fornybar energi bachelor - UniFlip.com

42 STUDENT hSf
vIkTIg INfOrMaSjON fOr DEg SOM Er STUDIESøkjar
STUDIEår – STUDIEpOENg – graDar kOMME gODT I gaNg – Og fUllførE STUDIET
I samsvar med det internasjonale gradssystemet utgjer
eit fulltids studieår 60 studiepoeng.
bachelorstudium - er normert til tre år og tilsvarar
180 studiepoeng.
Fullført bachelorstudium gir ein bachelorgrad.
årsstudium - tilsvarar 60 studiepoeng. Eit årsstudium gir
ingen grad, men kan i mange tilfelle bli brukt for å byggje
ein bachelorgrad.
Masterstudium - er eit toårig fordjupingsstudium
som byggjer på ein bachelorgrad og fører fram til
ein mastergrad.
OppTakSkrav
Dei fleste bachelorstudia og årsstudia har generell studiekompetanse
som opptakskrav. Generell studiekompetanse
får du på grunnlag av fullført vidaregåande opplæring eller
ein kombinasjon av utdanning og praksis.
Realkompetanse gjeld søkjarar som har fylt 25 år, og som ikkje
har generell studiekompetanse. Realkompetanse er individuell
vurdering av søkjaren sine samla kvalifikasjonar ut frå utdanning
og arbeidspraksis vurdert opp mot aktuelle studium.
Ein del studium har definerte opptakskrav. Sjekk alltid nøye
kva som gjeld for det studiet du er interessert i.
SøkNaD Og SøkNaDSfrIST
Dei aller fleste studia søkjer du gjennom Samordna opptak.
Nokre få studium søkjer du direkte til Høgskulen i Sogn og
Fjordane. Kva for søknadsmåte du skal bruke, står i alle
studieomtalane på hisf.no.
Søknadsfristen er 15. april. Søkjarar som skal bli vurdert på
anna grunnlag enn ordinært opptaksgrunnlag, til dømes på
grunnlag av realkompetanse eller utanlandsk utdanning,
må søkje innan 1. mars.
STUDErE I UTlaNDET
Drøymer du om å studere i utlandet? Vil du følgje reiselysta
di samstundes som du studerer? Då skal du vite at alle våre
bachelorutdanningar har lagt til rette for at du kan ta delar
av studiet eller eventuell praksis i utlandet.
DU Skal ha DET bra SOM STUDENT
Studentsamskipnaden i Sogn og Fjordane - SISOF tilbyr
bustader, kantiner, barnehagar, kro, bokhandel og psykososial
rådgjevingsteneste. Dei har fleire typar hyblar og leilegheiter
av høg standard med internett inkludert i husleiga. Både studentbustader
og andre husvære er rimelegare i Sogndal og Førde
enn i dei større byane. Det er fullt mogeleg å bu godt og
sentralt for under 2500 kroner. Dei fleste bur så nær skulen at
dei ikkje treng bruke pengar på å komme seg frå bustaden til
skulen. Du kan søkje om bustad før du har fått studieplass.
Vi ønskjer at du skal få mest mogleg ut av studietida di og
legg vekt på å skape ein god studiestart. Gjennom fadderordninga
håper vi du finn deg til rette frå første dag. Fadrane
dine vil hjelpe deg godt i gang med dei faglege og sosiale
aktivitetane.
Alle får kurs i studieteknikk, og du kan melde deg på forkurs
i matematikk om du ønskjer det. Du får tidleg i studiet
orientering om HSF sitt læringsmiljø og om bibliotekog
datatenestene våre.
Du skal til ei kvar tid vite kva som er opplegget for deg
framover. Og blir du i tvil om noko undervegs i studiet,
tilbyr vi deg studierettleiing.
TIlrETTElEggINg I STUDIET
Mange har særskilte behov av ulik karakter. Ved HSF har vi
lang erfaring i å finne fram til ordningar som kan hjelpe dei
som treng ekstra tilrettelegging for å kunne gjennomføre eit
studium. I nokre tilfelle kan det vere snakk om forlenga tid på
eksamen eller hjelpemiddel i form av pensum på lydbok eller
pc. Vi har også ”Studier med støtte (SMS)”, eit lågterskeltilbod
til studentar med psykiske problem.
Du finn meir informasjon om alt dette på hisf.no og sisof.no
Er det noko du lurer på, bør du ringe HSF på telefon 57 67 60 00