Årsrapporten (pdf) - Innovasjon Norge

Å PPORT 2012
MØRE OG ROMSDAL
YTTERLEGARE FORSTERKA TODELING
Året som har gått har vore prega av ytterlegare forsterka
todeling i utviklinga mellom dei petroleumsbaserte næringane
og næringslivet elles. Samstundes ser vi store variasjonar
innanfor dei ulike bransjane.
VI GJEV LOKALE
IDEAR GLOBALE
MOGLEGHEITER
Vi skal vere med å
utvikle norsk
næringsliv, spesielt
med tanke på
fornying og
innovasjon både for
verksemder og
enkeltprodukt.
Jobben vår er mellom
anna å utvikle
distrikta og styrke og
profilere norsk
næringsliv i Noreg og
i utlandet.
Vi ser også ei todeling som går på tvers av bransjar;
dei som lukkast og dei som ikkje lukkast. Dei første har
ofte, uavhengig av konjunkturar, utvikla ein
marknadsorientert kultur og gjennom den evna å ta ein
tydeleg og unik strategisk posisjon.
Gjennom tildeling av 743 mill. kroner til næringslivet i
fylket, samt godt samarbeid med vårt nasjonale og
internasjonale nettverk, har Innovasjon Noreg Møre og
Romsdal medverka til auka verdiskaping i næringslivet
også i 2012.
RAPPORT FRÅ STYRET
Styret gjennomførte 12 styremøte og behandla/
protokollerte 191 saker i 2012. Av det totale talet
finansieringssaker ved kontoret var 31 prosent
internasjonalt retta og 35 prosent av prosjekta hadde
innovasjonsgrad på nasjonalt og internasjonalt nivå.
Bodil P. Hollingsæter vart i mars 2012 tilsett som ny
direktør for Innovasjon Noreg Møre og Romsdal.
Hollingsæter kom frå stillinga som regionbanksjef i
Sparebanken Møre og har tidlegare yrkeserfaring innanfor
bank/finans og offentleg sektor.
Våren 2012 besøkte styret Firmenich Bjørge Biomarin AS,
NMK Eiendom AS, Patogen Analyse AS og Seafood
Farmers of Norway AS. Besøka gav styret god innsikt i
verksemdene sin noverande situasjon og deira strategiar
for vidare utvikling.
I tillegg til ordinære finansieringssaker, har styret i året
som gjekk gitt innspel til ny strategi for Innovasjon Noreg
- Ny GIV 2013. Regjeringa la våren 2012 fram ei ny
stortingsmelding om Innovasjon Noreg og SIVA: “Verktøy
for vekst”. Den nye strategien byggjer opp under
verdiskaping innanfor gründerverksemder, vekstkraftige
verksemder og innovative næringsmiljø.
Møre og Romsdal er det nasjonale maritime
tyngdepunktet og oljefylke nummer to i Noreg.
I tillegg til rigg- og subseamarknadene ser vi at
utbyggingane av Aasta Hansteen, Polarled og Nyhamna
har store ringverknader for næringslivet i fylket.
Innanfor marin sektor er Møre og Romsdal framleis eit av
dei største eksportfylka. Vi ser også ein vekst i den
biomarine klynga og Innovasjon Noreg vil ta ei aktiv rolle i
utviklinga av denne.
Reiselivsnæringa i fylket held stand trass økonomiske
nedgangstider i viktige geografiske marknader.
Både reiselivs- og møbelbransjen kan vise til fleire gode
verksemder som gjennom målretta innovasjon i
forretningsmodellen har tatt ein leiande posisjon i si nisje.
Styreleiar Terje Dyrseth tok over leiarfunksjonen etter
Kristine Landmark i oktober 2012.
Samarbeidet mellom styret og administrasjonen er godt
og styret takkar administrasjonen og tilsette for godt
arbeid og grundig førebudde saker.
Ålesund, 12.03.2012
Terje Dyrseth (leiar) Torill Ytreberg (nestleiar)
Rune Solenes Opstad Anne Katrine Jensen
Leif Inge Karlsen Randi Asbjørnsen
Knut Flølo
Direktør Bodil P. Hollingsæter. Foto: Anita Grønland
FAKTA MØRE OG ROMSDAL
Folketal 259 404
Kommunar totalt 36
Distrikt (sone II og IV) 26
Sysselsetting 2012 128 472
Arbeidsløyse pr 31.12.2012 1,9 prosent
Nyetableringar 2012 1 652
Konkursar 2012 190
Eksportfylke nr. 3 i Noreg (trad. varer)
Reiselivsfylke nr. 9 i Noreg (gjestedøgn)

VI GJEV LOKALE
IDEAR GLOBALE
MOGLEGHEITER
Vi skal også få fleire
nordmenn til å reise
meir i Noreg og
trekkje utanlandske
turistar hit.
NÆRINGSLIVET I MØRE OG ROMSDAL
Mange verksemder i Møre og Romsdal tener gode
pengar, men mange går og glipp av verdifulle
moglegheiter. Ofte står manglande marknadsorientering i
vegen for vekst, verdiskaping og internasjonalt
gjennomslag. Marknadsorientering handlar om å ta ein
strategisk posisjon i marknaden (www.unikbedrift.no)
gjennom innnovasjon i eigen forretningsmodell basert på
kunnskap om kundar, konkurrentar og trendar. Dette gir
positiv innverknad på konkurransekraft, tilgang på
kompetanse og kapital.
Møre og Romsdal er eit nasjonalt maritimt tyngdepunkt.
Den offshorerelaterte delen av næringa opplever stadig
auka etterspørsel som følgje av auka investeringar på
norsk og internasjonal sokkel. Ordreinngangen ved verfta
var den beste på fleire år og fleire aktørar posisjonerer
seg for framtidig vekst innan rigg- og subseamarknadene.
2012 var eit relativt godt år for dei marine næringane, men
resultata har variert i dei ulike bransjesegmenta.
Nedgangen i kvitfiskprisane har halde fram i 2012, medan
prisane på laks og aure var lågare enn i toppåra 2010/2011.
Prisendringane har samanheng med økonomisk uro i
viktige marknader. Fylket sin del innan fiskeforedling
utgjer over 1/3 av samla omsetning for bransjen. Norske
produsentar av sjømat held eit høgt kvalitetsnivå og
næringa har sterk fokus på berekraftig forvaltning.
Innanfor møbelbransjen har fleire søkt samarbeid og
samanslåing for å styrke marknadsposisjonen. Dette
opnar større moglegheiter for små og mellomstore
møbelverksemder til å utvikle skalerbare konsept med
høg verdiskaping.
For reiselivsnæringa var 2012 eit godt år med ei auke i tal
gjestedøgn frå 2011 til 2012. Auka satsing på
opplevingsturisme har resultert i fleire vellukka
nyetableringar. Trenden viser ei utvikling mot fleire og
kortare feriar fordelt over året med fokus på aktivitet,
helse og naturopplevingar. Fylket har eit godt naturgjeve
utgangspunkt for å utnytte denne trenden.
Strukturendringane i landbruket i Møre og Romsdal har
halde fram også i 2012, særskilt innanfor
mjølkeproduksjon. Landbruket i fylket er ei vesentleg
næring som står for ei salsomsetning på nær 2,1 mrd.
kroner. Samla jordbruksareal i fylket utgjer 5,5 prosent av
landet medan husdyrproduksjonen er på 10 prosent.
Fylket har eit potensial for å skape større verdiar frå
skogbruket. Dette krev tilrettelegging av effektiv
uttransportering, samt auka kompetanse om bruk av
trevirke i alle ledd.
GRÜNDERVERKSEMD
MØRE OG ROMSDAL
Det har vore stor aktivitet innan entreprenørskapsområdet
i Møre og Romsdal. Kontoret har innvilga
etablerartilskot til 36 gründerar, der 37 prosent av innvilga
beløp er tildelt kvinner. Mentorordninga er inne i sitt
andre år og det er i 2012 gjort fem mentorkoplingar. Fleire
av gründerverksemdene satsar internasjonalt.
Sunndalsverksemda Soleis AS var ei av dei få utvalte som
fekk anledning til å delta på Innovasjon Noreg sitt
kompetanseprogram - TINC: Tech INCubator i Silicon
Valley. Romsdalsverksemda Geopol AS gjekk heilt til topps
i nyskapingsprogrammet Midt-Norge Take-Off.
Hoppid er Møre og Romsdal fylkeskommune si satsing på
entreprenørskap i samarbeid med Innovasjon Noreg,
Fylkesmannen i Møre og Romsdal og dei enkelte
kommunane. Kontoret har gjennom Hoppid-nettverket
god kontakt med gründerar, landbruksnæringa og øvrig
utviklingsverksemd i kommunane. Det har i 2012 vore
halde litt over 30 etablerarkurs i 12 ulike kommunar.
INNOVASJONSMILJØ
Innovasjon Noregs klyngeprogram Norwegian Centres of
Expertise (NCE) er etablert for å forsterke
innovasjonsaktiviteten i dei mest vekstkraftige og
internasjonalt orienterte næringsklyngene i Noreg.
Innovasjon Noreg arbeider med utforming av neste
generasjons heilskaplege klyngeprogram.
NCE Maritime er blant dei mest vekstkraftige
industriklyngene i Noreg. Klynga er verdsleiande innan
avanserte marine operasjonar og posisjonerer seg for å bli
eit av landets første Global Centres of Expertice (GCE).
Vidare har NCE Maritime i 2012, saman med andre
nasjonale NCE-miljø, arbeidd for å posisjonere
oljeteknologiindustrien som Noregs nye fastlandsindustri.
iKuben vart i 2012 godkjent under Arena-programmet.
iKuben er ei industriklynge som består av 19 suksessrike
verksemder lokalisert i Romsdal og på Nordmøre.
Verksemdene arbeider med avanserte materiale og
kompliserte logistikkoperasjonar innan maritim sektor og
olje & gassektoren.
Kontoret samarbeider godt med dei viktigaste miljøa og
aktørane i fylket og arbeider med å stimulere til
klyngearbeidet også innanfor petroleumssektoren,
biomarin sektor og møbelbransjen.
VEKSTBEDRIFTER
Sektorane Marin, Maritim, Olje & Gass og Møbel har vore
viktige fokusområde i 2012.
Gjennom Marint Verdiskapingsprogram har kontoret
innvilga midlar til prosjekt knytta til utvikling av nye
marknader. Om lag 30 prosent av alle tilsagn frå
programmet i 2012 vart gitt til verksemder i Møre og
Romsdal.
Marin Samhandlingsarena har motteke mange positive
tilbakemeldingar og blir vidareført i 2013. Formålet er å
kople aktørar frå næringa, akademia og forskingsmiljø.
Foto: Pål Bugge/inn/Innovation Norway

VI GJEV LOKALE
IDEAR GLOBALE
MOGLEGHEITER
I Innovasjon Noreg
arbeider menneske
som har lokal og
internasjonal
kompetanse slik at
ein idé kan bli ein
forretningssuksess.
Av dei seks kystkontora som gir lån til fiskeflåten er
kontoret i Møre og Romsdal størst. Finansiering til
fiskeflåten omfattar alle fartøystørrelsar og kvotekjøp.
Totale utlån til fiskeflåten i Møre og Romsdal i 2012 var ca.
1,3 mrd. kroner.
Gjennom programmet Maritim Utvikling er det gitt
tilsagn om midlar til prosjekt som utviklar nye lønsame
produkt, tenester og produksjonsmetodar, samt
samarbeidsprosjekt mellom verksemder og
kunnskapsmiljø som styrker innovasjonsevna.
Møbelprogrammet skal bidra til auka marknadsorientering
og innovasjon i forretningsmodellane og
samordningsprosjekt. Gjennom programmet vart det i
2012 initiert eit forprosjekt for ein søknad om etablering
av eit Arena-program for Møbel og Interiør i 2013. Det
er vidare innvilga midlar til gjennomføring av langsiktige
målretta internasjonaliseringsstrategiar, samt nettverksog
samordningsprosjekt.
AKTIVITETAR I MØRE OG ROMSDAL - NOKRE
NØKKELTAL
KontorstaderÅlesund og Molde
Faste kontordagar i Kristiansund
Tal saker i 2012 435 saker
Innvilga i 2012 (mill. kroner) 743
Tal SkatteFUNN-søknader 2012 165 saker
Innvilga i 2012 (mill. kroner)
- Marknadslån 397
- Risikolån og garantiar 99
- Landsdekkjande tilskot 53
- Distriksretta tilskot 44
- Etablerartilskot 14
- BU-midlar 33
- Diverse tilskot 1
- Lånebeløp for rentestøtte 102
Største næringar - tilsagn 2012 (mill. kroner)
Marin 287
Landbruk 204
Maritim, Olje & Gass 112
Låneportefølje 31.12.2012 (mill. kroner)
Marknadslån 2 722
Risikolån 506
Andre lån 16
Tapsnedskriving utlån pr 31.12.2012 46
Dvs ca 0,95 % av totale utlån i Innovasjon
Norge Møre og Romsdal.
Innvilga tilskot i 2012 fordeler seg nokså likt mellom nord
og sør i fylket, men samstundes med noko overvekt på
kystkommunane. Om lag 40 prosent av utlåna i 2012
gjekk til finansiering av fiskeflåten.
MØRE OG ROMSDAL
KONTORET I MØRE OG ROMSDAL
Dei 27 tilsette innvilga totalt 743 mill. kroner i 2012. Dette
er ein reduksjon på om lag 171 mill. kroner frå 2011 og
skuldast lågare tilsagn av marknadslån til fiskeflåten.
Innovasjon Noreg Møre og Romsdal forvaltar ei
låneportefølje på ca. 3,2 mrd. kroner.
Kontoret fekk i 2012 den nyoppretta nasjonale stillinga
som leiar av Innovasjon Noregs maritime
kompetansesenter. Stillinga har eit nasjonalt ansvar for å
utvikle og følgje opp Innovasjon Noregs tilbod retta mot
maritim næring.
Samarbeidet med Møre og Romsdal fylkeskommune er
godt. Kontoret har vore aktivt med i utviklinga av
Handlingsprogram Verdiskaping for perioden 2013–2016.
Saman med fylkeskommunen og andre
samarbeidspartnarar har vi også i 2012 laga
konjunkturbarometeret TEMP og gjennomført
Mørekonferansen.
Med kontor i meir enn 30 land er Innovasjon Noreg ein
aktiv samarbeidspartnar for å fremme lokalt næringsliv
sine interesser over heile verda. Med kunnskap om
teknologi, kompetanse og marknad hjelper vi våre kunder
med å utvikle deira idear og realisere det potensialet dei
har både i Noreg og internasjonalt.
KUNDEBEDRIFTER FRÅ MØRE OG ROMSDAL
KRONPRINS HAAKON OPNA NORSK MARITIMT
KOMPETANSESENTER
Norsk Maritimt Kompetansesenter vart formelt opna
8. november 2012. Foto: NMK
Norsk Maritimt Kompetansesenter (NMK) styrker den
maritime klynga i Møre og Romsdal. At leiande maritime
aktørar no samlast skaper ein unik arena for innovasjon.
Innovasjon Noreg var fødselshjelpar gjennom å innvilge
risikolån og tilskot til NMK. Dette er no det største
enkeltståande engasjementet i Møre og Romsdal, og
blant dei ti største i Innovasjon Noreg totalt.
Hovudgrunnen for vår medverknad var at eit senter, med
ein verdsleiande aktør som Rolls-Royce som største
leigetakar, ville vere vesentleg for å styrke og vidareutvikle
innovasjon i den maritime klynga.

VI GJEV LOKALE
IDEAR GLOBALE
MOGLEGHEITER
Med kontor i alle
fylke og i meir enn
tretti land over heile
verda, er det lett å
kome i kontakt med
oss.
Innovasjon Norge Møre og Romsdal
Molde - Tlf 71 19 14 11
Fylkeshuset, 6404 Molde
Ålesund - Tlf 70 11 64 70
St. Olavs plass 1
Pb. 166, 6001 Ålesund
SOLEIS AS - KVINNESTYRT BEDRIFT FRÅ
NORDMØRE
Soleis AS utvikler programvare og interaktive
kunnskapsbilder til hjelp og modernisering av
undervisninga i skoleverket. Bedrifta utvikler pedagogisk
innhald som kan nyttast på alle plattformer som har
internettilkopling. Undervisningsmetodane i skoleverket
og dei tradisjonelle tavlene er klare for å bli bytta ut med
moderne teknologi som vil effektivisere arbeidet til
lærarane, og ikkje minst gjere undervisninga meir
interessant for elevane.
KLEVEN - FLYTTAR STÅLPRODUKSJON HEIM TIL
NOREG
Delar av Kleven sin skrogproduksjon blir no flytta heim frå
Aust-Europa til Ulsteinvik. Kleven posisjonerer seg i ein
marknad prega av tøff konkurranse gjennom investering i
ny kunnskap, nye anlegg og ny teknologi. Klevens
skipsbyggings-organisasjon er skreddarsydd for eitt
formål: Å levere dei mest lønsame og effektive løysingane
til verdas leiande reiarlag. Berre dei siste sju åra har Kleven
levert nær 60 fartøy.
Kleven verft. Foto: Geir Sætre
Samstundes som dei flyttar arbeid tilbake til Noreg skaper
dei og andre typar teknologiintensive arbeidsplassar.
Innovasjon Noreg har bidratt med lån til investering i nye
produksjonshallar, samt ombygging av ekstisterande
hallar for å legge til rette for robotisering av
produksjonsprosessen. Kleven vart tildelt fylkesprisen for
Årets bedrift 2012.
Huse Engineering AS – nyskapande kran for offshore
og subsea fartøy
Huse Engineering AS sitt hovudmål er å bli ein attraktiv
og føretrekt leverandør av løfte- og handteringsutstyr for
skips- og offshoreindustrien globalt. Dei er i dag ein
global totalleverandør innan marine konstruksjonar med
eit innovativt ingeniør- og kompetansemiljø.
Huse Engineering AS sin hovudaktivitet er
konseptutvikling og prosjektstyring.
Dual Draglink Crane (DDC) Foto: Huse Engineering AS
moreogromsdal@innovasjonnorge.no
www.innovasjonnorge.no
MØRE OG ROMSDAL
I 2011 støtta Innovasjon Noreg og Norges Forskningsråd
Huse Engineering AS i finansieringa av utviklinga av eit
heilt nytt krankonsept – Dual Draglink Crane, med Rolls-
Royce Marine som den krevjande kunden.
Konseptet har trekt til seg stor merksemd både nasjonalt
og internasjonalt. Første kran er levert til Farstad Shipping
sitt nye fartøy Far Solitare som i 2012 fekk prisen “Årets
Skip”.
Rolls-Royce Marine AS og Huse Engineering AS fekk i
februar 2013 tildelt prisen «Årets innovasjon» for
nyvinninga av bransjebladet Offshore Support Journal.
COLDWATER PRAWNS OF NORWAY AS, VINNAR AV
GASELLEPRISEN 2012 I MØRE OG ROMSDAL
Verksemda har gått frå ei omsetning på knapt 16 mill.
kroner i oppstartsåret 2008 til 371 mill. kroner i 2011.
Resultatet er snudd frå nokre hundre tusen i minus første
driftsår til knapt 4,4 mill. kroner i resultat før skatt i 2011.
Eigarane driv havgåande reketrålarar og ein
rekepillefabrikk i Senjahopen. Coldwater Prawns of
Norway AS er eit felles salsselskap for
produksjonseiningane både på land og sjø. Bakgrunnen
for etableringa var merkevarebygging og produktutvikling.
Ein viktig del av strategien har vore å ha kontroll i
verdikjeda frå "hav til bord" for å kunne halde ein jamn
kvalitet på produkta.
Verksemda sine hovudmarknader er Sverige, England,
Frankrike, Tyskland og Italia. Ei satsing på marknaden i
Asia med utgangspunkt i Kina er starta opp i samarbeid
med Innovasjon Noreg sitt kontor i Beijing. Innovasjon
Noreg har delteke med lånefinansiering og støtte
gjennom Marint Verdiskapingsprogram.
KINGS BAY AS, FOSNAVÅG
”Kings Bay” har en kostnadsramme på ca. 250 mill. kroner
og er 77,5 x 16,6 meter. Designet er av type NVC 354, og er
utvikla i nært samarbeid mellom rederi og Rolls-Royce si
avdeling i Ålesund, Ship Technology - Fish, der felles
erfaring er tatt inn i prosjektet.
Det kombinerte trål- og ringnotfartøyet “Kings Bay” er under
ferdigstillelse ved Larsnes Mek. Verksted AS. Fartøyet vil ha
base i Fosnavåg, Herøy. Foto: Bjørn Sævik
For Bjørn Sævik, dagleg leiar i Kings Bay AS, er det
gledeleg at kontrakten er plassert i nærmiljøet hos eit
skipsverft som har vist seg svært dyktig med bygging av
pelagiske fartøy. Kings Bay AS har hatt eit godt samarbeid
med rederiet Eros AS, som nylig fekk overlevert
tilsvarande nybygg frå Larsnes Mek. Verksted AS.
Erfaringane frå begge rederia har lagt grunnlaget for
optimalisering av fartøya.