Create successful ePaper yourself
Turn your PDF publications into a flip-book with our unique Google optimized e-Paper software.
Hoe is het no mei Tjeerd en Anita Dijkstra<br />
Somtiden krije jo wat help by it skriuwen fan in stikje en dan is it hast of<br />
skriuwt it harsels.<br />
As wy werom fan fakânsje by Venlo de grins oerride krij ik yn ien klap 184<br />
nije app berjochten binnen! Ik fûn it earst al wat ferfelend dat myn tsjinsttillefoan<br />
yn it bûtenlân gjin tsjinst die, mar efterôf wie ik der tige bliid om! Ek<br />
de e-mail koe ik net ûntfange en einliks wol ik nea wer oars!<br />
Tusken de 184 berjochten sit ek ien fan Tjeerd Dijkstra. Hy freget my dêryn<br />
of ik lâns komme wol om mei harren in stikje te skriuwen, omdat se op<br />
3 augustus fan harren pleats op Meilahuzen ferhuze binne nei Wommels ta.<br />
Dat moat fansels altyd wêze. Tsjin sa’n oanbod kin gjin redaksje gearkomste<br />
op. We prate ôf yn harren nije hûs,<br />
oan de Ljurk 9 yn Wommels. Ik moat<br />
twa kear de rûnte omride om it hûs te<br />
finen. De nûmering is net allike logysk<br />
en it binne der allegearre bedriuwsbuskes<br />
en karren fan skilders,<br />
ynstallaasjebedriuwen en strjitmakkers.<br />
Tjeerd en Anita wenje no yn in<br />
frijsteand hûs net fier fan de famylje<br />
Viëtor. It is in modern ûntwerp mei in<br />
protte hout oan de bûtenkant. No´t ik<br />
it opskriuw betink ik my dat it<br />
wierskynlik wol keunststof wêze sil.<br />
Mar jimme snappe wat ik bedoel.<br />
Ek oan it hûs fan Tjeerd en Anita<br />
wurdt noch hurd wurke. De oprit moat<br />
noch oanlein wurde en sa te sjen sil<br />
dat hjoed barre. De bekende bus fan<br />
Evert Tanja (tún-oannimmer) stiet<br />
foar de doar. Anita lit my deryn en<br />
giet my foar troch it hûs nei de tún. Ek<br />
binnen is it wurk noch net klear. Sa<br />
hat it hûs noch gjin keuken. Anita<br />
docht der net dreech oer. “Het is even wennen, maar het lukt prima. We<br />
vonden op zolder nog een elektrische kookplaat en samen met een tafel en<br />
een kleine koelkast kom je dan eigenlijk een heel eind.”<br />
Efterhûs sitte Tjeerd en Evert al oan de koe en wy skowe oan. Dan krij ik út<br />
ûnferwachte hoeke noch mear help by it skriuwen fan dit stikje. Evert feroaret<br />
nammentlik fan tún-oannimmer yn ynterviewer en ik wurd syn notulist. Sa<br />
kom ik sûnder fierdere ynspanning te witten dat Anita fan Snits komt en dat<br />
sy wurket as learkrêft tsjinstferliening en produkten op it RSG Magister yn<br />
Snits. Dit giet as it slydjaget.<br />
6
Change language