Протокол 2 - Царинска управа на Република Македонија

(ж) таму собрани користени предмети, погодни само за рециклирање на суровини,
вклучувајќи користени гуми што можат да се употребат само за протектирање или како
отпаден материјал;
(з) отпаден материјал и остатоци од производните операции извршени таму;
(ѕ) производи извлечени од морското дно или тлото под него надвор од нивните
територијални води, под услов тие да имаат ексклузивни права на искористување на
морското дно или тлото под него;
(и) стока произведена таму само од производите наведени во точка (а) до (ѕ).
2. Термините “нивните пловни објекти” и “нивните бродови-фабрики” споменати во точките 1(ѓ)
и (е) се применуваат само за пловните објекти и бродовите-фабрики:
(а) кои се регистрирани или пријавени во Република Македонија или Република Турција;
(б) кои пловат под знамето на Република Македонија или Република Турција;
(в) кај кои барем 50% се во сопственост на државјани на Република Македонија или
Република Турција, или на компанија со седиште во една од овие држави во која
управителот или управителите, претседателот на Управниот одбор или на Надзорниот
одбор како и мнозинството членови на тие одбори се државјани на Република Македонија
или Република Турција и во кои, во случај на содружништво или на друштва со ограничена
одговорност, најмалку половината од капиталот им припаѓа на државите
Договорни страни или на јавни тела или на државјани на тие Договорни страни;
(г) каде капетанот и офицерите се државјани на Република Македонија или Република
Турција; и
(д) кај кои најмалку 75% од екипажот се државјани на Република Македонија или Република
Турција.
Член 6
Доволно обработени или преработени производи
1. За примена на одредбите на член 2, производите кои не се целосно добиени се сметаат за
доволно обработени или преработени кога се исполнети условите наведени во списокот во
Прилог ИИ.
Условити од претходниот став, за сите производи опфатени со овој Договор, ја наведуваат
обработката или преработката што треба да е извршена на материјалите без потекло
користени во производството и се применуваат само во однос на таквите материјали. Во
согласност со тоа, произлегува дека, доколку производот што се стекнал со статус на
производ со потекло преку исполнување на условите наведени во списокот се користи за
производство на друг производ, условите не се применуваат на производот во кој тој е
вграден и нема да се земат во предвид материјалите без потекло кои можеле да бидат
користени за неговото производство.
2. Без оглед на одредбите од став 1, материјалите без потекло кои според условите наведени во
списокот не треба да се користат во производството на производот, сепак можат да се користат
само ако:
(а) нивната вкупна вредност не надминува 10% од цената франко фабрика (еџ њоркс) на
производот;
(б) со примена на овој став, не е надминат било кој од процентите наведени во списокот како
максимална вредност на материјалите без потекло.
Овој став не се применува на производите опфатени со Глава 50 до 63 од Хармонизираниот
систем.