24 Julie 2013 - Kerkweb.org

Kruis-en-Dwars 24 Julie 2013
Lewenslus is noodsaaklik
Lewensbegeleiding is deesdae ’n groot
saak. Sakeondernemings stel duur
le-wensgidse aan om werknemers te
help met die eise wat die werk en die
lewe aan hulle stel. Al hoe meer mense
het ’n lewensgids wat raad gee, luister
en probeer put uit die energie wat lewenslus
bring. Waarom dié geskarrel?
Is dit omdat mense koers verloor het en
dus die lewenskuns verloor het?
Miskien het die lewe só kompleks geword
dat ons gidse nodig gekry het
om aan ons, tussen al die dinge wat
ons oorweldig, die rigting na ware
lewe en lewensvreugde uit te wys. Die
lewenspad is immers vol slaggate en
gevaarlike draaie en ’n mens het hulp
nodig om hierdie pad te bemeester.
Soms moet jy herstel van terugslae en
teleurstellings. Ander kere soek jy na
balans. Lewenslus is immers ’n kwessie
van balans. Die Nederlander, Teunard
van der Linden, skryf dat lewenslus te
make het met die vaardigheid om die
lewe aan te gryp – met verwondering
en humor, maar ook met veerkrag en
uithouvermoë.
Die soeke na ware lewe is natuurlik
lankal deel van die gesprekke wat gelowiges
voer. Godsdiens het te doene
met die soeke na sin in die lewe, na
die ontdekking van die lewe in volheid
wat Jesus Christus bring (Joh 10:10).
Die Heilige Gees is die bron van lewe,
die lewenslustige Asem wat alles soos
’n vars oggendbries deurtrek. Die kerk
se taak is om die feesmaal van ware
lewe voor te berei – om almal, ook die
armes en blindes en gestremdes, uit te
nooi om by die fees van die lewe te kom
aansit (Luk 14:21). Hierdie ware lewe is
méér as net die ontdekking van sin in
die lewe. Dit gaan ook oor lewenslus.
Daar is geen sinvolle lewe moontlik
sonder lewenslus nie
Lees die res van prof Nelus Niemandt se
rubriek in Kerkbode van 19 Julie 2013.
NUUSBROKKIES
Rensburg se nuwe e-posadres
is ngkerkrensburg@sharemail.
co.za en nuwe faksnommer is
0862724480 - Mev. Ethresia Piater
In die jongste uitgawe van ‘n Anabaptistiese
tydskrif verskyn ’n artikel
(Embracing vulnerability)waarop
ds. Gawie Snyman van Delmas-
Wes refelekteer oor verlede jaar se
moord op Wian en tannie Margaret
en die gebeure wat daarrondom afgespeel
het. Lees sy artikel by issuu.com/anisaezine/docs/anisa_issue_3__july__2013_
Hierdie kwartaal hanteer Bybelskool.com
die boeke Daniël, Ester,
Esra en Nehemia. Stuur navrae
aan ds. Chris van Wyk (acv.vanwyk@gmail.com)
Toer saam na Israel met prof Kok
Voornemende reisigers na Israel
kan gerus oorweeg om in te skryf vir
Seagull Toere se toer later die jaar
na Israel. Prof Kobus Kok, verbonde
aan die Universiteit van Pretoria se
Departement Nuwe Testamentiese
Wetenskap, sal reisigers op die
toer van 5-17 Desember vergesel.
Bestemmings waar die toergeselskap
sal aandoen, is onder meer die
See van Galilea, Berg Karmel en
Nasaret. Die reis van dertien dae
sluit ’n retoervlug, twee etes per dag,
Oggend vir orreliste aangebied
toegangsfooie en verblyf in 4-ster
hotelle in. Die toerkoste beloop sowat
R25 630 (tarief bereken op ʼn
wisselkoers van R10 = $1). Reisversekering
vir persone tussen 70 en
85 jaar is wel beskikbaar, maar teen
’n hoër tarief. Amerikaanse dollars
sal gebruik word en met ’n Suid Afrikaanse
paspoort word geen visums
benodig nie. Persone wat depositos
in Julie betaal, kry ’n R1000 afslag.
Besoek www.seagulltoere.co.za vir
meer inligting.
Orreliste word uitgenooi om die Suid-Afrikaanse
Kerkorrel Vereniging se Streeksbyeenkoms 2013
op Saterdag, 3 Augustus by die Suikerbosrand
gemeente, Heidelberg by te woon. Colin Campbell
sal as gasheer optree en sal sy kennis deel.
Die Hoopvolle Gesinne-projek
poog om deur relevante materiaal,
waarmee gesinne in gemeentes
toegerus kan word, gesinne aan te
moedig om hoopvolle Koninkryklewens
te leef omdat die stigters
glo die huis is die eintlike plek waar
geloofsvorming plaasvind. Die webwerf
www.hoopvollegesinne.co.za
se materiaal is geskoei op ’n dissipelskapsverhouding
met Jesus
Christus. “Ons wil graag relevante
en eietydse materiaal aan gemeentes
voorsien, vir die gebruik in hul
gesin- en familiebediening; om
(hulle) met ’n hoopvolle lewensuitkyk,
te midde van al die uitdagings
in hul huis, omgewing en buite hul
grense te leef.”
Persone wat die dag bywoon, kan uitsien na ’n
instrumentale tussenspel van ’n fagot, dwarsfluit en
klavier. Die koste van die oggendfunksie is R100.
Rig navrae aan Dalene Els (082 9222 552 of
suikerbosrand@ngsbr.co.za .
2