Nr. 41 · Ukioq · ViNter 2007/2008 - Royal Arctic Line
Nr. 41 · Ukioq · ViNter 2007/2008 - Royal Arctic Line
Nr. 41 · Ukioq · ViNter 2007/2008 - Royal Arctic Line
Create successful ePaper yourself
Turn your PDF publications into a flip-book with our unique Google optimized e-Paper software.
Moses D. Olsen (talerperlermiittoq) suleqatinilu<br />
Moses D.Olsen (yderst til højre) med kolleger på havnen<br />
Ilagut Danmarkimut kursuseriarsimasut tikikkaangata oqaluttuartut<br />
ungullugit tusarnaartaratsigit. kalassilaartarnerit nuannersunngorlugit<br />
oqaluttuarineqartaramik qatsunneq ajornartaqaat. Suleqatittalu ilaata<br />
ilaat aperilerpaa: - Aapakaanik takuiit? Aperisaa akunnattuunngilarluunniit<br />
akigami: - Naamik, ukiulermat aallakaareersimagamik! Illarpalaarsuaq<br />
kisimiulersoq suliassat nanginneqaramik.<br />
Sulinerma ilaani ukiut sisamat sulisunut sinniisaavunga. Aamma<br />
eqqaamasassat ilagaat aamarsuarnik poortuisarnerput. Taakkua<br />
aamarsuit Polenimiit tikisinneqartarput, umiarsuit 4.000 tonsinik usitussusillit<br />
atorlugit, taakkualu tyskit umiarsuarinerusarpaat inuttaalu<br />
aamma inussiarnersorsuupput kaffimillu neqeroortuartuullutik, umiarsuarlu<br />
taamaattoq ullut unnuallu arfinillit missaani usingiartarparput.<br />
Tamakkualu aamarsuit puunut poortorneqartarput nunatsinnilu illoqarfinnut<br />
nassiussuunneqartarput. kisiannili Illoqqortoormiunut Tasiilamullu<br />
nassiutassat Danmarkikkoorlutik aatsaat apuunneqartarput.<br />
Taamanilu meeqqat atuarfiani atuartut anginerit aasakkut suleqatigisarpagut,<br />
akissarsiatillu tanngassimaarutigisaqaat. Tassami ilannguat<br />
akissarsinermi ilaanni taama oqarpallappoq: - A, assaa, sumut<br />
atussavakka? Aamarsualerinerlu ippannaraluaqisoq pujoralaqaqisorlu<br />
nuannersorpassuarnik ilaqartarmat qiimanartaqaaq. kisiannili umiarsuup<br />
aamarsuarnik usingiarnerani talittarfiup qaava tamarmi paarsuarmik<br />
qallerneqartarpoq.<br />
Umiarsuaq uulianik qillerivik<br />
’70-ikkut qeqqata qaangilaarnerani uuliasiortut Sisimiut Attullu<br />
avataani qillerineranni atortutik Sisimiunut niusarmatigit nakkutigaagut.<br />
Aamma ruujorersuit makittarissaaserluta iliorartarlutigit, tassami uingatillugit<br />
ilioraqqusaannginnamik equngalersinnaaneri pinngitsoorniarlugit.<br />
Allallu atortorpassuit isumagisarillutigit. Taamaallutik kommunalbestyrelsimut<br />
ilaasortat umiarsuarmut qillervimmut takornarialermata<br />
inissaqarmat neqeroorfigineqarpunga allamik ilalerlunga<br />
ilaasinnaasunga. Helikopterimut ikileratta kamippagut peersinnarlugit<br />
overlevelsesdragtit ativagut. Helikopterigooq imaanut nakkaraluarpat<br />
qiiapalaarata nal. ak. 48-it imaaniissinnaavugut. Ila tupin!<br />
Minutsit 50-it missaani ingerlagatta umiarsuaq qillerivik miffigaarput.<br />
Eqqaani kilisaatit raajarniarlutik kilisattut. Niugatta taakkua atisarsuagut<br />
peeriarlugit kamippagut ativagut. Tassalu ammukarluta umiarsuaq<br />
takornariassallugu matut tikitagut nuannaraakka ajutuulernermi<br />
sumukarfissamik allaqqasoq kalaallisut qullerpaajugami, taava<br />
qallunaatut tuluttullu. Assiliiviga nassarakku assiliillattaarlunga<br />
angallassisutta assut qiviallataagaminga iluarepasinnanga, kisianni<br />
taamanikkut heliportimi sulisuusoq ilagisarput oqaloqatigeriaramiuk<br />
taanna angallassisorput qungujuttukassanngorpoq. Immaqa pasipilukkaluarsimanerpaanga.<br />
Aamma ’70-ikkut suli naanngitsut kilisaat ’vilia Basse’ taleqqaniaasaarluni<br />
kivigami. Taamaniuna avataani kilisalluni sikumut aporluni<br />
putusimagami. Piginnittua nammineq naalagaalluni kilisaatip siuani<br />
4 <strong>Royal</strong> <strong>Arctic</strong><br />
LARS SvANkjæR