Arbeidshefte - Hardanger og Voss Museum

PEDAGOGISK UNDERVISNINGSOPPLEGG FRÅ
HARDANGER FOLKEMUSEUM FOR SMÅSKULEN:
Hardingfela

Bakgrunn
Hardingfela er eit av dei viktigaste og mest særmerkte nasjonalsymbola vi har i Noreg.
Gjennom nasjonalromantikken og nasjonsbygginga har både folkemusikktradisjonane og
folkemusikkinstrumenta vore uløyseleg knytte til Hardangernamnet. Hardanger folkemuseum
ser det som ei svært viktig oppgåve å bringe denne kunnskapen vidare til den oppveksande
generasjon.
Mål
Hardanger folkemusikksamling og Hardanger folkemuseum ynskjer å gjere elevane kjende
med Hardingfela som instrument, og den historia og kulturen som uløyseleg er knytt til ho.
Gjennom spel, song, bilete og dramatisering skal dei lære å kjenne att Hardingfela, og skilje
ho frå andre instrument, både med tanke på lyd og utsjånad. Elevane skal også få kjennskap til
i kva samanhengar hardingfela vart brukt, og nokre av alle dei myter og segner instrumentet
er omspunne med.
Mål i læreplanen L-97
S. 240, Musikk, mål for småskulesteget:
Elevane skal lære seg å delta aktivt i ulike lyttesituasjonar. (…)Dei skal utvikle evna til å lytte
med interesse og undring til levande og innspelt musikk, og vise at dei forstår at musikk kan
verke på oss på ulike måtar.
S. 242, hovudmoment for 3. klasse:
I opplæringa skal elevane
- delta aktivt i musikalsk samhandling med til dømes gjestande musikarar(…).
S. 243, hovudmoment for 4. klasse:
- lytte til framføringar og konsertar og få øving i å samtale om desse med tanke på formidling
og oppleving.
S. 179, Samfunnsfag, hovudmoment for 3. klasse:
I opplæringa skal elevane
- bli kjende med mytar, segn og eventyr og finne ut om dei kan fortelje noko om historia vår.
Mål i Kunnskapsløftet
S. 120, Læreplan i musikk, Hovedområder i faget, lytte:
Å kunne lytte er en grunnleggende forutsetning både for musikkopplevelse og for egen
utøvelse, alene og i samspill med andre. (…) Her inngår arbeid med barnesangkultur, samisk
musikk og folkemusikk (…).
S. 122, Kompetansemål etter 4. årstrinn:
Musisere
Mål for opplæringen er at eleven skal kunne
• framføre sang, spill og dans i samhandling med andre
S. 123
Lytte
Mål for opplæringen er at eleven skal kunne
• gjenkjenne norsk og samisk folkemusikk(…)
• delta i samtaler om hva som er særegne trekk ved enkelte musikksjangere
• gjøre rede for egne musikkopplevelser, om ulik bruk av musikk og ulike funksjoner musikk
kan ha.
Side 2

Rammevilkår
Undervisningsstad:
Tid:
Elevgruppe:
Vi kjem til skulen
1 time, heile året
Småskulen, primært 3. og 4. klassetrinn.
Førebuing
Det er ikkje naudsynt med noko særskilt fagleg førebuing før museumsbesøket. Det er likevel
ei stor føremon om besøket vert lagt til ei tid då elevane jobbar med tilsvarande tema på
skulen. For ordens skuld gjer vi merksam på at det er skulens tilsette som har ansvaret for at
elevane tek del i undervisninga på ein høveleg måte.
Innhald/gjennomføring
Dramatisert forteljing av segnet om den underjordiske halling innleier programmet. Fela blir
presentert for elevane, den historiske bakgrunnen fortalt. Dramatisert forteljing om dei fyrste
felemakarane vi kjenner, Isak og Trond Botnen. Elevane får ”demonstrert” korleis ei fele vart
og vert laga. Dei får sjå og kjenne på materialar og reiskapar som vert nytta.
Felespelaren demonstrerar korleis det kjem lyd frå ei fele. Skilnaden på ei hardingfele og ei
vanleg fele (fiolin) vert forklart og demonstrert. Det vert spelt på instrumenta, og elevane øver
på å skilje dei frå kvarandre. Vi syng songar som elevane kan, med tonefylgje frå både
hardingfele og fiolin. T.d. Per Spelmann og Kjerringa med staven.
Med bruk av bilete vert den sterke historiske tradisjonen til hardingfela fortalt. Gamle bilete
syner kva posisjon fela og spelemannen hadde i samfunnet tidlegare, og nyare bilete fortel kor
ho står i dag.
Dersom elevane er modne for det vil vi også kome inn på dei ulike slåttetypane som vert spelt
på hardingfela, springar, gangar/rudl, halling og lydarslåttar.
Påmelding
Påmelding til undervisningsopplegget skjer direkte til Hardanger folkemuseum.
Telefon: 53 67 00 40,
E-post: mail@hardanger.museum.no
Eller: helena@hardanger.museum.no
Side 3