Jutulen - Vågå Historielag

17. maivesten i Jutulheimen
Av Kirsti Krekling
Den 17de Mai blev Frihedens Palme Plantet på Norriges Fjeldfaste Grund
Conrad N. Schwach
Jutulheimen har ein særskild vest i samlingane – ein såkalla 17.-maivest.
Han er småmønstra og laga av ein relativt ordinær silkekvalitet i mørk
blått og grønt: på ein bautastein er motivet VII MAI innhogd. På steinen
sit ein fugl med spreidde vengar omgitt av ein strålekrans. Kanskje sit han
i soloppgangen? Nederste del av mønstret er to greiner som kryssar kvarandre
– den eine av gran og den andre av bjørk. Liknande vestar av den
same tykvaliteten er kjent frå museum i Trondheim (2), Drammen (1) og
Oslo (1). Alle er dokumenterte, men opphavet til vågåvesten er ukjent.
Vesten Jutulheimen eig, har framstykke som skrånar nokså svakt ned midt
framme. Han har sjalskrage som står opp bak, er lukka med seks trekte
knappar og har ei lita lomme på kvar side. Ryggen er sauma av linstoff.
Vesten har ikkje særlege merke etter å vera brukt særleg ofte.
40