fornybar energi bachelor - UniFlip.com

34 STUDENT hSf STUDENTar
SOM fOrSkar
katastrofeforskarane
Djupe fjordar, bratte fjell, isbrear som smeltar
og vêrtilhøve som berre vil bli meir ustabile når
klimaendringane tek tak for alvor. Julie Heggdal
Velle (21) og Geir Magne Tyssebotn (36) har valt
å forske på den farlege geologien
Dei to tredjeårsstudentane skriv no
bacheloroppgåva si med utgangspunkt
i ei skredutsett dalside.
- Me vil prøve å finne samanhengen
mellom nedbør, endra klima og det som
heiter poretrykk. Å måla poretrykket
handlar om å kartleggja fastheita
i underlaget. I oppgåva vil me analysere
dette komplekset, og forhåpentleg
utvikle parameter som kan fortelje oss
når eit eventuelt skred kan bli utløyst,
seier Geir Magne.
gEOlOgISTUDENTaNE på HSF kan
i sitt siste semester på bachelor ta
spesialisering innanfor det som har
fått namnet Geohazards and climate
change. På norsk heiter det geofare.
Studiet tek for seg naturkatastrofar og
søkjer å problematisere korleis dei oppstår,
og kva ein kan gjere for å førebyggje.
– Sogndal ligg svært godt plassert for
å studere geofare. Skred er ei aktuell
problemstilling på Vestlandet, seier
Stein Bondevik. Han er professor i geologi
ved HSF.
STEIN har fOrSka på tsunamiar sidan
tidleg på 90-talet, eit fenomen som ikkje
vakte særleg interesse utanfor akademia
før flodbølgjekatastrofen råka Asia
i romjula 2004. Sidan har fokuset på
ekstremvêr tatt av.
-gEOfarE er eit omgrep som vert brukt
når dei geologiske tilhøva vert farlege
for folk, forklarar professoren.
– Me veit at klimaendringane vil føre til
fleire ras og meir ustabil geologi. Derfor
treng me fleire geologar med kompetanse.
vESTlaNDET var åSTaD for heile tre
tsunamikatastrofar i førre hundreår.
– Det er berre eit tidsspørsmål kva tid
det skjer igjen. Derfor er det viktig å
kartleggje ustabile fjellsider. Me må
finne dei, forstå dei og tolke om dei er
farlege eller ikkje, seier professoren
og viser til beredskapen rundt det
risikoutsette Åkneset på Sunnmøre.
Korleis ein studerer slike risikoområde,
er ein del av studieprogrammet.
prOfESSOrEN håpar han kan vere med
på å utdanna geologar som kan vurdere
skredfare i framtida.
- Dei funna som studentane gjer
i bacheloroppgåver, vil vere verdifulle
for forskarane. Vi brukar materiale frå
studentane sine arbeid som underlag
for å forstå meir.
- Me treng folk som kan bistå med
kunnskap om skred og fare knytt til
nedbør, seier han. Det vil alltid oppstå
naturkatastrofar. Me må berre finne
måtar som gjer at me kan leve med dei,
seier professoren.
jUlIE Og gEIr MagNE seier at faget er
spanande, og at ein medverknad til det
er førelesarane.
-Me har enno ikkje møtt på ein førelesar
som ikkje brenn for faget. Det er vanskeleg
å ikkje bli smitta av engasjementet, seier
dei to og legg til:
- Det er ei allsidig utdanning. Me kan reise
kor me vil. Jobbar er å finne både i det
offentlege og i private konsulentselskap.