Протокол 2 - Царинска управа на Република Македонија

мора да ги содржи името и адресата на изложбата. Доколку е потребно, можат да бидат
побарани дополнителни доказни документи за условите под кои тие се изложени.
3. Став 1 се однесува на секој вид трговска, индустриска, земјоделска или занаетчиска
изложба, саем или слична јавна приредба или манифестација која не с организирана за
приватни цели во продавници или деловни простории за продавање на странски производи, а во
текот на кои производите се под царински надзор.
ГЛАВА IV
ВРАЌАЊЕ ИЛИ ОСЛОБОДУВАЊЕ
Член 15
Забрана за враќање на царина или ослободување од царина
1. Материјали без потекло кои се употребени во производството на производи што
потекнуваат од Република Македонија или Република Турција, а за кои доказот за потеклото е
издаден или изготвен во согласност со одредбите од Глава В, нема да подлежат на враќање на
царина или на ослободување од плаќање царина од каков и да е вид во Република Македонија
или Република Турција.
2. Забраната од став 1 ќе се применува на секоја постапка за враќање, ослободување или
неплаќање, делумно или целосно, на царинските давачки и другите давачки со еднаков ефект
кои се применуваат во Република Македонија или Република Турција за материјалите
употребени во производството, кога таквото враќање, ослободување или неплаќање се
применува изрично или последично, кога добиените производи произведени од споменатите
материјали се извезуваат, а не кога тие се задржуваат за домашна употреба.
3. Извозникот на производите за кои е издаден или изготвен доказ за потекло треба да биде
подготвен во секој момент, на барање на царинските органи да ги поднесе сите потребни
документи со кои се докажува дека не е извршено никакво враќање на царината за материјалите
без потекло употребени во производството на соодветните производи или дека царинските
давачки и другите давачки со еднаков ефект кои се применуваат на таквите материјали се
навистина платени.
4. Одредбите од ставовите 1 до 3 се применуваат и на амбалажата во смисла на член 8 став 2,
приборите, резервните делови и алатите во смисла на член 9, како и на производите во сет во
смисла на член 10 кога таквите предмети се без потекло.
5. Одредбите од ставовите 1 до 4 се применуваат само на материјали од таков вид на кои се
однесува Договорот. Тие нема да претставуваат пречка за примена на системот за рефундирање
на извозот на земјоделските производи, што се применува при извозот во согласност со
одредбите на Договорот.
6. Без оглед на став 1, Република Македонија или Република Турција можат да го
применуваат системот на враќање на царина или ослободување од царина или давачки со
еднаков ефект, кои инаку се применуваат на материјалите употребени во производство на
производи со потекло и тоа под следниве услови:
(а) царинската стапка од 5% или некоја пониска стапка која се применува во
Република Македонија или Република Турција се наплатува за производите кои се
распоредуваат во Глава 25 до 49 и 64 до 97 од Хармонизираниот систем;
(б) царинската стапка од 10% или некоја пониска стапка која се применува во
Република Македонија или Република Турција се наплатува за производите кои се
распоредуваат во Глава 50 до 63 од Хармонизираниот систем.
7. Одредбите од овој член се применуваат од датата кога овој Протокол влегува во сила.
Одредбите од став 6 се применуваат до 31 декември 2005 и може да се ревидираат со заемен
договор.