Les siste nummer av Åpent rom! - Statsbygg

16 statsbygg leverer
ÅPENT ROM NR. 1 2013
3
4
foto: kim muller
0 5 10 20
terrengsnitt d-d 1:500
1 2 3 4
1. Etter noko om og men blei det einighet om at nybygget skulle ligge i bakken
opp mot Fosshaugane stadion.
2. Tomta var bratt, men hadde fin utsikt mot Fossbygget og Sogndal sentrum.
3. Grunnforholda var den største utfordringa og kravde spunting fleire etasjar
under bakken.
4. Bygginga starta i 2010 og varte i rundt to år. Her tek huset fysisk form.
1
tidlegfasen – lokaliseringa
1994 – 2001
programfasen – Statsbygg får oppdraget
2 3
2001 – 2003
2005 – 2008
prosjekteringsfasen – arkitekten kjem
4
byggjefasen
2010 – 2012
Høgskulen blei oppretta som ein statleg høgskule
1. august 1994. Dette var resultatet av ei stor reform
i undervisningssektoren, der eit mangfald beståande av
98 ulike høgskular spreidde over heile landet skulle bli
omorganiserte til 28 høgskular. Administrasjonen for
den nye høgskulen blei lagd til Sogndal, men det blei
ikkje reist noko nybygg for å samle skulen. Høgskulen
er framleis geografisk spreidd på fleire bygningar
i Sogndal og på lokale i Førde og på Sandane.
Fram til 1991 ville kommunen at ei framtidig lokalisering
og utviding av Høgskulen i Sogn og Fjordane skulle
liggje på Kaupangskogen, ei dryg mil frå Sogndal sentrum.
I 1995 flytte likevel administrasjonen og fleire av fagavdelingane
ved høgskulen inn til Sogndal sentrum, i Fossbygget
ved breidda av Sogndalselva. Dette bygget blei kjøpt av
Statsbygg frå industribedrifta Lerum og bygd om til høgskuleformål.
Frå då av var det klart at vidare vekst av høgskulen
vil komme i nærleiken av Fosshaugane og Sogndal
sentrum, og ønsket om eit nybygg her blei fremja.
I november 2001 fekk Statsbygg i oppdrag
frå det som den gongen heitte
Kyrkje-, utdannings- og forskingsdepartementet
(i dag Kunnskapsdepartementet),
å starte arbeidet med å prosjektere
eitt eller fleire nye høgskulebygg i
Sogndal. Arealramma blei fastsett til totalt
22 000 kvadratmeter, der fordelinga
blei 8800 kvadratmeter frå dei gamle
bygningane og 13 200 kvadratmeter
nybygg.
Statsbygg starta så programfasen. Her
skulle behova, moglegheiter, alternativ
og konsekvensar bli vurderte og reguleringsspørsmål
avklarte. I denne fasen
er det viktig for Statsbygg at brukarane
og oppdragsgivaren blir tett involverte
i prosessen. Utgreiingane enda med følgjande
løysing: Høgskulen skulle leige
lokale i Stadionbygget av Sogndal Fotball,
det nye sentralbygget skulle krympast
ned til 7605 kvadratmeter, og gymnasbygget
til fylkeskommunen skulle
kjøpast og bli innlemma i høgskulen.
For Statsbygg er det i denne fasen
alltid viktig å vere lydhøyr for dei ønska
som kjem frå oppdragsgivar og
brukarane. Slike ønske og behov blir
nedfelte i eit romprogram og eit byggjeprogram.
Statsbygg bruker innleigde
arkitektar for å få utarbeidd desse,
men er sjølv ansvarleg for resultatet og
kontrollerer arbeidet nøye.
Programma for Høgskulen i Sogn og
Fjordane var ferdige i 2005 og danna
grunnlaget for dei første kostnadsforslaga.
Rom- og byggjeprogramma skildra eit
bygg med mange sentrale funksjonar for
høgskulen. Det skulle innehalde bibliotek,
auditorium, undervisningsrom,
kantine og kontor for administrasjonen.
Samtidig var det eit ønske om at nybygget
òg skulle binde saman dei andre høgskulebygningane
og gjere Fosshaugane
om til eit campusområde. Fosshaugane
er nettopp det namnet seier, ein bratt
bakke med ein høgdeforskjell på 25 meter.
Å lage ei samanbinding av området
var derfor ei utfordring.
Statsbygg utlyste ein avgrensa planog
designkonkurranse der fem prosjekteringsgrupper
blei prekvalifiserte til
å delta. Juryen med representantar frå
Statsbygg, departementet, brukar og arkitektar
kåra i februar 2006 vinnar-
utkastet «Missing Link», teikna av ei
gruppe leidd av Arkitektgruppen lille
frøen AS. Dei prosjekterande utarbeidde
eit meir konkret skisseprosjekt i november
2006, og forprosjektet blei ferdigstilt
i april 2007.
I september 2008 gjorde Statsbygg ein
ny usikkerheitsanalyse av prosjektet, og
det blei gjort nye vurderingar av framtidig
prisutvikling som følgje av finanskrisa.
Samtidig måtte ein ta omsyn til nye
tekniske krav. Endeleg kostnads- og styringsramme
for prosjektet blei godkjend
av Finansdepartementet i mars 2009, og
Stortinget løyvde midlar i juni same år.
Statsbygg kunne setje i gang detaljprosjekteringa
av nybygget og sende prosjektet
ut på anbodskonkurranse i
februar/mars 2010.
I 2010 var finanskrisa over og marknadssituasjonen ein
heilt annan. Tilboda frå entreprenørar og leverandørar
låg langt over det som var forventa, og Statsbygg forkasta
tilboda for bygg, elektro, ventilasjon og heis og
avlyste desse konkurransane. Det blei innleidd direkte
forhandlingar med leverandørar for å få ned prisane.
Samtidig starta arbeidet med å kutte kostnader i prosjektet.
I august 2010 kunne bygginga endeleg starte.
Byggherren veit at det kan vere enkelt å gjere endringar
så lenge eit hus er på teiknebrettet. Under bygginga
derimot blir det fort kostbart, og ei endring éin stad kan
gi uventa konsekvensar ein annan stad i bygget. I Sogndal
viste det seg at grunnforholda var den største utfordringa,
og spunting mange etasjar ned i grunnen tok
lengre tid enn forventa. Bygget blei ferdigstilt innanfor
kostnadsramma og teke over av Statsbygg i juni 2012.
Då starta samtidig ei teknisk prøvedrift av bygget. Høgskulen
i Sogn og Fjordane tok huset i bruk i august 2012
etter ei hektisk innflytting.