Create successful ePaper yourself
Turn your PDF publications into a flip-book with our unique Google optimized e-Paper software.
Skriv ut<br />
<strong>Dali</strong> <strong>Ikon</strong> 7<br />
Har ungdommen andre lydpreferansar enn etablerte audiofile? Vi prøver oss på eit par doble<br />
utprøvingar av nokre <strong>Dali</strong>-modellar. Først vurdert av vår 17-årige gjesteskribent Kjell Omar<br />
Åhjem, deretter av Arve.<br />
<strong>Ikon</strong> 7 er største modell i <strong>Ikon</strong>-programmet frå <strong>Dali</strong>. Danske godsaker, som du godt kan ha<br />
store forventningartil.<br />
Utforming og design<br />
Dette er ein svært slank og visuelt tiltalande<br />
høgtalar, som neppe vil utfordre interiøret i heimen i<br />
nemneverdig grad. Dei er pene, men har ganske<br />
konvensjonell utsjånad. Baksida har ein øvre<br />
bassport (i tillegg til bassporten nede, som er dekt<br />
av frontstoffet), og dobbelt sett høgtalarterminalar<br />
av skikkeleg, høg kvalitet samanbundne med ei<br />
kontaktplate. Alt er altså tilrettelagt for biforsterkning<br />
eller kabling for den som vil.<br />
Høgtalarane er golvståande og er 1,16 m høge (litt<br />
etter kva spike du brukar), men er berre 20 cm<br />
breie og 34 cm djupe. Høgtalaren prangar heller<br />
ikkje med høgtalarvalet som er godt dekt av<br />
frontstoffet, som går heilt ned til dei siste 18 cm<br />
over golvet, der også den forsterka frontplata i<br />
komposittmateriale tek slutt. Tar du av ramma,<br />
kjem tre 6 ” bassar til syne over bassporten. Desse<br />
ser heilt like ut, men det er berre to som jobbar med<br />
djupbassen, medan den tredje jobbar litt høgre i<br />
frekvensområdet. Over desse sit ”ikonet”, ei<br />
avrunda plate med diskantelementa på. Ein dome<br />
tek seg av dei høgste overtonane, medan rosina i<br />
pølsa, banddiskanten er plassert over denne.<br />
Produsenten tilrår som utgangspunkt at du stiller<br />
høgtalarane etter likesida trekant-prinsippet, der<br />
lytteposisjon og høgtalarar står i hjørna. Det vert<br />
ikkje tilrådd å vinkle høgtalarane innover, men eg fann likevel ei forsiktig vinkling innover fornuftig,<br />
spesielt i det minste, men også det største lytterommet (når avstanden mellom høgtalarane vart<br />
ganske stor.<br />
Kjell Omar Åhjem sine kommentarar:<br />
I starten måtte høgtalarane spelast inn. Dette tok tre veker etter at eg hadde pakka dei ut. I starten<br />
var dei slappe i bassen, og dei gjekk ikkje så djupt ned heller.<br />
Etter at det hadde gått to veker med innspeling kvar dag så ofte og lenge eg kunne (medan eg var på<br />
skulen), tok bassen å lausne, og eg vart meir og meir imponert over kor djupt og høg bass dei kunne<br />
spele. Tidlegare har eg brukt eit byggesett med 2 stk 15” bassar pr kanal, og til å vere 6 ½” var <strong>Ikon</strong> 7<br />
merkeleg nok betre. Kanskje ikkje til diskotekbruk, men iallfall i dei små romma eg prøvde dei i.<br />
Etter tre veker med innspeling var dei klare for å<br />
spele høg og hard musikk. Eg testa høgtalarane med<br />
techno og heavy rock, og ville sjå korleis dei passa<br />
for ein ungdom med slik musikksmak.<br />
Diskanten var mjuk og fin, og forandra seg ikkje<br />
uansett kor høgt eller lågt eg spelte. Dei spelte<br />
utruleg høgt utan at det vart ubehageleg å høyre på.<br />
Eg brukar ein integrert forsterkar Luxman A 373 på<br />
130 W i 8 Ohm, og det verka som det var nok til<br />
mitt bruk. Basselementa såg nesten ikkje ut til å<br />
bevege seg sjølv når eg spelte skikkeleg høgt.<br />
Dette er ein stuehøgtalar, men eg plasserte <strong>Ikon</strong> 7<br />
på hybelen min. Denne er eit langt rom, over 5<br />
meter, og 2,20 meter breitt, og skråar litt i taket i<br />
begge endar. Dei stod tett attmed sideveggen, med<br />
ganske mykje vinkling innover. Eg brukte dei også
heime på rommet mitt (Arve sitt lytterom #3) som<br />
er om lag 3x4 meter, og her spelte dei svært bra. Det verkar som dei er enkle å plassere på grunn av<br />
at dei er smale. Men eg anbefalar å ikkje bruke dei til disko eller noko liknande, då finnest det billegare<br />
høgtalarar som kan vere like gode.<br />
Generelt er <strong>Dali</strong> <strong>Ikon</strong> 7 ein verkeleg god og stabil høgtalar som eignar seg til alle typar musikk. Minuset<br />
er at det er jo alltid ein høg pris for gode høgtalarar. 12000kr synest eg er litt mykje for ein ungdom<br />
utan andre inntekter enn sommarjobb. Men materiale og oppbygning med slik kvalitet kostar, så viss<br />
du har pengane, er dette ein høgtalar eg vil anbefale. Dei fungerte godt med min forsterkar, så du<br />
treng ikkje blakke deg på å skaffe ein frykteleg dyr forsterkar.<br />
Vidare kommentarar av Arve Åheim<br />
Lydmessig er <strong>Dali</strong> <strong>Ikon</strong> 7 ein uvanleg god sak, både ut frå utsjånad og pris. Det litt slanke kabinettet<br />
gjer at høgtalaren har svært lett for å ”forsvinne” og skape eit stort, tredimensjonalt lydbilde. Vi må vel<br />
også gje bandelementet ein god del av æra for dette. Med å plassere dette såpass høgt oppe, får du<br />
sterke assosiasjonar til line-sorce-konstruksjonar, berre du ikkje sit for langt unna. Men du slepp<br />
ulempene med slike konstruksjonar, då dome-diskanten er plassert akkurat i øyrehøgd, og gjer at<br />
diskant og øvre mellomtone perspektivmessig definerast på ein måte du normalt ikkje kan rekne med<br />
frå anna enn svært mykje dyrare konstruksjonar. Noko anna som også er uvanleg, er at <strong>Ikon</strong> 7<br />
fungerer like godt perspektivmessig i ganske små rom. Eg prøvde dei i mitt lytterom #3 med svært<br />
godt resultat, og må seie at eg ikkje har lukkast å få like gode perspektiveigenskapar ut av dette<br />
rommet med andre golvståande høgtalarar.<br />
Når det gjeld dynamikken er <strong>Ikon</strong> 7 fyrst og framst heilt kontrollert. Nyanseringsevna er storarta, utan<br />
at det på nokon måte går ut over det musikalske. Som basskonstruksjon er dette svært bra. Ikkje slik<br />
at bassen vert helden stramt attende, men ting er under fullstendig kontroll. Høgtalarane fortener ein<br />
godt påkosta forsterkar, for midbassområdet er uvanleg godt. Og banddiskant + dome er så godt<br />
avstemt til basselementa at vi snakkar om ein svært god formidlar av den naturlege klangen. Eg tilrår<br />
mykje effekt, men også små rørforsterkarar fungerer forbausande bra om du ikkje skal spele for høgt.<br />
Perspektiveigenskapane til <strong>Ikon</strong> 7 er nemleg så gode at du absolutt bør få dei med. Og det gjer du best<br />
ved hjelp av gode rørprodukt. Med Rogue Metis eller Vincent SA 31MK kunne <strong>Ikon</strong>ane avsløre detaljane<br />
på dei beste innspelingane på ein glimrande måte.<br />
Å spele Ioni Mitchell på <strong>Ikon</strong> 7 er berre heilt rett. Måten stemma vert brukt som instrument kan ikkje<br />
komme betre fram. Ladysmith Black Mombazo er flott, men det må innrømmast at dei analytiske<br />
eigenskapane til høgtalarane er såpass presise at det er lett å fokusere på tekniske sider ved song- så<br />
vel som opptaksteknikk.<br />
Vi har altså på svært mange måtar med ein ekte hi-end høgtalar å gjere. Det er viktig å bruke tid på<br />
plassering og kroner på utstyret elles. Eg fekk dei best til ved plassering relativt nær bakvegg. Dei tåler<br />
også å stå langt frå kvarandre og ganske nær sidevegg utan at du får hol i midten eller sterkt preg av<br />
veggrefleksjonar. Plassering etter tredjedelsregelen gjer dei litt for analytiske etter min smak.<br />
Av mykje elektronikk eg har prøvd saman med dei, likar eg svært godt Onkyo A1 om eg fokuserer på<br />
dei analytiske, hi-end eigenskapane. Om eg skulle ha musikkengasjement som hovudfokus, er det<br />
kanskje rørforsterkarar som er tingen – og om du ikkje er ein dynamikk-freak, må du ikkje dei største<br />
wattmengdene for å få det moro. Eg prøvde dei med 25 Watts monoblokker frå Antique, og dette<br />
spelte høgt i massevis. Men klangbalansen til desse forsterkarane var litt spesiell, så sjølv om<br />
perspektiveigenskapane var glimrande, må eg seie at det ikkje heilt var etter min smak. Det kunne<br />
også vore litt meir styring på basselementa.<br />
Ved bruk i det største lytterommet mitt vart det bruk for mykje effekt, og dei små 25wattarane kom til<br />
kort når lydtrykka vart litt utagerande. Eg prøvde <strong>Ikon</strong>ane med det nye forsterkarsettet frå Vincent<br />
SP331MK/SA31MK. Her synte det seg at <strong>Ikon</strong> 7 har stor nytte av dei gode dynamikkeigenskapane og<br />
kontrollen av basselementa som dette settet byr på. Og det går like greitt om du brukar enkle<br />
høgtalarleidningar av god kvalitet som om du biwirar.<br />
Klangbalansen ved bruk av Vincentsettet var også tiltalande. Spesielt tykte eg at den rike bassen frå<br />
SA 31MK engasjerte. Men eg var ikkje heilt fornøgd med perspektiveigenskapane. Heller ikkje då eg<br />
skifta forforsterkar til ”perspektivfantomet” Metis frå Rogue audio var perspektiveigenskapane så gode<br />
som over dei dynamisk svakare rørforsterkarane. Med min Copland effektforsterkar gjorde eg det beste<br />
kompromisset, og eg ville vurdert å spandere svært god elektronikk til samlivet med desse<br />
høgtalarane. Rogue Metis er eit godt val, og kanskje også den rimelegaste rørforsterkaren derifrå.<br />
Av dette sluttar eg at <strong>Ikon</strong> 7 gjerne vil ha om lag tre-fire gonger så mykje kvalitetswatt som<br />
kvadratmetertalet på rommet dei skal spele i. Og at dei klarer å gje att svært mykje av perspektiv når<br />
elektronikken er god nok. Høgtalarane klarer seg svært godt også med enkle ting, og spelar musikalsk<br />
og greitt på ganske rimeleg elektronikk. Ut over dette har dei kvalitetane til langt meir kostbare<br />
rasedyr, og bør såleis påspanderast så god elektronikk som du kan sjå deg råd til.<br />
Biamp og heimekino<br />
Eg prøvde dei også i heimekino-oppsett i lytterom #3. Dei gjorde ein fantastisk jobb,<br />
og det må seiast at i mitt ganske enkle oppsett var <strong>Ikon</strong> 7<br />
overkill. Likevel vart det skikkeleg moro når eg brukte den<br />
rimelege Denon AVR-2106 i biamp-modus. Med Mirage subwoofer
under 40 Hz og <strong>Ikon</strong> 7 som hovudhøgtalarar, vart lyden dynamisk<br />
sett verkeleg i toppklasse. Men om ditt ynskje er å bruke <strong>Ikon</strong> i heimekinoen, bør du bruke full<br />
<strong>Ikon</strong>pakke med høgtalarar, og rekne med å spandere ein skikkeleg sum på elektronikken. Musikalsk<br />
sett fungerte dei faktisk best utan subwoofer, og greidde seg godt saman med Denon. Med Marantz SR<br />
5600 surroundreceiver vart bassen ikkje tilfredsstillande utan subwoofer, og då helst med høg<br />
delefrekvens på 80 Hz.<br />
Tre små foto som syner 1. enkel kabling, 2. fjerning av mellomstykka, som må<br />
gjerast før ein biampar, og 3. tilkopling av separate kablar for bass og diskant.<br />
Tilsvarande må sjølvsagt gjerast også på forsterkaren.<br />
Konklusjon:<br />
Ein alvorleg god høgtalar. Kontroll, perspektiv og nøytralitet er dei sterkaste sidene.<br />
Svært rekningssvarande i stereoanlegg, der dei leverer i samsvar med anlegget<br />
elles, inntil ganske mange titals kilokroner. Dei kan fungere relativt godt med<br />
rimeleg elektronikk, men er av natur rasedyr som ikkje syner sitt fulle potensiale før<br />
dei får skikkeleg gode samarbeidspartnarar. Har du råd til det, bør du tenke<br />
biamping.<br />
Til heimekino er dei også glimrande, og sidan <strong>Dali</strong> har eit komplett <strong>Ikon</strong>-program, er det vel verd å<br />
studere utvalet med tanke på å få det beste ut av både filmar og musikk.<br />
Ein allsidig hi-end-aspirant i gunstig prisklasse, og ein høgtalar du kan vekse med.<br />
Tekniske data frå produsent:<br />
Bassreflekskonstruksjon, avstemt til 35 Hz<br />
Frekvensområde ±3dB: 36 – 30000 Hz<br />
Spelar 92 dB på ein Watt på ein meters avstand. Max SPL: 112 dB<br />
Delefrekvensar: 600/2900/14000 Hz<br />
Tilrådd effektforsterkar mellom 25 –200 Watt<br />
Element: 3 x6,5”, 28 mm dome, 17x45mm banddiskant<br />
Mål: 114x20x34,2 cm<br />
Vekt: 23 kg.<br />
Pris: 11 996 kr<br />
Importør: www.hifiklubben.no<br />
Sist oppdatert : 18.12.2005 22:45:43<br />
Tips en venn om denne artikkelen!<br />
Din E-post:<br />
Mottagers E-post:<br />
Send tips