Programbok 2022

Klassisk Kveik
KROSSVOLL | TORSDAG 3. NOVEMBER KL 20:00 | KR 350
HAKKASTEIK INKLUDERT I BILLETTEN
OM KONSERTEN
Festival-leiinga inviterer artistane opp i sofaen for ein prat om livet, musikken
og kjærleiken til det heile. Nyt den fyrste festivalkvelden med lett servering,
drikke, prat og musikk i ein intim og underhaldande atmosfære. Klassisk Kveik
er Hardanger Musikkfest si oppskåka i ny drakt.
Kveik er kort fortalt ein heilt spesiell gjærtype som gjev fart og det vetle ekstra
til ølbrygginga. Tradisjonen har vore overlevert frå generasjon til generasjon
i Hardanger, og ein kan trygt seia at «noke er i emning» når kveiken vert
tilsett. Me kveiker opp festivalstemninga på Krossvoll, gjennom å presentera
våre festivalartistar på eit sylvfat. Det vert smakebitar frå komande konsertar,
samtalar med artistane og mat på bordet.
Vertskap er Therese Birkelund Ulvo & Gunilla Süssmann.
Krossvoll er Lofthus si eiga bygdestove med lun stemning og tradisjon
i veggane. Lofthus Ekspedisjon held open bar.
19