FULLDISTRIBUSJON - Kyrkja i Kvinnherad

More documents

Recommendations

Info

PRESTEORDINASJON I KVINNHERAD KYRKJE: ...IKKJE OFFER MEN NÅDE” Foto v/Håvard Sætrevik/Grenda Laurdag 27. januar vart Magnar Hellesøy frå Løfallstrand ordinert til prest i den Norske Kyrkja. Svært mange hadde funne vegen til kyrkja denne kvelden, og det vart ei høgtidsstund slik det alltid er når nye tenarar vert innvigde til teneste. Magnar Hellesøy skal ha si fyrste oppgåve som prest i Alta prosti. I talen til ordinanden peika biskopen, Ole Danbolt Hagesæther, på forholdet mellom offer og nåde. Ein kan sjå på tenesta som eit offer, og ein kan sjå henne som nåde frå Gud. Til tross for mange tunge stunder er det ei gleda som har si kjelde i den nåde vi har fått frå Gud. Då dreiar det seg ikkje lenger om eit offer. Magnar Hellesøy har fått si utdanning ved Misjonshøgskulen i Stavanger. Å kunna ha eit breitt misjonsgrunnlag med seg i fagutdanninga for prestetenesta i sitt eige land, er kanskje endå viktigare i dag enn før. Kyrkja er global – og vi er ein del av det globale trusfellesskapet. Trusopplæring er difor ei særs viktig oppgåve å arbeida med. Som leiar for eit nytt trusopplæringsprosjekt i Alta, vil dette bli Magnar Hellesøy sitt fyrste innsatsområde. Under høgtida medverka m.a. prosten i Sunnhordland prosti, Svein Arne Theodorsen, den tidlegare soknepresten i Kvinnherad, Gunnvald 10 Bjotveit, kapellan Anne Skoglund som representant frå kyrkjelyden i Alta, professor Magnar Kartveit frå Misjonsskulen, ordinanden sin far, Thorleif J. Hellesøy og ordinanden sin onkel, Kaare Mehl, som var komen frå USA i høve ordinasjonen. Etter høgtida i kyrkja var det bordsete i Rosendal Bedehus, som var fullsett av slekt og vener. Mange gode ord blei gitt til den nye presten med ynskje om signing og lukka i den nye tenesta. .... ikkje eit offer, men nåde. JVS Nærast foreldra til Magnar: Åse og Thorleif J. Hellesøy, kona Kirsti Nordstokkå Hellesøy med dottera Karen Marie og Magnar.
MISJONSSØNDAG Søndag 28.01. var det misjonssøndag i Kvinnherad kyrkje, der vi fekk høyra frå misjonssprosjektet vårt i Santa Fe do Sul i Brasil. ”Våre” misjonærar der heiter som kjent Eli og Vidar Bakke, og det var ein av deira medarbeidarar, Åsmund Brekke, som heldt preika denne sundagen. Han hadde med seg kona si, Analic. Han orienterte om prosjektet, og kunne fortelja at der i det nordaustre hjørnet av Brasil hadde vore innvandring frå Tyskland sidan 1800-talet. Men kun dei siste 30 åra hadde desse tyskætta hatt nemneverdig samband med andre samfunn, og framleis hadde dei lite kontakt med andre. Dei som starta prosjektet i nord-aust i Santa Fe, sa til kvarandre: ”La oss starta med kyrkjelydsoppbygging der det ikkje er lutheranarar frå før!” Slik starta det, av dette fekk det navnet ”Null-prosjektet” Dette prosjektet har no vart i ca.6 år. I dette hjørnet av landet er det no 4-5 kyrkjelydar som har starta på null på same måte. Dei starta med dør-til -dør aksjonar og hyppige møter, og det har utvikla seg til levande kyrkjelydar med barne- og ungdomsarbeid, gudstenester og møter i heimane. På Rosendal bedehus fekk vi til kyrkjekaffien etterpå bli nærare kjent med prosjektet. Vi fekk gjennom ord og bilete eit godt inntrykk av eit levande fellesskap trass til dels vanskelege tilhøve. Gudstenestene vert haldne i ein leigd garasje, men det er omlag 55 frammøtte på desse gudstenestene. Dei ynskjer no å gå i gang med å byggja ein ny kyrkje, og tomt fekk dei kjøpt i 2003. Kyrkja skal byggjast i to fasar: Første fase inneber m.a. kyrkjerom med plass til 130 menneske. Dei går med glød og entusiasme inn for dette. Kostnadene til første fase er rekna til kr. 210.000.-ja, du leste rett. Dette er summen, og Det Norske Misjonsselskap som omfattar vårt null-prosjekt, håpar på at kyrkjelyden - med m.a. vår hjelp, kan få reist kr. 90.000.-, slik t første byggjefase kan koma i gang så fort som råd. Dei som var med på å starta null-prosjektet i Santa Fe , Vidar og Eli Bakke, er ferdige med si teneste i slutten av april i år. Det er brasilianske medarbeidarar som no tek over arbeidet. Dei ynskjer framleis å arbeida for at menneske skal bli forvandla og fylgja Kristus. Dei ynskjer at heile mennesket skal vera forplikta på fellesskapet og vera med på oppdraget. P.S. Om nokon vil gje: Kontonr. til kyrkjebygget i Santa Fe er 8220 02 85030 med adressen: Det Norske Misjonsselskap, Postboks 226 Sentrum, 4001 Stavanger. Blanketten må merkast med ”Kirkebygg Santa Fe” med prosjektnr. 510 257. Prestetenesta i Kvinnherad prestegjeld sumaren og hausten 2007 Stillinga som ny sokneprest i Kvinnherad prestegjeld er no lyst ut og hadde søknadsfrist 20. februar. Innan fristen hadde det meldt seg fire søkjarar. Tilsetjing vil finne stad i bispedømerådet sitt møte den 8. mai. Dette inneber at vi ikkje vil få endeleg avklaring om kven som blir ny sokneprest før mot slutten av mai månad. Dersom alt går som det skal, siktar ein på innsetjing i stillinga ved prost Svein Arne Theodorsen i gudstenesta i Kvinnherad kyrkje søndag 19. august. Gudstenesta søndag 12. august som tidlegare er satt opp i Kvinnherad kyrkje, er dermed flytta til sundagen etter, den 19. august. I staden blir det gudsteneste i Uskedalen sundag 12. august. Fungerande sokneprest Selle avsluttar si teneste IO den 1. juni. Det vil deretter bli lagt opp til ein vikarordning fram til den nye soknepresten er på plass. I skrivande stund er det ikkje klårt korleis dette vil bli eller kven vikaren eller vikarane vil bli. Preikelista for sumaren er difor lagt opp utan namn på den som skal gjera tenesta. Ut over hausten reknar vi med at alle gudstenester vil bli haldne som vanleg ut frå den plan som er lagt. I neste nummer av kyrkjebladet vil preikelista for resten av året og vidare inn i neste år bli fullstendig slik den plar vera. Kyrkjekontoret i Rosendal vil imidlertid bli betent som vanleg, og alle prestens tenester tatt hånd om på vanleg måte. Ein reknar med at naudsynt informasjon utanom kontortida vil vera tilgjengeleg på telefonsvararen slik at ein kan få kontakt med prest når det er behov for det. Så ynskjer vi alle kyrkjebladets lesarar både på nordsido og sørsido ei god vårtid og ein endå betre sumar. Då blir det og ein god haust! John Victor Selle 11
Page 1 and 2: KYRKJEBLAD FOR KVINNHERAD PRESTEGJE
Page 3 and 4: Jula vart ramma inn av to flotte ko
Page 5 and 6: Han framelskar den korsfesta Jesus
Page 7 and 8: 7 Deg være ære Denne songen står
Page 9: I Ølve var vi samla heile tida i k
Page 13 and 14: Karsten Isachsen i Åkra kyrkje: LY
Page 15 and 16: FRÅ VOGGE TIL GRAV Kvinnherad Døy

FULLDISTRIBUSJON - Kyrkja i Kvinnherad

You also want an ePaper? Increase the reach of your titles

Delete template?

Save as template?