DOG 20.01.09 - Servizos de Persoal - Universidade de Vigo

1.400 DIARIO OFICIAL DE GALICIA Nº 13 Martes, 20 de xaneiro de 2009
CONVOCATORIA
ANEXO III
SOLICITUDE
1. Escala
ESCALA ADMINISTRATIVA DA UNIVERSIDADE DE VIGO
3. Órgano convocante
4. Data de publicación no DOG
UNIVERSIDADE DE VIGO ___ ___/ ___ ___ /___ ___
2. Sistema de provisión:
PROMOCIÓN INTERNA
5. Localidade de exame 6. Minusvalidez
VIGO
....... %
7. Reserva para discapacitados 8. En caso de minusvalidez ou discapacidade, adaptación que se solicita e motivo dela
DATOS PERSOAIS
9. Nome e apelidos
10. DNI
12. Enderezo
14. Localidade
11. Data de nacemento
___ ___ /___ ___ / ___ ___
13. Código postal
15. Tlf. /correo eléctronico
DATOS QUE SE CONSIGNARÁN SEGUNDO AS BASES DA CONVOCATORIA
16.
Reitor da Universidade de Vigo
.............................. , ............. de .............................. de 200..
(Sinatura)
Resolución do 12 de decembro de 2008
pola que se convocan probas selectivas para
o ingeso, por promoción interna, na súa
escala técnica de xestión (subgrupo A1).
Co obxecto de atender as necesidades de persoal
de administración e servizos desta universidade e en
cumprimento do disposto nos estatutos desta universidade,
aprobados mediante o Decreto 421/2003, do
13 de novembro, do Consello de Goberno da Comunidade
Autónoma de Galicia, esta reitoría, en uso
das competencias que lle están atribuídas no artigo
20 da Lei orgánica 6/2001, do 21 de decembro (BOE
do 24 de decembro) de universidades, resolve convocar
probas selectivas para o ingreso na escala técnica
de xestión da Universidade de Vigo con suxeición
ás seguintes bases da convocatoria.
1. Normas xerais.
1.1. Convócanse probas selectivas para cubrir 2
prazas da escala técnica de xestión da Universidade
de Vigo (subgrupo A1), polo sistema de promoción
interna.
1.2. O procedemento de selección será o de concurso-oposición
e constará das fases, probas e cualificacións
que se indican no anexo I desta convocatoria.
1.3. O programa que rexerá as probas selectivas é
o que figura no anexo II desta convocatoria.
1.4. Este proceso selectivo axustarase ao disposto
na Lei 7/2007, do 12 de abril, do estatuto básico do
empregado público; no Decreto lexislativo 1/2008,
do 13 de marzo, polo que se aproba o texto refundido
da Lei da función pública de Galicia; no Real
decreto 364/1995, do 10 de marzo, de regulamento
xeral de ingreso do persoal ao servizo da Administración
xeral do Estado e de provisión de postos de
traballo e promoción profesional dos funcionarios
civís da Administración xeral do Estado; no Decreto
93/1991, do 20 de marzo, do regulamento de provisión
de postos de traballo, promoción profesional e
promoción interna dos funcionarios da Administración
da Comunidade Autónoma de Galicia; nos
Estatutos da Universidade de Vigo e no disposto
nesta convocatoria.
2. Requisitos dos candidatos.
Para seren admitidos á realización das probas
selectivas, os aspirantes deberán posuír os seguintes
requisitos na data de finalización do prazo de pre-

Nº 13 Martes, 20 de xaneiro de 2009 DIARIO OFICIAL DE GALICIA 1.401
sentación de solicitudes e mantelos ata a toma de
posesión:
a) Ser nacional dalgún dos Estados membros da
Unión Europea.
b) Ter cumpridos os dezaoito anos e non chegar á
idade de xubilación.
c) Estar en posesión ou en condicións de obter o
título de doutor, licenciado, arquitecto, enxeñeiro ou
equivalente.
d) Non padecer enfermidade nin estar afectado por
limitación física ou psíquica que sexa incompatible
co desempeño das correspondentes funcións.
e) Non estar separado mediante expediente disciplinario
de calquera das administracións públicas
nin inhabilitado para o desempeño de funcións
públicas por sentenza firme.
f) Ser funcionario de carreira dalgún dos corpos ou
escalas de administración do subgrupo A2, acreditar
unha antigüidade de, polo menos, dous anos de servizos
efectivos prestados como funcionario de
carreira nos devanditos corpos ou escalas e estar na
situación de servizo activo con destino na Universidade
de Vigo.
3. Solicitudes.
3.1. As solicitudes para tomar parte nestas probas
selectivas axustaranse ao modelo que figura como
anexo III desta convocatoria e dirixiranse ao reitor
da Universidade de Vigo no prazo de 20 días naturais
contados a partir do día seguinte ao da publicación
desta convocatoria no Diario Oficial de Galicia.
3.2. As solicitudes presentaranse no rexistro xeral
da Universidade de Vigo (Xerencia, Campus Universitario,
36310 Vigo), nos rexistros auxiliares do
Campus de Ourense (edificio administrativo), do
Campus de Pontevedra (EU Enxeñaría Técnica
Forestal) e de Vigo (edificio anexo á EU Enxeñaría
Técnica Industrial, rúa Torrecedeira, 86), ou segundo
as restantes formas previstas no artigo 38 da
Lei 30/1992, do 26 de novembro, de réxime xurídico
das administracións públicas e do procedemento
administrativo común. As solicitudes subscritas no
estranxeiro poderán cursarse a través das representacións
diplomáticas e consulares españolas correspondentes.
3.3. Coa instancia achegarase certificación de servizos
prestados en administracións públicas distintas
á Universidade de Vigo, referida á data de remate
do prazo de presentación de solicitudes; de oficio,
o Servizo de Xestión de Persoal da Universidade de
Vigo expedirá certificacións acreditativas dos servizos
recoñecidos nela.
3.4. Os aspirantes con minusvalideces poderán
solicitar no recadro nº 6 as adaptacións de tempo e
medios que consideren necesarias para a realización
das probas.
3.5. Os erros de feito que puideren advertirse
poderán emendarse en calquera momento, de oficio
ou por pedimento do interesado. Os aspirantes quedan
vinculados aos datos que fixesen constar na súa
solicitude, podendo unicamente demandar a súa
modificación mediante escrito motivado, dentro do
prazo establecido na base 3.1. Transcorrido este prazo,
non se admitirá ningún pedimento desta natureza,
agás causa excepcional sobrevida, xustificada e
discrecionalmente apreciada polo tribunal.
4. Admisión de aspirantes.
4.1. No prazo dun mes desde que finalice o prazo
de presentación de solicitudes, o reitor da Universidade
de Vigo ditará unha resolución que aprobe a
relación provisional de aspirantes admitidos e
excluídos, con expresión das causas que motivaron a
exclusión e o prazo de emenda dos posibles defectos,
que será de 10 días hábiles contados a partir do
seguinte ao da publicación da devandita resolución
no taboleiro de anuncios da xerencia, que para os
efectos de cómputo de prazos e notificación será o
único válido.
4.2.Os aspirantes que dentro do prazo sinalado
non emenden a exclusión ou non aleguen a omisión
xustificando o seu dereito a seren incluídos na relación
de admitidos, serán definitivamente excluídos
da realización das probas mediante resolución que
se publicará no taboleiro de anuncios da xerencia e
na cal se indicará o lugar, a data eahoraderealización
do primeiro exercicio.
4.3. En todo caso, co obxecto de evitar erros e, no
suposto de se produciren, para posibilitar a súa
emenda en tempo e forma, os aspirantes comprobarán
fidedignamente non só que non figuran na lista
de excluídos, senón que os seus nomes constan
correctamente na relación de admitidos.
5. Tribunal.
5.1. A composición do tribunal cualificador destas
probas publicarase no taboleiro de anuncios da
xerencia cunha antelación de, polo menos, un mes
respecto da data de inicio do exercicio e terá a categoría
primeira das recollidas no Decreto 144/2001,
do 7 de xuño (DOG do 25 de xuño).
5.2. Os membros do tribunal deberán absterse de
intervir, notificándollo ao reitor da Universidade,
cando concorran neles circunstancias das previstas
no artigo 28 da Lei 30/1992, ou se tiveren participado
en tarefas de preparación de aspirantes a probas
selectivas dentro dos cinco anos anteriores á publicación
desta convocatoria.
O presidente poderá solicitar dos membros do tribunal
declaración expresa de non se encontraren
incursos nas circunstancias previstas nos artigos 28
e 29 da Lei 30/1992. Así mesmo, os aspirantes
poderán recusar os membros do tribunal cando concorran
as circunstancias citadas.

1.402 DIARIO OFICIAL DE GALICIA Nº 13 Martes, 20 de xaneiro de 2009
5.3. Logo da convocatoria do presidente, constituirase
o tribunal coa asistencia do presidente e o
secretario ou, se é o caso, de quen os substitúa, e a
metade polo menos dos seus membros. Nesta sesión
o tribunal acordará todas as decisións que lle correspondan
para o correcto desenvolvemento das probas
selectivas.
5.4. Para os efectos de realización de sesións, deliberacións
e adopción de acordos requirirase a asistencia
dos membros do tribunal especificadas no
número anterior.
5.5. O tribunal resolverá todas as dúbidas que puideren
xurdir na aplicación destas normas, así como
o que se deba facer nos casos non previstos. O procedemento
de actuación do tribunal axustarase ao
disposto na Lei 30/1992.
5.6. O tribunal poderá dispoñer a incorporación
aos seus traballos de asesores especialistas, limitándose
o seu labor a prestar colaboración nas súas
especialidades técnicas. A designación de tales asesores
elevarase ao reitor e seralles de aplicación o
previsto na base 5.2. Así mesmo, poderán solicitar
do reitor a designación de persoal colaborador e
deberán pertencer a grupo de titulación igual ou
superior ao das prazas convocadas.
5.7. Os membros do tribunal cualificador deberán
posuír titulación igual ou superior á exixida para ser
admitido ás probas.
5.8. O tribunal cualificador adoptará as medidas
precisas naqueles casos en que resulte necesario, de
forma que os aspirantes con minusvalidez gocen de
similares condicións para a realización dos exercicios
ao resto dos aspirantes. Para as persoas con
minusvalidez que o soliciten na forma prevista na
base 3.4., estableceranse as adaptacións posibles en
tempo e medios. Para tal efecto, o tribunal poderá
solicitar xustificación documental aos aspirantes e
os informes sanitarios ou técnicos correspondentes.
5.9. O tribunal adoptará as medidas oportunas
para garantir que os exercicios escritos que non
deban ser lidos sexan corrixidos sen que se coñeza a
identidade dos aspirantes e excluirá aqueles opositores
que consignen nas follas de exame marcas ou
signos que permitan coñecer a súa identidade.
5.10. Para efectos de comunicacións e demais
incidencias, o tribunal terá a súa sede na Reitoría da
Universidade de Vigo, Campus Universitario, 36310
Vigo, teléfono 986 81 20 00 (centraliña) e 986 81 37
62 (Servizo de Persoal de Administración e Servizos-
Negociado de PAS).
5.11. En ningún caso o tribunal poderá aprobar
nin declarar que superaron as probas selectivas un
número superior de aspirantes ao das prazas convocadas.
Calquera proposta de aprobados que contraveña
o establecido será nula de pleno dereito.
6. Desenvolvemento dos exercicios.
6.1. A orde de actuación dos aspirantes iniciarase
alfabeticamente polo primeiro da letra V, de conformidade
coa resolución da Consellería da Presidencia,
Administracións Públicas e Xustiza do 29 de
xaneiro de 2008 (DOG do 5 de febreiro).
6.2. Os aspirantes serán convocados para cada
exercicio nun único chamamento e serán excluídos
da oposición os que non comparezan, agás nos casos
de forza maior, debidamente xustificados e libremente
considerados polo tribunal. En calquera momento
os aspirantes poderán ser requiridos polo tribunal
coa finalidade de acreditar a súa identidade.
6.3. A fase de oposición iniciarase a partir da
segunda quincena de abril de 2009. A publicación
dos sucesivos anuncios de realización dos exercicios
será efectuada polo tribunal nos lugares onde se
celebrase o anterior, así como na sede do tribunal e
por calquera outro medio que se xulgue conveniente
para facilitar a súa máxima divulgación, con 48
horas de antelación, polo menos, á data sinalada
para a súa iniciación.
6.4. O tribunal poderá acordar a inclusión de preguntas
de reserva, que necesariamente deberán ser
contestadas polos aspirantes.
6.5. En calquera momento do proceso selectivo, se
o tribunal tiver coñecemento de que algún dos aspirantes
carece dos requisitos exixidos por esta convocatoria,
logo da audiencia do interesado, deberá propoñer
a súa exclusión ao reitor da Universidade de
Vigo, comunicándolle tamén as inexactitudes e falsidades
formuladas polo aspirante na solicitude para
os efectos procedentes.
7. Listaxe de aprobados.
7.1. Concluído cada un dos exercicios da fase de
oposición, o tribunal fará pública nos lugares da súa
realización e na xerencia a relación de aspirantes
que os superasen, con indicación da puntuación
obtida e do documento nacional de identidade ou
documento equivalente.
7.2. Rematada a fase de oposición, e para os aspirantes
que a superasen, o tribunal fará públicos os
puntos obtidos na fase de concurso, que en ningún
caso poderán sumarse para os efectos de superar a
oposición.
7.3. A cualificación final do proceso selectivo virá
dada pola suma das puntuacións obtidas na fase de
oposición e na fase de concurso. Os puntos obtidos
nesta última en ningún caso poderán sumarse para
os efectos de superar a fase de oposición. No caso de
empate, daráselle preferencia ao aspirante que obtivese
maior puntuación no primeiro exercicio. De
persistir o empate, acudirase á maior puntuación na
fase de oposición, ao nivel de complemento de destino
e ao grao persoal consolidado, nesta orde.
7.4. O tribunal fará pública a listaxe provisoria de
aspirantes que, segundo a orde de puntuación aca-

Nº 13 Martes, 20 de xaneiro de 2009 DIARIO OFICIAL DE GALICIA 1.403
dada por cada un deles, fosen seleccionados, que en
ningún caso poderá contar cun número de candidatos
superior ao das prazas convocadas. Os interesados
disporán dun prazo de sete días naturais para
formular reclamacións.
7.5. Rematado o prazo anterior e resoltas as reclamacións,
o presidente do tribunal elevará ao reitor a
relación definitiva de aspirantes que superaron o
proceso selectivo por orde de puntuación, na cal
constarán as cualificacións da fase de concurso e de
cada un dos exercicios da fase de oposición e a suma
total. O reitor ordenará a súa publicación no taboleiro
citado na base 4.2.
8. Presentación de documentos.
8.1. No prazo de vinte días naturais a partir do
seguinte a aquel en que se faga pública a relación
anterior, os candidatos deberán presentar no rexistro
xeral da Universidade de Vigo unha fotocopia do
título ou certificación académica que acredite ter
realizado os estudos para a obtención do título de
doutor, licenciado, arquitecto, enxeñeiro ou equivalente.
8.2. Os que dentro do prazo fixado, agás caso de
forza maior, non presentasen a documentación ou do
exame dela se deducise que carecen dalgún dos
requisitos sinalados na base 2, non poderán ser
nomeados funcionarios e quedarán anuladas as súas
actuacións, sen prexuízo da responsabilidade en que
incorresen por falsidade na solicitude inicial.
9. Nomeamento.
9.1. Concluído o proceso selectivo, aqueles que o
superen serán nomeados funcionarios de carreira da
escala técnica de xestión da Universidade de Vigo,
mediante resolución reitoral que se publicará no
Diario Oficial de Galicia.
9.2. Por mor da natureza deste proceso selectivo,
aos aspirantes que o superen e accedan á escala técnica
de xestión da Universidade de Vigo, adxudicaráselles
con carácter definitivo o posto que estivesen
desempeñando con ese mesmo carácter nese
momento.
9.3. A toma de posesión dos aspirantes que aproben
o proceso selectivo efectuarase no prazo dun
mes, contado a partir do día seguinte ao da data de
publicación da devandita resolución de nomeamento
no Diario Oficial de Galicia.
10. Norma derradeira.
Esta convocatoria e cantos actos administrativos
deriven dela e da actuación do tribunal poderán ser
impugnados nos casos e na forma establecidos na
Lei de réxime xurídico das administracións públicas
e do procedemento administrativo común.
Ademais, se é o caso, a Universidade de Vigo
poderá proceder á revisión das resolucións do tribunal
consonte o previsto na devandita lei.
Vigo, 12 de decembro de 2008.
Alberto Gago Rodríguez
Reitor da Universidade de Vigo
ANEXO I
Exercicios e valoración
A) Fase de oposición.
Consistirá na realización obrigatoria de dous exercicios
de carácter eliminatorio:
Primeiro.-Consistirá en resolver por escrito nun
máximo de 150 minutos tres supostos prácticos relativos
ao programa propostos polo tribunal. Cualificarase
cun máximo de 30 puntos, e será necesario para superalo
obter un mínimo de 15 puntos e non ser cualificado
con menos de 4 puntos en ningún dos supostos.
Segundo.-Consistirá en desenvolver por escrito
nun máximo de 120 minutos dous temas do programa
de entre tres extraídos ao chou. Cualificarase
este exercicio cun máximo de 20 puntos, e será
necesario para superalo obter un mínimo de 10 puntos
e non ser cualificado con menos de 4 puntos en
ningún dos temas.
B) Fase de concurso.
A puntuación máxima que se poderá acadar na
fase de concurso será de 20 puntos. Valoraranse os
seguintes méritos:
a) Antigüidade: valorarase a antigüidade na administración
pública referida ao día de remate do prazo
de presentación de solicitudes, ata un máximo de
10 puntos a razón de:
-1 punto por ano (0,08 por mes completo) de servizos
prestados como funcionario de carreira do grupo
B ou contratado laboral fixo en postos de administración
reservados a funcionarios do grupo B.
-0,60 puntos por ano (0,05 por mes completo)
polos restantes servizos efectivos recoñecidos ao
abeiro da Lei 70/1978, do 26 de decembro.
Non se computarán os servizos que se prestasen
simultaneamente con outros igualmente alegados
b) Grao persoal consolidado: segundo o grao persoal
que se teña consolidado e formalizado a través
do acordo de recoñecemento de grao pola autoridade
competente o día de remate do prazo de presentación
de solicitudes, outorgarase a seguinte puntuación:
Grao Puntos
28 4
27 3,5
26 3
25 2,5
24 2
23 1,5
22 ou inferior 1

1.404 DIARIO OFICIAL DE GALICIA Nº 13 Martes, 20 de xaneiro de 2009
c) Nivel de complemento de destino: correspondente
ao posto de destino definitivo que teña adxudicado
a/o funcionaria/o o día de remate do prazo de
presentación de solicitudes. Cualificarase do
seguinte xeito:
Nivel Puntos
28 6
27 5
26 4
25 3
24 2
23 ou inferior 1
ANEXO II
Programa
Bloque I: dereito público e xestión universitaria.
A. Dereito público.
1. O Tratado da Unión Europea. Orixe e evolución
das comunidades europeas.
2. As institucións da Unión Europea (I): o Consello
Europeo, o Consello de Ministros e a Comisión.
3. As institucións da Unión Europea (II): o Parlamento
Europeo, o Tribunal de Xustiza eoTribunal
de Contas.
4. O dereito comunitario. As súas fontes. Relacións
entre o dereito comunitario e o ordenamento
xurídico dos estados membros. A participación dos
Estados no proceso decisorio.
5. A aplicación do dereito comunitario en España.
A Unión Europea: unión política e unión económica
e monetaria.
6. A Administración pública: principios constitucionais.
A Administración xeral do Estado. A organización
territorial, as funcións e os poderes do Estado. O
control lexislativo, xurisdicional e político da administración.
Administracións territoriais e institucionais.
Organismos autónomos e sociedades estatais.
7. A autonomía política. Principios xerais. Os estatutos
de autonomía. A autonomía de Galicia. As institucións.
Competencias autonómicas.
8. A Administración pública eanormaxurídica. O
principio de legalidade. A discrecionalidade da administración.
Potestades regradas e potestades discrecionais.
Relacións entre administración e xustiza.
9. As fontes do dereito administrativo. A lei. Disposicións
do executivo con forza de lei. O regulamento.
Clases de regulamentos. Relacións entre lei
e regulamento. Control.
10. Os actos xurídicos da administración: actos
públicos e privados. O acto administrativo: concepto,
elementos e clases. Eficacia e executividade.
Procedementos de execución. Nulidade de pleno
dereito. Anulabilidade. Revisión de oficio. Revogación.
11. O procedemento administrativo (I): concepto e
natureza. Procedemento administrativo común e as
súas fases.
12. O procedemento administrativo (II): o cidadán
no procedemento. Recursos administrativos. Procedemento
sancionador. As reclamacións previas ao
exercicio de accións en vía xudicial. A exixencia de
responsabilidade patrimonial ás administracións
públicas.
13. A xurisdición contencioso-administrativa.
Órganos e competencias. As partes. O obxecto do
recurso. O procedemento. Execución de sentenzas.
B. Xestión académica.
14. O sistema educativo español. A educación na
Consitución e no Estatuto de Galicia. Competencias.
15. Os estatutos das universidades públicas. Natureza
xurídica das universidades. Control de legalidade.
Autonomía. Normas de organización e funcionamento.
16. A coordinación das universidades. O sistema
universitario español e galego. Distrito único.
17. O espazo europeo de educación superior: A
Declaración de Bolonia. Os cambios na universidade
derivados da adaptación ao E.E.E.S. European
Credits Transfer System (ECTS).
18. A creación e o recoñecemento das universidades.
Estrutura das universidades. Órganos de goberno.
19. O Consello Galego e os consellos sociais do
sistema universitario de Galicia. O Consello Social
da Universidade de Vigo.
20. A avaliación e a acreditación das universidades.
A Axencia Nacional de Avaliación da Calidade
e Acreditación e a Axencia para a Calidade do Sistema
Universitario de Galicia.
21. A avaliación e a acreditación na Universidade
de Vigo.
22. Os Estatutos da Universidade de Vigo (I): principios,
fins, funcións. Órganos de goberno. A comunidade
universitaria.
23. Os Estatutos da Universidade de Vigo (II): o
estudo, servizos, garantías xurídicas. Réxime económico
e financeiro. O desenvolvemento estatutario.
24. A función docente na universidade. Liberdade
de cátedra. Natureza xurídica e doutrina constitucional.
25. Ensinanzas e títulos. Tipoloxía. Os plans de
estudos. Validación, equivalencia, homologación e

Nº 13 Martes, 20 de xaneiro de 2009 DIARIO OFICIAL DE GALICIA 1.405
recoñecemento de estudos e títulos. Títulos propios
da Universidade de Vigo.
26. Os estudantes. Acceso, permanencia, simultaneidade.
Réxime disciplinario. Participación e representación.
Normas de matrícula. Prezos públicos.
27. Axudas ao estudo. Convocatorias xerais e propias
da Universidade de Vigo. Mobilidade de estudantes.
Especial referencia aos programas Erasmus
e Sócrates.
28. O profesorado universitario (I): clases e réxime
xurídico. Selección. Dereitos e deberes. Carreira
docente. Regulamentación na Universidade de Vigo.
29. O profesorado universitario (II): réxime de
incompatibilidades. Retribucións. Dedicación.
Réxime e particularidades dos artigos 68 e 83 da Lei
orgánica de universidades. Regulamentación na
Universidade de Vigo.
C. Xestión económica.
30. O sistema fiscal español: estrutura. Ingresos
públicos: concepto e clasificación. O sistema tributario
español.
31. O sistema financeiro español: estrutura e evolución
recente. A política monetaria.
32. Réxime financeiro das comunidades autónomas.
Principios e recursos. Tributos propios e cedidos.
Corresponsabilidade fiscal.
33. A Lei de réxime financeiro e orzamentario de
Galicia. A Facenda da Comunidade Autónoma.
34. A Lei xeral orzamentaria e as leis anuais de
orzamentos. O orzamento da Comunidade Autónoma
de Galicia: estrutura e contido.
35. O orzamento: concepto e natureza. Evolución
histórica das técnicas orzamentarias: do orzamento
clásico ao orzamento por programas. O orzamento en
base cero.
36. Modificacións orzamentarais. Créditos extraordinarios
e suplementos de crédito. Transferencias. Outras
modificacións orzamentarias. Gastos plurianuais.
37. O procedemento de execución orzamentaria.
Instrumentos para a xestión na Universidade de
Vigo: o SICAI. Liquidación e rendición de contas.
38. Réxime económico e financeiro das universidades
públicas. Autonomía económica e financeira.
A Universidade de Vigo: réxime económico e financeiro,
orzamento e normas de execución.
39. Os ingresos. Impostos directos: concepto e clasificación.
Impostos indirectos: concepto e clasificación.
Taxas e prezos públicos. Peculiaridades da
Universidade de Vigo.
40. Os gastos. Gastos de persoal. Gastos para a
adquisición de bens e servizos. Transferencias
correntes e de capital. Gastos de investimento.
41. Os pagamentos. Pagamentos por obrigas orzamentarias.
Pagamentos por exercicios pechados.
Anticipos de caixa fixa. Pagamentos a xustificar.
Xustificación de libramentos.
42. O control da actividade económico-financeira
do sector público. Control interno e externo. Control
de legalidade. Control de eficiencia: control financeiro,
de eficacia e de auditoría. O Tribunal de Contas
e o Consello de Contas.
43. A contabilidade pública: o plan xeral de contabilidade
pública. As contas das universidades
públicas.
44. A Lei de contratos do sector público: obxecto e
ámbito. Tipos contractuais. Contratos suxeitos a
regulación harmonizada. Contratos administrativos e
contratos privados: réxime aplicable e xurisdición
competente. Preparación dos contratos polas administracións
públicas. A selección do contratista e a
adxudicación do contrato. Organización administrativa
para a xestión da contratación.
45. Racionalización técnica da contratación. Efectos,
cumprimento e extinición dos contratos administrativos.
Normas xerais e especiais para os contratos
de obras, concesión de obra pública, xestión
de servizos públicos, subministracións e servizos. O
contrato de colaboración entre o sector público e o
sector privado.
D. Investigación.
46. Ordenación institucional da investigación. Os
programas de formación de investigadores.
47. O espazo europeo de investigación: programas
e principais liñas de actividade.
48. O plano nacional de I+D. Organismos públicos
de investigación.
49. A lei da ciencia de Galicia. O plano galego de
I+D.
50. Universidade e centros de investigación. Fontes
de financiamento. Parques científicos. Colaboración
nacional e internacional.
51. Investigación e innovación tecnolóxica na Lei orgánica
de universidades. I+D na Universidade de Vigo.
Bloque II: persoal e xerencia pública.
E. Persoal.
52. Réxime xurídico do persoal ao servizo das
administracións públicas. Clases de persoal. Código
de conduta. Ordenación da actividade do persoal.
Planificación dos recursos humanos. Bases do réxi-

1.406 DIARIO OFICIAL DE GALICIA Nº 13 Martes, 20 de xaneiro de 2009
me estatutario e función pública da Comunidade
Autónoma de Galicia.
53. A función pública: antecedentes e actualidade.
Clases de funcionarios. Adquisición e perda da condición
de funcionario. Carreira administrativa.
Selección e ingreso.
54. Provisión de postos de traballo. Requisitos,
procedementos e efectos.
55. Situacións administrativas: supostos e efectos.
56. Dereitos e deberes. O sistema de retribucións
e indemnizacións.
57. As incompatibilidades do persoal ao servizo
das administracións públicas.
58. O réxime disciplinario: faltas e sancións. Procedemento
sancionador. A responsabilidade das
autoridades e persoal ao servizo das administracións
públicas. A protección de datos de carácter persoal.
59. Negociación, participación e órganos de representación
do persoal ao servizo das administracións
públicas.
60. Fontes do dereito laboral. Libertade sindical.
Contratación laboral nas administracións públicas.
O Estatuto dos traballadores. Principios xerais,
estrutura e contido. O contrato de traballo: réxime
xurídico.
61. Os convenios colectivos: concepto, natureza,
réxime xurídico. Partes. Procedemento. Contido. Os
conflictos colectivos. Concepto, tipos e procedemento
de solución. Regulación.
62. O convenio colectivo para o persoal laboral da
Universidade de Vigo.
63. A seguridade social dos funcionarios públicos:
o réxime xeral. O sistema da Seguridade Social. Afiliación,
altas, baixas e cotización. Acción protectora:
continxencias e prestacións. O réxime especial
dos funcionarios civís do Estado.
64. Prevención de riscos laborais. Funcións e competencias
da administración.
65. A Ley orgánica 3/2007, do 22 de marzo, para a
igualdade efectiva de mulleres e homes e a súa incidencia
na actividade administrativa. A Ley orgánica
15/1999, do 13 de decembro, de protección de datos
de carácter persoal easúaincidencianaactividade
administrativa.
F. Xerencia pública.
66. A crise do paradigma burocrático como sistema
de xestión. A adaptación de técnicas do sector
empresarial. A xestión pública.
67. Os procesos de modernización das administracións
públicas. As novas orientacións da xestión
pública: a administración ao servizo do cidadán. A
xestión da calidade.
68. A xestión do cambio nas administracións
públicas. O valor estratéxico da xestión do coñecemento.
69. A función directiva nas administracións públicas.
Particularidades na xestión pública. O directivo
público.
70. As políticas públicas como enfoque de análise.
Clasificación e comparación. Actores e redes de
actores. Elaboración de políticas públicas. Alternativas
de acción. Modelos de decisión e estilos de
políticas.
71. A implementación e xestión de políticas públicas.
Xestión, resultados e reformulación das políticas
públicas.
72. A avaliación de políticas públicas. Perspectivas
clásica e pluralistas. Medición e avaliación: criterios,
indicadores e estándares. Tipoloxía.
73. A planificación da xestión pública. A planificación
estratéxica e operativa. A planificación de
investimentos. Análise de custos.
74. O orzamento como instrumento de planificación,
de administración e xestión e como mecanismo
xeral de coordinación. O ciclo orzamentario.
75. A dirección por obxectivos. A programación de
proxectos. Xestión de proxectos e xestión por obxectivos.
76. Os sistemas de información para a dirección e
a xestión. A información como recurso para a administración
pública. A protección de datos de carácter
persoal.
77. O control da actuación pública. O control
estratéxico e o control de xestión. O control externo
da xestión pública.
78. A organización. Teorías da organización e tipoloxías.
79. A sociedade da información e a administración.
Administración electrónica: iniciativas europeas
e españolas. Internet e intranet nas organizacións.
80. Avaliacións dos servizos públicos. Sistemas de
avaliación. Indicadores de seguimento. Accións de
mellora.
81. A avaliación das universidades públicas. O
plano de avaliación institucional da Universidade de
Vigo.

Nº 13 Martes, 20 de xaneiro de 2009 DIARIO OFICIAL DE GALICIA 1.407
CONVOCATORIA
ANEXO III
SOLICITUDE
1. Escala
ESCALA TÉCNICA DE XESTIÓN DA UNIVERSIDADE DE VIGO
2. Sistema de provisión:
PROMOCIÓN INTERNA
3. Órgano convocante
UNIVERSIDADE DE VIGO
4. Localidade de exame
VIGO
5. Minusvalidez
....... %
6. En caso de minusvalidez ou discapacidade, adaptación que se solicita e motivo dela
DATOS PERSOAIS
7. Nome
8. Nacionalidade 9. Nº do DNI ou do documento acreditativo da nacionalidade:
10. Enderezo
11. Localidade
12. Código postal:
13. Provincia 14.Tlf./correo electrónico
O/A abaixo asinante solicita ser admitido ás probas selectivas a que se refire esta instancia e DECLARA seren
certos os datos consignados nela e reunir as condición exixidas para o ingreso na función pública e as requiridas
especificamente por esta convocatoria, comprometéndose a probar documentalmente todos os datos que figuran nesta
solicitude.
Reitor da Universidade de Vigo
En................................................ , .............. de ............................... de 200..
(Sinatura)
V. ADMINISTRACIÓN
DE XUSTIZA
XULGADO DE PRIMEIRA
INSTANCIA NÚMERO SETE
DE VIGO
Edicto (291/2008).
Neste Xulgado de Primeira Instancia número sete
de Vigo e nos autos de xuízo verbal de desafiuzamento
291/2008, figura ditada a sentenza cuxo
encabezamento e parte dispositiva son do teor literal
seguinte:
«Sentenza. Vigo, 19 de novembro de 2008.
Flora Lomo del Olmo, maxistrada xuíza de primeira
instancia nº 7 de Vigo, tendo visto os autos seguidos
neste xulgado co número 291/2008 por instancia
de Rosa María Pazos Pazos conta Studio Cover, S.L.,
sobre desafiuzamento por falta de pagamento.
Decido que, estimando a demanda promovida polo
procurador José Marquina Vázquez, en nome e
representación de Rosa María Pazos Pazos contra a
mercantil Studio Cover, S.L., debo declarar e declaro
resolto o contrato subscrito entre ambas e condeno
a demandada a desaloxar e deixar libre e ao dispor
da demandante o local obxecto daquel, sito na
rúa Pracer nº 6 baixo de Vigo, co apercibimento de
lanzamento se así non o verificar no prazo legalmente
establecido, con imposición das custas causadas.
Esta resolución non é firme, contra ela pódese
interpor recurso de apelación neste xulgado para
ante a Audiencia Provincial de Pontevedra -Sección
5ª ou 6ª de Vigo- no prazo de cinco días seguintes ao
da súa notificación, recurso que se debe acomodar
aos trámites establecidos nos artigos 455 e seguintes
da Lei de axuizamento civil do 7 de xaneiro de 2000
por o dispor así a disposición transitoria 2ª da mencionada
lei.
Así o pronuncio, mando e asino por esta miña sentenza».
E como consecuencia do ignorado paradoiro de
Studio Cover, S.L., expídese este edicto para que sirva
de cédula de notificación da sentenza.
Vigo, 26 de novembro de 2008.
O secretario
Rubricado