2011 (PDF) - Toll og avgiftsdirektoratet

More documents

Recommendations

Info

TETT PÅ PÅ GRENSEN 4–11 Forenklar skipsrapporteringa 24 – Dagens ordning med papirblankettar blir overfl ødig når skipsagentar no kan levere elektroniske meldingar i Safe Sea Net. Kystverket og Tollvesenet har samarbeidd om å utvikle ei løysing for elektronisk innrapportering av skipspapir til Tollvesenet. TEKST Tore Skår FOTO iStockphoto TETT PÅ KYSTVERKET Gjennom Kystverkets Safe Sea Net-system kan skipsagentar no levere skipspapira til Tollvesenet elektronisk. – Vi har inngått dette samarbeidet med Kystverket for at det skal bli enklare å levere skipsopplysningar. Alle grensekryssande varetransportar skal deklarerast til tollmyndigheitene. Dagens løysing med manuell levering av skipsopplysningar er ressurskrevjande både for næringslivet, som skal gi opplysningane, og for Tollvesenet, som skal ta imot dei. For vår del er det ikkje formålstenleg å nytte skipsdokument på papir til kontroll- og statistikkformål, seier underdirektør Liv Rundberget i Toll- og avgiftsdirektoratet. OVERFLØDIGE PAPIRBLANKETTAR Ei teljing frå 2004 viste at det dette året blei levert inn 180 000 skipsblankettar, fordelt på 48 000 skipsstopp som blei avgitt av 3900 deklarantar. Mellom anna skal det leverast innkomstmelding, fartøydeklarasjon og varedeklarasjon. Dagens ordning med papirblankettar blir overfl ødig når skipsagentar no kan levere elektroniske meldingar i Safe Sea Net. – I strategiplanen til Tollvesenet er det nedfelt at vi pliktar å leggje til rette for effektiv deklarering og enkel marknadstilgang for næringslivet. Derfor begynte vi for fl eire år sidan å sjå på løysingar som kunne forenkle rapporteringa for skipsfartsnæringa, samtidig som behova for kontroll og statistikk blei varetekne, fortel Rundberget. KONTAKT MED KYSTVERKET Det blei oppretta kontakt med Kystverket. Dei fremja Safe Sea Net som eit potensielt verktøy for å levere skipspapir til Tollvesenet. Safe Sea Net var alt etablert for andre meldingstenester, til dømes rapportering av farleg og forureinande last og losbestilling. Kystverket tilbydde seg å utvikle Safe Sea Net for å dekkje Tollvesenets behov knytte til fartøystopp. – Basert på det europeiske Single Windowkonseptet har Kystverket fått i oppgåve å utvikle ein nasjonal portal for forenkla skipsrapportering. Takka vere godt samarbeid med
ei rekkje etatar, mellom anna Tollvesenet, har vi komme langt i utviklinga samanlikna med mange andre europeiske land, seier avdelingssjef Jon Leon Ervik i Kystverket Vest. PILOTPROSJEKT I april 2009 starta eit pilotprosjekt med 13 skipsagentar fordelt på tollregion Vest- Noreg og tollregion Sør-Noreg. Det fungerte så godt at Safe Sea Net gjekk inn i permanent drift frå 1. januar 2011 og blei utvida til å omfatte alle tollregionane. – I den over halvanna år lange prosjektperioden fekk vi nærmare 11 500 tollmeldingar i Safe Sea Net. Vi hadde tett kontakt med dei deltakande skipsagentane undervegs. Det gjorde at vi fekk gjort nødvendige justeringar og tilpassingar i systemet. I Kyst verket har dei vore veldig fl eksible og tilpassa systemet etter våre behov. Evalueringa av prosjektet var så god at vi valde å gå i permanent drift. Alle skipsagentane som deltok i pilotprosjektet, har søkt om permanent drift. I dag nyttar 84 skipsagentar Safe Sea Net, seier Liv Rundberget. Systemet er webbasert, og ein loggar seg på med brukarnamn og passord. FLEIRE MYNDIGHEITSORGAN Systemet er konstruert slik at alle innkomstmeldingar og innrapporteringar til ulike etatar i Noreg kan dekkjast gjennom bruk av den same portalen. Etatane kan hente ut relevante skipsopplysningar direkte frå meldingssystemet utan å enkeltvis be om rapportering frå skipsfarten. I tillegg til Tollvesenet er Sjøfartsdirektoratets og Forsvarets meldingsbehov knytte til Safe Sea Net. Politiet har starta eit pilotprosjekt der dei nyttar Safe Sea Net til å dekkje informasjonsbehovet frå skipsfarten i samband med grensekontroll. ØNSKJER FLEIRE BRUKARAR Foreløpig er ordninga berre eit tilbod til skipsnæringa. – Men vi har eit mål om at alle skipsstoppa skal meldast i Safe Sea Net innan 2015, seier Rundberget. Kystverket har i samarbeid med Tollvese- FAKTA PÅ GRENSEN 4–11 TETT PÅ Safe Sea Net er ein del av eit europeisk elektronisk meldingssystem som skal brukast av skip som kjem til eller forlèt hamner. I EU-strategien for Single Window og e-maritime er Safe Sea Net valt som sentralt system. Fiskeri- og kystdepartementet har hatt som mål å gjere Safe Sea Net til eit system som dei sjøfarande kan nytte i kontakt med det offentlege Noreg. Den norske delen blir brukt til meldingstenester, til dømes å bestille los og rapportere inn farleg eller forureinande last. Målet er at Safe Sea Net Norway skal vere ei brukarvennleg og effektiv løysing som forenklar saksbehandlinga til sjøfarande og myndigheiter og såleis fører til auka sikkerheit og effektivitet. net, politiet, Forsvaret og Sjøfartsdirektoratet gjennomført informasjonsmøte for potensielle nye brukarar i skipsfartsnæringa. Seinast i november i år blei det gjennomført eit møte i Tromsø. Mange har delteke på møta, og deltakarane har fått høve til å bli kjende med systemet. – Vi jobbar målretta med å rekruttere nye brukarar til Safe Sea Net, konstaterer både Kystverket og Toll- og avgiftsdirektoratet. ■ 25
Page 1 and 2: Rekordbeslag i 2011 Kontorsjef Mort
Page 3 and 4: INNHOLD 06 TEMA: ALKOHOLSMUGLING Da
Page 5 and 6: Forseinka tollstasjon Krav frå rei
Page 7 and 8: I stedet for spritkanner, lemper ko
Page 9 and 10: PÅ GRENSEN 4-11 NYHET - Tilsetter
Page 11 and 12: PÅ GRENSEN 4-11 NYHET DELTAR I FOR
Page 13 and 14: Designerdrugs Nye typer narkotika p
Page 15 and 16: PÅ GRENSEN 4-11 FOTOREPORTASJE Ska
Page 17 and 18: PÅ GRENSEN 4-11 FOTOREPORTASJE Tø
Page 19 and 20: Klar for utbetaling Bil er blitt pr
Page 21 and 22: PÅ GRENSEN 4-11 JOBBEN MIN BILHAVN
Page 23: I PROFIL: Liv Rundberget Leder for
Page 27 and 28: TAL OM TOLL 12 ulike museum har ful

2011 (PDF) - Toll og avgiftsdirektoratet

Create successful ePaper yourself

Delete template?

Save as template?