Strategisk plan - Hardanger og Voss Museum

Hardanger folkemuseum
Agatunet
Ingebrigt Vik museum
Voss folkemuseum
Hardanger fartøyvernsenter
Kunsthuset Kabuso
Granvin bygdetun
Kvam bygdetun
Strategisk plan
Vedtatt av styret i Hardanger og Voss museum
9. desember 2008

INNHALD
Bakgrunn………………………………………………………………………………….. 3
Status for Hardanger og Voss museum……………...……….…………………….. 4
Visjon, verdiar og målsetting………………………………………………………….. 4
Strategiar………………………………………………………………………………….. 6
Program for organisasjonsutvikling og profesjonalisering …………………6
Program for immateriell kulturarv…………………………………………… 6
Program for kunstformidling…………………………………………………. 7
Program for samlingsforvaltning, forsking og formidling……….…………. 7
Program for fartøyvern…………………………………………….………….. 8
Program for bygningsvern………………………………………….…………. 9
Program for ungdomsarbeid …………………………………………………. 9
Program for reiseliv og kulturbasert næringsutvikling …………………….. 10
2

BAKGRUNN
Bakgrunnen for saka ligg i styret i Hardanger og Voss museum sitt vedtak frå desember
2007:
”Styret i Hardanger og Voss museum ynskjer å utarbeida strategiplan for Hardanger
og Voss museum i lys av at museet no har fått si endelege form. Styret ber styreleiar
og museumsdirektør ta initiativ til å starta arbeidet med strategiplan for H&V museum.
Arbeidet startar ved at det første halvår 2008 vert arrangert eit styre og leiarseminar.
Til seminaret vert styre, administrasjon, alle avdelingsleiarar og tillitsvalde invitert.
Seminaret skal vera ein idedugnad for styre og leiing. Resultatet av denne skal danna
grunnlag for vidare arbeiding med felles strategiplan for H&V museum. Medverknad
frå tilsette skal sikrast med gode høyringar og eit felles møte før endeleg vedtak av
planen i styret.
Styret set av kr 50.000,- til arbeidet.”
Dette strategidokumentet er utarbeida på grunnlag av ein slik prosess:
1. Eit strategiseminar i Eidfjord 22.-23. april 2008 for styre, leiarar og tillitsvalde la
grunnlaget for eit første utkast.
2. Første utkast vart handsama av styret 17. juni.
3. Dokumentet vart lagt fram for eigarstyra og arbeidstakarorganisasjonar.
4. På bakgrunn av høyringa vart det utarbeida eit revidert dokument, som vart lagt fram
for rådet i Hardanger og Voss museum 30. september 2008.
5. Styret gjorde endeleg vedtak i saka 9. desember 2008.
Først i dokumentet finn ein visjon, verdiar og overordna målsettingar. Desse vert så
vidareført i åtte definerte strategiar/satsingsområde, med nærare oppgitte delmål.
Strategiane skal vera styrande for museet sitt vidare arbeid med budsjett og planar.
3

STATUS HARDANGER OG VOSS MUSEUM
Som grunnlag for arbeidet med mål og strategiar ligg ei kartlegging og vurdering av status
ved Hardanger og Voss museum; av intern styrke og svakheiter, og eksterne mogelegheiter
og trugsmål. Metodikken som er nytta for kartlegginga er ei såkalla SWOT-analyse (Strenght,
Weaknesses, Opportunities, Threats), der ein i grupper har analysert og vurdert dei ulike
sider av verksemda.
Det er i ein såpass mangfaldig organisasjon uråd å trekka ein eintydig konklusjon.
Hovudinntrykket er likevel ein organisasjon med store ressursar i form av kompetanse,
samlingar, renomè og merkenamn. Det er utfordingar knytt til store spenn både i fagområde
og geografi, og til ein tung organisasjon med skilje mellom drift og eigarskap. Her er og
økonomiske utfordringar som går både på handlefridom og kapitaltilgang. Ein ser likevel
store mogelegheiter både for vidare utvikling og ekspansjon, og til auka besøk på
institusjonane.
VISJON, VERDIAR OG MÅLSETTINGAR
Hardanger og Voss museum omfattar institusjonane Agatunet, Hardanger fartøyvernsenter,
Hardanger folkemuseum, Kvam bygdemuseum, Kunsthuset Kabuso, Ingebrigt Vik museum,
Granvin bygdemuseum og Voss folkemuseum.
Institusjonane i Hardanger og Voss museum skal oppretthalda sine namn, sin faglege
eigenart og vera spydspissar i profileringa av museet. Hardanger og Voss museum skal
gjennom ein sams fagleg og administrativ plattform styrka og utvikla dei åtte institusjonane
som inngår i museet.
Desse verdiane skal prega arbeidet i museet:
• Me skal vera profesjonelle og fagleg ambisiøse
• Me skal vera aktuelle og utfordrande
• Me skal vera engasjerte og uredde
• Me skal vera nyskapande og utviklingsorienterte
• Me skal vera miljømedvitne
• Me skal ha fokus på helse, miljø og tryggleik.
4

Hardanger og Voss museum sin visjon er:
”Hardanger og Voss museum skal vera levande institusjonar for kunnskap, kvalitet og
gode opplevingar”
Hardanger og Voss museum sine overordna målsettingar er:
• Ivareta og vidareutvikla museumsfunksjonar og andre oppgåver innanfor
kulturminnevern, formidling av kunst og kultur, og sosialpedagogisk arbeid for dei
institusjonar som inngår i Hardanger og Voss museum
• Vidareutvikla planverktøy og strategiar for museet som Samfunnsminne,
Samfunnsaktør og Møtestad. Prinsipp for universell utforming skal i størst mogeleg
grad leggjast til grunn i den vidare utviklinga av museet.
• Realisere prioriteringane innanfor følgjande åtte strategiar:
1. Program for organisasjonsutvikling og profesjonalisering
2. Program for immateriell kulturarv
3. Program for kunstformidling
4. Program for samlingsforvaltning, forsking og formidling
5. Program for fartøyvern
6. Program for bygningsvern
7. Program for ungdomsarbeid
8. Program for reiseliv og kulturbasert næringsutvikling
5

STRATEGIAR
Strategiane for Hardanger og Voss museum er forankra i visjon og overordna målsettingar,
og skal vera styrande for museet sitt arbeid med budsjett og langsiktig planverk.
PROGRAM FOR ORGANISASJONSUTVIKLING OG PROFESJONALISERING
Museet er ein stor organisasjon og arbeidsgjevar. Det er grunnleggande å vidareutvikla
økonomiske og administrative styringsverkty og støttefunksjonar for fagavdelingane, og
gjennom samordning frigjera faglege og administrative ressursar.
Målsetting:
• Framstå som ei godt administrert og effektiv verksemd, med eit godt arbeidsmiljø og
ein god personalpolitisk profil.
• Vera konkurransedyktig i høve til rekruttering av kompetente medarbeidarar.
• Gjennom samordning av fagleg arbeid og sams styrka marknadsinnsats dobla
besøket ved institusjonane
PROGRAM FOR IMMATERIELL KULTURARV
Ein fellesnemnar innanfor Hardanger og Voss museum er det å ivareta og formidle sider ved
den immaterielle kulturarven. Museet har over tid satsa på å bringa vidare handlingsboren
kunnskap knytt til handverka bygningshandverk, båtbygging, småbåtbygging, reipslaging,
smiing, bestmann og instrumentmakar (hardingfele). I tillegg gjev museet sitt arbeid med
folkemusikk viktige bidrag til ivaretakinga av den immaterielle kulturarven, og museet har eit
rikt tilfang av drakt og hardangersaum.
Målsettingar:
• Vidareutvikla arbeidet med immateriell kulturarven som eit viktig satsingsområde ved
Hardanger og Voss museum
• Sikra handlingsboren kunnskap for framtida gjennom eiga utøving og kontakt med
tradisjonsberarar innanfor dei ulike fagområda
• Nytta den handlingsborne kunnskapen aktivt i forvaltning av samlingane, m.a.
gjennom vedlikehald av fartøy, bygningar, tekstil og gjennom folkemusikktradisjonen.
6

• Gjennom lærlingeordningar, kursverksemd og annan formidling syta for at
tradisjonskunnskap som i stor grad er immateriell vert brakt vidare til nye
generasjonar.
• Gjennom samhandling mellom teori og praksis utvikla kunnskap, dokumentasjon,
formidling og forsking.
PROGRAM FOR KUNSTFORMIDLING
Alle avdelingar i Hardanger og Voss museum har aktivitetar knytt til kunst, det kan mellom
anna vere kunstsamlingar og/eller arenaer for formidling av kunstopplevingar.
Skulpturmuseet Ingebrigt Vik museum inngår i det konsoliderte museet, i tillegg til Hordaland
fylkeskommune sin tusenårsstad, Kunsthuset Kabuso.
Målsettingar:
• Sikra kunstformidling på eit høgt nivå
• Utnytta potensialet i museet sine samlingar og scenar for kunst- og kulturformidling
• Museet skal vera ein møtestad for ulike kunst- og kulturuttrykk og for utøvarar
• Museet skal vera eit bindeledd til nasjonale og internasjonale kunstmiljø
• Museet skal formidla aktuelle kunst- og kulturopplevingar
PROGRAM FOR SAMLINGSFORVALTNING, FORSKING OG FORMIDLING
Samlingane representerer grunnkapitalen i museumsverksemda. Vedlikehald og
tilgjengeleggjering av samlingane er ei prioritert oppgåve. Eit viktig steg på vegen til ei god
og tenleg forvaltning, er å skapa gode moglegheiter til å søkja målretta i samlingane, og å
formidla samlingane ut til ålmenta. Ved museet utfordrar me det tradisjonelle, materielt
orienterte samlingsbegrepet ved også å rekna immateriell kultur som ein viktig del av våre
samlingar. Anten samlinga er av materiell eller immateriell karakter vert denne
grunnkapitalen fyrst aktivert gjennom forskingsorientert verksemd. Kunnskapsproduksjon
knytt til samlingane eller som del av samtidsdokumentasjonsprosjekt, er eit viktig
satsingsområde ved museet. Museet har ei omfattande formidlingsverksemd som omfattar
kunstformidling, kulturhistorisk formidling og formidling av samfunnsaktuelle tema.
Programmet er viktig for å kompensera for bortfallet av Norsk kulturråd sine støtteordningar
til formidling.
7

Målsettingar:
• Tilfredsstillande registrering og digitalisering av samlingane med nettbasert formidling
som siktemål
• Sørgje for eit tilfredsstillande vedlikehald, sikring og vern av bygnings- og
fartøysamlingar
• Sikra at tilveksten til samlingane også omfattar samtidsdokumentasjon
• Jobba målretta med sikring av immateriell kunnskap
• Sikra at det vert forska med utgangspunkt i samlingane
• Museet skal vera nyskapande, og aktivitets- og opplevingsorientert i si
formidlingsverksemd.
• Museet skal aktivt driva formidling til barn og unge, m.a. gjennom Den kulturelle
skulesekken lokalt og regionalt.
• Museet skal driva formidling basert på eiga forsking.
• Museet skal ha som ambisjon å drifta eit nasjonalt nettverk.
PROGRAM FOR FARTØYVERN
Hardanger fartøyvernsenter er eit nasjonalt kompetansesenter for fartøyvern. Hardanger og
Voss museum skal medverka til å vidareutvikla og styrka fartøyvernet som vernedisiplin
innanfor norsk kulturminnevern. Hardanger fartøyvernsenter skal vera eit naturleg førsteval
ved istandsetting og rådgjeving på verneverdige fartøy, og utvikla prosjekt på område som
naturleg fell inn under fagfeltet.
Programmet har elles slike målsettingar:
• Styrka HFS sin posisjon som nasjonalt fartøyvernsenter gjennom arbeid av høg
kvalitet innanfor alle fagområde
• Profilera HFS som ein heilskap som museum, ungdomstiltak og fartøyvernsenter
• Arbeida for gode rammevilkår for fartøyvernet
• Medverka til å oppfylla ambisjonar og forventningar som ligg i offentleg planverk for
feltet
• Hardanger og Voss museum bør oppretta eit fagråd for fartøyvernarbeidet
• Arbeida for å utvikla modellar der fartøyvernsenteret i større grad inngår i det
regionale arbeidet med fartøyvern og for å vidareutvikla samarbeidet mellom
fartøyvernet og kulturminnevernet elles.
8

PROGRAM FOR BYGNINGSVERN
Hardanger og Voss museum har ei omfattande samling av freda og verneverdige bygningar.
Fem avdelingar forvaltar til saman over 100 antikvariske bygningar. I ei særstilling står
Agatunet som er eit kulturminne av nasjonal betyding. Eit mål er å styrka arbeidet med dei
freda og verneverdige bygningane som Hardanger og Voss Museum eig.
Ein søkjer å handtera oppgåvene knytt til bygningsvernet gjennom ein kombinasjonen av
teoretisk og praktisk kompetanse. Hardanger og Voss museum ynskjer også å utvikla
organisatoriske modellar som kan trekkje synergiar ut av dei to verneområdet fartøyvern og
bygningsvern for å styrkje kompetansebygginga i begge fagmiljøa.
Målsettingar:
• Styrka den fylkeskommunale bygningsverntenesta i heile regionen, Hardanger og
Voss
• Arbeida for god rammevilkår for dei freda og verneverdige bygningar ved museet.
• Museet skal delta aktivt i nettverk regionalt og nasjonalt.
• Museet skal legge til rette for seminar og kursverksemd for bygningsvern.
PROGRAM FOR UNGDOMSARBEID
Hardanger og Voss museum skal driva eit barnevernsfagleg ungdomstilbod ved Hardanger
fartøyvernsenter basert på avtalar med Statens barnevern, NAV og andre offentlege
instansar. HFS skal vera eit heildøgnstiltak med bufamiliar, dagtilbod med arbeidstrening
og/eller skule og ein fritidsdel med vekt på miljøterapeutisk arbeid innan alle områder.
Tilbodet skal gje ungdomane høve til meistring og personleg vekst. Målsettinga etter
opphaldet ved Hardanger fartøyvernsenter er at ungdommen har fått avstand til rus og
kriminalitet, fått tru på seg sjølv, og ha fått eit grunnlag til å kunna ta ansvar for eigen
livssituasjon. Følgjande mål gjeld elles for ungdomsarbeidet:
• Hardanger og Voss museum skal arbeida for at ungdomsavdelinga ved Hardanger
fartøyvernsenter utviklar seg vidare som ein respektert, fagleg profesjonell og
kvalitetsmedviten aktør innanfor barnevernsfeltet i Noreg.
• Vurdera og eventuelt utvida tiltaket til åtte faste elevplassar
• Ein skal saman med andre involverte partar utarbeide opplegg for ettervern.
• Hardanger og Voss museum bør oppretta eit fagråd for ungdomsarbeidet
9

PROGRAM FOR REISELIV OG KULTURBASERT NÆRINGSUTVIKLING
Det å utvikla og styrka aktiviteten er eit prioritert område. Det kan vera gjennom å styrka
kjerneverksemda eller å gå inn i nye område som kulturbasert næringsutvikling. Slikt arbeid
skal organiserast som prosjektarbeid, forankra i styret for Hardanger og Voss museum.
Prosjekt som vert gjennomførte i Hardanger og Voss museum skal som hovudregel og vera
forankra i St.meld 22 (2004-05) Kultur og næring og St.meld 25 (2004-05) om
regionalpolitikken.
Målsettingar:
• Hardanger og Voss museum skal vera ei kraft i arbeidet med reiseliv og kulturbasert
næringsutvikling i regionen
• Å etablera Norsk jordskiftesenter i tilknyting til Agatunet
• Å utvida og utvikla Hardanger fartøyvernsenter gjennom prosjektet ”Over bekken”
• Å etablera eit kunnskapssenter for hardingfela og folkemusikk ved Hardanger
folkemuseum
• Å utvikla ein miljøprofil for Hardanger og Voss museum
• Hardanger og Voss museum skal vera ei kraft i arbeidet med kulturbasert
næringsutvikling i regionen
• Hardanger og Voss museum skal arbeida målretta og strategisk med informasjon,
marknadsføring og PR.
10