i 9 - Portal educativo

Día 3, Mércores 15 de outubro:
Este día estivo impregnado de contido turístico. Pola mañá visitamos Ossa de Montiel, a cal ten unha
gran tradición cervantina, dado que moitas das pasaxes relatadas en El Quijote refírense a paraxes
próximas a esta aldea. Dirixíndonos ás Lagoas de Ruidera, pasamos pola Cova de Montesinos, unha
cavidade cárstica duns oitenta metros de profundidade xerada por procesos de disolución que as
augas orixinaron no rochedo da zona. No interior existe un pequeno río. A comida foi nun restaurante
chamado Montesol, preto da nosa seguinte visita.
O próximo destino foi o parque natural das Lagoas de Ruidera, que dan orixe a este río interior da
cova. Caracterízanse por unha inmensa vexetación meseteña. A súa fauna é moi diversa, pois nas
súas augas atópanse numerosas especies de aves acuáticas. Os peixes máis abundantes son a
carpa, o barbo e a pardilla, e os mamíferos máis representativos son o teixugo, a lontra, o gato
montés e o morcego. Tamén son numerosos os anfibios e réptiles.
A actividade nocturna a realizar foi unha proxección cinematográfica dun filme relativamente recente:
Next.
Ossa de Montiel Lagoas de Ruidera
Cova de Montesinos
Día 4, Xoves 16 de outubro:
Á primeira hora da mañá montamos de novo no autobús, dirixíamonos a un pobo característico
polas incontables e abraiantes covas que se poden visitar nos seus arredores, Ribeira do
Xúcar. Estas estaban habilitadas como museos e bares. Ó longo das súas galerías podíanse
ver todo tipo de aparellos curiosos, e nas estancias máis amplas tiñamos a oportunidade de
aproveitar unha consumición gratuíta para os visitantes e disfrutar das vistas. Dúas das covas
máis interesantes pertencían a un peculiar personaxe que se facía chamar a si mesmo “El
Diablo”, nome que seguramente lle viña
dado polo seu bigote característico.
Xantamos nun restaurante da vila, “Casa el Moli”. Pola tarde visitamos o Parque Eólico de
Higueruela. Alí explicáronnos a importancia das fontes de enerxía renovables, e o seu
funcionamento, incluso tivemos a oportunidade de visitar o parque e estar a carón dos
aeroxeradores. Á volta déronnos tempo de lecer ata a hora da cea.
Á noite asistimos ó taller de “Xoves Científicos”, nos que se facía unha demostración moi
peculiar dalgúns trucos relacionados coa química. Logo, algúns alumnos decidiron saír de festa
acompañados polos profesores namentres os demais preferiron quedar no hotel.
Aproveitando a consumición
Parque eólico
3