Utgåve nr.1 - Fylkesmagasinet

Fylkesmagasinet 01 / 2010
Walaker hotell
– ingen eldre!
Det var bransjebladet Hotell,
Restaurant og Reiseliv (HRR)
som sette i gang undersøkingane
som skulle kåre landets eldste
hotell. Til slutt sat ein att med
tre: Sundvolden Hotel på Ringerike,
Hopstock Hotell i Vik og
Walaker Hotell i Solvorn. Når
røyken la seg var det Walaker
som stakk av med førstepremien:
Tittelen landets eldste
hotell i samanhengande drift.
Drift sidan 1640 kan ingen
andre skilte med. Det var på den
tida den første kjende drivaren,
Morten Ellingson, dukka opp i
historiske kjelder som gjestgjevar.
Sannsynlegvis har hotellet
endå eldre røter, men desse kan
ikkje dokumenterast, slår HRR
fast og konkluderer med at det
er ingen tvil om at Walaker er
eldst.
Nok ei gledeleg overrasking
for hotellet som året før fekk
årets høgaste skåre i DN sin
hotelltest.
Luster / I år er det minst 370 år sidan
Walaker Hotell tok i mot sin første gjest.
Det gjer hotellet til Norges eldste hotell i drift.
Walaker Hotel anno 1865. Truleg det eldste biletet som
finst av hotellet.
– Vi visste vi var gamle, men ikkje at vi var eldst.
Men det er mange som har meint lenge at vi var
det! At HRR til slutt kom fram til dette er jo stort
og spennande. Det er rart å tenke på at det har
vore drive denne typen «butikk» her i 370 år,
reflekterer han.
Gledeleg overrasking / Enno er statusen så
fersk at eigar Ole Henrik Nitter Walaker ikkje heilt
har fått summa seg.
– Kåringa kom i oktober 2009, så vi har ikkje
blitt heilt vande med statusen som Norges eldste
hotell enno, slår han fast med eit smil. – Men det
er klart dette er noko vi kan og skal bruke i marknadsføringa
framover. Det er no eingang slik her i
verda at ingen hugsar kven som vart nummer to
eller tre i OL. Så det er ein flott tittel vi har, det er
berre eitt hotell i Norge som er eldst. Og ingen
andre kan gå forbi så lenge vi er i drift. Vi har berre
ikkje fått smakt på det så mykje enno, konstaterer
han.
Statusen som eldst skal komme gjestane til gode.
– Vi kjem til å markere kåringa gjennom året, på
fleire vis. Blant anna med spennande kunstnarar i
galleriet vårt, og ekstra fokus på god vin og formidling
av historia vår til gjestane. Kvar dag etter
middag brukar vi å ta gjestane våre med opp i gal-
På veggen i resepsjonen heng bilete av dei tidlegare drivarane
av det ærverdige hotellet i Solvorn.
leriet og fortelje laust og fast frå historia til Solvorn.
Den biten skal vi skreddarsy meir i år. Og så
skal vi spandere litt ekstra på gjestane våre. Den
viktigaste marknadsføringa vår er fornøgde gjestar
som kjem attende, og fortel til vener og kjende at
dei har hatt det flott på Walaker. I 2010 skal vi ta
ekstra godt vare på alle, samstundes som vi som
jobbar her skal kose oss ekstra mykje i jobben vår.
Gjestane skal merke at vi er glade, fornøgde og gler
oss over at vi har det eldste hotellet i landet, slår
han fast.
Stolt familiedrivar / Familien Nitter Walaker
har nesten like langt historie med hotellet som
hotellet sjølv.
Dei kan ikkje skryte på seg 370 år som hotelleigarar,
men det er ikkje langt unna.
– Vi har til no fokusert mest på året 1690, som
var det året familien tok over hotellet frå den tidlegare
eigarfamilien. Sidan har vi hatt drifta av hotellet.
Eg er niande generasjon som styrer hotellet,
fortel Ole Henrik.
Neste generasjon er alt i boks.
– Theodor er tiande generasjon Nitter Walaker,
så vi får tru overtakinga er sikra om 30 års tid eller
så, smiler Ole Henrik. – Det har historisk sett alltid
vore guten som tek over, sidan Birgitte og Kris-
ten Nitter. Bortsett frå i femte generasjon, då Mette
Nitter Walaker tok over, fortel han. I eit intervju
med bladet HRR lova han å utvide den nyleg starta
tiande generasjon frå dagens eine medlem for å
sikre familieovertaking når han sjølv legg opp.
– Var du noko gang i tvil om du sjølv skulle ta
over?
– Eg har vore andre stader og studert og jobba,
og samla erfaring. Eg hadde lyst å bli flygar, så ja,
eg vurderte andre ting. Men, det enda no med at
det hamna på hotellet. Eg har jo jobba her sidan eg
var liten, og fått drifta inn med morsmjølka. Det er
mykje arbeid, men ein flott jobb, seier han.
Ei ulempe – og ein fordel / Plasseringa til
hotellet i Solvorn, i fjordarmen Lustrafjorden nesten
innerst i Sognefjorden, kan ha sine ulemper.
Men det er også eit fortrinn.
– Sommartid kjem folk for å oppleve det unike
vi har i området som til dømes Urnes stavkyrkje,
Jostedalsbreen og den framifrå naturen som me
har i området. Urørt natur er stikkordet, og det er
det mykje av. Vinterstid er det ikkje like stor etterspørsel
etter det vi er gode på om sommaren. Då er
det andre ting gjestene ønskjer seg, som dei reiser
andre stader enn indre Sogn for å oppleva. Solvorn
ligg 3 km frå hovudvegen RV55, så vi er litt bort-
Utsikt frå terrassen mot Sognefjorden. Frå Solvorn kan du ta denne vesle ferja over til Urnes stavkyrkje.
gøymde, og det er ikkje alle som finn oss. Det gjer
at Solvorn er ein framifrå og roleg plass, som ikkje
blir uroa av gjennomgangstrafikk. Ein lyt nesten
vite om oss. Walaker Hotell er stengt for individuelle
ferietrafikk på vinteren, men er ope for kurs og
konferansar. Det er litt vanskelegare å få gjestar på
den kaldaste tida av året, så vi satsar mest på vår,
sommar og haust. Nokre av fordelane våre er spennande
møterom i vårt store kunstgalleri, Galleri
Walaker 300, samt stort utval i aktivitetar frå
lokale tilbydarar. Luster og indre Sogn har særs
mykje å tilby den som søker noko annleis, anten
ein kjem som individuell gjest eller skal arrangere
eit kurs.
Eksklusivt / Med 22 dobbeltrom, nokre med
høve for tre på rommet, og gamle bygg som krev
vedlikehald, gjev det seg sjølv av Walaker er meir
eksklusivt enn eit moderne hotell i vegkanten.
– Vi er eit lite hotell så vi er litt dyrare, men det
må det være for at alt skal vere i stand, reint, fint
og restaurert. Vi kan såleis ikkje konkurrere med
store og moderne hotell på pris. Samtidig er storleiken
ein del av styrken vår: Som små har vi betre
tid til kundane og kan ta betre vare på dei. Vi har
rett og slett høve til å gje meir av oss sjølve. Vi legg
mykje i å gje dei ei totaloppleving, frå maten til ser-
Hagen framfor hotellet innbyr til konversasjon og rekreasjon.
Ole Henrik Nitter iWalaker tek oss
imot ein kald desemberdag i 2009.
– Hotellet er vinterstengt (ope for
grupper), men det er saktens meir
enn nok å halde på med i løpet av
dei månadane vi har stengt. Det er
heile tida noko som må pussast opp
eller restaurerast, seier han.
vicen og det unike i sjølve hotellet.
Vi deler av oss sjølv og den
rike historia vår. I dag er vi jo og
i ein gullalder for små trehotell.
Går ein 30 år tilbake skulle folk
berre bu i moderne betongblokker,
men i dag sel det som er
annleis veldig godt. Folk vil
gjerne bu i unike trebygg, der
det knirkar og knakar og er
annleis. Og så legg vi mykje vekt
på for eksempel å ta i bruk
lokale råvarer, blant anna lagar
vi vår eigen heimelaga eplejuice
som alle gjestane får, seier han.
– Og så har vi ein veldig god
arbeidsstokk, som gjerne byrjar
her når dei er 17-18 år gamle,
og så blir dei her i 6-7 år. Vi ser
helst at dei er lokale, og at dei
har gode haldningar til livet,
avsluttar Ole Henrik.
Tekst / Roy Sunde
Foto / Roy Sunde, Tore Fossen og private
bilete frå Walaker Hotel
Interiøret i det gamle hotellet er halde i gammal stil, men
likevel funksjonelt.
10 11
Ole Henrik Nitter
Walaker hagen
framfor hotellet,
med kanskje 10.
generasjons
hotellsjef på
fanget.
Fylkesmagasinet 01 / 2010