bv1718
You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
LEIAR LANDBRUK, POLITIKK OG SAMFUNN<br />
Inga kursendring<br />
Bothild Å. Nordsletten<br />
bothild@bondevennen.no<br />
Med kostnadsauke, overproduksjon og<br />
marknadsubalanse som utgangspunkt<br />
kan me forstå at partane i jordbruksoppgjeret<br />
var letta over å kunne inngå ein<br />
avtale 16.mai.<br />
For første gong under Solberg-regjeringa<br />
signerte både Norges Bondelag<br />
og Norsk bonde- og småbrukarlag. At<br />
sjølv liberalisten Jon Georg Dale seier<br />
seg nøgd med avtala er ikkje den einaste<br />
grunnen til å vera skeptisk.<br />
Faglaga er med rette tilfredse med<br />
strukturtilskotet til små og mellomstore<br />
mjølkebruk, «Vestlands»-tilskota til drift<br />
i bratt terreng, setertilskotet og satsinga<br />
på frukt og grønt. Midt i overproduksjonen<br />
er dei òg glade for semje om fleire<br />
produksjonsavgrensande tiltak for sau og<br />
svin. Ein kan gle seg over desse resultata,<br />
men i kva grad dei inneber eit varig steg<br />
i rett retning for jordbruket, vil tida vise.<br />
Det største vonbrotet er at bøndene ikkje<br />
oppnår kronemessig lik inntektsutvikling,<br />
men heller ein prosentvis inntektsauke<br />
på 3,5 prosent – under føresetnad<br />
av at dei oppnår 250 millionar kroner i<br />
betre marknadsbalanse alt i 2019.<br />
Føresetnadane for å klara det - og for å<br />
sikra inntekta på sikt - er høgst usikre.<br />
Kostnadsauken dei neste åra er rekna til<br />
1,4 milliardar kroner. Dei produksjonsavgrensande<br />
tiltaka, som er meint å auka<br />
sjansen for å ta ut betre pris i marknaden,<br />
er ikkje konkretiserte på svin. Ordlyden<br />
i avtala er her prega av atterhald og<br />
mange punkt som skal «greiast ut» – alt<br />
medan overskotet er stort og importen<br />
aukar.<br />
Det nye strukturtilskotet til mindre<br />
mjølkebruk kan også visa seg å bli eit<br />
kortliva - eller reint livsforlengjande –<br />
påslag. I tillegg til sannsynleg overskot<br />
av mjølk ved bortfallet av eksport av<br />
Jarlsberg i 2020, står store investeringar<br />
for fjøsdøra. Endringane i forskrift<br />
for hald av storfe som trer i kraft i 2024,<br />
og lausdriftskravet i 2034, representerer<br />
viktige vegskilje. Kor mykje mjølk treng<br />
me eigentleg, og kor mange bønder heng<br />
med i lengda?<br />
Det er positivt at iallfall nokre bønder<br />
har fått høve til å auka inntektene. Med<br />
eit stortingsfleirtal som er for kronemessig<br />
lik utvikling, kunne faglaga oppnådd<br />
meir? Marknadsubalansen tyngjer,<br />
men overproduksjonen skuldast ikkje<br />
produksjonsivrige bønder aleine. Dersom<br />
ikkje faglaga bit meir frå seg under<br />
ei blågrøn mindretalsregjering – kva tid<br />
skal dei då gjere det?<br />
Oppgjeret handlar sjølvsagt også om<br />
meir enn kroner og øre. Jordbrukspolitikken<br />
er ikkje til berre for bøndene, men<br />
for å gjennomføre det samfunnsoppdraget<br />
det er å fø folket. Kva har samfunnet<br />
att for jordbruksoppgjeret 2018?<br />
Retninga står seg, svarar avisa Gudbrandsdølen<br />
Dagningen, og held fram:<br />
Sjølvforsyninga blir ikkje betra, gjeldsutviklinga<br />
blir ikkje endra, strukturutviklinga<br />
blir ikkje endra og forholdet mellom<br />
bruk av jord og bruk av kraftfôr blir<br />
ikkje endra.<br />
Med andre ord - det er mykje som tyder<br />
på at årets avtale neppe blir meir enn ei<br />
justering av dei liberale hovudlinene frå<br />
2014. Oppgjeret kunne definitivt vore verre,<br />
men det utgjorde også eit tapt høve<br />
til ei reell og naudsynt kursendring for<br />
landets viktigaste næring.<br />
BONDEVENNEN Nr. 17 - 1. juni 2018 3