i 9 - Portal educativo

Día 5, Venres 17 de outubro:
Poderiamos clasificar este día como un dos menos entretidos de toda a viaxe, a pesar de que as
actividades realizadas foran interesantes fixéronse moi difíciles de levar. Visitamos o ITAP, un centro
onde se estudan as enfermidades e pragas que afectaban a diferentes cultivos. Ensináronnos as
instalacións nas que se levaban a cabo as investigacións.
A continuación fomos ata plantacións de pistachos e amendoeiros. Nesa mesma visita, tivemos a
oportunidade de coñecer unha complexa instalación para a medición de presións.
Á tarde leváronnos a unha aldea próxima a Albacete, Chinchilla, onde visitamos un Museo de
Cerámica. Despois disto, tivemos o resto da tarde libre na cidade.
Finalmente, á noite, asistimos ó “Planetario noche de estrellas”, impartido pola mesma persoa que a
do taller de “Xoves Científicos”.
No ITAP En Chinchilla
Todos descansando
Día 6, Sábado 18 de outubro:
Comezamos a xornada dirixíndonos cara a comarca de Campos de Hellín. Alí estaba programado ver
o volcán Cancarix e o Tolmo de Minateda. Antes de levar a cabo estas visitas, ó chegar invitáronnos
pasar a unha aula na cal nos darían datos interesantes sobre o que iamos ver. Posteriormente,
trasladáronnos ata as proximidades do volcán e continuamos a nosa viaxe cara o Tolmo de Minateda.
Este é un xacemento arqueolóxico onde puidemos apreciar as pegadas que deixaron en España os
que habitaron nela; segundo parece estivo ocupado entre a Idade de Bronce
(arredor do 1500 a.C) e a época islámica (século X d.C). Foi habitado por romanos, visigodos e
árabes. Alí tivemos o privilexio de poder ver os restos dunha basílica visigoda e como eran as
necrópoles.
A comida foi, obviamente, en Hellín nun restaurante chamado Montymar, onde por primeira vez en
toda a semana tivemos a oportunidade de comer un pouco de peixe.
Xunto ó volcán de Cancarix Tolmo de Minateda
4