander twee geslagte in; 

1.22 ‘n verwysing na ‘n natuurlik persoon sluit ‘n regspersoon in; en 

1.23 behalwe waar verwys word na die eerste of laaste dag van ‘n maand, beteken “dag” elke dag behalwe 

Saterdae, Sondae en openbare feesdae; 

1.24 Die opskrifte van die klousules is slegs geriefshalwe daar en sal nie die uitleg van hierdie ooreenkoms raak 

nie. 

2. Verlening van franses 

2.1 Die fransesgewer verleen hiermee aan die fransesnemer ’n lisensie om vir die duur van hierdie ooreenkoms 

die fransesbedryf in die gebied en streng ooreenkomstig die bedryfshandleiding en onderworpe aan die terme 

en voorwaardes van hierdie ooreenkoms te bedryf; 

2.2 Hierdie ooreenkoms neem ’n aanvang op die aanvangsdatum en sal voortduur vir ‘n tydperk van 

____________ (____________________________) maande/jaar daarna (hierna genoem die 

“beëindigingsdatum”), tensy beëindig voor of na die beëindigingsdatum alternatiewelik verleng word 

ingevolge die bepalings van klousule 3 hiervan. 

3. Verlenging van die ooreenkoms 

3.1 Die fransesnemer sal geregtig wees om hierdie ooreenkoms te verleng ingevolge die bedinge en behoudens 

die voorwaardes hieronder uiteengesit, onderworpe daaraan dat: 

3.1.1 die fransesnemer nie in kontrakbreuk of versuim ten opsigte van enige van die bedinge van hierdie 

ooreenkoms is nie, en 

3.1.2 die fransesnemer verplig sal wees om die dele van die bedryfstelsel, ten aansien waarvan hy die 

lisensie hou in terme van hierdie ooreenkoms, op te gradeer vir gebruik in die verlengde periode 

deur

7 

3.1.2.1 alle nuwe materiaal in die betrokke bedryfstelsel, wat verder uitgebrei, verbeter en 

aangepas is deur die fransesgewer soos op datum van verlenging, aan te koop; en 

3.1.2.2 alle verouderde matariaal in die betrokke bedryfstelsel aan die fransesgewer terug te 

besorg ten einde te verseker dat die betrokke matariaal nie meer in sirkulasie en gebruik 

is nie; en 

Die gemelde aankope sal deur die fransesgewer gelewer word teen opgraderingsfooie soos bepaal 

deur die fransesgewer van tyd tot tyd, met die voorbehoud dat die fransesgewer sal poog dat die 

opgraderingsfooie nie meer as R2500-00 (Twee duisend vyfhonderd Rand) oor 'n 3 (drie) jaar 

periode sal wees nie en nie enige ontwikkelingskostes sal insluit nie. Die fransesnemer erken dat 

sodanige aankope en opgradering noodsaaklik is vir die suksesvolle bedryf van die fransesbedryf. 

Die fransesgewer sal alle redelike stappe neem om te verseker dat sodanige items bekostigbaar is 

en dat die koopprys daarvan markverwant is. Indien ‘n dispuut sou ontstaan ten aansien van die 

prys en die bekostigbaarheid al dan nie van alle nuwe materiaal, sal die fransesnemer geregtig 

wees om die aangeleentheid te verwys na die Rekenmeester van die fransesgewer ten einde ‘n 

markverwante prys te bepaal en te besluit oor die bekostigbaarheid daarvan. Indien die 

Rekenmeester bevind dat die kostes wel markverwant en bekostigbaar is, sal die fooie en uitgawes 

van die Rekenmeester deur die fransesnemer betaalbaar wees. 

3.2 Die fransesnemer sal deur skriftelike kennisgewing aan die fransesgewer, gegee en ontvang minstens 3 

(DRIE) kalendermaande voor die beëindigingsdatum, verplig wees om aan die fransesgewer kennis te gee of 

hy hierdie ooreenkoms wil verleng, aldan nie; 

3.3 Die tydperk waarvoor hierdie ooreenkoms na die beëindigingsdatum verleng mag word, is 3 (DRIE) jaar, wat 

‘n aanvang sal neem op die datum wat onmiddellik volg op die beëindigingsdatum; 

3.4 Die fransesnemer sal, na verstryking van die tydperk waarna in klousule 3.3 verwys word, geregtig wees om 

hierdie ooreenkoms te verleng vir opeenvolgende tydperke van 3 (DRIE) jaar, deur skriftelike kennis 

ooreenkomstig klousule 3.2 hiervan; 

3.5 Al die bedinge van hierdie ooreenkoms sal voortgaan om gedurende enige verlengingstydperk van toepassing 

te wees, behalwe soos in hierdie ooreenkoms anders bepaal. 

3.6 Indien die verlengingsreg behoorlik uitgeoefen word, word hierdie ooreenkoms outomaties hernu, sonder dat 

enige verdere handelinge deur die partye nodig is; 

3.7 Indien hierdie ooreenkoms vir enige rede nie voortduur vir enige tydperk waarna in hierdie klousule 3 verwys 

word nie, verval die reg om hierdie ooreenkoms te verleng en enige kennisgewing van uitoefening daarvan 

gegee voor sodanige verval, is nietig en ongeldig. 

4. Betalings en tantième 

4.1 Betalings: 

4.1.1 Die fransesnemer sal, op aanvraag, aan die fransesgewer, ‘n bedrag van 

R___________________(_______________________________________RAND) betaal, synde 

die koste van die gekose Pakket, alternatiewelik sal die fransesnemer aan die fransesgewer die 

koste van die gekose Pakket afbetaal, soos volg: 

4.1.2 Indien die fransesnemer, gedurende die verloop van hierdie ooreenkoms, die keuse uitoefen om ‘n 

verdere Pakket te bekom, sal die fransesnemer die koste van sodanige verdere Pakket op aanvraag

8 

aan die fransesgewer oorbetaal alternatiewelik sal die fransesnemer betalings aan die fransesgewer 

maak ten opsigte van die koste van sodanige verdere Pakket, in paaiemente soos skriftelik van tyd 

tot tyd tussen die partye ooreengekom. 

4.2 Tantième: 

4.2.1 Die fransesnemer sal, vir die duur van hierdie ooreenkoms, wat insluit alle verlengingstydperke, 

aan die fransesgewer die volgende tantième per pakket betaal: 

4.2.1.1 'n bedrag gelykstaande aan die standaard kwartaallikse fooi van drie kinders per 

pakket, welke tantième kwartaalliks agteruitbetaalbaar sal wees; en 

4.2.1.2 'n bedrag gelykstaande aan die jaarlikse administrasiefooi van drie kinders per pakket, 

welke tantième jaarliks agteruitbetaalbaar sal wees. 

4.2.2 Die tantième ten opsigte van die kwartaallikse fooie, sal kwartaalliks soos volg agteruitbetaalbaar 

wees: 

4.2.2.1 indien hierdie ooreenkoms gesluit word in die eerste helfte van 'n kwartaal, dan sal die 

eerste betaling betaalbaar wees teen nie later as die laaste dag van die betrokke 

kwartaal waarin hierdie ooreenkoms gesluit word en daarna voor of op die laaste dag 

van elke daaropvolgende kwartaal; 

4.2.2.2 indien hierdie ooreenkoms gesluit word in die tweede helfte van enige kwartaal, dan sal 

die eerste betaling betaalbaar wees teen nie later as die laaste dag van die kwartaal wat 

volg op die kwartaal waarin hierdie ooreenkoms gesluit word en daarna voor of op die 

laaste dag van elke daaropvolgende kwartaal; 

4.2.3 Die tantième ten opsigte van die administrasiefooie sal jaarliks teen nie later as die laaste dag van 

die eerste kwartaal van die betrokke jaar of die laaste dag van die kwartaal wat volg op die 

kwartaal waarin hierdie ooreenkoms gesluit word agteruitbetaalbaar wees. 

4.2.4 Die standaard kwartaallikse fooi en jaarlikse administrasiefooi, soos per paragraaf 4.2.1.1 en 

4.2.1.2 sal van tyd tot tyd bepaal word by wyse van 'n omsendbrief, welke omsendbriewe geag sal 

word deel te wees van die ooreenkoms. 

4.3 Algemene bepalings betreffende betalings en tantième: 

4.3.1 Alle betalings verskuldig deur die fransesnemer aan die fransesgewer ingevolge hierdie 

ooreenkoms, moet betaal word aan die fransesgewer by die adres vermeld in klousule 13.1.1 

hiervan of aan so ‘n persoon of by so ‘n plek, aangewys deur die fransesgewer deur skriftelike 

kennisgewing aan die fransesnemer, van tyd tot tyd; 

4.3.2 Die fransesnemer mag nie enige betaling verskuldig in terme van hierdie ooreenkoms terughou, 

uitstel of enige aftrekking daarvan maak nie, hetsy die fransesgewer onder verpligting staan 

teenoor die fransesnemer of in kontrakbreuk ten opsigte van enige verpligtinge teenoor die 

fransesnemer is, aldan nie; 

4.3.3 Alle betalings, tantième en ander bedrae betaalbaar deur die fransesnemer kragtens hierdie 

ooreenkoms, sluit belasting op toegevoegde waarde in, waar dit van toepassing is; 

4.3.4 Die fransesgewer sal geregtig wees om die volgende administrasiefooi/e, rente en boetes te hef ten 

aansien van alle betalings wat gemaak word na die datum betaalbaar in terme van hierdie 

ooreenkoms: 

4.3.4.1 R250-00 administrasiefooi per maand of enige gedeelte van ‘n maand, ten aansien van 

elke laat betaling van tantième; en

9 

4.3.4.2 R250-00 administrasiefooi per maand of enige gedeelte van ‘n maand ten aansien van 

elke laat betaling van ‘n paaiement ten aansien van die afbetaling van ‘n pakket; en 

4.3.4.3 R150-00 administrasiefooi per maand of enige gedeelte van ‘n maand, ten aansien van 

elke laat betaling van ‘n faktuur gelewer deur die fransesgewer ten aansien van ‘n 

produkbestelling. 

4.3.4.4 Benewens die administrasiefooi/e sal die fransesgewer geregtig wees om rente te 

verhaal ten aansien van alle agterstallige bedrae betaalbaar ingevolge hierdie 

ooreenkoms. Indien van toepassing sal rente bereken word teen ‘n koers van 3% 

(DRIE PERSENT) per jaar hoër as die prima rentekoers per jaar van ABSA Bank 

Beperk van tyd tot tyd, bereken vanaf die verskuldigde datums van sulke bedrae, totdat 

hulle onderskeidelik ten volle betaal is; 

4.3.4.5 Benewens die administrasiefooi/e en rente sal die fransesgewer geregtig wees om ‘n 

boete van 20% (twintig persent) per maand te hef ten aansien van die uitstaande bedrag 

op enige pakket of produkbestelling, indien die uitstaande bedrag meer as R2 000-00 

(Twee duisend Rand) beloop en die fransesnemer versuim om enige betaling ten 

aansien daarvan tydig te maak soos bepaal in hierdie ooreenkoms. 

4.3.5 

4.3.5.1 Indien hierdie ooreenkoms te enige tyd vir enige rede beëindig sou word, sal die 

fransesgewer, afhangende van die toestand van die items ten opsigte van die Pakket wat 

in daardie stadium in die fransesnemer se besit is en na teruglewering daarvan, aan die 

fransesnemer ‘n bedrag terugbetaal wat nie meer sal wees nie as die helfte van die 

aanvanklike koste daarvan welke bedrag in die fransesgewer se alleendiskresie sal 

wees. Die items waarna verwys word in hierdie klousule slaan slegs op daardie items 

ten opsigte waarvan die fransesgewer nie eiendomsreg voorbehou soos beskryf in 

klousule 7 hiervan. Die fransesnemer onderneem om alle fakture, kwitansies en 

soortgelyke dokumentasie te behou as bewys van die aanvanklike koste van die 

onderskeie items; 

4.3.5.2 Die bepalings vervat in klousule 4.3.5.1 sal egter net geld indien die fransesnemer nie 

in versuim is ten opsigte van enige van die bepalings van hierdie ooreenkoms nie. 

5. Pligte van die fransesgewer 

5.1 Die fransesgewer sal, met dien verstande dat die betalings waarna in klousule 4.1.1 hiervan verwys word, 

gemaak is (indien die fransesnemer nie die koste van die gekose Pakket in paaiemente gaan afbetaal nie): 

5.1.1 die bedryfstelsel en die immaterieel goedereregte wat ingevolge hierdie ooreenkoms aan die 

fransesnemer gelisensieer is, aan die fransesnemer bekend maak; 

5.1.2 aan die fransesnemer alle items wat ingesluit is in die Pakket wat deur die fransesnemer bekom 

word, lewer. 

5.2 Die fransesgewer sal opleiding aan die fransesnemer gee in die bedryfstelsel, welke opleiding ‘n aanvang sal 

neem by ‘n plek wat deur die fransesgewer bepaal sal word, terwyl die tyd, duur en omvang van die opleiding 

ook deur die fransesgewer bepaal sal word. Die fransesnemer sal egter aanspreeklik wees om al die onkoste, 

met inbegrip van reis- en verblyfkoste van die opleiding, te betaal; 

5.3 Die fransesgewer onderneem om die bedryfstelsel deurentyd te ontwikkel, uit te brei, te verbeter en aan te pas 

om deurentyd aan die behoeftes van kinders wat in die profiel inpas, te voldoen. Die fransesgewer sal 

sodanige ontwikkeling, uitbreiding, verbetering en aanpassing in die bedryfstelsel van tyd tot tyd aan die 

fransesnemer bekend maak; 

5.4 Die fransesgewer onderneem om die fransesnemer by te staan om te poog om probleme wat die fransesnemer 

ten opsigte van aanbieding mag ondervind, op te los. Die fransesnemer sal verantwoordelik wees vir die 

fransesgewer se reiskoste van en na die fransesnemer se perseel vanaf die fransesgewer se perseel en vir die 

lewenskoste van die fransesgewer vir die duur van die hulpverlening aan die fransesnemer;

10 

5.5 Die fransesgewer sal nie die fransesbedryf binne die gebied bedryf of aan ’n ander fransesnemer die 

vergunning gee om dit te doen nie, met die voorbehoude dat: 

5.5.1 indien die fransesnemer, binne die diskresie van die fransesgewer, nie binne ‘n periode van 2 

(twee) jaar na datum van aanvang van hierdie ooreenkoms die gebied, toegeken in terme van die 

ooreenkoms, optimaal ontgun en benut het deur genoegsame bemarking van die besigheid nie, die 

fransesgewer geregtig sal wees om die toegekende gebied te herevalueer ten aansien van enige 

kapasiteit beskikbaar in die gebied benewens die volgende algemene tydbeperkings ten einde die 

optimale bedryf van die besigheid te verseker, naamlik dat: 

5.5.1.1 die gebruik van enige en elke Pakket in die bedryfstelsel beperk is tot ‘n maksimum 

van 40 ure se musiekklasse per week, en 

5.5.1.2 die fransesnemer en enige en elke aanbieder van musiekklasse in die bedryfstelsel 

beperk word tot die aanbied van ‘n maksimum van 20 ure se musiekklasse per week, 

ongeag of een of meerdere pakkette gebruik word; 

en binne haar diskresie enige onbenutte of ongegunde bronne, tydperke en dele van die gebied aan 

‘n ander fransesnemer aan te bied, en 

5.5.2 indien dit blyk dat die fransesnemer nie binne 2 (twee) kwartale na datum van aanvang van hierdie 

ooreenkoms genoegsame bronne in die gebied, toegeken in terme van die ooreenkoms, het ten 

einde die besigheid optimaal te bedryf soos bepaal in klousule 5.5.1.1 en 5.5.1.2 nie, sal die 

fransesgewer geregtig wees om binne sy diskresie, verdere bronne aan die fransesnemer toe te ken 

indien die fransesnemer kan bewys dat sy die bestaande bronne in die toegekende gebied optimaal 

en ten volle ontgun het. 

5.6 Die fransesgewer sal, met dien verstande dat die betalings waarna in klousule 4.1.1 hiervan verwys word 

gemaak is (indien die fransesnemer die koste van die gekose Pakket in paaiemente gaan afbetaal): 

5.6.1 die bedryfstelsel en die immaterieel goedereregte wat ingevolge hierdie ooreenkoms aan die 

fransesnemer gelisensieer is, aan die fransesnemer bekend maak; 

5.6.2 aan die fransesnemer alle items wat ingesluit is in die Pakket wat deur die fransesnemer bekom 

word, in dele lewer soos en wanneer betalings ten opsigte van die koste van die Pakket in 

paaiemente geskied. Die besluit ten opsigte van welke items (na elke betaling deur die 

fransesnemer) telkens aan die fransesnemer gelewer word, val in die uitsluitlike diskresie van die 

fransesgewer; 

5.6.3 die bepalings vervat in klousules 5.2 tot 5.5 sal mutatis mutandis van toepassing wees in hierdie 

omstandighede. 

6. Pligte van die fransesnemer 

6.1 Die fransesnemer sal die fransesbedryf streng ooreenkomstig die bedryfstelsel bedryf en sal die 

bedryfshandleiding, aangevul deur alle skriftelike spesifikasies en aanwysings wat van tyd tot tyd deur die 

fransesgewer neergelê of gegee mag word, streng nakom; 

6.2 Die fransesnemer sal binne ‘n periode van 2 (twee) jaar na datum van aanvang van hierdie ooreenkoms die 

gebied, toegeken in terme van die ooreenkoms, optimaal ontgun en benut het deur genoegsame bemarking 

van die besigheid te doen aan alle bronne in die toegekende gebied. Ten einde die kwaliteit van die 

bedryfstelsel te verseker, sal die fransesnemer ter alle tye hou by die volgende tydsbeperkings: 

6.2.1 die gebruik van enige en elke Pakket in die bedryfstelsel is beperk tot ‘n maksimum van 40 ure se 

musiekklasse per week, en 

6.2.2 die fransesnemer en enige en elke aanbieder van musiekklasse in die bedryfstelsel word beperk tot 

die aanbied van ‘n maksimum van 20 ure se musiekklasse per week, ongeag of een of meerdere 

pakkette gebruik word; en. 

6.3 Ten einde te verseker dat die gebied van die fransesnemer optimaal benut word, sal die fransesgewer geregtig 

wees om die gebied te herevalueer in terme van klousule 5.5 hiervan en met inagneming van enige kapasiteit 

beskikbaar in die gebied benewens die die beperkings in kloudule 6.2 op die fransesnemer, enige onbenutte of 

ongegunde bronne, tydperke en dele aan ‘n ander fransesnemer toe te ken, wie ook onderhewig sal wees aan 

dieselfde tydsbeperkings as die fransesnemer in klousule 6.2. 

6.4 Die fransesnemer sal met die aanbieding van die klasse vir die kinders begin op ‘n datum en tyd soos deur die 

fransesgewer voorgeskryf van tyd tot tyd; 

6.5 Indien tot voordeel van die besigheid van die fransesnemer soos bepaal binne die diskresie van die 

fransesgewer na oorleg met die fransesnemer, sal die fransesnemer, op eie koste, sulke administratiewe

11 

personeel in diens neem as wat die fransesgewer mag bepaal wat vir die bedryf van die fransesbedryf benodig 

word; 

6.6 Die fransesnemer erken dat nóg hy nóg sy personeel enige voorafgaande kennis van die bedryfstelsel of enige 

aspek van die kundigheid of handelsgeheime het. Die fransesnemer sal nie enige aspek van die bedryfstelsel, 

die kundigheid of die handelsgeheime aan enige persoon bekend maak nie, behalwe vir die doeleindes van 

hierdie ooreenkoms; 

6.7 Die fransesnemer sal nie enige iets doen, veroorsaak of toelaat wat die immaterieel goedere of die 

fransesgewer se regte in die immaterieel goedere nadelig sal raak nie. Die fransesnemer sal enige skending 

van die immaterieel goedere waarvan hy bewus raak onder die aandag van die fransesgewer bring; 

6.8 Die fransesnemer sal alle redelike bystand aan die fransesgewer gee om hom in staat te stel om sy regte in die 

immaterieel goedere te bevorder of te verdedig; 

6.9 Die fransesnemer erken dat die fransesgewer die eienaar is van alle regte van welke aard ook al in die 

immaterieel goedere en dat hy geen reg van welke aard ook al op óf die bedryfstelsel óf tot enige element van 

die immaterieel goedere het nie; 

6.10 Die fransesnemer mag nie op enige tydstip die regte van die fransesgewer op die immaterieel goedere aanval 

of dit betwis of enige ander persoon beweeg of verkry om sodanige regte aan te val of dit te betwis nie; 

6.11 Die fransesnemer sal geregtig wees om, op eie koste, advertensie of promosie- en bemarkingsaktiwiteite aan 

te pak, ingevolge die fransesgewer se bestaande bemarkingsmateriaal. Ingeval die fransesnemer ander 

bemarkingsmateriaal as die bestaande bemarkingsmateriaal van die fransesnemer wil gebruik, sal dit geskied 

slegs na skriftelike goedkeuring daarvan deur die fransesgewer; 

6.12 Die fransesnemer sal te alle tye poog om ‘n minimum aantal van 40 (VEERTIG) kinders vir elke kursus 

ingeskryf te hou, op voorwaarde egter dat die klasse nie ‘n maksimum van 10 (TIEN) kinders te bowe gaan 

vir pakket A, B, C, D en F nie en nie ‘n maksimum van 8 (AGT) kinders te bowe gaan vir pakket E nie; 

6.13 Die fransesnemer sal, in ’n vorm goedgekeur deur die fransesgewer, volledige en akkurate boeke en alle 

onderliggende of ondersteunende rekords en fakture met betrekking tot die fransesbedryf hou en sal die 

fransesgewer of sy behoorlike gemagtigde verteenwoordiger toelaat om op alle redelike tye sodanige 

inspeksies of ondersoeke uit te voer as wat hulle nodig mag ag vir die doel om vas te stel of die bepalings van 

hierdie ooreenkoms nagekom word. Die fransesnemer sal verseker dat hy en sy werknemers ten volle 

saamwerk tydens sodanige inspeksies of ondersoeke; 

6.14 Die fransesnemer sal die fransesgewer skadeloos stel en hou teen alle eise van welke aard ook al, hetsy 

werklik of skyn, krimineel of siviel, tesame met enige regskoste en koste deur die fransesgewer aangegaan 

wat uit die daarstelling en bedryf van die fransesbedryf deur die fransesnemer spruit; 

6.15 Die fransesnemer sal op sodanige wyse as wat die fransesgewer mag bepaal, kennis gee dat die fransesbedryf 

ingevolge ’n fransesooreenkoms met die fransesgewer bedryf word en dat die fransesnemer die immaterieel 

goedere kragtens ’n lisensie deur die fransesgewer gebruik. Sodanige kennisgewing sal sulke ander inligting 

as wat die fransesgewer nodig mag ag om derdes in te lig dat die fransesgewer nie enige aanspreeklikheid 

aanvaar vir die handelinge, nalate, skulde of versuim van die fransesnemer nie, bevat; 

6.16 Die fransesnemer sal sodanige versekeringspolisse as wat van tyd tot tyd deur die fransesgewer bepaal word 

in stand hou en sal verseker dat alle versekeringspremies stiptelik betaal word. Die fransesnemer sal toesien 

dat die belange van die fransesgewer in sodanige polisse daarin aangebring word. Die fransesnemer sal 

toesien dat ’n aantekening op alle polisse wat deur hom in stand gehou word ooreenkomstig die bepalings van 

hierdie ooreenkoms aangebring word en dat die versekeraar die fransesgewer in kennis sal stel indien enige 

premie deur die fransesnemer laat betaal word. Die fransesnemer sal die fransesgewer op versoek van alle 

kwitansies vir die betaling van premies voorsien. Die fransesnemer sal nie veroorsaak of toelaat dat enige 

verbreking van enige versekeringspolis wat onder die bepalings van hierdie ooreenkoms gehou word, 

plaasvind nie. Die fransesnemer sal aan die fransesgewer kennis gee van enige eis wat spruit uit of ingestel 

word ingevolge ’n versekeringspolis wat ingevolge hierdie ooreenkoms in stand gehou moet word; 

6.17 Terwyl hierdie ooreenkoms van krag is, sal die fransesnemer nie direk of indirek in enige hoedanigheid by 

enige ander besigheidsonderneming in die aard van die fransesbedryf betrokke wees, sonder die 

voorafverkreë skriftelike toestemming van die fransesgewer nie; 

6.18 Die fransesnemer, ten einde die fransesbedryf en/of die immaterieel goedere van die fransesgewer en die 

belang van die fransesgewer daarin te beskerm, kom ooreen en onderneem ten gunste van die fransesgewer 

dat hy nie binne die gebied waarna hieronder verwys word en vir ‘n tydperk van 3 (DRIE) jaar na beëindiging 

van hierdie ooreenkoms vir welke rede hoegenaamd, as prinsipaal, agent, vennoot, verteenwoordiger, 

aandeelhouer, werknemer, konsultant, finansier of in enige ander ooreenstemmende of soortgelyke 

hoedanigheid, direk of indirek geassosieer of betrokke sal wees by, belang sal hê of verbind sal wees met 

enige firma, besigheid, maatskappy of ander assosiasie van persone wat ‘n besigheid bedryf of bedrywighede 

uitvoer soortgelyk aan die fransesbedryf nie. Die gebied deur hierdie beperkings gedek is; 

_____________________________________________________________________________________ 

6.19 Die fransesnemer erken dat die beperkings op hom opgelê ingevolge die voorafgaande klousule redelik is 

ten opsigte van die onderwerp, gebied en duur en redelikerwys nodig is ten einde die fransesbedryf en/of die 

immaterieel goedere van die fransesgewer te behou en te beskerm;

12 

6.20 Die fransesnemer sal die reg hê om die handelsmerke te gebruik, mits hy die fransesbedryf streng 

ooreenkomstig die bepalings van hierdie ooreenkoms en die bedryfstelsel bedryf; 

6.21 Die fransesnemer sal nie op enige wyse voorgee dat hy enige regte van enige aard op die handelsmerke of die 

registrasie daarvan het nie en alle gebruik van die handelsmerke sal vir die voordeel van die fransesgewer 

wees; 

6.22 Wanneer die fransesnemer die handelsmerke gebruik, sal die fransesnemer hulle presies en akkuraat en 

volgens spesifikasies en aanwysings van tyd tot tyd deur die fransesgewer neergelê, laat reproduseer; 

6.23 Die fransesnemer sal die klandisiewaarde wat met die fransesbedryf geassosieer is beskerm en bevorder en 

alle klandisiewaarde wat deur die bedryf van die fransesbedryf gegenereer word sal vir die gewin van die 

fransesgewer wees; 

6.24 Die fransesnemer sal op ‘n deurlopende basis toesien dat alle items wat in die fransesbedryf benodig word, vir 

die duur van hierdie ooreenkoms, in stand gehou word en/of vervang word, indien nodig, op die fransesnemer 

se eie koste; 

6.25 Die fransesnemer sal alle items soos bepaal en uiteengesit in klousule 1.12, 1.13, 1.14, 1.15, 1.16 en 1.17 van 

hierdie ooreenkoms slegs van die fransesgewer aankoop. Die fransesnemer sal geregtig wees om alle niestandhoudende 

benodighede van verskaffers, na keuse van die fransesnemer, aan te koop; 

6.26 Die fransesnemer is verplig om teen nie later nie as 30 November van elke jaar skriftelik die name, adresse en 

telefoonnommers van alle skole waarby die fransesnemer betrokke was gedurende die gehele verloop van die 

ooreenkoms, ten opsigte van die fransesbedryf, skriftelik aan die fransesgewer te verskaf; 

6.27 Die fransesnemer sal, ingeval hy te enige tyd gedurende die verloop van hierdie ooreenkoms besluit om ‘n 

verdere Pakket te bekom, verplig wees om ten minste 1 (EEN) kalendermaand skriftelike kennis daarvan aan 

die fransesgewer te gee; 

6.28 Die fransesnemer onderneem om die dele van die bedryfstelsel wat verder uitgebrei, verbeter en aangepas is 

deur die fransesgewer om deurentyd aan die behoeftes van die kinders wat in die profiel inpas, te voldoen, aan 

te koop sodra die fansesgewer die ontwikkeling, uitbreiding, verbetering en aanpassing in die bedryfstelsel 

aan die fransesnemer bekend gemaak het. Die fransesnemer erken dat sodanige aankope noodsaaklik is vir die 

suksesvolle bedryf van die fransesbedryf. Die fransesgewer sal alle redelike stappe neem om te verseker dat 

sodanige items bekostigbaar is en dat die koopprys daarvan markverwant is. 

6.29 Die fransesnemer sal ten alle tye verseker dat die kinders wat vir die onderskeie kursusse ingeskryf is se 

ouderdomme as volg is: 

6.29.1 Pakket A: Kinders moet in die jaar waarin hulle begin met die kursus 5 (VYF) jaar oud word. 

6.29.2 Pakket B: Kinders moet in die jaar waarin hulle begin met die kursus 6 (SES) jaar oud word. 

6.29.3 Pakket C: Kinders moet in die jaar waarin hulle begin met module 1 en 2 van die kursus 5 (VYF) 

jaar oud word en module 3 en 4 van die kursus 6 (SES) jaar oud word. 

6.29.4 Pakket D: Die kinders moet in die jaar waarin hulle begin met die kursus 4 (VIER) jaar oud word. 

6.29.5 Pakket E: Die kinders moet in die jaar waarin hulle begin met die kursus 3 (DRIE) jaar oud word. 

6.29.6 Pakket F: Die kinders moet in die jaar waarin hulle begin met die kurses 2 (TWEE) jaar oud word. 

6.30 Die fransesnemer is verplig om tydens die aanvang van die kursus elke jaar, van die kinders se ouers te vereis 

om die betrokke items soos uiteengesit in klousule 1.12.16, 1.13.19, 1.14.23, 1.15.11, 1.16.11 en 1.17.11 aan 

te koop. 

6.31 Die fransesnemer is verplig om ten minste een maal in elke siklus van 3(drie) jaar tydens die duur van hierdie 

ooreenkoms of enige verlengingsperiode daarvan, ‘n konferensie soos gehou deur die fransesgewer by te 

woon op eie onkoste. Die fransesnemer erken dat die bywoning van die konferensies noodsaaklik is vir die 

suksesvolle bedryf van die fransesbedryf. Die fransesgewer sal alle redelike stappe neem om te verseker dat 

die konferensies bekostigbaar is en onderneem om 50% (vyftig persent) van die verpligte konferensie se 

kostes te subsidieer asook die reiskoste met 50% (vyftig persent) te subsidieer sou die fransesnemer meer as 

500 kilometer moet reis na die konferensie. 

7. Eiendomsreg 

Eiendomsreg in al die onderstaande items sal te alle tye in die fransesgewer setel en sal eiendomsreg in die betrokke 

items nooit op die fransesnemer oorgaan nie, naamlik: 

7.1 Pakket A: 

7.2 Pakket B: 

Al die items beskryf in klousules 1.12.1 tot 1.12.13

13 

Al die items beskryf in klousules 1.13.1 tot 1.13.15. 

7.3 Pakket C: 

Al die items beskryf in klousules 1.14.1 tot 1.14.18. 

7.4 Pakket D: 

Al die items beskryf in klousules 1.15.1 tot 1.15.8 

7.5 Pakket E: 


7.6 Pakket F: 


8. Dood of onbevoegdheid van die fransesnemer 

Die fransesgewer mag by die dood van die fransesnemer, die oordrag van die fransesbedryf aan enige van die 

bevoordeeldes van die gestorwe fransesnemer goedkeur. Sodanige persoon/ persone moet die bestuur van die 

fransesbedryf so gou as moontlik nadat hulle hulle verbind het om die bepalings en voorwaardes van hierdie ooreenkoms 

na te kom oorneem. Hangende sodanige oordrag, sal die fransesgewer geregtig wees om die beheer en bestuur van die 

fransesbedryf oor te neem en om dit namens die verteenwoordiger van die bestorwe boedel van die fransesnemer en vir 

die voordeel en rekening van die bestorwe boedel van die fransesnemer te bedryf, met dien verstande dat: 

8.1 die fransesgewer geregtig sal wees om sy gewone gelde te hef vir die bedryf en bestuur van die fransesbedryf, 

en die fransesgewer word hiermee gemagtig om alle handelinge te verrig en om alle dokumente te teken wat 

redelikerwys nodig is vir die doel om die fransesbedryf te bedryf en te bestuur; 

8.2 as die fransesgewer nie die oordrag aan ’n bevoordeelde ingevolge klousule 8 goedkeur nie, mag die 

verteenwoordiger van die bestorwe boedel die fransesbedryf vervreem aan sodanige persoon as wat die 

fransesgewer goedkeur, vir sodanige verkoopprys en op sodanige terme en voorwaardes as waarop tussen die 

betrokke persoon en die verteenwoordiger van die bestorwe boedel van die fransesnemer ooreengekom word; 

8.3 die koper van die fransesbedryf nie oordrag daarvan mag neem voordat hy homself verbind het tot die terme 

en voorwaardes van hierdie ooreenkoms nie, en hangende sodanige verkoop en oordrag, sal die fransesgewer 

geregtig wees om die fransesbedryf te bedryf en te bestuur namens en vir die rekening van die boedel van die 

gestorwe fransesnemer. Die fransesgewer sal geregtig wees om sy gewone gelde te hef vir die bestuur en 

bedryf van die fransesbedryf en sal gemagtig wees om alle handelinge te verrig en alle dokumente wat 

redelikerwys nodig is om hom in staat te stel om die fransesbedryf te bedryf en te bestuur, te teken. 

9. Beëindiging van die ooreenkoms 

9.1 Die fransesgewer sal, sonder benadeling van enige alternatiewe of addisionele aksie of remedie beskikbaar 

onder die omstandighede, inaggenome die bepalings van hierdie klousule 9 en met inbegrip van die verhaal 

van skadevergoeding vanaf die fransesnemer vir enige versuim of kontrakbreuk, geregtig wees om hierdie 

ooreenkoms deur skriftelike kennisgewing aan die fransesnemer te kanselleer, in die volgende gevalle: 

9.1.1 as die fransesnemer versuim om aan die fransesgewer, teen die verskuldigde datum, enige bedrae 

aan die fransesgewer hierkragtens verskuldig en betaalbaar te betaal of op enige ander wyse die 

terme en voorwaardes van hierdie ooreenkoms nie nakom nie, waarvan almal verklaar word 

wesenlik te wees, en hy versuim om binne 7 (SEWE) dae vanaf die skriftelike kennisgewing deur 

of namens die fransesgewer, wat van die fransesnemer vra om betaling te doen of die wanprestasie 

wat in gedrang is reg te stel, te betaal of te presteer; 

9.1.2 indien die fransesnemer ’n daad van insolvensie pleeg of gesekwestreer word of onder ’n 

voorlopige of finale likwidasiebevel of geregtelike bestuur geplaas word of indien die 

fransesnemer ’n akkoord tref vir die voordeel van sy skuldeisers, of versuim om enige vonnis 

geneem teen die fransesnemer tersyde te laat stel of stappe doen om dit te laat doen binne 7 (sewe) 

dae nadat so ’n vonnis tot die kennis van die fransesnemer gekom het;

14 

9.1.3 indien die fransesnemer die regte van die fransesgewer op die immaterieel goedere betwis of 

aanveg of enige ander persoon oorreed of verkry om sodanige betwisting of aanvegting te doen. 

9.2 Die beëindiging van hierdie ooreenkoms vir welke rede ook al, sal nie ‘n party se regte wat teen die 

beëindigingsdatum toegeval het raak nie en sal verder nie enige regte en verpligtinge wat spesifiek of deur 

hulle aard na die beëindiging voortduur, raak nie wat insluit, maar nie beperk is nie tot die verhaal van 

skadevergoeding; 

9.3 By beëindiging van hierdie ooreenkoms, vir welke rede ookal: 

9.3.1 sal die fransesnemer onmiddellik die bedryf van sy besigheid, wat ook insluit, maar nie beperk is 

nie, tot die gebruik van die handelsmerke, staak; 

9.3.2 sal die fransesnemer alle items ten opsigte waarvan die fransesgewer eiendomsreg voorbehou het 

waarna verwys word in klousule 7 hiervan, asook alle stempels, blokke, etikette en 

advertensiemateriaal, drukwerk en alle verwante items wat die handelsmerke bevat of uitbeeld, 

onmiddellik en op die fransesnemer se eie koste, aan die fransesgewer teruglewer, by die 

fransesgewer se adres gemeld in klousule 13.1.1 hiervan, of by sodanige ander adres as wat 

skriftelik deur die fransesgewer aangewys is vir daardie doel. 

9.4 Ingeval hierdie ooreenkoms vir welke rede ookal, beëindig word, sal die fransesnemer verplig wees om 

onmiddellik die volgende betalings aan die fransesgewer te maak: 

9.4.1 alle uitstaande en agterstallige bedrae van welke aard ookal, opeisbaar en betaalbaar ingevolge 

hierdie ooreenkoms; 

9.4.2 die vooruitberaamde tantième bereken tot die laaste dag van die jaar waarin hierdie ooreenkoms 

beëindig word (hetsy dit op datum van beëindiging opeisbaar en betaalbaar is aldan nie); 

9.4.3 alle koste van opleiding wat vanaf die aanvangsdatum tot datum van beëindiging deur die 

fransesgewer aangegaan. 

9.5 Die fransesnemer sal al sy krediteure onmiddellik betaal. 

10. Bedryfshandleiding 

Die bedryfshandleiding asook enige wysiging, aanpassing of hersiening daarvan, vorm deel van hierdie ooreenkoms 

behalwe dat ingeval van enige teenstrydigheid in die bepalings van hierdie ooreenkoms en die bedryfshandleiding, 

hierdie ooreenkoms sal geld. Die fransesnemer sal nie enige afskrifte of kopieë van die bedryfshandleiding maak sonder 

die voorafverkreë skriftelike toestemming van die fransesgewer nie. 

11. Aard van die ooreenkoms 

11.1 Die fransesnemer sal te alle tye ‘n onafhanklike kontrakteur wees; 

11.2 Die fransesnemer sal nie enige voorstellings of verklarings maak of toelaat dat sodanige voorstellings of 

verklarings gemaak word, wat daarop gerig is gekonstrueer mag word as dat daar ‘n agentskapsverhouding, 

gesamentlike onderneming, vennootskap of diensooreenkoms met die fransesgewer gesluit is nie. Die 

fransesgewer sal nie in enige opsig gebonde gehou word aan enige ooreenkoms, waarborg, onderneming of 

voorstelling wat deur die fransesnemer in hierdie verband, aan enige derde party gemaak word nie. 

12. Erkenning deur die fransesnemer 

Die fransesnemer erken dat die sukses van die besigheidsonderneming wat ingevolge hierdie ooreenkoms deur hom 

onderneem word in ’n groot mate by sy eie besigheidsvermoë berus. Die fransesnemer erken dat die fransesgewer geen 

waarborg, uitdruklik of stilswyend, wat betref die potensiële sukses van die fransesbedryf, gegee het nie. 

13. Domicilium citandi et executandi 

13.1 Die partye kies die volgende adresse as hulle onderskeie domicilium citandi et executandi: 

13.1.1 Fransesgewer te _____________________________________ ______ 

___________________________________________ 

___________________________________________ 

___________________________________________

15 

13.1.2 Fransesnemer te _____________________________________________ 

_____________________________________________ 

_____________________________________________ 

_____________________________________________ 

13.2 Enige van die partye mag sy domisili-adres verander deur 30 (DERTIG) dae skriftelike kennis aan die ander 

party te gee. 

14. Vervanging en uitbreiding van gebied 

14.1 Indien die fransesnemer gedurende die bestaan van hierdie ooreenkoms op ‘n permanente basis na ‘n ander 

omgewing sou verhuis as die omgewing waarin die gebied geleë is: 

14.1.1 sal die fransesgewer alle redelike stappe neem (alhoewel die fransesgewer geen verpligting daartoe 

het nie), om aan die fransesnemer ‘n nuwe gebied toe te ken in die omgewing waarna die 

fransesnemer aldus verhuis het, op die uitdruklike voorwaarde dat sodanige gebied nie reeds aan 

‘n ander fransesnemer toegeken is nie, tensy sodanige ander fransesnemer skriftelik toestem dat ‘n 

tweede fransesnemer in sy gebied toegelaat word; 

14.1.2 sal hierdie ooreenkoms bly voortbestaan totdat ‘n nuwe skriftelike ooreenkoms met ‘n nuwe 

fransesnemer onderteken is, alternatiewelik totdat alle reg, titel en belang ten opsigte van hierdie 

ooreenkoms skriftelik aan sodanige nuwe fransesnemer gesedeer en oorgemaak is, onderworpe aan 

die bepalings van klousule 17 hiervan. 

14.2 Die fransesgewer sal geregtig wees om skriftelik ‘n aangrensende of verdere gebied aan die fransesnemer toe 

te ken, op ‘n tydelike of permanente basis, op voorwaarde dat: 

14.2.1 sodanige ander gebied nie reeds aan ‘n ander fransenemer toegeken is nie; en 

14.2.2 die fransesnemer skriftelik en tot bevrediging van die fransesgewer bewys gelewer het dat die 

bestaande gebied onvoldoende geleenthede vir die bedryf , van die fransesbedryf, bied. 

15. Kennisgewings 

Elke kennisgewing, toestemming of ander kommunikasie wat hierkragtens van enige van die partye vereis of toegelaat 

word moet skriftelik wees. Dit sal voldoende gegee of oorgedra wees indien en wanneer dit: 

15.1 Per hand afgelewer is by die ander party by sy domisilie-adres of by so ‘n ander adres as wat die party 

skriftelik aangedui het; 

15.2 Deur middel van ‘n telefaks aan die geadresseerde se telefaksnommer oorgesend is en ten opsigte van welke 

telefaks ‘n erkenning ontvang is; of 

15.3 In die pos besorg is, behoorlik geregistreer met voorafbetaalde posgeld vir spoedige aflewering en aan die 

ander party by sy domisilie-adres of so ‘n ander adres as wat die geadresseerde skriftelik aangedui het 

geadresseer is. ‘n Kennisgewing wat ingevolge hierdie subklousule in die pos besorg is, sal geag word 

afgelewer te gewees het op die vierde sakedag na die posdatum. 

16. Volledige ooreenkoms en wysigings 

16.1 Hierdie ooreenkoms vorm die volledige ooreenkoms tussen die partye en vervang alle vorige mondelinge of 

skriftelike ooreenkomste of verstandhoudings of voorstellings deur of tussen die partye aangaande die 

onderwerp van hierdie ooreenkoms, en die partye sal nie daarop geregtig wees om in enige geskil aangaande 

hierdie ooreenkoms te steun op enige voorwaardes, bepalings of voorstellings wat nie uitdruklik in hierdie 

ooreenkoms vervat is nie; 

16.2 Geen wysiging van of toevoeging tot hierdie ooreenkoms sal enigsins van krag wees nie tensy dit op skrif 

gestel is en onderteken is deur of namens die partye; 

16.3 Geeneen van die partye tot hierdie ooreenkoms het enige waarborg gegee of enige voorstelling aan die ander 

party gedoen, behalwe enige waarborg of voorstelling wat uitdruklik in hierdie ooreenkoms uiteengesit mag 

wees nie.

16 

17. Toewysings, oordra, sessie en delegering 

Die fransesnemer sal nie daarop geregtig wees om enige regte, verpligtinge, aandeel of belang wat ingevolge hierdie 

ooreenkoms verkry is, in geheel of ten dele, toe te wys, oor te dra, te sedeer, te delegeer of oor te maak aan enige ander 

party of persoon, sonder die voorafgaande skriftelike toestemming van die fransesgewer nie, welke toestemming nie 

onredelikerwys weerhou of vertraag sal word nie. 

18. Verslapping 

Geen toegewing, toeskietlikheid of uitstel van ‘n reg wat enige van die partye ingevolge hierdie ooreenkoms mag hê en 

wat enige party (“die verlener”) aan die ander party mag verleen of betoon, sal op enige wyse die verlener benadeel of 

die verlener daarvan weerhou om enige van die regte uit te oefen wat hy uit hierdie ooreenkoms verkry het of vertolk 

word as ‘n afstanddoening deur die verlener van daardie reg nie. 

19. Afstanddoening 

Geen afstanddoening aan die kant van enige party tot hierdie ooreenkoms van enige regte wat spruit uit ‘n verbreking 

van enige bepaling van hierdie ooreenkoms sal ‘n afstanddoening van regte ten opsigte van enige daaropvolgende 

verbreking van dieselfde of enige ander bepaling vorm nie. 

20. Skeibaarheid 

Indien enige bepaling van hierdie ooreenkoms ongeldig, onwettig of onafdwingbaar bevind word, sal sodanige bepaling 

skeibaar wees van die oorblywende bepalings wat geldig en afdwingbaar sal bly. 

21. Reëlende reg 

Die sluiting, geldigheid, uitleg en litigasie ten opsigte van en voortspruitende uit hierdie ooreenkoms sal gereël word 

deur die reg van die Republiek van Suid-Afrika. 

22. Jurisdiksie 

23. Kostes 

Die partye stem toe en onderwerp hulle aan die jurisdiksie van die Hooggeregshof van die Republiek van Suid-Afrika 

(Witwatersrandse Plaaslike Afdeling), in enige geskil voortspruitend uit of aangaande hierdie ooreenkoms of die 

interpretasie daarvan. Nieteenstaande dusdanige onderwerping sal die fransesgewer daarop geregtig wees om regstappe 

teen die fransesnemer in te stel in enige Landdroshof in die Republiek van Suid-Afrika met jurisdiksie, ongeag of die 

bedrag van die eis die jurisdiksie van daardie Hof oorskry, tot welke jurisdiksie die fransesnemer instem. 

23.1 Alle kostes ten opsigte van die voorbereiding van hierdie ooreenkoms is deur die fransesnemer op aanvraag 

betaalbaar; 

23.2 Alle kostes en uitgawes, met inbegrip van regskostes op die prokureur- en eie kliëntskaal, aangegaan deur die 

fransesgewer, om enige van sy regte ingevolge hierdie ooreenkoms af te dwing of uit te oefen, is deur die 

fransesnemer op aanvraag betaalbaar. 

24. Verkope en kommissie 

24.1 Die fransesnemer sal geregtig wees om items, soos van tyd tot tyd skriftelik deur die fransesgewer gespesifiseer, 

aan die ouers van kinders wat die kursus bywoon, te verkoop, teen ‘n bedrag soos van tyd tot tyd skriftelik deur die 

fransesgewer voorgeskryf. Die fransesgewer sal kommissie aan die fransesnemer betaal op sodanige verkope, 

welke kommissie bereken sal word teen ‘n koers soos jaarliks deur die fransesgewer bepaal. 

24.2 

24.2.1 Die fransesgewer sal kommissie aan die fransesnemer betaal ten opsigte van elke nuwe 

fransesooreenkoms, waarna in klousule 24.2.2 hieronder verwys word, wat aangegaan word met ‘n 

nuwe fransesnemer en deur die fransesnemer gewerf word, ten opsigte waarvan die fransesnemer 

die effektiewe oorsaak is. Die koers waarteen kommissie bereken word sal jaarliks deur die 

fransesgewer bepaal word. 

24.2.2 Die skriftelike fransesooreenkoms waarna in klousule 24.2.1 hierbo verwys word slaan slegs op 

ooreenkomste met ‘n aanvanklike tydperk van ten minste 3 (DRIE) jaar. 

25. Bepalings ten aansien van addisionele aanbieders: 

25.1 Verlening van magtiging tot aanstelling van addisionele aanbieder/s :

17 

Die fransesgewer verleen hiermee aan die fransesnemer die magtiging om vir die duur van hierdie ooreenkoms een 

of meerdere addisionele aanbieders aan te stel om die fransesnemer behulpsaam te wees in die bestaande 

fransesbedryf as werknemers van die fransesnemer uitsluitlik en verder onderhewig aan die volgende voorwaardes: 

25.1.1 dat die gebruik van enige en elke Pakket in die bedryfstelsel beperk is tot ‘n maksimum van 40 ure 

se musiekklasse per week; en 

25.1.2 dat enige en elke aanbieder van musiekklasse in die bedryfstelsel, hetsy as fransesnemer of 

addisionele aanbieder, ‘n maksimum van 20 ure se musiekklasse per week mag aanbied, ongeag of 

een of meerdere pakkette gebruik word; en 

25.1.3 dat die fransesnemer ten aansien van elke addisionele aanbieder een of meerdere verdere pakkette 

aankoop vir die uitsluitlike gebruik in die fransesbedryf van die fransesnemer deur die spesifieke 

aangewese addisionele aanbieder. Ter uitsondering hierop sal ‘n addisionele aanbieder alleen 

geregtig wees om ‘n ander pakket (wat aangekoop is vir die uitsluitlike gebruik deur die 

fransesnemer of ander addisionele aanbieder) te gebruik, indien die betrokke pakket nie deur die 

betrokke fransesnemer of ander addisionele aanbieder gebruik word nie, maar ter alle tye 

onderhewig aan die tydsbeperkings in klousule 25.1.1 en 25.1.2; 

25.1.4 dat die fransesgewer en fransesnemer ten aansien van die aanstelling van elke addisionele 

aanbieder en aankoop van die verdere pakket/te vir gebruik deur die addisionele aanbieder ‘n 

Addendum in die voorgeskrewe formaat sal voltooi en onderteken ter bevestiging van die 

magtiging verleen deur die fransesgewer ten aansien van ‘n spesifieke addisionele aanbieder en die 

betaling van die kostes vir die aankoop van die Pakket/te vir die spesifieke addisionele aanbieder 

en tantième; 

25.1.5 nieteenstaande die bepalings van hierdie ooreenkoms, sal die magtiging ten aansien van elke 

addisionele aanbieder eers in werking tree ten aansien van ‘n spesifieke addisionele aanbieder by 

ondertekenning van die Addendum na verwys in die voorafgaande voorwaarde ten aansien van die 

spesifieke addisionele aanbieder; 

25.1.6 dat dat alle finansiële verpligtinge van die fransesnemer in terme van die fransesooreenkoms 

nagekom is tydens ondertekening van die Addendum en gedurende die duur van die 

fransesooreenkoms; 

25.1.7 dat ‘n skriftelike aanbiedersooreenkoms tussen die fransesnemer en elke addisionele aanbieder 

aangegaan word, welke aanbiedersooreenkoms spesifieke voorwaardes tot voordeel van die 

fransesgewer moet bevat en aan die fransesgewer voorgelê moet word vir aanvaarding,. Die 

fransesgewer sal op versoek aan die fransesnemer ‘n konsep aanbiedersooreenkoms voorsien wat 

die vereiste voorwaardes tot voordeel van die fransesgewer bevat. 

25.1.8 dat elke addisionele aanbieder voor aanvang van haar diens opleiding in die bedryfstelsel deur die 

fransesgewer ontvang soos uiteengesit in die fransesooreenkoms, welke opleiding ‘n aanvang sal 

neem by ‘n plek en tyd en met ‘n duur en omvang soos deur die fransesgewer bepaal. Die 

fransesnemer sal aanspreeklik wees om alle onkoste, met inbegrip van alle reis- en verblyfkoste 

van die opleiding te betaal. 

25.1.9 dat elke addisionele aanbieder voor aanvang van haar diens skriftelik deur die fransesgewer 

geëvalueer word ten aansien van die vereiste standaard van musiekopleiding in musiekteorie en 

die fransesgewer skriftelik toestemming gee dat die betrokke addisionele aanbieder aan die 

vereiste standaard/e voldoen vir aanbieding van die pakket hierin bekom, welke evaluasie en 

toestemming binne die diskresie van die fransesgewer sal wees. 

25.1.10 Enige magtiging en verdere ooreenkoms verleen in terme van Klousule 25 sal voortduur vir 

dieselfde tydperk as die fransesooreenkoms asook enige verlenging daarvan, tensy beëindig voor 

die beëindigingsdatum in die fransesooreenkoms. 

25.2 Betalings en tantième 

25.2.1 Betaling van kostes vir aankoop van addisionele pakkette: 

25.2.2 Tantième: 

Die fransesnemer onderneem om die kostes vir die aankoop van die Addisionele Pakket/te vir die 

uitsluitlike gebruik deur spesifiseerde addisionele aanbieder/s alleen, soos uiteengesit en op 

ooreengekom in die Addendum tussen die fransesgewer en fransesnemer aangegaan ten aansien 

van elke spesifieke addisionele aanbieder te betaal. 

25.2.2.1 Die fransesnemer sal, vir die duur van hierdie ooreenkoms, wat insluit alle 

verlengingstydperke, aan die fransesgewer die tantième vir elke Addisionele Pakket 

betaal, welke tantième bereken sal word ook ten aansien van elke Addisionele pakket 

soos bepaal in klousule 4.2 van die Fransesooreenkoms. 

25.2.2.2 Die fransesnemer sal, nie teenstaande hierdie magtiging vir die aanstelling van 

addisionele aanbieders, ter alle tye aanspreeklik wees vir die tydige betaling van die 

tantième in terme hiervan en sal alleen verantwoordelik wees vir die invordering en 

verhaling daarvan vanaf die addisionele aanbieders.

18 

25.3 Beeïndiging van diens van addisionele aanbieder 

Sou ‘n addisionele aanbieder se dienste met die fransesnemer, vir welke rede ookal, beëindig word, sal die die 

fransesnemer verplig wees om: 

25.3.1 onmiddellik alle uitstaande en agterstallige tantieme ten opsigte van die addisionele aanbieder en 

addisionel pakket aangekoop , opeisbaar en betaalbaar ingevolge hierdie ooreenkoms aan die 

fransesgewer te betaal soos verskuldig ten tye van die beëindiging van die addisionele aanbieder se 

dienste met die fransesnemer en maandeliks daarna totdat die addendum ten aansien van die 

addisionele aanbieder en addisionel pakket aangekoop beëindig is by ooreenkoms tussen die 

fransesgewer en fransesnemer of ‘n nuwe ooreenkoms in terme hiervan bereik is; 

25.3.2 onmiddellik skriftelik aan die fransesgewer kennis te gee dat ‘n addisionele aanbieder se dienste 

met die fransesnemer beëindig is waarop die fransesnemer geregtig sal wees om binne ‘n tydperk 

van ten minste 30 (dertig) dae na die beëindiging van die betrokke addisionele aanbieder se 

dienste ten aansien van die addisionele pakket/te wat vir die uitsluitlike gebruik van die betrokke 

addisionele aanbieder aangekoop is, een van die volgende opsies uit te oefen: 

25.3.2.1 ‘n nuwe addisionele aanbieder aan te stel onderworpe aan dieselfde bepalings as hierin 

vervat en met die spesifieke toestemming van die fransesgewer soos vereis in klousule 

25.1; of 

25.3.2.2 om self die addisionele pakket te benut met die vooraf skriftelike toestemming van die 

fransesgewer, welke toestemming onder andere onderhewig sal wees aan die bepalings 

ten aansien van die maksimum ure per week wat die fransesnemer mag werk in haar 

bedryf met die pakkette soos bepaal in hierdie fransesooreenkoms, en sonder om 

afbreek te doen aan enige van die verpligtinge in terme van hierdie ooreenkoms of die 

Addendum ten aansien van die addisionele pakket. 

25.3.2.3 die addendum ten aansien van die addisionele pakket te termineer waarna klousule 

25.3.3 en 25.3.4 van toepassing sal wees en die fransesnemer sal voor verstryking van 

die 30 (dertig) dae periode die fransesgewer skriftelik verwittig van haar keuse in terme 

van 25.3.2.1, 25. 3.2.2 of 25.3.2.3. 

25.3.3 Indien die fransesnemer ‘n keuse in terme van 25.3.2.3 maak, sal die fransesnemer binne 14 

(veertien) dae na sodanige skiftelike kennisgewing alle items ten opsigte waarvan die fransesgewer 

eiendomsreg voorbehou het waarna verwys word in klousule 7 van die fransesooreenkoms, asook 

alle stempels, blokke, etikette en advertensie-materiaal, drukwerk en alle verwante items wat die 

handelsmerke bevat of uitbeeld, ten aansien van die betrokke addisionele pakket waarvan die 

gebruik beeïndig is, onmiddellik en op die fransesnemer se eie koste, aan die fransesgewer 

teruglewer, by die fransesgewer se domicilium adres soos uiteengesit in die fransesooreenkoms, of 

by sodanige ander adres as wat skriftelik deur die fransesgewer aangewys is vir daardie doel. 

25.3.4 Met teruglewering van die betrokke addisionele pakket waarvan die gebruik beeïndig is en op 

voorwaarde dat al die frasesnemer se verpligtinge in terme van hierdie ooreenkoms en die 

fransesooreenkoms nagekom is, sal die fransesgewer die fransesnemer skriftelik onthef van die 

verdere verpligting om tantieme ten opsigte van die betrokke addisionele aanbieder wie se 

ooreenkoms beeïndig is en die betrokke addisionele pakket waarvan die gebruik beeïndig is, te 

betaal. Geen terugbetaling sal plaasvind ten aansien van die kostes van die addisionel Pakket na 

verwys in klousule 25.2.1 hiervan nie. 

25.4 Regsverhouding van addisionele aanbieders 

Die partye kom ooreen dat geen gedeelte van hierdie Fransesooreenkoms, enige Addendum ten aansien van die 

aanstelling van addisionele aanbieders of van enige van die Aanbiedersooreenkomste tussen die fransesnemer en die 

addisionele aanbieders geïnterpreteer sal kan word as synde ‘n ooreenkoms dat enige addisionele aanbieder ‘n 

werkgewer, agent, verteenwoordiger of kontrakteur van die fransesgewer is nie en ook nie dat die fransesgewer 

enige verpligtinge direk teenoor enige addisionele aanbieder het nie. 

GETEKEN te _____________________________ op hierdie _________dag van _________________________ 2____________ 

Getuies: 

1 ................................................................................

19 

2 ................................................................................ ................................................................................... 

(Handtekeninge van getuies) 

Fransesgewer 

GETEKEN te _____________________________ op hierdie _________dag van _________________________ 2____________ 

Getuies: 

1 ................................................................................ 

2 ................................................................................ ................................................................................... 

(Handtekeninge van getuies) 

Fransesnemer

20 

Aanhangsel “A” ‘n Kaart van die gebied is hierby aangeheg - sien klousule 1.9

21 

Aanhangsel “B” Die handelsmerke is hierby aangeheg – sien klousule 1.10

DIE SUID-AFRIKAANSE MUSIEKWAARDERING EN ...

You also want an ePaper? Increase the reach of your titles

Delete template?

Save as template?