Misjonsbladet 3-2012. - Misjonsforbundet

6 Misjonsbladet 3-12
meNiGHeTeN
ei kyrkje veks opp
Justnes misjonskyrkje er inne i sitt andre år i kyrkjeplantingsprosessen.
misjonsbladet har vore på besøk for å
finne ut korleis kyrkja vart planta, og korleis ho har vekse.
Justnes bydel i Kristiansand er under
utbygging, og mange av dei som bur
der, er nyinnflytta og nyetablerte.
Roy Elling Foss og familien hans er av
dei som har flytta dit. Fleire av venane til
familien havna på same stad.
– Me samla gjengen og snakka om å
starte ei kyrkje her. Det heile starta med
andre ord med ei flytting, fortel Roy Elling,
som er pastor i kyrkja.
Justnes misjonskyrkje leiger lokale på Havlimyra
ungdomsskule. Roy Elling røper at
dei allereie no er på utkikk etter ei tomt å
byggje ei kyrkje på. Det er ikkje fordi dei
absolutt må ha noko eige, men fordi han
trur dei kjem til å vekse ut av lokalet som
dei har no.
Mobil kyrkje. Då Misjonsbladet kjem
til skulen klokka halv ti søndag morgon,
er folk allereie i full sving. Lovsongsteam,
teknikarar og vaktmeister møter opp
kvart på ni for å gjere alt klart til møtet
klokka elleve. Utanfor inngangsdøra står
tilhengaren som dei har utstyret sitt i, ei
mobil kyrkje. Roy Elling og eg slår oss ned
i skulekantina som vert nytta til kyrkjekaffi.
Han fortel at han har hatt ei travel
veke, då han mellom anna har delteke på
Misjonsforbundet sitt Vekstakademi på