Guía de desenvolvemento cooperativo - agaca

Guía de casos
CUME DO AVIA SOCIEDADE COOPERATIVA GALEGA
INTERREG - F.E.D.E.R.
Elaboración de viño ecolóxico e os seus derivados
e explotación de porco celta
Ano de creación 2005
Tipo de cooperativa Agraria
Número de socios cos que se constituíu 5
Número de socios cos que conta na actualidade 5
Ten tenda propia Non
Uso TIC Si
Facturación -
INICIOS
Unha das causas fundamentais polas
que xurdiu a cooperativa foi a concentración
parcelaria. Os socios fundadores
coñecían o mundo do viño,
xa que os pais forman parte doutra
cooperativa vitivinícola do contorno.
A raíz da concentración parcelaria
obtiveron grandes extensións de terra
e, deste xeito, naceu a primeira
cooperativa de elaboración e produción
de viño ecolóxico de Galicia que
actualmente xa conta con 6 ha.
FOMOS NÓS OS QUE
APOIAMOS OS
NOSOS PAIS NO TEMA
DO COOPERATIVISMO
Os principais atrancos cos que se atoparon foron a terra e a economía. A
terra foi un problema, posto que cando se decidiron a iniciar os trámites
para comezaren a súa actividade, a concentración parcelaria xa principiara
no 1999, polo que eles empezaron a buscar as súas terras nun momento
tardío. A negociación polo cambio das terras durou case un ano, ademais
de acadar a cesión das terras dos pais. Á parte, tamén se atoparon con problemas
económicos, dado que tiñan poucos cartos.
A maquinaria que actualmente ten esta cooperativa son os apeiros de labranza
necesarios para esta extensión de terra, como son o tractor, a fresadora,
o atomizador, o arado, os ganchos, etc.
SOMOS A PRIMEIRA COOPERATIVA GALEGA
ELABORADORA DE VIÑO ECOLÓXICO
77