Nye ungdomsbøker fra Ungdomsbokgildet 2017
You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
Tore Aurstad<br />
Skrekkens mestere<br />
Cappelen Damm <strong>2017</strong><br />
Presentert av Stig Elvis Furset<br />
Allereie i tidlege barneår var eg fascinert av det mørke og morbide. Då eg<br />
var ti år gammal, i fjerde klasse, fekk vi ei stiloppgåve kor vi kunne skrive<br />
om kva vi ville. Eg skreiv ei ”heimsøkt hus”-forteljing.<br />
Den handla om ein familie på fire som<br />
flytta inn i eit hus ved ein mørk skog. Dei<br />
flytta inn dit på hausten, når kveldane likna<br />
natt. Huset var gammalt. I dag ville eg<br />
kalt det eit oppussingsobjekt, for å skape<br />
ei realistisk ramme rundt forteljinga. Men<br />
realisme var ikkje målet med min stil. Eg<br />
kom fort til poenget: Det kvilte ei forbanning<br />
over huset.<br />
Det hadde det gjort i fleire år. Etter at<br />
faren i familien som bygde huset hadde<br />
drepe resten av familien med øks. Historia<br />
med øksedrapa gjentok seg opp gjennom<br />
åra. Inntil ”min familie” stod for hogg. Eg<br />
kan hugse at eg vart skremt då eg skreiv<br />
stilen. Av denne faren som slakta ned heile<br />
familien sin. Begynte med kona. Heldt<br />
<strong>fra</strong>m med borneflokken. Før den siste stod<br />
for tur: Han sjølv.<br />
Eg vart skremt med ei stille, indre<br />
fryd. Over at eg no bevegde meg heilt på<br />
grensa. Grensa for kva eg kunne skrive om,<br />
og korleis eg gjorde det. Som tiåring. På ein<br />
barneskule.<br />
Lærarinna vår då? Som hadde vore<br />
misjonær i Afrika! Korleis reagerte ho?<br />
Forbiletleg. Ho skreiv kun ein kommentar<br />
under stilen: ”Nifst!”. Eg meiner, ho kunne<br />
ha sendt inn ei bekymringsmelding. Ho<br />
kunne ha spurt foreldra mine om det var<br />
skjedd noko spesielt. Men ho gjorde ikkje<br />
det. Ho gav meg berre dette eine komplimentet:<br />
Nifst!<br />
Nifst blir det også i antologien<br />
Skrekkens mestere, redigert av Tore<br />
Aurstad. Han har gått historisk til verks<br />
når han har sett saman utvalget. Vi startar<br />
med Edgar Allan Poe og Bram Stoker, er<br />
innom Joyce Carol Oates og Stephen King,<br />
før vi endar opp med den meir ukjente<br />
Nathan Ballingrud. Der kryssar eg av i margen.<br />
Ballingrud si novelle «Solbrent» viser<br />
at vampyrane ikkje er utbrukt.<br />
Boka kan lesast som ei samling av sjangerens<br />
grunntekstar. Det er også ein kavalkade<br />
over sjangerens monstrøse arketypar.<br />
Her er levande begrevne, sjømonster og<br />
spøkelse. Eit høgdepunkt er zombie-rottene<br />
i «Fyret på Daumannskjær» av Georges-Gustave<br />
Toudoze.<br />
Dessutan er det heimsøkte hus. Som<br />
alltid er til stor inspirasjon for min indre<br />
tiåring.<br />
9