Revista Cosme López - 2018-2019

Saídas didácticas
CI GGUURR RR I AA
NEGUEIRA DE MUÑIZ (LUGO) E
SAN ANTOLÍN DE IBIAS (ASTURIAS)
16 de maio de 2019 – Dptos. de lingua Galega e EDLG
A obra A Cova das Vacas Mortas (S. Jaureguizar) levounos a Terras de Negueira de Muñiz (Lugo) co
alumnado de 1º ESO e 2º ESO onde o acollemento por parte do alcalde do Concello de Negueira de Muñiz, o
técnico de cultura e mais un técnico de protección civil foi extraordinario. Con eles percorremos o camiño ata
chegarmos á área recreativa Virxe da Veiga onde nos explicaron a historia do concello, as consecuencias que tivo a
construción do encoro de Salime na década dos sesenta para as aldeas pertencentes ao concello de Negueira, onde
os núcleos de Foxo, Vilar, Vilauxín, Cancio e Ernes ían quedar illados do resto do municipio debido á falta dunha
ponte que os unise.
Con eles falamos amplamente da obra de Jaureguizar ambientada en Negueira de Muñiz e lida polo
alumnado, ao tempo que observamos ás beiras do encoro a aldea de Foxo, centro de importancia das comunas
nos anos setenta e lugar ao que chegaronxentes de diversa procedencia e das que Jaureguizarfai eco na súa obra.
Na actualidade, a pesar de non estar organizados como comuna continúan defendendo un estilo de vida libre.
En San Antolín de Ibias (Asturias), un dos concellos asturianos de fala galega, visitamos a Aula da
Natureza onde descubrimos aspectos da flora e a fauna do Parque Natural de Fuentes del Narcea, Degañas e Ibias
e mais o Centro de Interpretación da Palloza, construción tradicional con teitume vexetal, única nesta parte de
Asturias xunto coa zona dos Ancares, onde puidemos aprender cunha guía moitos aspectos da vida tradicional
deste fermoso recanto de Asturias.
50