Programbok 2022

skriv for. Med sin kunstnariske profil har DNJ ei målsetting om å skapa sterke uttrykk
som rører publikum. Til Hardanger Musikkfest kjem Studiokoret (15–26 år),
med musikk både frå sitt folkemusikkrepertoar og nyskrive verk.
ERLEND APNESETH
Erlend Apneseth er ein av landets leiande felespelarar og har motteke ei lang
rekkje prisar, deriblant Grappas Debutantpris, Rolf Gammlengs pris, NOPAprisen,
samt fem nominasjonar til Spellemannprisen. Han har skrive bestillingsverk
til blant anna Kongsberg Jazzfestival, Førdefestivalen og Ultima, og samarbeida
i 2021 med komponisten Ørjan Matre om eit nytt verk for hardingfele og
Det Norske Kammerorkester. Apneseth har forutan folkemusikken fordjupa seg
i improvisasjon og alternative klang- og pizzicato-teknikkar på hardingfela, og
står fram som ein utøvar med eit heilt særeige uttrykk. Erlend Apneseth gjestar
Hardanger Musikkfest for fyrste gong.
ERLEND APNESETH TRIO
Erlend Apneseth Trio er eit av Noregs mest innovative og aktive band, som
sameinar lyden av norsk folkemusikk, jazz og elektronika på ein heilt særeigen
måte. Bandet har hausta lovord, prisar og nominasjonar for sine fire albumutgjevingar
på det renommerte plateselskapet Hubro. Turnering i store delar av
Noreg og Europa dei siste fem åra har begeistra både nye og tilbakevendande
konsertgjengarar. Samtlege album har vorte nominert til Spellemannprisen, og
dei fekk prisen for albumet «Salika, Molika» (2019) saman med Frode Haltli.
Trioen er sett saman av Erlend Apneseth (hardingfele), Stephan Meidell (gitar/
live-sampling) og Øyvind Hegg-Lunde (trommer/perkusjon). Dei er alle kritikarroste
utøvarar og komponistar på sine felt, og deira improvisatoriske tilnærming
gjer kvar konsert til ei unik oppleving.
FLORIAN DONDERER
Den tyske fiolinisten Florian Donderer er rekna som ein av dei mest spanande
fiolinistane i sin generasjon. Han er kjent for sitt eksepsjonelt vakre spel,
usedvanlege teknikk og slåande intensitet. Han er ein mangfaldig utøvar, høgt
verdsett som kammermusikar, solist, konsertmeister og dirigent. Florian er primarius
i Signum Quartet som i 2023 debuterer i Carnegie Hall i New York. Florian
Donderer er spesielt kjent som «spelande leiar», etter sine mange år som
konsertmeister i Die Deutsche Kammerphilharmonie Bremen, og har vore sterkt
medverkande til orkestret sin status som eit av verdas leiande kammerorkestre.
Han er også kunstnerisk leiar for Rottweil Musikkfestival, ein av Tyskland sine
eldste festivalar, og kuraterar i tillegg ein konsertserie i Sendesaal Bremen
49