Протокол 2 - Царинска управа на Република Македонија

4. Царинските органи на државата увозник мора да ги чуваат најмалку три години
уверенијата за движење ЕУР.1, и изјавите во фактури што им се поднесени.
Член 29
Несовпаѓања и формални грешки
1. Откривањето на мали несовпаѓања помеѓу изјавите изготвени во доказот за потекло
и оние изготвени во поднесените документи до царинската испостава со цел да се завршат
формалностите за увоз на производи нема ипсо фацто да значи дека доказот за потеклото е
неважечки ако се утврди дека тој документ навистина одговара на поднесените производи.
2. Очигледните формални грешки како печатните грешки на доказот за потекло нема
да бидат причина за отфрлање на овој документ, ако овие грешки не се од вид кој може да
предизвика сомневање за точноста на изјавите во документот.
Член 30
Износи изразени во евра
1. За примена на одредбите на член 21 став 1 алинеја (б) и член 26 став 3 во случаите
кога производите се фактурирани во валута различна од евро, Република Македонија или
Република Турција еднаш годишно ќе го утврдуваат износот во својата национална валута кој
претставува противвредност на износот искажан во евра.
2. За одредена пратка може да се користат одредбите на член 21 став 1 алинеја (б) и
член 26 став 3, со повикување на валутата во која е изготвена фактурата во согласност со
износот кој го утврдила Република Македонија или Република Турција.
3. Износите кои се употребуваат во некоја национална валута претставуваат
противвредност во таа валута на износите изразени во евра во првиот работен ден во
октомври, а ќе се применуваат од 1-ви јануари следната година. Република Македонија или
Република Турција мора взаемно да се известат за соодветните износи.
4. Република Македонија или Република Турција можат со зголемување или со
намалување да го заокружат износот кој се појавува заради конверзија на износот изразен во
евра во својата национална валута. Заокружениот износ на смее да отстапува од износот кој
што е добиен со конверзија повеќе од 5%. Република Македонија или Република Турција
може да ја задржат неизменета противвредноста во национална валута на износот кој е
изразен во евра, ако во моментот на годишното усогласување предвидено во став 3,
конверзијата на тој износ пред било кое заокружување како резултат има зголемување помало
од 15% во противвредност во национална валута. Противвредноста во националната валута
може да се задржи наизмената ако конверзијата како резултат има намалување на таа
противвредност.
5. Износите изразени во евра ги разгледува Мешовитиот Комитет на барање на една
од Договорните страни. При разгледувањето, Мешовитиот Комитет има во предвид дека е
препорачливо да се сочуваат ефектите на односните ограничувања во реални рамки. За таа
цел, Мешовитиот Комитет може да донесе одлука за измена на износите изразени во евра.
ГЛАВА VI
МЕТОДИ НА УПРАВНА СОРАБОТКА
Член 31