Guía didáctica do proxecto - Ratos no Laboratorio 2012 - educaBarrié

INVESTIGACIÓN
Proxecto A historia nunca contada de Mendel
Guía didáctica
- 6 -
2.3.1 Na aula
1. Por que, para que, quen e como. É recomendable que antes da chegada do
kit, profesores e alumnos analicen conxuntamente o programa, para deixar claros
os seus propósitos formativos, a secuencia dos seus compoñentes e o tipo de
traballo que se espera de cada un.
2. Asegurar unha lectura comprensiva do cómic e vincular as ideas e actividades
que nel se presentan coas actividades que se realicen na clase e cos labores dos
alumnos na observación e a práctica co kit.
3. Realizar actividades complementarias de estudo para fortalecer a formación
necesaria para entender e prognosticar o que vai suceder durante o experimento.
Para iso, animámosvos a que compartades cos demais centros a proposta de
problemas que ides usar na aula. Incluímos unha pequena listaxe de recursos para
a aula.
4. Guiar os pasos da investigación. Propiciar a redacción de notas de lectura,
rexistros de observación e de resultados de prácticas. É conveniente que cada
alumno ou grupo de alumnos incorporen un portafolios de traballo durante toda
a experiencia.
5. Redactar os post que ides enviar a través da web entre toda a clase. Se a
actividade xera outro tipo de materiais dende Bioloxía ou outras disciplinas,
animámosvos a compartilos dende o blogue “Ratos no laboratorio”.
6. Animar os estudantes a participar nos comentarios do blogue para
intercambiar puntos de vista e información con compañeiros e compañeiras
doutros centros.
7. Invitar a participar no proxecto a outros grupos de niveis educativos inferiores,
docentes doutras disciplinas ou alumnado con problemas de conduta, para que se
poidan responsabilizar do coidado e limpeza dos animais e outros labores.
2.3.2 No laboratorio
c O primeiro paso é formar grupos, de 3, 4 ou 5
alumn@s (segundo o número de alumn@s da aula),
de forma que sexan grupos heteroxéneos en variables
de interese: popularidade na aula, rendemento,
actitude cara ás ciencias, comportamento, etc.
c Ter moi en conta as actitudes e a busca de
sensibilidades das persoas cara aos ratos. Todo aquel
alumn@ que sinta rexeitamento ou pequenas fobias
ante estes animais non se debería ocupar de accións
que signifiquen proximidade ou contacto con eles.
c Explicar clara e detidamente ao alumnado
que se vai traballar de forma cooperativa. Tratar
de aprender entre todos, axudarse, compartir
coñecementos e opinións, debater e chegar entre
tod@s ao mellor resultado.
c Unha vez á semana recoméndase un control
das actividades realizadas, que pode coincidir co
envío do post a través do formulario online.
c Non contestes directamente as preguntas
que che fagan os alumnos, especialmente nos
momentos iniciais, axúdaos a recorrer a outras
fontes de información, e a debater entre eles ou co
alumnado doutros centros a través do blogue “Ratos
no laboratorio”.