DÎVÂN - e-Kitap - Kültür ve Turizm Bakanlığı

4. senüñ iy nûr-ı hudâ hasret-i dîdâruñdan
teb tutup oldı teni âb-ı revânuñ lerzân
Dîvân 231
5. bâg-ı kûyuñda yakînî sanemâ bülbül-vâr
gül yüzüñde n’ola eylerse hezâr âh u figân
140.
mef‘ûlü fâ‘ilâtü mefâ‘îlü fâ‘ilün
muzâri‘ – – + / – + – + / + – – + / – + –
1. gam küştesiyem üstüme feryâd ider figân
kan aglayup acırsa n’ola zahm-ı hûn-feşân
2. bîmâr gözlerin güne karşu yatur görüp
üstine gerdi kaşları bir miskî sâyebân
3. nûr-ı ruhuñda sanma belürdi hat-ı gubâr
bir sîm levha yazdı kazâ sûre-i duhân
4. cân murgı zülf-i pür-gam-ı dildârı kıldı cây
gûyâ sehâb içinde hümâ yapdı âşiyân
5. yâruñ dehânı vasfın ider yok benüm gibi
esrâr-ı gaybı keşf idemez degme hurde-dân
6. sûsenle berg-i bîde ‘ayân itme hancerüñ
dilden dile düşer sakın iy kaşları kemân
7. dikkatle didi bilüñe bir nazm-ı dür-nisâr
itdi yakînî mâmelekin yine der-miyân
141.
mefâ‘îlün mefâ‘îlün mefâ‘îlün mefâ‘îlün
hezec + – – – / + – – – / + – – – / + – – –
1. figân u âh u zâr-ıla beni ayırdı yârumdan
kime âh ideyim bilmem hevâ-yı rûzgârumdan
2. n’ola ger murg-ı zâr-ısam yine bâz-ı hümâ-saydam
nice ‘ankâ gibi kuşlar uçurdum murgzârumdan
3. ölürsem zülf ü kaddüñ’çün eger iy serv-i hoş-bâlâ
turam mahşerde ‘abbâsî ‘alemlerle mezârumdan
231