246-247.pdf

„Wat fierde os Äldere herrliche Feste möt
os Weeter!“
von Maria Jentjens
Die Hülserin Maria Jentjens geb. Hinkes (* 1932), gelernte Lehrerin, versteht es meisterhaft, ihre Kindheitserinnerungen
nicht nur aufzuschreiben, sondern auch vorzutragen. Bei den jährlichen Veranstaltungen des Hülser Heimatvereins unter
dem Titel „Öt Hatt op de Tong“ freut man sich jedes Jahr sehr auf die Schilderungen aus dem Hüls vergangener Tage.
Nachlesen kann man die Erlebnisse in den Hülser Heimatblättern ab Heft 51, hören auf der vom Hülser Heimatverein im
Jahre 2006 herausgegebenen CD mit dem Titel „Ut dän alden Tiet“. hw
Sonnich
Nä, wat fierde os Äeldere herrliche Feste möt
os Weeter! Wat woer döcks en wunderbare
Stimmung en dat klein, alt Wäeverhüske en de
Neustroet: Jedde Namesdoech – dän Adventstiet
– Chreesmes – Poasche, eck köes allein
dodrüever en jonz Buck schrieve. Von Ovend
well eck blues enns dä Sonnich erutjriepe.
Eck säck öch – jedde Sonnich woer en Fest.
On dat fing oll et samstes aan. Deä kleenen
Döesch en die reiter Eck von os Woehnkück –
woe sech et jonze Läeve offspellde – kräesch
en Sonnesdeck. Jenausue die versenkbare
Niehmaschien doenäeve. Oek an dän Hongduckhalder
koem dä Sonnesvorhang.
Medsen op dän Äetesdöesch stellde os Modder
enne herrliche Blumestruek ut dä Jaad
eiter et Hus. Enne Wönkter koem Dännejrüen
en die Vas.
Be Tante Maria on Tante Trina – die Jroßtantes
op dä Wenkel boeve – koem die rubinrue
Sammetdeck op dän Döesch. Doedrüever leit
Tante Trina noch eene Läufer uet witte Spetz.
On donn waade die Bellder opjestellt. En jruet
Foto von minne Urjroßvadder – en onger
von Jroßonkel Peter – dä en dänn üerschde
Weltkriesch en Frankreich jefolle woer on dann
noch en herrlich Foto von min Modder, wie die
noch en jonk Mädsche woer. Dat Belld fong
eck wunderbar. Modder sting doe – möt enne
Blumestruek en de Häng – vüer de Jartenlaube.
Doe koes eck mech niet sott draan kieke.
So, on os Modder sting jedde Samsteschmeddisch
an dän Herd on drehde möt twie Holtläepel
dä Sonnesbroenem en die iesere Kastroll.
Dän Duft jing duer öt jonze Hus. En bedsche
laater waad die jruete Zenkbütt ut dä Schopp
ereenjedrare. Op dän Herd sting oll dä jruete
Eenmakskäetel möt heet Water parat näven
die Kastroll möt dä Broenem. On donn jing die
Baderei loss.
En os christkatollische Famillisch jing olles
jonz jesittet tu. Twie Stüehl stinge füer die
Bütt, on en jruet Badeduck hing dodrüever…
246 die Heimat 80/2009
On donn eitenoeh die freschjewäsche Neitshemmer
– dat woer oll richtich Sonnich. Eck
füehl vondach noch, wie schön dat woer.
On donn dä Sonnisch selvs. Dat Jefühl konn
eck einfach niet beschrieve.
Die Klocke ludden ongesch – die Sonn schieen
ongesch – die freschjeschrubbte Neustro-
Maria, Karl on Hannes als Fasteloavesjecke
Die Freche Stiefmodder on Schneewittchen
et soech total ongesch ut – dat woer einfach
Sonnich – en herrlich Jefühl!
We trocke oll Sonneskleier aan. We Mädsches
woere besongesch fein möt die witte
Voalschürze. En os long Fleite koeme witte
Schleife – on döck boeve op dä Kopp koem
noch enne Schleifenpropeller.
Osse Vadder, dä onger de Wäek blues ömmer
dä Blaumann aanhoet, woer sonne staatse
Sonneskäel en dän Anzoch möt Kroech on
Schlips. On sue feinjemäck jinge we oll desame
en die Aachuhres-Mees natürlich. Eck
hab joe niet vüel mötjekräeje, die kollde joe
bald blues Latien damals. Bejrie-epe hab eck
ook niet, woröm die Frollüe sue döck jriene
mooße, wenn dän Hegger (dä Kaploen) op die
Kanzel prädischte.
On donn dat Frühstück – nä – woer dat herrlich!
Mech löp vondach noch et Water enne
Monk tesame, wenn eck draan denk. Dä
selvsjebocke Wäek – dänn hoet os Modder
dachs vüerher gemenk. Die Form möt dän
Deesch breite we na Meeser – ose Bäcker
(vandach ös dat Dorothee Müller).
On dä Meester biek dä Wäek donn en sinne
jrueten Bockoefe – enschiete hiet dat – doch
dat kenne die meiste von öch joe sieker. On
jedder eene kräesch et sonnes en Ei – jeleit
von die eeje Henne. Denne hoet osse Vadder
enne jruete Stoehl jebaut en de Jaat – eiter
et Hus.
So – on et Meddes – doe joev et die Rönkfleschzupp.
Dat woer Tex- jedde Sonnisch.
Woer die niet lecker? Allein die Färv oll, wenn
me en dä Pott kie-ek! On donn dän Eierstich
oder die Markklößkes! On donn dän Broenem
on dä Schlaat on dat Jemüs ut dän eeje Jaat!
– On die Äepel!!! Dat säg sche doch sie-eker
ook: die Äepel vondach schmaake einfach
niet miehr wie früher. Eck kriesch oll Honger,
wenn eck blues dran denk. On donn noch dä
Nachtisch! Jedde Sonnisch Vanillepudding
möt selvsjemäkde Himbeersaff.

So – on wenn die Küeck wier kloer woer (we
Weeter wade oll früsch aanjesotte für de helpe)
donn durfde Modder sech reeste on osse
Vadder spellde möt os.
Wenn öm Vaddel op Dree die Klocke ludde,
jing et na die Andacht – jedde Sonnisch. Doe
hoet eck jenn jruete Loss drop – doch wie
hiet dat en dat Kirkejebot: „Du sollst an allen
Sonn- und Feiertagen eine Heilige Messe mit
Andacht hören.“ Mit Andacht also – sue hab
eck dat als Weet verstonge. Also, die Andacht
durften eck niet uetloete.
Stellt öch dat vondach vüer – wenn me bedenk
– dat we Weeter ock noch ennen Tiet long öm
tweelf Uehre enne Christjeliehr (Christenlehre)
jescheck waade. Wat eck vondach dovon
halt – bruck eck ösch niet de sägge.
Die Zuschauer be die Oevesvorstellung
So – on donn – na die Andacht jing et, wenn
et niet jrad jonz ärsch räejente – möt olle Moen
na dän Hölschen Berg – jedde Sonn- on
Fie-erdoch. On olle Moen dat woere: Oma on
Opa (die Äeldere von oes Modder) Vadder on
Modder, Tante Liese (die jöngste Söester von
oes Modder – derre Moan, dän Onkel Josef
(Böttges), dä dän Heimatverein jejründet häet,
Tante Käthe, die onjetraude Soester van
os Modder, on we Weeter.
Eck hab noch en Foto von sonne Ausfluch.
Onkel Josef hät dat opjenoehme. Doe drop
süeht me – wie oll jeseit: Oma on Opa, Vadder
on Modder, Tante Liese, Tante Käthe on
we Weeter: Eck, die älls – minne Bruer Karl
on minne Bruer Hans. Donn sid op dat Belld
noch twie jruete Weeterwäjels – twie Sportwäjels
– on me süeht, dat os Modder on Tante
Liese ollebeds bald wier en Weet krieje.
Joe – on donn waat jesonge – dä jonze Wäesch
long – miehrstemmich natürlich. On op
dän Heimwäesch stemmde osse Vadder möt
sinne herrlich diepen Bass jeddes Kier dat
Lied aan: „Nun scheiden wir mit Sang und
Klang, leb wohl, du schöner Wald.....“
Joe, dat woer Sonnisch, jeddes Kier en Fest!
Wäeschdoech (Auszug)
Moenich dat woer – sue long wie eck trück
denke konn – Wäeschdoech. Et moenes waet
jewäsche, on dat bald de jonzen Doech.
Enne Waeschdoech von vondach tellt doch
niet miehr. En Maschin, woe me blues op en
Knöpke de deuen bruck – dat hät doch möt
Waeschdoech von früher rein jar nix miehr de
duen – mien eck.
Eck hab öch oll vertellt, dat min Modder die
ürschde Wäeschmaschin kräech, wie eck et
ürschde Jehalt als Lehrerin von ZenTuppet
möt na Hus breit. Dat woer 1955. Doe hüede
möt een die Plackerei op.
Joe, wie woer dat früher et moenes? Vadder
on Modder stingen oll öm fief Uehren op. Dat
äwer niet blues et moenes – jedden Doech.
Modder jing donn en die Frühmees – die Säsuehres.
Dat hiel die be enne Suemer on enne
Wönkter – sue long, wie et die Frühmees jow.
Wenn me bedenk, dat os Modder ach Weeter
op de Welt jebreit hät –
Osse Vadder miek en dän Tiet dän Heerd
aan – on et moenes ock en de Spüelküek dat
Pännke, dä Wäeschoefe. Dän Heerd, dä mut
eck öch noch jau beschrieve. Dat woer enne
wunderbare Oefe – eck jloev – vondach wüer
dat en richtich Museumsstöck.
Die Wäng on die Düeres woere uet witte Postelin,
oll blau bemollt möt Belder ut Holland. Die
Bockoefendüer woer en herrliche Meerlandschaf
möt Schepper on Fraue on Männer en
holländische Trachten. Dän Heerd, die enzige
Füerstell en et jonze Hus, wat äwer oek fein
jefläch. Jedden Doech – na et Meddesäete
wat dä jeputz – on wie! We Weeter waade oll
früch anjesotte für de helpe. Eck weet, dat dän
Heerd wunderbar blenkte – äwer öt stonk oek
ömmer ärsch. Dat koem von die Putzcrem, die
dodropp jeschmeert waad. Dröm waade die
Rute flott wiet opjestiepe.
So, na die klein Abweichung – doe salle wahl
noch miehr kueme – jet et we-er.
Also, Modder woer von de Kirk trück. Vadder
miek os Weeter wokrich, on we koeme noch
ziemlich verschloepe en de Küek.
Jedder eene von os Weeter hoet doe sin Päckske
möt Kleier legge. Jedder hoet sinne feste
Plaaz, woe hä sech et oeves uttrock. Eck, die
älls, hoet min Kleier op dä enzige Sässel lägge,
dän et en os Woehnkueck joev. Dä sting en ein
Eck näven dä Kueckekoes onger dat Schaap
möt dä Volksempfänger.
Modder sting an dän Heerd on rürde die Melkspapp
– die osse Vadder donn en enne emalierde
Teller schoet. On wenn die Papp niet
miehr sue jonz heet woer, noehm osse Vadder
enne Läepel. We Weeter moeßen os na de
Reih op die Kistenbonk sette on Vadder fuer-
den os. Wenn dä Teller läesch woer, kräesch
jedder eene noch enne Läepel Lebertran. An
dä Jeschmack konn eck mech vondach noch
juet erennere.
En dän Tiet sting os Modder an dän Döesch on
schnie-en Bruet oev. On dobee waad jebäet:
„O Gott, du hast in dieser Nacht so väterlich
für mich gewacht. Ich lob und preise dich dafür
und dank für alles Gute dir…“ Dat Jebätt ös
natürlich noch niet ant Eng. Doe waad noch
Maria aanjeruppe, donn dä Schutzengel on et
letz hiet et:
„Heiliger Josef, mir auch biete
deine väterliche Hand.
Und durch deine Fürbitt’ hüte
mich dein Kind im Erdenland.
Eck hab als klein Weet sue döck üverleit,
wat dat wahl vön Hü sien koese, die „Fürbitt
hüte...“
So, on donn jinge we Weeter spiele, buete,
jedden Doech, enne Sandkasten on en osse
jruete Jaad. Vadder hoet oll längs die Waevstühl
ant loepe on en et Pännke kockden die
Wäesch.
Na enn jue Stond waet die möt enne höltere
Wäeschknöppel erutjenoehme on en en jruete
Zenkbütt jeföllt. Die waet donn möt twie Moen
op dän Hoef an die Senk jedraare. Be schuen
Wäer jing dat joe noch, äwer enne Wönkter – be
Frües. Donn koem dän Opa, dä Vadder van os
Modder, on miek sin Morjejymnastik möt dä
Stampfer. Honget moel waet jestampft. Donn
waet die Wäesch ömjedreht möt dä höltere Wäeschknöppel
on wier honget moel jestampft, on
donn noch ens honged moel. Dann waad die
Bütt op enne höltere Bock jesotte, die Vröngmaschin
waat draanjedreht on donn moeß die
jonze Wäesch dur die Walze. Donn jing dat uetwäschen
aan. Dreemoel en kloer, kalt Water –
on jeddes Kier wier olles duer die Vröng.
Enne Suemer, be schön Wäer, miek dat joe
noch Freud – äwer be Räeje on be Frües!! Eck
sieh os Modder noch op däm Hoef stoehn on
die Ärm üvereenschlaere öm die Fenger en
bedsche optewärme.
On donn noch oll dat Bonkte – dat waet joe
olles noch extra op de Honk jewäsche on op
et Wäeschbrett.
Joe, eck säck öt öch – Wäeschdoech dat woer
jeddes Kier en Fest!!
die Heimat 80/2009 247