Kamp-is-Lekker-Tydskrif-Feb-2018

UITGAWE NO. O2
FEBRUARIE 2018
•
WEN
4x4 Gids met Roetes
deur Suider AFRIKA
KAMP IS LEKKER
WENKE
So maak ons
tent skoon
Wat sê
R E S E P T E
BRANDEWYN
EN COKE
"T-BONE"
HENRY?
Speletjies
vir die hele
gesin
K
ampplekke op die voorstoep
van Gauteng

"Ons Kampresepte"
BRANDEWYN-EN-COKE "T-BONE"
Brandewyn-en-Coke T-Been
Neem die volgende vir die marinade:
Twee koppies Coke
Halwe koppie brandewyn
Eetlepel Mrs Ball’s-blatjang
Twee eetlepels sojasous
Twee eetlepels goeie asyn
Goeie gehalte T-Been
Gooi twee koppies Coke en die brandewyn in die pan.
Voeg Mrs Ball’s by.
Kook af tot die hele storie ‘n dunnerige stroop maak.
Klits dan die sojasous en asyn by en kook vir nog so drie, vier
minute.
Koel af.
Nou vat jy jou biefstuk en plaas dit in die swart sous. Bedek die
vleis met die sous en los vir maksimum 30 minute.
Braai die vleis op rooster, op oop warm kole soos jy of jou
gaste dit verkies. Kwas gereeld met marinade..
Dieselfde marinade kan ook op heerlike skaaptjoppies gebruik
word.
POTBROOD WIELE
Hierdie potbrood wiele word gemaak van gekoopte
brooddeeg wat per kg by die meeste winkels se
bakkerye beskikbaar is.
1 kg brooddeeg
Tamatiepuree na smaak OF blikkie tamatie &
uiesmoor
1 pakkie bruinuiesoppoeier
Knoffel
1 blikkie mossels OF weense worsies (in skyfies
gesny) OF gebraaide spekvleis
Gerasperde cheddarkaas
250ml room
• Rol deeg in reghoek en smeer tamatie oor.
• Sprinkel soppoeier en knoffel oor.
• Versprei vleis van jou keuse (mossels of worsies of
spek) en kaas oor en rol dit op soos ‘n rolkoek.
• Sny in skywe, plaas in gesmeerde oondpan, gooi
room oor en bak vir 45 min teen 180°C of plaas
in swart platboompot en bak in buite-oond (gat in die
grond met kole om of op ‘n rooster met ‘n
omgekeerde appelboks oorgetrek met foelie).

K A M P I S L E K K E R 0 3
PIESANGKLOOF
& BOSKAMP
4×4
Piesangkloof Boskamp is
geleë aan die voet van die
Magaliesberg, naby
Hartbeespoort in die
ongerepte natuurskoon. Die
kamp is veral populêr onder
4×4 entoesiaste wat in die
pragtige berge kom bestuur.
Daar is pragtige uitsigte oor
die waterpoele en die
bokkies wei by die
kampplekke. Jy is welkom om
‘n braaitjie op die kruin van
die berg te maak.
Kampplekke: Kom kamp in
die rustigheid van die
Magaliesberge. Daar is ‘n
natuurlike en privaat
kampterrein “at the creek”.
Kom kamp met jou
boswa, ryhuis, karavaan of
tent. Daar is nie krag by die
kampplekke nie, maar daar is
wel skoon lopende water.
Die kampplekke is baie
bekostigbaar. Maksimum 4
persone per staanplek
Kontak persoon Maritza Els
– 084 409 0217
MEER...

WENK HOE
OM JOU
TENT SKOON
TE MAAK.
Almal wat met vuil tente sit, onthou die
volgende. Moet NOOIT enige seep
gebruik om enige tent skoon te maak
nie! Slegs skoon water en ‘n sagte
besem. Gooi die seile oop op jou
grasperk of plaveisel, spuit dit nat, vee
skoon en spuit dit af. Hang dit oor jou
wasgoedlyn of slaan die tent weer op.
Om van mufkolle ontslae te raak gebruik
jy gewone bruinbrood wat jy in bolletjies
rol en oor die muf smeer.
Borsel dit dan af. Jy kan ook wit asyn
gebruik tesame met ‘n sagte sponsie om
muf af te kry. Laat dit droog word en
borsel skoon.
Jy moet gereeld die ritsluiters nagaan en
hulle met n ou tandeborsel met vaseline
smeer, dit verwyder aanpaksels. Ek het
dit op die proef gestel, dit werk en die
ritssluiters werk ook baie meer gemaklik.
Deur Ian Laing
By Kubu4x4 spesialiseer ons in die
verhuring van 4×4 sleepwaens en
karavane van Conqueror, Echo en Bush
Lapa.
Al die sleepwaens is omvattend toegerus
met die nodige toerusting vir kamp en toer
in Suid- Afrika, van gewone kampnaweke
tot langer kampvakansies of 4×4 toere,
beide binne en buite Suid-Afrika se
grense.
Al wat jy inpak is klere, kos, drinkgoed en
beddegoed.
Oorgrens dokumente word verskaf indien
benodig en versekering is ingesluit in die
huurtariewe.
Kubu4x4 is geleë in Krugersdorp,
Gauteng
Kontak: Jannie
Engelbrecht 0836316995
jannie@kubu4x4.co.za

K A M P I S L E K K E R 0 5
Dit is Vrydagmiddag en jy en jou
familie is lus om vir die naweek te
gaan kamp, maar julle is nie lus
om baie ver te ry nie. Dus…is
Dinokeng Resort net die plek vir
julle om te gaan uitspan.
Dinokeng Oord grens aan die
Boekenhoutskloofspruit en is
geleë in Welgevonden, langs die
Dinokeng Natuurreservaat, slegs
45km vanaf Pretoria en 17 km
vanaf Hammanskraal. Die
kampplek bied ‘n regte bosveld
ondervinding vir kampers om te
kom ontspan. Daar is sowat 40
kampplekke met kragpunte
beskikbaar met 4 persone per
staanplek. Die meeste van die
staanplekke het gras en koelte en
daar is meestal struike tussen die
staanplekke om ‘n mate van
privaatheid te verseker. Elke
kampplek het ‘n betontafel en
bankies vir aansit as jy klaar
gebraai het.
Die ablusiegeriewe by
Dinokeng Oord is baie netjies.
Daar is 3 gemeenskaplike
ablusieblokke in die kamp sowel
as 4 privaat ablusieblokke. Die
grootste ablusieblok het aparte
badkamers vir mans en dames en
is naby die swembadkompleks.
Die ander 2 ablusieblokke is aan
die naaste en verste punt van die
kamp se ingang geleë.
Daar is baie aktiweite beskikbaar
vir oud en jonk om mee besig te
bly, soos bergfiets roetes, ‘n kuier
lapa, speelpark vir kinders,
staproetes, 4
swembaddens, voëlskyk, wildkyk
(bespreek vroegtydig), visvang in
die Boekenhoutkloofspruit en ‘n
mobiele spa (bespreek
vroegtydig). Dinokeng Oord bied
‘n veilige omgewing vir kinders om
te speel en is een van
daardie kampplekke waar jy
beslis net jou kinders gaan sien
as hulle honger is vir ‘n stukkie
braaivleis.
Behalwe die kampplekke, bied
Dinokeng Oord ook aan die
besoeker goedversorgde selfsorg
eenhede en lodge kamers. ‘n
Paar van die kamers is naby die
verskeie swembaddens, dam en
rivier geleë. ‘n Vyfster ontbyt
word bedien en die diens is van
hoogstaande gehalte. Al die
eenhede het hul eie privaat
badkamer.
Dus, as jy weer soek vir ‘n lekker
kampplek om te besoek, is
Dinokeng Oord ‘n goeie opsie om
te
BESPREEK
DINOKENG OORD
45KM VANAF PRETORIA EN 17 KM VANAF HAMMANSKRAAL

K A M P I S L E K K E R 0 6
Braai Broodjie kompetisie
ONS GESELS MET RONEL
NOTHNAGEL OP
FACEBOOK.
Ronel sê: “Ek en my man Hennie
was baie bevoorreg om saam met
die karavaaneienaars van Secunda,
South Easterns CCSA te kuier. Ons
was genooi om beoordeelaars te
wees by Lake Umuzi Kamp Oase vir
die braaibroodjie kompetisie. Wat ‘n
aangename klomp mense met warm
harte en goeie gees.
Daar was 12 inskrywings wat so "out
of the box" gedink het en volgens my
was al 12 deelnemmers ’n wenner in
eie reg. Die deelnemers het ons
behoorlik laat sweet met al die
interressante braaibroodjie
kombinasies.
Ons het besluit op Jeanette as die
wenner. Haar braaibroodjie met
roomkaas, sweet chilli sous,
mozerella, fyn biltong en
peppadews, was watertand lekker!
Die wenner is Jeanette
Dankie dat julle die resepte met ons
gedeel het en gaan self van die
resepte op die proef stel."

K A M P I S L E K K E R 0 6

K A M P I S L E K K E R 0 8

K A M P I S L E K K E R 0 9
Tussen-I-Bome
Gasteplaas
Kamp Staanplekke 6
Persone Per Staanplek 10
Troeteldiervriendelik Vooraf reëling
Swemplek Kouewater swembad
Grondbedeking
Grond/sand
Skaduwee
Ja
Toeganklikheid
Grondpad
Selfoon Ontvangs
Swak
BESPREEK
Tussen-I-Bome Gasteplaas bied 'n
bekoorlike ossewa-oord sowat 26
km buite Montana in Pretoria op die
R573 KwaMahlango/Moloto-pad.
Die gasteplaas val binne die groter
Dinokeng streek en is sowat 30km
vanaf die Dinokeng Groot 5
Wildsreservaat en ook naby die
geskiedkundige dorpie van Cullinan
(met ‘n werkende diamant myn)
asook die Roodeplaat Dam.
Hierdie wildsplaas bied 'n regte
Bosveld-karavaanpark en -
kampeerterrein met water en
elektrisiteit by elke beskutte
staanplek. Daar is slegs 6
staanplekke beskikbaar en daar is
gerieflike ablusiegeriewe en
opwasgeriewe. Die staanplekke is
almal naby aan die ablusiegeriewe
geleë.
Daar is twee swembaddens en
mooi staproetes om te wandel. Jy
sal heel waarskynlik paaie kruis
met rooibokke en sebras terwyl jy
op een van die staproetes gaan.
Die een swembad is 'n rotspoel
wat op die hang van 'n koppie
gebou is met 'n uitsig-dek. Van hier
af kan jy die sonsondergang
aanskou en waardeer.
Tussen-I-Bome Gasteplaas bied
verskillende selfsorgverblyf-opsies,
van ossewakampe vir die
avontuurlustiges met slaapplek vir 4
- 6 mense. Hier slaap gaste in
oorspronklike ossewaens. Ander
selfsorg opsies is 'n gastehuis met
3 luukse en suite-kamers.
Die akkommodasie is ideaal vir
groot groepe, want die
gesinseenheid het 11 beddens, een
privaat kamer, een semi-privaat
kamer en 7 vrystaande beddens in
3 oopplan-areas.
Daar is ook 'n rustieke bos-lapa
met slaapplek vir tot 16 mense en 'n
pragtige chalet met slaapplek vir tot
10 mense.
Die Ossewa-tema van die venue en
die selfsorg-ossewakampe sal 'n
nostalgiese gevoel aan jou verblyf
by Tussen-I-Bome Gasteplaas
verleen. Die venues, ook in die
Ossewa-styl, kan tot 120 mense
akkommodeer. Dis ideaal vir troues,
konferensies, spanbousessies,
jaareindfunksies, verjaarsdae ens.
Die chalet, bos-lapa en gastehuis
kan vir kleiner funksies soos
hennepartytjies, rampartytjies,
ooievaarspartytjies ens. gebruik
word. Daar is 2 WiFi-versenders
wat WiFi aan gaste beskikbaar stel.
Daar is ook’n TV en DStvkoppelpunte
vir gaste wat dalk hul
eie DStv-dekodeerders wil
saambring.
26 Oktober – 28 Oktober
Sandringham Stellenbosch,
Wes-Kaap

K A M P I S L E K K E R 1 0
SPELETJIES VIR DIE HELE GESIN
MAAK ‘N LAS:
Die speletjie begin met ‘n passasier wat een volsin uitdink. Die volgende persoon
moet dan nog ‘n sin bylas. Almal in die kar kry ‘n beurt om 'n sin by te voeg totdat ‘n
hele storie ontstaan.
MIK EN DRUK:
As jou kinders oud genoeg is, laat hulle toe om beurtelings foto’s te neem met ‘n
digitale kamera of met jou slimfoon. Dit is groot pret om by jou bestemming deur al
die foto’s te gaan en om die wêreld deur die oë van jou kind te sien.
TALENT PARADE:
Laat jou kinders grappies vertel en liedjies sing in die kar. Wees jy die
seremoniemeester en kondig elke kind met entoesiasme aan.
Ten slotte…Onthou, die belangrikste is om die rit as gesin saam te geniet en om
kalm te bly in die voertuig. Haal diep asem en geniet die tydjie saam met jou
liefmense terwyl julle oppad is na jul gunsteling kampplek. Onthou julle is besig om
saam kosbare herrineringe as ‘n gesin te bou.
.

Leeuwenboschfontein (Touwsriver)
Die feit dat dit ons klomp manne amper 3 jaar geneem
het om weer saam te kamp is wraggies ʼn skande!
Maar soos die gesegde gaan – liewers laat as nooit.
Middel Augustus het ek die eerste keer van
Leeuwenboschfontein te hore gekom toe ons in die
vallei langs die plaas gekuier het saam met vriende.
Seker gemaak ek het dit op my “to-do” lysie gesit en
toe ons (ek, Jacques & Frans) een laatmiddag gesels
het dat ons weer ʼn kamp moet doen het dit na die
ideale geleentheid gelyk om daar te gaan kuier vir ʼn
naweek.
KLIK hier vir fotos
Wat sê
Henry?
K A M P I S L E K K E R 1 1
Vrydag, laatmiddag kom ʼn fris spannetjie stuk vir
stuk by mekaar by Leeuwenboschfontein se
.
kampterrein. Ons naweek spannetjie was:
1. Jonker’s
2. Laas’e
3. Groenewald’s
4. Laubscher’s
5. Dreyer’s
6. Pretorius’e (het eers die Saterdagoggend in
geval)
Een ding is verseker, as jy saam met Jacques &
Frans kuier gaan daar heeltyd gebraai word.
Hierdie twee seuns is wragtig met vleis groot
gemaak en het seker nooit babamelk gesien nie.
Soos die een vleisgereg van die rooster af kom
gaan die volgende een weer op. Enige iets van
gerookte varkrib, skaaptjops, Koedoe wors,
skaapstertjies, skilpadjies en Springbok fillet. Dit
is ʼn konstante geëtery van die rooster en nes jy
dink jy kan nie meer nie gaan die volgende rooster
weer op die vuur. My mond water sommer klaar as
ek terug dink daaraan.
Saterdagoggend word daar besluit dit is tyd om die
4×4 roete (graad 3) na die uitkykpunt aan te pak.
Soos altyd geniet die kinders die rondskud en op en
af’s terdeë. Uiteindelik by die uitkykpunt gekom en
die wind slaan ons van alle kante. Francois het ook
intussen by die kampterrein aangekom en terwyl
ons nog die view van bo geniet kon ons sien hoe hy
die roete man alleen aanpak.
Toe hy ook uiteindelik bo kom het ons die man darem
paar minute gegee om die stof af te sluk met ʼn koue
bier, voor ons weer afgesak het kampterrein toe.
Met reënwolke wat intussen begin dreig het, besluit
ons om liewers vuur aan te steek in die lapa. Met
Jacques en Frans weer in hul element was dit nie
lank voor daar weer ʼn herhaling van Vrydagaand se
geëtery was nie. Terwyl Frans al die rooster
voorsmakies braai, is Jacques besig om ʼn kookwater
skaapskenkel pot aan mekaar te slaan. Om net seker
te maak ons eet nie NET vleis die heel naweek nie,
word daar ook sommer brood gebak.
Sondagoggend en die vorige aand se onsmaaklike
wind is iets van die verlede. Terwyl die kinders die
visstokke bietjie natmaak word daar weer vuur
gemaak vir Paul se Mexican omelette, wat ʼn groot
wenner was. Moer... dit maak seer om die knaap ʼn
kompliment te gee, maar ek moet dit tog noem, dit
was watertand lekker.
Laatoggend en almal begin stadig om kamp op te
slaan. Niemand is regtig lus om die naweek af te sluit
nie, maar die nuwe week is besig om ons hard te roep.
Laaste kiekie word geneem van die groep voor daar
totsiens gesê word tussen mekaar.
Groot dank aan almal. Behalwe dat ons lekker gekuier
het, het die kinders dit baie geniet. My spannetjie vra
alreeds wanneer die volgende kamp is.

Het jy 'n storie wat jy
met ons wil deel?
Stuur jou epos na
tydskrif@lekkerkampplekke.co.za